Banka e Shqipërisë u krenua sot publikisht me një nga treguesit më të cituar të stabilitetit financiar, rënien drastike të kredive me probleme nga rreth 25% në shtator 2014 në 3.8% në dhjetor 2025.

Sipas institucionit, ky është një sukses i madh që dëshmon shëndetin e sistemit bankar dhe forcimin e mbikëqyrjes financiare në vend.

Në letër, ky vlerësim është i saktë. Sistemi bankar operon sot me likuiditet të lartë, depozita rekord dhe banka që në disa raste shfaqin “përtesë” edhe për të hapur depozita të reja.

Nga këndvështrimi strikt financiar, raporti i ulët i kredive me probleme është tregues pozitiv dhe i dëshirueshëm.

Por pikërisht këtu nis hipokrizia. Banka e Shqipërisë zgjedh të tregojë vetëm rezultatin final, ndërsa fsheh procesin që e prodhoi atë, nxitur edhe nga politikat dhe mosreagimi i vetë rregullatorit. Ishte një proces brutal dhe shkatërrues për qindra mijëra familje shqiptare.

Nga viti 2014 deri në 2016, për shkak të vendimeve rregullatore për nxjerrjen jashtë bilancit të kredive të pambledhshme pas një afati të caktuar, bankat (e nisi ProCredit Bank e para) nisën shitjen masive të portofolëve të kredive me probleme. Nxjerrja e tyre nga bilancet solli automatikisht përmirësim statistikor të treguesve financiarë dhe fillimin e rënies së shpejtë të kredive me probleme.

Por ajo që u quajt “pastrim bilancesh” për bankat, u shndërrua në një tragjedi sociale për mijëra familje shqiptare.

Portofolët e kredive u blenë nga kompani të mbledhjes së borxheve, të cilat më pas u shndërruan në struktura tërësisht grabitqare.

Hetimet dhe denoncimet e mëvonshme zbuluan se kompani si Micro Credit Albania, Final, ADCA, Consulting Company, ZIG dhe të tjera të ngjashme ushtruan presion sistematik ndaj debitorëve përmes telefonatave të pandërprera, kërcënimeve, shantazheve, sekuestrimeve dhe përvetësimit të pronave.

Familje që kishin marrë kredi të vogla vite më parë u përballën me kërkesa financiare të shumëfishuara, pa transparencë, pa sqarime ligjore dhe shpesh pa asnjë komunikim të drejtpërdrejtë me institucionet bankare.

Banesa, toka, magazina dhe pasuri të tjera u kaluan në emër të këtyre kompanive për shuma që nuk kishin asnjë logjikë ekonomike, aq më pak ligjore.

Skema funksionoi për vite të tëra pa asnjë ndërhyrje institucionale. Madje, njëlloj me mbretërimin e sotëm të IUTE Credit, Kredo.al dhe fajdexhinj të ngjashëm, skema u tolerua nga Banka e Shqipërisë siç po ndodh dhe tani.

Denoncime publike dhe investigative për aktivitet kriminal në fushën e mikrokredive janë bërë që para pandemisë së vitit 2020, duke përfshirë një zinxhir kompanish dhe individësh që vepronin hapur në qendër të Tiranës, pranë institucioneve shtetërore, pa u penguar nga askush.

Nga viti 2016 e në vijim, sipas dëshmive dhe të dhënave të mëvonshme, kompani të tilla kishin përvetësuar me miliona euro pasuri të paluajtshme të qindra familjeve shqiptare, pa asnjë inventar zyrtar dhe pa asnjë analizë sociale nga autoritetet përgjegjëse.

Presioni psikologjik dhe financiar mbi debitorët arriti nivele ekstreme. Bllokime rrogash, përndjekje të vazhdueshme në ambientet e punës, përfshirje e familjarëve dhe të afërmve në presionin për pagesë, ankth i përditshëm dhe ndjenjë e vazhdueshme terrori u kthyen në realitet për shumë qytetarë.

Historia e Mirela H, një nënë e dy fëmijëve që përfundoi pa asnjë të ardhur dhe nën presion të vazhdueshëm për shkak të një kredie të vjetër, është vetëm një nga qindra histori të ngjashme që nuk u dëgjuan kurrë.

Raste të tilla tregojnë se si një kredi e marrë vite më parë, e shlyer pjesërisht, u shndërrua në një borxh të shumëfishuar, të pashpjegueshëm dhe të pamundur për t’u përballuar.

Kulmi i kësaj drame njerëzore ishte vetëvrasja tragjike e Pal Trashajt, e cila u bë simbol i asaj që shumë familje shqiptare përjetuan në heshtje. Një çmim njerëzor që nuk figuron në asnjë raport financiar dhe nuk përmendet në asnjë deklaratë triumfaliste.

Vetëm pas shpërthimit publik të skandalit, shteti nisi të reagojë me vonesë.

U kallëzuan në prokurori përmbarues privatë që operonin si banditë me vulën e shtetit, avokatë dhe ekspertë pasurish të paluajtshme, ndërsa u zbuluan skema të shitjes së vulave, manipulimit të ankandeve dhe kalimit të pronave me procedura fiktive.

Por dëmi tashmë ishte bërë.

Sot, Banka e Shqipërisë flet për sukses, stabilitet dhe tregues historikë. Ajo që nuk thuhet është se ky “sukses” u ndërtua mbi shkatërrimin ekonomik dhe psikologjik të mijëra familjeve shqiptare, mbi humbjen e pronave dhe mbi një sistem që për vite të tëra lejoi grabitqarët e kredive të vepronin pa frena dhe frikën e ligjit.

Ulja e kredive me probleme është reale në statistika.

Por mënyra se si u arrit, dhe çmimi që pagoi shoqëria shqiptare për këtë rezultat, mbeten një njollë e rëndë morale dhe institucionale, për të cilën ende nuk ka as përgjegjësi të plotë dhe as reflektim të sinqertë. /skyweb.al

The post Hipokrizia e BSH-së me uljen drastike të kredive me probleme: Si u pagua “suksesi” me jetët dhe pronat e shqiptarëve nën dhunën e grabitqarëve të mbledhjes së borxheve appeared first on Albeu.com.

Në vendimin e para disa ditëve, gjyqtarja Flora Hajredinaj ka urdhëruar SPAK-un të fillojë hetimet nga fillimi lidhur me çështjen e institucioneve që japin kredira të këqija dhe rolin e guvernatorit të Bankës së Shqipërisë, Gent Sejko. Ajo i ka caktuar SPAK-ut shumë detyra hulumtuese dhe afate për të ndërmarrë veprime hetimore.

Gjyqtarja Hajredinaj gjithashtu ka vendosur të shpallë të pavlefshëm vendimin e pushimit të Prokurorisë së Tiranës dhe ka urdhëruar Prokurorinë e Posaçme që të vazhdojë hetimet lidhur me këtë çështje.

Sipas mediave, guvernatori Gent Sejko u kallëzua në vitin 2022 në Prokurorinë e Tiranës për “abuzim të detyrës” nga Dhoma e Përmbaruesve Privatë, për krijimin e skemave të mashtrimit me mikrokredi. Por pas dy viteve hetim, në fund të janarit të këtij viti u kërkua pushimi i tij nga prokurorja Ornela Rrumbullaku.

Sipas pretendimeve të përmbarimit, gjyqtarja ka vendosur të dërgojë çështjen për vlerësim dhe kompetencë në Gjykatën e Posaçme Antikorrupsion.

Gjykata e Posaçme, në seancën e së mërkurës, ka vendosur të shpallë të pavlefshëm pushimin dhe të urdhërojë dërgimin e dokumentacionit në SPAK për hetim.

Tani guvernatori Gent Sejko po përballet me dy procedura penale paralele në SPAK, njërin të dërguar nga prokurori i Tiranës Leonard Filopati disa javë më parë me akuzën e moskompetencës, dhe tjetrin që lidhet me vendimin e gjyqtares Flora Hajredinaj.

Cështja e kompanive të mikrokredive është kthyer në një problem madhor, pasi duket dukshëm që shoqëritë financiare Iute, Kredo, Fondi Besa, Noa, MCA-Final, etj. dhe bankat e nivelit të dytë, të ndihmuara nga Banka e Shqipërisë, janë tē implikuar në skemën e mashtrimit të mijëra qytetarëve shqiptarë.

Si pasojë e këtyre skemve, me 2 korrik, Pal Trashaj, të cilit iu është marrë pasuria nga përmbaruesit që punojnë për kompanitë e mikrokredive, piu helmin përpara ambienteve të SPAK, duke ndërruar jetë një ditë më pas.

63-vjeçari, i cili njihet si historian në qytetin e tij, prej vitesh ka denoncuar kalvarin me kredinë e marrë që më pas ndër vite u shumëfishua deri në bllokimin e pasurisë.

Sipas të dhënave, Pal Trashaj kishte një kredi të mbetur që nga viti 2008, në vlerën e 76 mijë lekëve. Kredinë e Pal Trashajt e kishte blerë MCA, e cila kërkonte 4.8 milionë lekë, duke bllokuar për 5 vjet gjithçka: shtëpinë, tokën, makinën dhe pagën ku punonte. Trashaj kërkonte që SPAK të merrte përsipër çështjen e grabitjes së pronës së tij nga përmbarues, për të cilët më herët kishte bërë një padi civile në Gjykatën e Lezhës.

Ai pretendonte se kredinë e kishte shlyer dhe se veprimet e kryera për sekuestrimin e pronës së tij ishin të paligjshme. Pal Trashaj është një nga viktimat e shumta të mikrokredive, por dosja e tij nuk është objekt i hetimeve të SPAK. /albeu.com/

The post GJKKO rrëzon vendimet e Prokurorisë së Tiranës dhe urdhëron SPAK të hetojë mikrokreditë appeared first on Albeu.com.

Guvernatori Sejko, bëri me dije se është njoftuar edhe Kadastra që të mos bëjë tjetërsim pronash.

Gjithashtu, Sejko theksoi se do të komunikohet edhe me Ministrinë e Drejtësisë, për të përcaktuar një likuidator për secilën kompani.

“Ne kemi ngritur një grup pune, të cilat janë alokuar vetëm për këto dy kompani. Kemi bllokuar vetëm për mos tërheqje dhe jo për derdhje. I kemi çuar një njoftim Kadastrës që të mos kryejnë tjetërsime pronash, për ta ditur këtë revokim liçense. Kemi një plan pune dhe jemi duke bërë definimet ligjore, pasi është hera e parë që bëhet fjalë për një gjë të tillë. Në varësi të ligjit të bankave që kemi për institucionet financiare dhe bankat, po bëjmë definimet ligjore, për të bërë definimet për administrimin e këtyre kompanive. Do të komunikojmë me Ministrinë e Drejtësisë, në bazë të kërkesave ligjore, për të përcaktuar një likuidator për secilën kompani dhe pastaj do të përpunohet një plan masash në vazhdueshmëri për trajtimin e problematikave me likudatorin, gjithmonë nën mbikëqyrjen e bankës së Shqipërisë”, tha ai.

Guvernatori foli edhe për problematikën që ekziston në ato raste që është dhënë vendim gjykate dhe kanë kaluar në përmbarim.

“Problematika do të ketë, sidomos për ato raste që janë në përmbarim, pasi përmbaruesit nuk janë në targin tonë ligjor. Por nga ana ligjore do të shohim se çfarë mund të bëjmë. Pati aty ku fillon gjykata, mbaron roli i Bankës Qendrore, ky është standard ndërkombëtar. Kjo është një punë do të të marrë kohë. Por kërkoj që të ecim shpejt me miratimin e ligjeve, pasi rregulloret ne i bëjmë vetë, si ligji për proceduarat përmbarimore, ligji për tavanin e normës së interesit” tha ai.

Guvernatori Gent Sejko, bëri me dije se në Bankën e Shqipërisë është hapur një zyrë, ku çdo klient mund të ankohet ose të bëjë kërkesa për sqarim.

“Klientit i është dhënë një adresë e-maili dhe një numër kontakti, kemi dhe një zyrë në bankën e Shqipërisë, jemi edhe vet atje ku çdo klient mund të ankohet ose të bëjë kërkesa për sqarim,” tha Sekjo.

Më 23 maj Banka e Shqipërisë u ka hequr licencat, duke nxjerrë nga tregu dy subjekte financiare jobanka, përkatësisht licencën e shoqërisë “Final” sh.p.k. dhe të shoqërisë “Micro Credit Albania” sh.p.k. të cilat ishin pezulluar për shkak se mashtronin qytetarët me mikrokreditë.

The post Mashtrimi me mikrokreditë/ Gent Sejko: Likuidator për secilën kompani, kadastra të mos bëjë tjetërsim pronash appeared first on Albeu.com.

Pas përfundimit të një raportimi për punën e Bankës në këtë drejtim, në përgjigje të pyetjeve të deputetëve, Agron Shehaj, deputet i PD, i kërkoi Shalsit të bënte pyetje dhe ky tha se do të përfshiheshin disa blloqe pyetjesh. Por kur Guvernatori po jepte sqarim për interesat e këtyre kredive dhe Shehaj ndërhyri duke specifikuar kamatvonesat, Shalsi i kujtoi Shehajt rregulloren.

“Mos ndërhy. Do ndërpres mbledhjen. Rregullorja thotë se po mungove tre mbledhje pa arye përjashtohesh nga komisioni”, tha Eduard Shalsi, një reagim rrufe për pyetjet e deputetëve të opozitës.

Shehaj u ngrit në këmbë dhe i kujtoi Shalsit se po tenton të prishë mbledhjen dhe po e bën këtë që deputeti të mos reagojë për të mbrojtur interesin e qytetarëve shqiptarë.

Në debat u përfshi edhe Jorida Tabaku.

“Zoti Shalsi na lër të bëjmë punën dhe mos e ngri zërin, këtu në komision” tha Jorida Tabaku.

“Na lejo të bëjmë punën. Pse e ndërpret mbledhjen. Pse do të më përjashtosh. Cili është qëllimi yt” ishte reagimi i Agron Shehajt ndaj reagimit ekstrem të Shalsit që në krye të herës.

Mbledhja u ndërpre dhe pritet të rifillojë.

Deputetët e opozitës janë vënë në dijeni dhe kanë në dorë një raport të Bankës së Shqipërisë të vitit 2020 ku evidentohen gjithë shkeljet e MCA si një institucion që nuk ka zbatuar detyrimet dhe sugjerimet e Bankës së Shqipërisë, por që kjo e fundit është lejuar të operojë. Raporti i konsideruar “sekret” që tashmë gjendet në duart e deputetëve, siç duket ka vënë në siklet palët.

RIFILLIMI I MBLEDHJES

Pas disa minutash ndërprerje mbledhja filloi sërish me po të njëjtat tensione dhe debate, kësaj here deputeti Agron Shehaj nuk kishte të drejtën e fjalës pasi iu hoq nga kryetari i këtij komisioni, Eduard Shalsi.

Teksa guvernatori Sejko po shpjegonte dhe po u përgjigjej pyetjeve të deputetëve, ai tha se mund të ketë raste kredish për të cilat qytetarët nuk kanë qenë në dijeni. Kjo deklaratë e Sejkos u kundërshtua nga deputeti Shehaj, i cili ndonëse pa mikrofon dhe të drejtën e fjalës, ngriti zërin në sallë duke “ia përplasur” guvernatorit se nuk janë vetëm disa raste, por qindra-mijëra.

Ky reagim i Shehajt solli sërish debate në këtë komision ku kryetari Shalsi e paralajmëroi për të disatën herë dhe vijoi të theksonte se shqiptarët janë të zgjuar dhe dinë të ndajnë faktet dhe deklaratat “fake”.

“Zotit Shehaj mos i jepni përgjigje të lutem. Zotit Shehaj i tërheq vërejtje për ndërhyrjet e parregullta në Komision”, iu drejtua Shalsi deputetit Shehaj.

Pjesë nga debati:

Sejko: Mund të ketë raste kredish që nuk kanë qenë në dijeni të detyrimit, detyrimi mund të mos jetë mbyllur, nuk i di.

Shehaj: Ka me qindra mijëra raste. 

Sejko: Nuk janë me qindra mija raste, zoti Shehu të lutem se kam shumë respekt ndaj teje. Unë nuk buzëqesh asnjëherë për problemet. Më the mos ndërhy dhe unë nuk të ndërhyrja, pse më ndërhyn në përgjigje. Qindra mijëra raste nuk është e saktë.

Eduard Shalsi: Zoti Guvernator një sekondë, të lutem. Zotit Shehaj mos i jepni përgjigje të lutem. Zotit Shehaj i tërheq vërejtje për ndërhyrjet e parregullta në Komision. Guvernator të lutem. Zotit Shehaj i tërheq vërejtje. Nuk është synimi të zbardhë të vërtetën por të bëjë protagonizmin dhe po të them zyrtarisht që të tërheq vërejtjen në komision për mosparaqitje, ndërhyrje dhe çakordim me qëllim të komisionit. Ka arritur disa konkluzionet do të vazhdojë me qindra-mijërat e tij do të mbjellë panik, nuk e di çfarë qëllime ka. I kam hequr të drejtën e fjalës, rast i përsëritur. Ka një vit që nuk vjen në mbledhje komisioni, rregullorja thotë që duhet të vijë dhe nëse mungon në 3 mbledhje rresht kërkohet zëvendësimi.

Ndërkohë tani do të bëjë zhurmuesin kjo është mënyra operandi dhe pesandi e kësaj kategorie deputetësh që s’kanë kuptuar pse janë këtu dhe çfarë roli kanë. Guvernator të lutem shumë jemi në finale dhe këtu nuk është shqetësim protagonizmi i një deputeti por jemi për t’ju përgjigjur të gjithë deputetëve të tjerë. Të lutem vijoni me përgjigjet, i pëlqejnë apo jo një deputeti, ata që na dëgjojnë dhe na shikojnë janë majftueshëm shqiptarë të zgjuar për të ndarë faktet dhe fake news. 

The post Agron Shehaj bën pyetje për Guvernatorin Sejko, kryetari Shalsi i Ekonomisë ndërpret mbledhjen dhe e kërcënon me përjashtim appeared first on Albeu.com.

The microcredit cartel Olsi Ibro and Arben Meskuti, through MCA, which the prosecution has taken over, had blocked all assets and bank accounts of Pal and his relatives, for several alleged unpaid loan installments to NOA, worth 90 thousand lek.

NOA sells the loan to the MCA-ADCA gang of the Ibro-Meskuti duo (the latter in prison). MCA demands about 5 thousand euros from Pal Trashaj, more than five times the amount allegedly unpaid by NOA.

MCA cooperates with bailiff Helidon Xhindi to freeze Pal Trashaj’s assets, in order to force him to give up the money.

Prapaskena learns that bailiff Helidon Xhindi was dismissed by Gazmend Bardhi in 2017 and did not have a seal at all.

Second-tier banks, including BKT, have implemented the bailiff’s order to freeze Pal Trashaj’s accounts.

Meanwhile, Pal Trashaj has insisted that he has repaid the installments of the loan he received from Noa. Trashaj has been visiting the doors of the prosecutor’s office and the courts, seeking justice. Only the media has heard and reflected his concern.

In 2022, Pal Trashaj wrote a letter to the director of BKT, Turkish-Pakistani Seyhan Pencablıgil, his confidant Arjana Xhafa and the governor of the Bank of Albania Gent Sejko, asking BKT to unblock the bank accounts, while denouncing the fraudulent MCA scheme.

The former director of Prokredit Bank, Arjana Xhafa, a conductor and in the affair of the joint-stock company “Miell Tirana”, has organized a bandit scheme to take “part” from thousands of clients “blocked” from the debts they have on microcredits, in collaboration with the .

Arjana Xhafaj responds to Pal Trashaj that she will not unblock the accounts without paying 4.8 million lek to the bailiff Helidon Xhindi.

<img class=”alignnone size-large wp-image-704837″ src=”https://albeu.com/wp-content/uploads/2024/07/Screenshot_20240703_193656_WhatsApp-969×1024.webp” alt=”” width=”640″ height=”676″ />

<img class=”alignnone size-large wp-image-704838″ src=”https://albeu.com/wp-content/uploads/2024/07/Screenshot_20240702_192859_WhatsApp-711×1024.webp” alt=”” width=”640″ height=”922″ />

<img class=”alignnone size-large wp-image-704839″ src=”https://albeu.com/wp-content/uploads/2024/07/Screenshot_20240702_192905_WhatsApp-976×1024.webp” alt=”” width=”640″ height=”671″ />

The post Pal Trashaj’s letter to Gent Sejko and BKT: MCA fraud scheme appeared first on Albeu.com.

Gjatë ceremonisë së nënshkrimit të kësaj marrëveshje, guvernatori i BSH, Gent Sejko foli për rëndësinë e parandalimit të këtij fenomeni, teksa shtoi se sipas të dhënave më të fundit “ka një rënie të konsiderueshme të numrit të kartëmonedhave të falsifikuara në qarkullim”.

“Ceremonia e nënshkrimit të bashkëpunimit ndërinstitucional mes Ministrisë së Brendshme, Prokurorisë së Përgjithshme dhe Bankës së Shqipërisë. Kjo marrëveshje shënon kurorëziminn e një pune voluminoze të nisur 5 vite më parë. Megjithëse njerëzit gjithnjë e më shumë po përdorin pagesat digjitale, paraja fizike mbetet domosdoshmëri dhe luan rol të rëndësishëm në jetën e gjithsecilit prej nesh.

Parandalimi dhe mbrojtja e monedhave ndaj falsifikimit është një sfidë e përbashkët e të gjithë autoriteteve kompetenteve. Ndaj bashkëpunimi mes tyre është domosdoshmëri për parandalimin dhe goditjen e fenomenit të falsifikimit të monedhave në vendin tonë.

BSH ka marrë hapa konkret për të parandaluar falsifikimin dhe për të ruajtur besimin e publikut tek monedha kombëtare leku. Në periudhën 2019-2022, BSH emetoi dhe hodhi në qarkullim serinë e re të kartëmonedhave shqiptare me elementë të reja sigurie, duke i bërë këto kartëmonedhave më të sigurta ndaj falsifikimit. Të dhënat më të fundit tregojnë se ka një rënie të konsiderueshme të numrit të kartëmonedhave të falsifikuara në qarkullim.

Për vitin 2022 janë 343 copë kundrejt një gjendje mesatare të kartëmonedhave në qarkullim prej 127 milionë copë, ose 2 copë monedha të falsifikuara për 1 milionë copë në qarkullim, kundrejt 5 copë monedha të falsifikuara që ishin në 2021.

Ndërsa sa i përket monedha metalike, prerja 50 lekë vijon të jetë e vetmja monedhë e falsifikuar në sasi të papërfillshme vetëm në 79 copë në 2022, kundrejt 250 milionë copë monedha në qarkullim. Treguesi i ulët i kartëmonedhave dhe monedha shqiptare të falsifikuara, kundrejt kartëmonedhave dhe monedha në qarkullim, e rendit Shqipërinë ne një ndër vendet me treguesin më të ulët të monedhave të falsifikuara në qarkullim. Pavarësisht shifra të ulta, jemi të vetëdijshëm se duhet të jemi më vigjilent pasi falsifikuesit përpiqen të ecin me hapin e teknologjisë të reja për aktivitet e tyre kriminale.

Në këtë frymë, BSH, Ministria e Brendshme dhe Prokuroria e Përgjithshme nënshkruajnë sot këtë marrëveshje bashkëpunimi si një përpjekje e mëtejshme për të forcuar kuadrin institucional dhe për të qartësuar protokollin operacional të bashkëpunimit në fushën e mbrojtjes së monedhave kundër falsifikimit.

E shtrin bashkëpunimin jo vetëm në monedhën kombëtare lekë por edhe në monedhën Euro. BSH ka nënshkruar marrëveshje bashkëpunimi me Bankën qendrore evropiane për shkëmbimin e informacionit në fushën e mbrojtjes së kartëmonedhave euro nga falsifikimi. Kjo marrëveshje respekton punën e pavarur institucionale të secilës palë në zbatim të ligjit”, tha Sejko./albeu.com

The post Paratë e falsifikuara, Guvernatori i BSH: Kanë rënë konsiderueshëm nga qarkullimi appeared first on Albeu.com.

Sejko tha se “Objektivi i Bankës së Shqipërisë është stabiliteti financiar”.

“Një vëmendje e veçantë i është kushtuar ndryshimeve klimatike. Muajt në vijim do jenë sfidues për shoqëritë tona dhe vitet në vijim do mund të sjellin ndryshime. Trajtimi i sfidave, siç është inflacioni kërkojnë adresim dhe politika të tjera veprimi për t’u marrë parasysh nga autoritetet. Kushtet janë të vështira, gjithmonë në ndryshim.”, tha Sejko.

The post Guvernatori i Bankës së Shqipërisë: Muajt në vijim do të jenë sfidues për ekonominë appeared first on Albeu.com.

Sejko u shpreh se, për shkak të luftës në Ukrainë, inflacioni në vend u rrit me 8%, më i larti që nga 1998. Ai gjithashtu tha se për të ruajtur ekuilibrat financiarë, BSH ka rritur 4 herë gjatë 2022 normën bazë të interesit. Ndër të tjera, tha se shtresat e varfra janë ato që do të preken më shumë nga inflacioni.

“Inflacioni në Shqipëri shënoi rritje të shpejtë në 2022 duke arritur në 8% gjatë 3 mujorit të tretë, niveli më i lartë i regjistruar që nga 1998.

Ndonëse inflacioni i ulët nën konstanten rajonale e evropiane dhe çmimet e rregulluara te energjisë për familjet baza e inflacionit ka ardhur në rritje dhe zgjerim. Pjesa më e madhe e artikujve të shportës shfaqin një normë inflacioni ndjeshëm mbi objektivin tonë 3%.

Artikujt e shportës me normë më të lartë inflacioni nuk janë vetëm mallra e shërbime me origjinë importi por dhe produkte që vlerën e shtuar e gjenerojnë në vend.

Për qeveritë tensioni ekonomik e social që sjell inflacioni mbi shtresat më të varfra artikulohet në kërkesa të shtuara për mbështetje fiskale.

Plotësimi i këtyre kërkesave bëhet problematik sa kohë financat publike janë nën presioni e pasigurisë për të ardhmen dhe të kostove të rritura të financimit të borxhit.

Politika monetare mbetet e ndërgjegjshme për balancën delikate për kontrollin e inflacionit dhe zbutjes së luhatjes ekonomike.

Për tregjet e ndërmjetësin financiar nivelet e larta te inflacionit tentojnë të shoqërohen me rritje të pasigurisë dhe rishikim të strategjive të tyre të zhvillimit.

Për familjet e bizneset inflacioni i lartë përbën një sfidë për kostot e jetesës e biznesit dhe sfidë afatgjatë mbi planet e tyre financiare dhe të biznesit.

BSH e ka identifikuar nivelin e lartë të inflacionit si rrezikun primar për rritjen e qëndrueshme e afatgjatë të vendit e për kohezion social.

Për këtë arsye kemi ndërmarrë normalizim gradual të politikës monetare, është rritur 4 herë norma bazë e interesit gjatë 2022 në 2.25%.

Masë e domosdoshme për ruajtjen e ekuilibrave financiarë të vendit”, tha Sejko./albeu.com

The post Inflacioni, Sejko: Kemi rritur 4 herë normën bazë të interesit gjatë 2022, për të ruajtur ekuilibrat financiarë appeared first on Albeu.com.

Sejko u ndal te inflacioni, ku tha se në gusht ka qenë në masën 8%, ndërsa shtoi se fokusi kryesor i politikave ekonomike duhet të jetë zbutja e tij dhe kthimi në objektiv.

“Diskutimet kanë pasur në fokus si sfidat aktuale ashtu dhe reformat strukturore. BSH dhe FMN kanë ndarë opinione të ngjashme mbi sfidat e zhvillimit që kemi përpara. Rritja e çmimeve në tregjet botërore i ka përballur ekonomitë me sfida serioze ekonomike, përfshirë Shqipërinë. Inflacioni në gusht në 8%. Inflacioni përbën kërcënimin kryesor mbi stabilitetin makroekonomik dhe mbi rritjen e qëndrueshme dhe afatgjatë ekonomike të vendit.

Fokusi kryesor i politikave ekonomike duhet të jetë marrja e masave të koordinuara për zbutjen e inflacionit dhe kthimin e tij në objektiv. BSH është fokusuar te normalizimi gradual i politikës monetare.

Projeksionet tona për të ardhmen sugjerojnë që inflacioni do mbetet i lartë dhe gjatë 2-3 muajve në vijim. më tej stabilizimi i tregjeve do të sjellin një reduktim të inflacionit. Ekonomia shqiptare do të vazhdojë të rritet.

Rritja ekonomike do vijojë të përfitojë nga stabiliteti i përgjithshëm. nga bilancet e shëndosha të familjeve dhe bizneseve si dhe mbështetja me kredi nga sektori bankar. Sektori bankar në Shqipëri i shëndetshëm dhe likuid”, deklaroi Sejko.

The post Sejko: Të fokusohemi te zbutja e inflacionit paraqet kërcënim për ekonominë appeared first on Albeu.com.

Në konferencën për mediatm, Sejko tha se ekonomia shqiptare pësoi një rritje me më shumë se 6% në 6 mujorin e parë të këtij viti, ndërsa më pas filloi të ulej.

“Rritja e shpejt e çmimeve rreziku kryesor për rritjen afatgjate. Të vijojmë normalizimin e politikës monetare. Në vijim do ju njoh me vendimin e politikës monetare. Inflacioni u rrit në muajt korrik dhe gusht, 7.5% dhe 8%. Kontributi kryesor në inflacion vjen nga rritja e çmimit të ushqimeve dhe naftës. Tendenca e rritjes së çmimeve po vjen tek të gjitha produkteve. Lufta në Ukrainë shkaktoi probleme në tregjet e ushqimeve bazë, të lëndëve energjitike dhe lëndëve të tjera bazë.

Ekonomia shqiptare vijoi me rritje në 6 mujorin e parë të vitit 2022, ndërsa u ul në 3 mujorin e dytë të këtij viti. Sipas INSTAT, rritja ekonomike zbriti në 2.2% nga 6% në 6 mujorin e parë. Konsumi familjar solli norma të qëndrueshme rritje. Kjo tendencë është prezente në tregun e punës. Rritja e kërkesës për punë dhe mungesa e fuqisë punëtore po ushtron presion në rritjen e pagës në sektorin privat. Rritja e normës bazë të interesit, janë pranë niveleve të ulëta historike. Kursi i këmbimit të lekut, mbetet në pozita të forta në krahasim me euron. Kredia bankare financon investimet”  u shpreh Sejko.

Sejko mes të tjerash foli edhe në lidhje me Amnistinë Fiskale. Ai u shpreh se një nga kushtet që Amnistia Fiskale të jetë i suksesshëm, është që të shmanget evazioni fiskal dhe paratë e ardhura nga krimi apo korrupsioni.

“Opinioni i BSH është thënë edhe para Kuvendit dhe konferenca për shtyp. Pavarësisht draftit, BSH e sheh amnistinë me kosto e benefite, por në funksion të formalizimit të ekonomisë, rritje e përfshirjes financiare formalizimin e ekonomisë. Amnistia ka impakt pozitiv dhe do të sjellë likuiditete e do të ndihmonte buxhetin e shtetit.

Kostot janë rreziku nga pastrimi i parave, duhet shmangur ky rrezik dhe paratë që vijnë nga kriminaliteti e korrupsioni. Kemi theksuar që Amnistia duhet bërë e studiuar që të jetë instrument që të funksionojë për përmirësim të administrimit fiskal, për të shmangur evazionin fiskal”, tha ai.

The post “Inflacioni arriti 8% në muajin gusht”, Amnistia Fiskale? Sejko: Duhet shmangur rreziku i pastrimit të parave nga krimi dhe korrupsioni appeared first on Albeu.com.