Ylli në pension i Milanit ndodhet në një përplasje me ‘Ndrangheta-n’, një nga organizatat mafioze që po dominon në Itali, kryesisht me qendër në Kalabri.

Kjo sindikatë, e njohur për shkatërrimin e shumë jetëve, tashmë i ka vënë sytë te familja e 46-vjeçarit Gattuso.

Gazeta italiane “Il Messaggero” raporton se kalvari i familjes nisi kur Francesco Gattuso, babai i Gennaros, vendosi të hynte në industrinë e fotovoltaikëve. Sipërmarrja e propozuar ishte menduar të ishte një biznes familjar, me motrën e Gattusos, Ida, e cila do të ishte bashkëpronare gjithashtu.

Gangsterët nuk humbën kohë dhe propozuan shërbimet e tyre “mbrojtëse” për biznesin e babait të Gattusos.

Ata kërkuan një tarifë prej 3,000 Euro.

Kur propozimi i mafiozëve u refuzua, makthi i familjes mori një kthesë për keq. Më 17 tetor, një person i panjohur i vendosi flakën makinës së Idës. Vetëm dy muaj më vonë, një tjetër nga makinat e saj u dogj.

“Kjo seri incidentesh të frikshme la të gjithë familjen të pushtuar nga frika, të shqetësuar për veprimet e mëtejshme të mafias”, shkruajnë mediat italiane.

Për të rritur sigurinë e tyre, Francesco Gattuso punësoi punonjës profesionistë sigurie, megjithëse kjo nuk arriti të zgjidhte situatën. Ida përfundimisht e çoi çështjen në polici. Gjatë procesit, u zbulua se Gennaro ishte detyruar gjithashtu të përfshihej. Ai pranoi kërkesat e mafias duke paguar 3,000 euro përmes një miku të tij më 10 janar.

Pas denoncimit policia arrestoi personin përgjegjës për djegien e makinave të Idës, si dhe personin që kishte orkestruar aktin. Megjithatë, ata janë vetëm dy operativë në një rrjet të gjerë kriminal që potencialisht mund të vazhdojë të dëmtojë familjen Gattuso, raporton euronews.al.

Aktualisht, Gennaro Gattuso drejton skuadrën franceze të Olympique Marseille, ku po mendon seriozisht zhvendosjen e familjes së tij në Francë. /GazetaSinjali/

The post Mafia italiane i vihet pas familjes të Gattusos pasi nuk pagoi gjobën appeared first on Albeu.com.

Gjithçka nisi kur një ekspert italian planifikoi të instalonte panele fotovoltaike në tokën në pronësi të babait të tij. Për këtë projekt ai ka marrë mjete prej 80 mijë eurosh. Gangsterët nuk humbën kohë dhe ofruan shërbimet e tyre “mbrojtëse”, duke kërkuar një tarifë prej 3000 mijë eurosh.

Kur propozimi u refuzua, kriminelët filluan të ushtrojnë presion ndaj babait të Gattusos dhe i vunë zjarrin makinës së vajzës së tij dy herë në tetor dhe dhjetor 2023.

Pas kësaj, familja ka bërë denoncim në polici. Dy persona janë ndaluar ndërsa hetimet po vijojnë.

Gjatë procesit, u zbulua se edhe Gennaro u detyrua të përfshihej. Ai pranoi kërkesat e mafias duke paguar 3000 mijë euro përmes një shoku më 10 janar, teksa tani po mendon të largojë familjen e tij jashtë Italisë në një vend më të sigurt.

Gattuso aktualisht është trajner i Marseilles dhe gjurmën më të madhe e la në radhët e gjigantit italian Milan, me të cilët fitoi dy herë Ligën e Kampionëve./Telegrafi/

The post Gattuso bie pre e një sulmi nga mafia, ish-futbollisti legjendar po planifikon të largojë familjen jashtë vendit appeared first on Albeu.com.

Largimi i tij ishte vendosur tashmë me pëlqimin e ndërsjellë me drejtuesit e Napolit.

“Udhëheqja e Napolit ishte një gjë e mrekullueshme, një vit e gjysmë që do ta mbajë gjithmonë në zemrën time,” shkroi Gattuso në faqen zyrtare të Napolit.

“Falënderoj lojtarët, stafin e klubit, të gjithë punonjësit dhe Presidentin Aurelio De Laurentiis që më dhanë këtë mundësi.

“Unë njoha një qytet madhështor, ku isha shumë i lumtur me familjen time,dhe tifozë të jashtëzakonshëm, pavarësisht nga fakti se pandemia i mbajti larg nga atmosfera unike e stadiumit me emrin e Diego Maradona.

“Unë ndjeva dashurinë unike të tifozëve napolitanë ndaj ekipit të tyre. Një dashuri që më shtyu për të punuar çdo ditë me përkushtimin dhe profesionalizmin më të madh.

“Tani rrugët tona po ndahen, por unë kurrë nuk do t’i harroj këto muaj emocionuese. I uroj Napolit shumë më shumë sukses”, shkruajti Gattuso.

The post Letra emocionuese e Gennaro Gattusos në drejtim të tifozëve të Napolit appeared first on Albeu.com.