Zulte Waregem e ka nisur kampionatin belg me një fitore me përmbysje ndaj Genk. Takimi i javës së parë, i luajtur në stadiumin “Elindus Arena”, u mbyll me rezultatin 2-1.

Protagonisti kryesor i kësaj sfide ishte Serxhi Ujka. Ish-mesfushori i Egnatias hyri në lojë në minutën e 76-të, ndërsa në të 86-tën realizoi golin që i siguroi skuadrës së tij tri pikët. Më herët, Ake kishte barazuar rezultatin, duke zhvlerësuar avantazhin e krijuar nga Durosinmi gjatë fraksionit të parë.

Waregem regjistron kështu një fillim pozitiv, ngjitet në kuotën e 3 pikëve dhe ndjek Gent, që mban vendin e katërt. Për Serxho Ujkën, ky ishte goli i parë i sezonit të ri, një sinjal i formës së tij mëse perfekte dhe i gatishmërisë për të dhuruar të tjera “shkëndija” në ndeshjet e ardhshme.

The post VIDEO/ Serxho Ujka vendimtar ndaj gjigantit belg, ish-lojtari i Egnatias shënon në fund dhe vulos fitoren appeared first on Albeu.com.

Genk luajti sot (e shtunë) ndaj Molenbeekut ndeshjen e cila ishte e vlefshme për xhiron e 26-të në Pro League, duke u rikthyer tek fitoret pas një serie negative të rezultateve.

Zeqiri këtë sfidë e nisi nga banka rezervë, për t’u inkuadruar në lojë në minutën e 64-të dhe për të lënë gjurmë në fund.

24-vjeçari shënoi për 3-1 në minutën e 92-të të takimit pas asistimit të Zakaria El Ouahdi, duke i dhënë fund përfundimisht dilemës së fituesit.

Për këtë gol dhe për performancën e mirë, Zeqiri u vlerësua me notën 7.1 nga SofaScore, ku përveç golit fitoi edhe dy duele.

Ky gol ishte i pesti për Andi Zeqirin këtë sezon, ndërsa ai do të synojë ta vazhdojë këtë ecuri të golave edhe javën tjetër në udhëtim ndaj Charleroit. /Telegrafi/

The post Andi Zeqiri shënon në fitoren e Genkut appeared first on Albeu.com.