genjen Archives - Albeu.com

“Tërhiq fjalën “gënjen” ose dal nga mbledhja”! Zbardhet përplasja e Salianjit me Berishën, ish-deputeti i PD: Duhet të flisnim për skandali Rama-Balluku, po zhvendosni vëmendjen

D Marku — Sun, 14 Dec 2025 07:55:59 +0000

Në mbledhjen e kryesisë së PD, kreu i PD-së, Sali Berisha dhe Ervin Salianji janë përfshirë në debat, ku shkak u bë përmendja e ish-kreut të PD Kavajë Hysen Kadiu.

Berisha, duke folur për njeriun më të votuar në Primaret, që nuk u fut në listat e sigurta të PD, tha se Kadiu iku në SHBA gjatë periudhës së fushatës. Por këtu ka ndërhyrë Salianji i cili tha se Kadiu ka zhvilluar fushatë në terren.

Berisha i është kthyer Salianjit duke e quajtur gënjeshtar, duke shkaktuar reagim direkt të Salianjit që i ka kërkuar ta tërheqë këtë fjalë.

Sali Berisha: Hysen Kadiu ka ikur në fushatë në Amerikë. Ia kam premtuar që do jetë në listë të sigurt, por s’e mbajta dot, por ai iku, ma ka thënë.
Salianji: Ka qenë në fushatë dhe ka foto të tij nëpër zona dhe duke bërë thirrje për fushatë për të votuar PD.

Berisha: Po gënjen, ai s’ka punuar.

Salianji: Edhe falë tij jemi 2800 vota para. Fjalën “gënjen” tërhiqe.

Berisha: Jo, nuk ka qenë.

Salianji: Të respektoj si kryetar partie, por fjalën “gënjen” tërhiqeni ose dal nga mbledhja.

Berisha: Ai më ka dërguar SMS vetë.

Salianji: Mendova që sot duhet të flisnim vetëm për skandalin Rama–Balluku. Sot, me këtë, po zhvendosni vëmendjen. Problemi qenka shqetësimi që kanë demokratët dhe jo vjedhjet e qeverisë. Unë erdha t’i bëjmë gjyqin qeverisë, por nëse doni për demokratët, ja e bëjmë. Do më keni me cel në dorë për të denoncuar këdo që bashkëpunon me qeverinë.

The post “Tërhiq fjalën “gënjen” ose dal nga mbledhja”! Zbardhet përplasja e Salianjit me Berishën, ish-deputeti i PD: Duhet të flisnim për skandali Rama-Balluku, po zhvendosni vëmendjen appeared first on Albeu.com.

Kryemadhi me lot në sy: SPAK gënjen se kemi shpenzuar 106 mijë euro për operacione

V K — Tue, 22 Oct 2024 10:43:01 +0000

Pas arrestimit të ish-bashkëshortit të saj Ilir Meta, Monika Kryemadhi në deklaratën për media, tha se SPAK gënjen kur thotë se ka harxhuar 106 mijë euro për operacione.

Kryemadhi tha kur fëmija i saj ka qenë 6-vjeç, ka pasur nevojë për ndërhyrje të menjëhershme, pasi përndryshe do të vdiste.

Ajo shprehet se dhe Meta ka bërë operacione dhe se paratë i ka paguar vetë ajo.

Monika Kryemadhi: Ndihem shumë e fyer, që SPAK gënjen ku thotë 106 mijë euro kushtuan operacionet. 6 vjeç fëmija im është operuar dhe mjekët i kanë thënë se nuk jeton më nëse nuk kurohet.

Ka bërë dhe Meta një operacion shëndetësor, që e kam paguar unë cash dhe nuk e di Ilir Meta sesa kushtuar. Ilir Meta nuk ka paguar asnjëherë në jetën e vet asnjë shishe ujë. Kam qenë dhe unë që kam marrë dhe rrogën e Metës në bankë.

The post Kryemadhi me lot në sy: SPAK gënjen se kemi shpenzuar 106 mijë euro për operacione appeared first on Albeu.com.

Ministria e Jashtme e Ukrainës: Vuçiq po gënjen

A M — Mon, 18 Apr 2022 14:15:46 +0000

Ministria e Punëve të Jashtme të Ukrainës ka “përgënjeshtruar” presidentin serb, Aleksandër Vuçiq, pas deklaratës së tij rreth përfshirjes së Ukrainës në raportimin rreth minimit të avionëve serbë.

Kështu ka deklaruar për “European Truth”, zëdhënësi i ministrisë ukrainase të Punëve të Jashtme, Oleg Nikolenko.

“Ne hedhim poshtë kategorikisht akuzat e pabaza të bëra nga presidenti i Serbisë. Pretendimet e tij për përfshirjen e pretenduar të Ukrainës në raportet se linjat ajrore serbe që fluturonin për në Rusi ishin minuar janë të pavërteta”, tha ai.

Tutje, ministria në fjalë është shprehur e zhgënjyer që Serbia nuk i është bashkuar ende sanksioneve të Bashkimit Evropian ndaj Rusisë për luftën e saj në Ukrainë.

Ata i kanë bërë thirrje Beogradit që t’i bashkohen botës demokratike.

“Rusia çdo ditë godet qytetet ukrainase me raketa dhe bomba, vret civilë dhe shkatërron infrastrukturën civile. Sanksionet e ashpra dhe uniteti i botës demokratike mund ta ndalojnë këtë luftë. Ne i bëjmë thirrje Beogradit të ngrihet në këmbë për të vërtetën dhe të mbështesë plotësisht Ukrainën dhe të mbështesë vlerat mbi të cilat u krijua një Evropë e bashkuar demokratike”, tha Nikolenko.

Më herët, presidenti serb Aleksandar Vuçiq tha se të dyja vendet fshiheshin pas raporteve për minimin e avionëve serbë që fluturonin drejt Rusisë.

Edhe pse jo anëtare e BE-së, Serbia i ka lënë avionët rusë të lirë të kalojnë në hapësirën ajrore të saj, duke u bërë kështu vendi i vetëm ballkanik që mbeti i hapur ndaj Rusisë.

“Air Serbia”, kryesisht shtetërore, fillimisht kishte dyfishuar numrin e fluturimeve direkte nga Moska në Beograd në 15 në javë për të përmbushur kërkesën në rritje të shpejtë. Mirëpo, për shkak të kritikave të ashpra, Serbia i është rikthyer numrit të fluturimeve të paraluftës drejt Rusisë, shkruan Pravda./albeu.com

The post Ministria e Jashtme e Ukrainës: Vuçiq po gënjen appeared first on Albeu.com.

Me pushime në jug të Shqipërisë, pse Loredana “gënjen” se është në Mykonos të Greqisë? (FOTO LAJM)

A M — Tue, 31 Aug 2021 11:47:55 +0000

Loredana ka vizituar së fundmi jugun e Shqipërisë i cili njihet për bukurinë e tij natyrore të mahnitshme. Fakti që reperja ndodhej në pushime me Ledrin dhe Ylli Limanin bëri mjaft bujë dhe të gjithë po dyshojnë se këngëtarët po sjellin një bashkëpunim.

Por diçka çalon në profilin e Loredanës. Fotot janë nga Palasa e Vlorës në Shqipëri ku dallohen edhe resortet Shqiptare, por vendodhjen reperja e ka vënë “Mykonos Island”.

Ndjekësit e reperes janë habitur nga ky veprim i saj dhe presin një sqarim./albeu.com/

The post Me pushime në jug të Shqipërisë, pse Loredana “gënjen” se është në Mykonos të Greqisë? (FOTO LAJM) appeared first on Albeu.com.