General Motors do të pajisë kamionçinat e saj të mëdha me një motor të ri V8 turbo-dizel, i cili ka vëllim 8.3 litra dhe mban emrin e koduar Mungos.

Motori i ri do të gjenerojë 555 kuaj/fuqi dhe 1,668 Nm çift rrotullues, duke ofruar kapacitete më të larta për tërheqjen e rimorkiove.

Sipas të dhënave të publikuara, automjetet që do të përdorin këtë njësi mund të tërheqin rimorkio me peshë deri në 17,270 kilogramë. Për transmetimin e fuqisë do të kujdeset një kambio automatike me 10 shpejtësi, e zhvilluar për të përballuar nivelin e lartë të fuqisë dhe çiftit rrotullues.

Mungos do të zëvendësojë motorin aktual dizel me vëllim 6.7 litra. Rritja e kubikazhit synon të sjellë më shumë fuqi, çift rrotullues dhe aftësi më të mira në tërheqje.

Për krahasim, motori 6.7-litërsh Power Stroke i Fordit prodhon 500 kuaj/fuqi dhe rreth 1,627 Nm çift rrotullues.

Emërtimi i motorit duket se lidhet me një simbolikë të veçantë. Power Stroke 6.7-litërsh i Fordit ka emrin e brendshëm Skorpion, ndërsa në natyrë mangusta njihet për sulmet ndaj kafshëve të ndryshme, përfshirë edhe akrepat.

Motori i ri me naftë do të ofrohet në Chevrolet Silverado HD dhe GMC Sierra HD, duke nisur nga viti model 2027.

The post GM përgatit motorin e ri V8 me naftë, me 555 kuaj/fuqi appeared first on Albeu.com.

Sipas James Cotton, president i sindikatës UAW Local 22, këta robotë të rinj, të prodhuar nga FANUC, operojnë përkrah punëtorëve në linjën e montimit dhe vendosin pjesë të ndryshme në automjete.

Cotton thotë se këto sisteme po marrin përsipër punë që më herët realizoheshin nga vetë punonjësit.

“Është gjithmonë shqetësuese kur sheh robotë që vijnë në një fabrikë, sidomos pasi janë pushuar nga puna mbi një mijë njerëz. Nëse kjo është e ardhmja, atëherë po u merren vendet e punës njerëzve”, deklaroi Cotton.

Ndaj GM-së, sindikata ka dorëzuar ankesa zyrtare, duke ngritur njëkohësisht shqetësime edhe për sigurinë e punëtorëve që punojnë pranë robotëve.

Nga ana e kompanisë, zëdhënësi Kevin Kelly u shpreh se vendosja e robotëve lidhet me strategjinë e GM-së për të integruar teknologji më të avancuara në procesin e prodhimit.

Ai theksoi se robotët kontribuojnë në rritjen e sigurisë dhe ergonomisë për punëtorët, ndërsa njëkohësisht e bëjnë prodhimin më fleksibël dhe më konkurrues.

Ndërkaq, profesori Marick Masters nga Wayne State University vlerëson se sindikata do të duhet të përforcojë dispozitat në kontratat kolektive që lidhen me përdorimin e robotëve dhe teknologjive të avancuara. /Telegrafi/

The post GM vendos 50 robotë bashkëpunues në Factory Zero pas largimit nga puna të mbi 1.000 punonjësve appeared first on Albeu.com.