Federata Evropiane e Futbollit (UEFA) ka treguar sërish vlerësim për arbitrët nga Kosova, duke u besuar atyre drejtimin e dy sfidave të vlefshme për raundin e dytë kualifikues në Ligën e Konferencës.

Arbitrit me distinktiv ndërkombëtar, Mervan Bejtullahu, i është ngarkuar ndeshja midis Ilves dhe Stjarnan, e cila do të luhet më 30 korrik në stadiumin Tammelan të Tampere-s, me start në orën 18:00.

Në këtë takim, ai do të ketë mbështetjen e bashkatdhetarëve Edmond Zeqiri dhe Bashkim Hyseni si ndihmës, ndërsa rolin e gjyqtarit të katërt e mbulon Alban Shala.

Po në të njëjtin raund, një tjetër përfaqësues i Kosovës, Genc Nuza, është caktuar të ndajë drejtësinë në përballjen e KAA Gent Arena në Ghent. Ky duel, ku vendasit e Gent do të presin skuadrën e LNZ Cherkasy, nis më 30 korrik në orën 20:30.

Nuza do të asistohet nga Fatmir Sekiraqa dhe Pashtrik Burrniku, teksa si arbitër rezervë është emëruar Erdall Zasella.

Sipas vlerësimit të Federatës së Futbollit të Kosovës, këto vendime konfirmojnë besimin e palëkundur të UEFA-s në integritetin, formimin dhe nivelin e lartë të gjyqtarëve tanë në skenën ndërkombëtare.

The post Katërshet e gjyqtarëve kosovarë drejtojnë dy takime në Ligën e Konferencës appeared first on Albeu.com.

Gjyqtari kryesor i kësaj sfide do të jetë Genc Nuza, ku vetë gjyqtari nga Kosova e ka bërë të ditur në një postim në Facebook.

Për Nuzën kjo është një tjetër ëndërr e realizuar për sa i përket karrierës së tij. Asistentët e tij do të jenë Fatlum Berisha dhe Bujar Selimaj, të cilët përfaqësojnë FFK dhe gjyqtar i katërt do të jetë Juxhin Xhaja.

Postimi i Genc Nuzës:

Të nderuar miq,

Jam tejet i lumtur që do të jem gjyqtar kryesor në ndeshjen miqësore, SHQIPËRI – ITALI e cila do të zhvillohet në njërin nga stadiumet më moderne të Evropës, Air Albania.

Ta përfaqësosh shtetin e Kosovës dhe FFK-në, në një ndeshje të këtij niveli është një tjetër ëndërr e realizuar dhe sukses i madh jo vetëm i imi por i gjithë futbollit kosovar në përgjithësi. Së bashku me asistentët Fatlumin, Bujarin dhe kolegët e nderuar nga Shqipëria do të japim më të mirën në këtë ndeshje.

Na priftë e mbara./ h.ll/albeu.com

The post Miqësorja Shqipëri-Itali, gjyqtarë nga Kosova për sfidën në Air Albania appeared first on Albeu.com.