Në një intervistë për “Interview” në Euronews Albania ajo ka treguar se Zoti i ka dhënë forcë për ta përballuar atë vështirësi. Po ashtu ajo është shprehur se gjatë gjithë kohës i fliste Gencit, që ai të dëgjonte zërin e saj.

“I kam marr gjërat hap pas hapi. Jam përpjekur të ruaj qetësinë dhe mendoj se e kam ruajtur ashtu si duhet. Nuk kam qenë problematike për mjekët, kam ruajtur qetësinë edhe te ata, se unë nuk doja të më qetësonin mua, unë doja të kuptoja. Ishte shok shumë i madh.

Në momentin që unë jam takuar me mjekët pas ndërhyrjes kisha kaluar një ditë të tërë pranë Gencit, që Genci herë ishte e herë nuk ishte. Dhe unë mendoja që duhet ti flisja që ai të dëgjonte gjithë kohën zërin tim, nga ora 11 e paradites deri në orën 10 të mbrëmjes, unë vetëm i flisja. Kur ai më shikonte lumturohesha.

Kur e vumë te skaneri, unë i shpjegoja çdo gjë, gjatë gjithë kohës nuk i jam ndarë, sepse doja të isha gjithë kohën me të. Unë jam shumë e ndjeshme si natyrë, por në situata të tilla më jep Zoti forcë”,-tha Eni Jani.

Kujtojmë që vera e 2023-shit ishte e vështirë për aktorin, i cili pati probleme shëndetësore dhe ju nënshtrua jë ndërhyrje kirurgjikale të vështirë pas një ishemie në tru.

The post Eni Jani tregon momentin e vështirë me Genc Fugën: Më dha Zoti forcë appeared first on Albeu.com.

Fokusin më të madh të kësaj interviste sigurisht që e mori gjendja shëndetësore e Gencit, i cili kishte pësuar një goditje në tru dhe ishte në nevojë të një ndërhyrje të menjëhershme dhe të kushtueshme. Shqiptarët kanë dhënë një kontribut financiar për të mbështetur kostonë e operacionit dhe Genc Fuga ka shprehur falënderim për mbështetjen e tyre.

I pyetur për ndjesinë menjëherë pas operacionit, teksa aktori ishte në vetëdije të plotë, ai u shpreh se ishte mrekulli që kur hapi sytë pa fytyrën e bukur të Enit.

“Falë medikamenteve unë kam qenë në një dimension tjetër, pastaj po vija realisht. Ishte një mrekulli që kur hapa sytë për herë të parë në mënyrë koshiente, unë pash portretin e Enit, që me thënë të drejtën është shumë i bukur. Dhe pastaj mendimi tjetër ishte që unë nuk e paskam harruar nga jeta e parë që është gruaja ime dhe kemi ndarë shumë. Nuk paska gjë më burrërore se lotët e një burri dhe ishte një moment që ky ishte ballafaqimi i parë me këtë jetë të re që po filloja dhe jemi të bekuar”, u shpreh Fuga.

Fatmirësisht gjendja shëndetësore e aktorit sot është e stabilizuar.

The post Genc Fuga tregon emocionet pas operacionit: Mrekulli kur hapa sytë dhe pash fytyrën e Enit appeared first on Albeu.com.

Dhe kjo, për fat të keq jo për ndonjë shfaqje apo rol të aktorit, por për shkak të një goditje në tru që e çoi menjëherë në shtratin e spitalit.

Por Genc Fuga e kaloi këttë moment të vështirë dhe pak ditë më parë ka bërë daljen e tij të parë publike.

Genci ishte në Sallën e Koncerteve, në Universitetin e Arte ku dha shfaqja e parë pas restaurimit.

The post Ia doli! Genc Fuga shfaqet për herë të parë në publik (FOTO LAJM) appeared first on Albeu.com.

Shteti ynë i dashur, për dekada të tera merr taksat dhe kontributet dhe nuk na i kthen në shërbime bazë, si shëndetësia apo arsimi.

Ti paguan taksa si qytetar i bindur, madje edhe tatim të dyfishtë, nëse ke oreks apo nevojë për më shumë se një pagë (sepse këta tatojnë më shumë punën se oligarkinë), pastaj për shkak se s’ka infrastrukturë në shkolla apo spitale publike detyrohesh që të kurohesh në spitale private dhe të shkosh fëmijët në shkolla jopublike.

Kjo nuk është zgjedhje, por detyrim për mijëra familje në Shqipëri, të cilët në fakt shembën në taksa gjatë gjithë vitit dhe rrjedhimisht duhet t’u jepet mundësia në shkolla dhe spitale publike cilësore.

Problemi nuk është pse një shkollë private ofron ambiente më të mira apo pse një spital privat ka një aparaturë që nuk e ka shteti. Problemi është pse shteti nuk respekton qytetarin e tij për të mos ta detyruar të shpëtojë kokën apo të ardhmen e fëmijës të privatit!

Zgjidhja?

Për çdo qytetar që zgjedh privatin, të subvencionohet kostoja e njëvlefshme e shërbimit që do të merrte në shtet. Diferencën le ta paguajë vetë. E njëjta gjë dhe për shkollat.

Ndryshe s’ka kuptim kjo punë: Paguan detyrime si legen për shtetin, pastaj kur të bie halli lutesh:”Do Zoti ka privat krevate apo banka të lira”!

Po na duket vetja si budallenjtë më të mëdhenj në botë se s’duan të japin zgjidhje lehtësisht të realizueshme.

Që djersën tonë të mos e hajë ujku!

/albeu.com

The post Urgjenca e aktorit Genc Fuga dhe zgjidhja në spitale që do të na shpëtonte të gjithë appeared first on Albeu.com.

Presioni publik për këtë çështje nuk mund të jetë vetëm se pozitiv. Por një pjesë e aktorëve dhe mediave duket se po e shfrytëzojnë debatin jo për të zgjidhur realisht problemin, por për të avancuar axhendat e tyre personale, pas të cilave qëndrojnë ndoshta edhe qëllime malinje.

Marrëzia ndonjëherë arrin deri në pikën sa që shqetësimi kryesor nuk është se pse spitalet publike nuk ofrojnë dot shërbime jetike, por pse këto shërbime ofrohen nga privatët. Ky është perversitet.

Të shpëtosh jetë njerëzish nuk është krim. Nëse këto shërbime nuk do të ofroheshin në strukturat spitalore private, të gjithë ata pacientë që janë përballur me isheminë cerebrale sot nuk do të ishin më. Ndaj fakti, që trajtimi i kësaj sëmundje të rrezikshme ofrohet në spitalet private nuk është gjemë, por një e mirë publike.

Fakti që spitalet private kërkojnë para për të ofruar shërbime mjekësore nuk është krim dhe as i bën ato imorale. Të njëjtën gjë bën hoteli, kur një qytetar shkon të flejë apo restoranti kur dikush shkon të hajë drekë.

Pra, ajo deviza e famshme “paguaj ose vdis”, me të cilën sulmohen spitalet private mund të përdoret fare mire edhe për furrat që prodhojnë bukën, kompanitë që tregtojnë ujin e kështu me radhë për të gjitha bizneset që ofrojnë produkte ose shërbime jetike. Por ne nuk i sulmojmë furrat e bukës apo kompanitë që shesin ujë.

Megjithatë në rastin e sistemit shëndetësor ka një problem madhor. Dhe ajo është skema e financimit. Shqipëria ka ndërtuar një model financimi të sistemit shëndetësor, i cili nuk financon pacientin apo mjekun, por tenderat dhe korrupsionin.

Një vend, i cili ka zgjedhur të ketë një sistem shëndetësor me dy kollona duhet të financojë pacientin. Paratë që fondi i sigurimeve shëndetësore u merr qytetarëve përmes kontributeve duhet t’u kthehen po atyre. Dhe është qytetari ai që vendos se ku do ta marrë shërbimin, në spitalet publike apo ato private.

Nëse sistemi shëndetësor do të hyjë në treg, fondi i sgurimeve duhet të jetë neutral përballë aktorëve të tregut. Ai financon pacientin sipas paketave standard të kostuara dhe jo ofruesin e shërbimit. Kështu spitalet do të konkurrojnë me njëri tjetrën për të dhënë shërbimin me cilësinë më të mirë dhe çmimin më të ulët.

Ky është modeli që përdor pjesa dërrmuese e vendeve perëndimore sot dhe për një treg të lirë kjo është rruga më e mirë. Sigurisht ka dhe një rrugë tjetër. Është ajo e një sistemi kombëtar shëndetësor me vetëm një kollonë, pra vetëm me spitale publike. Në fund është çështje zgjedhjeje. Por jeta është shumë e shtrenjtë për ta lënë vetëm në dorën e tenderave të Ogertës dhe shëndetësisë “falas” së Rilindjes./oligarkia

The post Rasti i aktorit Genc Fuga, debati i mbrapshtë për jetën appeared first on Albeu.com.

Momentalisht, Genci ndodhet në sallën e operimit ku në proces e sipër do t’i bëhen edhe dy hapje të tjera në kokë, për shkarkimin e edemave, sipas iconstyle.

Operacioni i pare shkoi mirë dhe gjendja shëndetësore e aktorit ka qenë e qetë, gjë për të cilën aktorja falenderoi edhe mjekët e spitalit, ndërsa urojmë që gjithçka të shkojë mirë edhe në operacionin e dytë nga i njëjti staf. /albeu.com

The post Aktori Genc Fuga futet sërish në operacion appeared first on Albeu.com.

Menjëherë, bashkëshortja e tij, aktorja Eni Jani ka kërkuar ndihmë nëpërmjet një llogarie në GoFundMe ku shuma e kërkuar është siguruar në kohë rekord. Për ironi të fatit, vetëm pak kohë më parë në një dalje televizive, Genci kishte folur pikërisht për vështirësitë ekonomike të tyre, si njëçift artistësh.

“Është gati një mision i pamundur që të jesh një çift krijuesish dhe interpretuesish në Shqipëri. Nuk e di si i gjejmë forcat në fund të muajit, që presim daljen e rrogës së radhës”, shprehej Genci teksa u pyet për provën më të madhe të dashurisë që i ka dhënë gruaja.

I pyetur në lidhje me momentin kur Eni e ka mbështetur më shumë, ai tha:

“Unë fsheh paaftësinë time si kryefamiljar në sigurimin e të ardhurave. Eni duhet të fshehë pasigurinë time në sy të vajzave dhe pjesës tjetër të familjes. Është një sakrificë, është një rol mbi rol që duhet të luajmë çdo fund muaji”.

The post “Mezi pres rrogën”, rrëfimi i trishtë i Genc Fugës për vështirësitë ekonomike appeared first on Albeu.com.

Asnjë mekanizëm tjetër, parim a vlerë morale nuk në në lëviZje më shpejt e më efektivisht në punë shoqërinë tonë, sesa koncepti i “gjynah”-ut që përfaqëson vuajtjen ekstreme të njeriut, kur gjendet me thuajse të dyja këmbët i pamundur kësaj bote.

Kur dje lexova Enin në statusin për shokun e saj të jetës, Genc Fuga, në përpjekje të dëshpëruar për ca para, që do të garantonin pagesën e ndërhyrjes kirurgjikale në një spital privat kisha bindje thuajse absolute se shuma do kapej e tejkalohej. Sepse e njoh tjetrin, të ngjashmin, njoh shqiptarin e mësuar të jetojë mbi fillin e emergjencës, nën çatinë e mbijetesës, në perimetrin e gjynahut.

Dhe nëse debati pas kësaj ndodhie të tmerrshme ka vlerë, atë ia jep vetëm dinjiteti i njeriut dhe mbrojtja e tij. Dinjiteti i Gencit njeri, prind artist, profesor. Në këtë radhitje Gencit shqiptarët i shpëtuan jetën, por dinjietin ia përdhos kultura e “gjynah”-ut, që edhe kësaj herë i shpëtoi lëkurën shtetit të degjeneruar që kemi krijuar.

Gencin nuk e shpëtoi as paga e tij, as sigurimet e veta, as shërbimi publik, as shëndetësia falas, as qeveria, që zgjedh ku të japë konçensionet në shëndetësi, as drejtësia që nuk u mor kurrë seriozisht me hetimin për to, nuk e shpëtoi as talenti i tij, kontributi akademik, as ministria e milionave të PPP-ve.

Genc Fugën, si çdo njeri me një kërkesë publike e shpëtoi ndjenja solidare e shqiptarit, që motivohet veç nga filli i emergjencës, trarët e mbijetesës dhe kultura e imponuar e “gjynahut”.

Turp për kë dështon të shpëtoje jetë, ama turp edhe për kë shpëton jetë, po jo dinjitet. Turp për kë nuk i shpëton të dyja.

Të shkuara i dashur! Këtu na ke.

 

View this post on Instagram

 

A post shared by Sonila Meço (@sonilameco1)

The post Sonila Meço: Shqiptarët i shpëtuan jetën, por Genc Fugës iu “përdhos” dinjiteti appeared first on Albeu.com.

Vetëm pak orë pas apelit për ndihmë, të shumta kanë qenë reagimet e qytetarëve duke bërë që shuma të sigurohej.

Eni Jani ka felenderuar të gjithë për mbështetjen dhe kontributin. “Falënderoj me zemër se pari ekipin e spitalit për përkushtimin dhe profesionalizmin. Falënderoj cdo njërin nga ju për suportin dhe mbështetjen, për çdo fjale dhe kontribut. Shuma u sigurua! Faleminderit nga zemra përsëri!”, shkruan bashkëshortja e Genc Fuga.

The post Aktori Genc Fuga pësoi goditje në tru, sigurohen paratë për operacionin, bashkëshortja: Faleminderit nga zemra appeared first on Albeu.com.

Bashkëshortja e tij, Enerjeta Fuga, nëpërmjet një postimi në Facebook thotë se i shoqi ka pësuar një goditje në tru dhe po i nënshtrohet ndërhyrjes kirurgjale në spital.

Operacioni kushton 19 mijë euro dhe shuma është e pamundur për tu përballuar nga familja e cila kërkon ndihmë.

Enerjeta Fuga përmes postimit në facebook kërkon ndihmën e kolegëve por dhe të gjithë atyre që munden të solidarizohen për të përballuar këtë shifër për operacionin.

Bashkëshortja ka hapur gofundme për Gencin. Nëse doni të ndihmoni klikoni këtu.

Postimi i plotë

Nuk qenka e lehte por ne keto momente e kam domosdoshmeri. Genci po kalon nje periudhe te veshtire. Ka pesuar nje goditje ne tru dhe ne keto momente po kryen nderhyrje ne spitalin amerikan. Do i lutesha te gjithe punonjesve te Rtsh nese munden dhe kush mundet te ofroje nje kontribut prej 200 leke te rinj per te patur mundesine te kem shumen 19 mije euro te operacionit. Ndjese dhe konsiderete….

/albeu.com/

The post Genc Fuga pëson goditje në tru, bashkëshortja kërkon ndihmë financiare për të përballuar ndërhyrjen kirurgjikale appeared first on Albeu.com.