Pacienti u paraqit në spital një ditë pasi kishte gëlltitur shkopin, i cili ishte rreth një këmbë i gjatë dhe ankohej për dhimbje të forta stomaku. Sipas një dokumenti mjekësor, 52-vjeçari ishte i diagnostikuar me skizofreni dhe ishte shprehur se “zërat në kokën e tij” i kishin thënë ta bënte, raporton “Daily Mail”.

Mjekët gjetën majën e shkopit duke dalë nga ezofagu ndërsa ashklat ishin ngulur në të. Fundi i shkopit po shkaktonte dëmtime në abdomenin e poshtëm të 52-vjeçarit.

Përpjekja për ta nxjerrë shkopin nëpërmjet fytit dështoi ndaj mjekët bënë një ndërhyrje kirurgjikale që ta kalonin përmes një vrime në stomakun e pacientit.

Ata kontrolluan edhe për dëmtime të tjera, por fatmirësisht asnjë organ nuk kishte pësuar gjë. 52-vjeçari arrinte të merrte frymë për shkak se shkopi kishte zbritur poshtë hapjes së ezofagut që lidh trakenë me mushkëritë.

Kjo nuk është hera e parë që njerëzit gëlltisin sende të çuditshme. Rekordi Guinness mbahet nga amerikania Natasha Veruschka që gëlltiti një shpatë 60 cm në vitin 2009.

The post “Më thanë zërat ta bëja”, 52-vjeçari gëlltit shkopin (FOTO) appeared first on Albeu.com.

Çamçakëzi është bërë për tu përtypur dhe jo për tu ngrënë, por ndonjëherë aksidentalisht thjesht ndodh. Ndoshta shkoi poshtë me një gotë ujë apo thjesht nuk kishit se ku ta hidhnit.

Ndoshta mund të keni dëgjuar se një çamçakëz mund të qëndrojë në stomak për 7 muaj ose për 7 vjet, një kohë tepër absurde. Këto mite duhet thënë se ishin të besueshme kur ishim tepër të vegjël.

Pra çfarë ndodh vërtet kur gëlltisni çamçakëzin?

Në thelb, çamçakëzi kalon përmes trupit tuaj ashtu si çdo ushqim tjetër, por nuk tretet plotësisht. Nëse sistemi ynë i tretjes mund të tresë biftekun, sigurisht që do të tresë edhe çamçakëzin.

I vetmi ndryshim është që baza e saj nuk tretet për shkak të vetive kimike dhe përmbajtja nuk përthithet në zorrën e vogël si shumica e ushqimeve. Pasi të ndodhë, do të dalë si çdo gjë tjetër. Nuk ka kornizë kohore të caktuar, sepse lëvizshmëria e sistemit të tretjes është e ndryshme tek të gjithë.

Pra, po, përfundimisht do ta nxjerrësh çamçakëzin.

Jo. Ajo nuk do të ngjitet tek zorrët dhe të formojë një piramidë gjigante prej çamçakëzi ose diçka të tillë të ngjashme. Edhe pse nuk shpërbëhet plotësisht ajo do të dalë nga trupi përmes jashtëqitjes. Ekspertët ende vazhdojnë të këshillojnë që mos ta gëlltisni çamçakëzin, por jo për arsyet e frikshme që mund të keni menduar deri më sot.

Ai nuk do ju vrasë, as nuk do ju dëmtojë, por nuk është logjikë që ta gëlltisni me dashje.

The post A ju ngjiten zorrët? Çfarë ju ndodh nëse gëlltisni çamçakëzin appeared first on Albeu.com.