Skënder Gega jep dorëheqjen nga Kukësi

admin — Sat, 10 Sep 2022 16:13:46 +0000

Kukësi nuk e ka nisur në mënyrën më të mirë të tij këtë sezon, pasi në 4 ndeshje verilindorët kanë arritur të grumbullojnë vetëm 2 pikë, duke mbajtur vendin e fundit në klasifikim.

Skënder Gega në këtë mënyrë nuk e nis eksperiencën e tij të dytë në krye të Kukësit siç pritet, pasi rezultatet në fushën e lojës janë shumë larg asaj që pretendohej.

Në një situatë të tillë tekniku, Gega është ndarë përfundimisht me verilindorët, duke vendosur të largohet nga Kukësi.

Lajmin e ka bërë të ditur vetë trajneri nëpërmjet një postimi në rrjetet sociale, ku falënderon të gjithë stafin dhe skuadrën.

“Faleminderit të gjithëve”, ka shkruar Gega në “Insta-Story”.

Nuk ka vonuar dhe njoftimi nga klubi i Kukësit, ku thuhej se Gega ka paraqitur dorëheqjen te drejtuesit

“FK Kukësi njofton ndërprerjen e bashkëpunimit me trajnerin Skënder Gega. Pas rezultateve të ndeshjeve të para, trajneri Gega ka paraqitur dorëheqjen në klub dhe pavarësisht besimit që i është dhënë nga klubi, trajneri Gega nuk ka bërë kthim pas.

‘Falënderoj klubin dhe Presidentin e Nderit, Safet Gjici për mbështetjen dhe besimin. Falënderoj të gjithë bashkëpuntorët që kisha, por besoj se kjo është më e mira në këtë situatë’, u shpreh trajneri Gega.

Klubi i Kukësit e falënderon trajnerin Gega për bashkëpunimin dhe i uron suksese në karrierën e tij”, shkruan Kukësi./ h.ll/albeu.com

The post Skënder Gega jep dorëheqjen nga Kukësi appeared first on Albeu.com.

Gega del me një pikë nga fusha e Laçit, Kukësi fundos Dinamon

admin — Sun, 13 Mar 2022 15:42:15 +0000

Skënder Gega e nis në mënyrën më të mirë aventurën me Skënderbeun. Korçarët të impenjuar në një transfertë të vështirë si ajo me Laçin arritën të merrnin një barazim me shumë vlera.

Është vetëm një pike por që do t’i shërbejë Skënderbeut dhe Gegës që të shpresojnë për mbijetesën teksa pjesa e parë e ndeshjes ishte shumë e ekuilbruar me Laçin që tentoi të shënonte.

Fraksioni i dytë nisi sërish me insistimin e vendasve që nuk tregohen të saktë para portës së Rexhepit ndërsa në 68’ Velkovski merr karton të kuq për faull ndaj lojtarit të fundit duke lënë me 10 lojtarë kurbinasit.

Në 72’ Vangjel Zguro bëhet protagonist për një sherr me tifozët e Laçit duke bërë që ndeshja të ndërpritet pak minuta ndërsa Gega vendos ta largojë nga fusha për të ulur tensionet.

Gjithsesi Skënderbeu reziston në fund edhe pse Laçi shënon në shtesë por anulohet me VAR duke mbyllur ndeshjen 0-0.

Në duelin tjetër, Kukësi rigjen fitoren me një sukses të pastër 2-0 ndaj Dinamos, një fitore që largon krizën momentale të verilindorëve.

Me humbjen e Vllaznisë, Kukësi duhej të fitonte për të ruajtur vendin e tretë dhe arriti ta bente teksa sfida u dominua dhe u fitua 2-0.

Që në pjesën e parë u duk superioriteti i Kukësit që në 27’ gjeti golin me një autogol! Ishte Prodani që devijoi një top të kthyer nga portieri Simoni.

Edhe pjesa e dytë ishte nën shenjën e Kukësit që në 55’ dyfishon dhe vë në kasafortë fitoren teksa Milunovic çon në rrjetë një kros nga De Lucas. Gjithsesi, edhe pse Dinamo tentoi të rihapte ndeshjen nuk mund të bënte më shumë me sfidën në Kamëz që mbyllet 2-0.

The post Gega del me një pikë nga fusha e Laçit, Kukësi fundos Dinamon appeared first on Albeu.com.

gega Archives - Albeu.com

Skënder Gega jep dorëheqjen nga Kukësi

Gega del me një pikë nga fusha e Laçit, Kukësi fundos Dinamon