Duke folur pasditen e sotme në seancën plenare të Kuvendit, Bardhi u shpreh se me ndryshimet e reja, parkimi i dyfishtë parashikohet të konsiderohet vepër penale, ndërkohë që, sipas tij, korrupsioni është dekriminalizuar. Ai akuzoi zv/kryeministren Belinda Balluku për abuzim me 50 milionë euro, duke theksuar se pavarësisht këtyre akuzave, ajo paraqitet në Kuvend për të votuar Kodin e ri Penal.

Sipas tij, në një vend ku ndërtohen kulla të reja pa infrastrukturë rrugore të mjaftueshme, qytetarët ndëshkohen për parkim të dyfishtë, ndërsa zyrtarë të lartë të akuzuar për abuzime financiare vazhdojnë të ushtrojnë funksione shtetërore.

Bardhi kujtoi gjithashtu se Kodi Penal është ndryshuar disa herë ndër vite dhe se çdo herë është përshtatur me standardet e Bashkimit Evropian. Ai përmendi se në vitin 2012 Kuvendi miratoi dekriminalizimin e shpifjes, ndërsa sot, sipas tij, kërkesat ndërkombëtare shkojnë drejt dekriminalizimit të plotë të saj.

Në përfundim, kreu i grupit parlamentar të PD-së theksoi se ndryshimet e reja në Kodin Penal krijojnë standarde të dyfishta, duke ndëshkuar qytetarët për shkelje të vogla, ndërsa zyrtarët e akuzuar për korrupsion mbeten të paprekur.

Gazment Bardhi: Kodi Penal ka ndryshuar disa herë dhe gjithmonë është përshtatur sipas standardeve të BE-së.
Në 2012, ky Kuvend ka miratuar dekriminalizimin e shpifjes, sot jemi në një tjetër standard, ku kërkesa ndaj Shqipërisë na kërkojnë dekriminalizimin e plotë të shpifjes.

Më gjeni një vend të dytë që parkimin dysh ta kenë vepër penale. Këta që kanë dekriminalizuar korrupsionin, vjedhin 50 mln euro me një dorë dhe thonë pse të shkojë ajo në burg. Ama po parkove dysh të fut ky në burg dhe shefi i këtij. Në një vend ku ndërtohen kulla të reja dhe s’ka rrugë, këta të dënojnë për parkim dysh.

Po parkove dysh i thoni shqiptarëve të cojmë në burg, ama po vodhe apo abuzove me 1.1 mln euro si zv/kryeministrja juaj, ti duhet të vish këtu si numër 2 në karrigen e zv/kryeministres, madje jam i bindur se do vijë sot ta votojë Kodin Penal. Qytetari që parkon dysh duhet të futet në burg me votën e Belinda Ballukut kurse zv/kryeministrja vjedh 50 mln euro dhe vjen të votojë për ta futur qytetarin në burg.

The post Bardhi kundër ndryshimeve në Kodin Penal: Balluku që abuzoi me 50 mln euro, me votën e saj do fusë në burg qytetarët që parkojnë dysh appeared first on Albeu.com.

Kallëzimi penal për tenderin e menaxhimit të kontenierëve në Portin e Durrësit është bërë tre vjet më parë nga deputeti demokrat Gazment Bardhi. Por tashmë hetimet kanë hyrë në një fazë të avancuar pasi prokurorët e SPAK kanë bërë zbulimet e para.

Por teksa anëtarët e KVO-së bëjnë deklarimet e tyre në dhomën e “rrëfimeve” të SPAK, shumë shpejt “ftesat” e prokurorëve pritet të shkojnë më lart. Tek ish drejtori i Autoritetit Portual, Pirro Vengu, i cili tashmë mban postin e ministrit të Mbrojtjes në qeverinë e Edi Ramës.

Zoti Vengu është njeriu që firmosi kontratën kontroverse 31 milionë euro, pas një procesi tenderimi të mbushur me dyshime deri në pikën që anëtarët e komisionit nuk pranuan ta firmosin.

Tenderi

Terminali i kontenierëve në Portin e Durrësit iu dha me koncesion në vitin 2013 kompanisë turke Kurum. Në vitin 2017, Damian Gjiknuri vendosi ta prishë koncesionin për shkak të shkeljes së kontratës nga Kompania Kurum. Më vonë Kurum e paditi Shqipërinë në arbitrazh duke kërkuar 100 milionë euro dëmshpërblim, por Shqipëria e fitoi gjyqin.

Pas anullimit të koncesionit me Kurum, për disa kohë shërbimi i menaxhimit të terminalit të kontenierëve u krye nga vetë Autoriteti Portuar. Deri në vitin 2020, kur APD vendosi ta nënkontraktojë sërish shërbimin tek privati, këtë herë për një afat 5 vjeçar.

Tenderi për dhënien e menaxhimit të terminalit të kontenierëve në Portin e Durrësit u shpall në shtator të vitit 2020. Autoriteti Portual përzgjodhi që llokmën me fond limit 37 milionë euro ta prokuronte me procedurë të kufizuar me dy faza, ku në fazën e parë parakualifikuese do të përzgjidheshin kompanitë që mund të vijonin më tej.

Fillimisht APD u la vetëm 20 ditë kohë ofertuesve për fazën e parë. Por pas ndërhyrjes së Agjencisë së Prokurimeve Publike kriteret e tenderit u ndryshuan dhe data e zhvillimit të fazës së parë u shty nga 22 shtatori në 2 tetor.

Në këtë fazë u paraqitën vetëm dy oferta. E para ishte nga një kompani gjermane e quajtur HHLA International Gmbh, ndërsa oferta e dytë erdhi nga maltezja Hili Company Limited. Komisioni i Vlerësimit të ofertave i skualifikoi të dyja për mospërmbushje të kritereve. Nga ky moment fillojnë marifetet.

Kontratë me firmën e Vengut

Pas skualifikimit, kompania Hili Company Limited bëri ankesë në Autoritetin Portual. Komisioni i Ankesave vendosi të kthejë vendimin e Komisionit të Vlerësimit të Ofertave duke i kualifikuar të dyja kompanitë. Elson Thana, titullari i Komisionit të Ankesave është marrë në pyetje nga SPAK.

Pas kualifikimit të të dy kompanive, në fazën e dytë u parait vetëm njëra prej tyre, e cila dorëzoi ofertë financiare. Ajo ishte kompania malteze Hili, e cila ofroi çmimin 31 milionë euro. Autoriteti Portual e shpalli fituese, por vetëm me firmën e Pirro Vengut, pasi anëtarët e Komisionit të Vlerësimit të Ofertave nuk pranuan të firmosnin.

Tashmë që kontrata është në operim, kompania e menaxhimit të kontenierëve fiton 1.7 milionë euro në vit sipas deklarimeve të saj. Kjo shumë është saktësisht me gjithë fitimin vjetor të Autoritetit Portual të Durrësit. Pra, në finale ky është një operacion, i cili ka transferuar fitimin e një agjencie publike në llogari private përmes një proçesi të mbushur me dyshime të mëdha për korrupsion.

Aq sa para ka patur jo vetëm për zyrtarët, por edhe për një studio avokateore të lidhur me një zyrtar të lartë në KQZ, e cila merr mesatarisht 40 mijë euro në muaj nga kjo kontratë. /Marrë nga Kapitali.al

The post DOKUMENTET/ “Hapen letrat” për Portin e Durrësit: Pirro Vengu firmosi tenderin 31-mln euro që refuzuan ta firmosin… appeared first on Albeu.com.

Gazmend Bardhi ka lajmëruar mbledhjen e Grupit Parlamentar për herë të parë në selinë e PD-së.

Ky akt vjen 3 orë para mbledhjes së Këshillit Kombëtar që zhvillohet në orën 17:00 nesër, dhe para protestës së 20 shkurtit.

The post Bashkohet PD-ja, Grupimi i Bardhit dhe i Berishës nesër mbledhje në selinë e PD-së appeared first on Albeu.com.

Por ky aksion dhe ky bashkim i Bardhit me grupin e Berishës ndodhi menjëherë pasi ai u kthye nga Shtetet e Bashkuara të Amerikës.

Për këtë, analisti Fatos Lubonja ngriti disa hipoteza, që siç u shpreh ai të gjitha janë për të hapura për t’u diskutuar.

Fatos Lubonja: Këtu tani do ngremë hipoteza sepse nuk mund të themi gjëra që nuk ka prova. Ajo që e ka dalluar Bardhin nga grupi tjetër ka qenë një qasje tjetër ndaj çështjes non grata të Berishës dhe është menduar se bën pjesë në ata që mund të marrë PD, që mund ta duan si opozitë tjetër. Por që duhet të mohojë Berishë. Kështu është perceptuar Bardhi. Tani hipoteza që ngrihet është ca ka ndodhur aty në Amerikë që ky shpejt e shpejt vrapoi tek Berisha, ndërkohë po të vazhdonte me linjën e tij nuk duhet të kishte shkuar tek Berisha. A ka ndodhur gjë vërtetë? A ka marrë ndonjë sinjal që ata ndoshta janë penduar, që kanë shpallur non grata Berishën. Hipoteza janë këto. Apo ndoshta i kanë dhënë ndonjë sinjal që mund të bashkëpunosh, por merre ti.

E dyta që ngremë si hipotezë, pse qenkan kaq të merakosur këta që kjo opozitë e fortë të veprojë me Bardhin në krye, duke përfshirë edhe Berishën se kanë ndonjë hall me Ramën, sepse çështja McGonigal i ka dalë edhe boja cik në Amerike, apo jo? Të gjitha këto janë të hapura për të komentuar. Unë nuk mund të them është kështu apo ashtu. Duhet të ndjekim ngjarjet se cfarë ndodh prapa. Më shumë se cdo kush duhet ta thotë Bardhi, por kuptohet që këto nuk thuhen nëse ka pasur biseda.

The post Gazment Bardhi në protestën e Berishës, Fatos Lubonja ngre hipotezat: Çfarë ndodhi pasi ai u kthye nga Amerika? appeared first on Albeu.com.

Në një moment në mes të turmës ka qenë edhe deputeti Gazment Bardhi i cili ka tentuar që të gjejë një rrugëdalje për të ikur.

Por pikërisht në këtë moment turma e ka marrë me vete, duke e marrë për krahu për t’iu bashkuar poshtë shtëpisë së liderit demokrat.

Kjo ishte hera e parë që Bardhi duket te protesta poshtë shtëpisë së Berishës, teksa duket që edhe këtë herë nuk ka ardhur me dëshirën e tij.

The post Bardhi tenton të ikë, por turma e protestuesve e merr me vete për te shtëpia e Berishës appeared first on Albeu.com.

Reagimi i plotë:

Që Edi Rama dhe Erjon Veliaj janë kokat e aferës së inceneratorit të Tiranës dhe dy zyrtarët më të korruptuar të shtetit shqiptar, askush prej nesh nuk ka pritur ta mësojë nga Arben Ahmetaj, ish-bashkëpunëtori më i ngushtë i Edi Ramës për 20 vjet!

Edi Rama dhe Erion Veliaj duhet të ishin me kohë para drejtësisë për të dhënë llogari për vjedhjen e shqiptarëve. Por akoma nuk është vonë që kjo të ndodhë! Pas dëshmisë së vonuar të Arben Ahmetaj, Edi Rama dhe Erion Veliaj duhet të japin dorëheqjen dhe t’i hapin rrugë drejtësisë për një hetim të pandikuar dhe të paanashëm!

Faktet dhe të dhënat e përfshirjes së tyre në aferën korruptive të inceneratorëve dhe të disa aferave, për të cilat Arben Ahmetaj përdori kodin e mafies për të dhënë mesazhe, duhet të dalin në dritën e diellit nga drejtësia përmes një hetimi të plotë e të shpejtë! SPAK-u ka patur dhe ka aq prova në dispozicion sa duhet të kishte arritur tashmë një konkluzion për vënien para përgjegjësisë penale të Edi Ramës dhe Erion Veliajt!

Heshtja dhe çdo vonesë tjetër, qoftë edhe përmes mungesës së nisjes së hetimeve kryesisht, ngre dyshime serioze për besueshmërinë e SPAK-ut dhe minon pritshmëritë e larta të qytetarëve për t’i dhënë fund pandëshkueshmërisë në nivelet më të larta të pushtetit.

Nga ana tjetër, fakti që Arben Ahmetaj ka filluar të rrëfejë nga halli disa të vërteta, nuk e bën atë më pak fajtor nga dy të parët. Ai duhet të përballet me drejtësinë për përfshirjen dhe përfitimet e tij nga afera e inceneratorëve, si pjesë e organizatës kriminale të drejtuar nga Edi Rama, ku ai, për 2 incineratorët e parë dhe Erion Veliaj, për incineratorin e Tiranës, kanë patur rol kyç.

Për të gjitha akuzat e tjera, që gjithashtu janë të dokumentuara, SPAK duhet t’i ofrojë mundësinë Arben Ahmetajt për të qenë bashkëpunëtor i drejtësisë dhe për të zbardhur së bashku aferat e Qeverisë së Edi Ramës, ku Ahmetaj ka shërbyer për gati 10 vjet, si një nga bashkëpunëtorët më të afërt dhe më konfidentë të Edi Ramës!

Nëse SPAK-u nuk ia ofron këtë mundësi, Arben Ahmetaj, që deri dje, na bënte leksione për pavarësinë e drejtësisë së re, duhet të deklarohet publikisht si bashkëpunëtor i drejtësisë dhe të tregojë sesi me Edi Ramën në krye, tradhëtuan shqiptarët përmes aferave të rënda korruptive dhe lidhjeve me krimin e organizuar!

The post “Përdori kodin e mafies për të dhënë mesazhe”, Gazmend Bardhi reagon pas intervistës së Ahmetajt appeared first on Albeu.com.

Shqipëria si vend anëtar i NATO-s, shkruan Bardhi, duhet t’i qëndrojë standardeve të një vendi demokratik dhe të punojë me vendosmëri për t’u bërë pjesë e BE.

Kujtojmë se në SHBA ndodhet një delegacion nga Kuvendi i Republikës së Shqipërisë, mes tyre dhe Damian Gjiknuri, Pandeli Majko dhe Dhurata Çupi.

Postimi i Gazment Bardhit:

Në Departamentin e Shtetit,

Gjatë vizitës në Washigton DC, zhvilluam një takim në Departamentin e Shtetit me zv. Ndihmës Sekretarin Amerikan të Shtetit dhe të dërguarin për Ballkanin Perëndimor z. Gabriel Escobar. SHBA mbetet aleati ynë kyç dhe shqiptarët janë me fat që i kanë në krah.

Shqipëria si vend anëtar i NATO-s, duhet ti qëndrojë standardeve të një vendi demokratik dhe të punojë me vendosmëri për t’u bërë pjesë e BE.

The post Bardhi takim me zyrtarë të lartë amerikanë në DASH: Shqipëria duhet t’i qëndrojë standardeve të një vendi demokratik dhe të punojë me vendosmëri për t’u bërë pjesë e BE appeared first on Albeu.com.

Bardhi tha se nuk mund të japë leksione demokracie njeriu që dogji mandatet, ndërsa tha se aksioni i opozitës nuk është i pari, por është hera e parë që janë mbyllur dyert e institucioneve.

“Basha nuk është opozita, mund të jetë një segment i vogël brenda opozitës. Ka kryer disa veprime që bien ndesh me opozitën dhe ndërmerr akte kundër opozitës. Me Bashën nuk mund të portretizosh opozitën. Këtë leksionin e demokracisë na i jep njeriu që dogji mandatet. Ishte një vendim që u mor nga kryetari i partisë, që ia propozoi strukturave të partisë. Aksioni i opozitës nuk po ndodh për herë të parë, ajo që po ndodh për herë të parë është mbyllja e dyerve të institucioneve për opozitën. Të drejtat që na i garanton Kushtetuta, i mbylli dyert mazhoranca”, tha Bardhi në studion e Opinion.

The post “Jep leksione demokracie njeriu që dogji mandatet”, Bardhi i përgjigjet Bashës: Me të nuk mund të portretizosh opozitën appeared first on Albeu.com.

Reinout Vos, shkruan në platformën ‘X’: “Skena të pa pranueshme në Kuvend. Nuk do t’i shfaq pamjet”.

Unacceptable scene in parliament today. I won’t show the images.

— ReinoutVos (@ReinoutVos) January 17, 2024

Çfarë ndodhi sot në komisionin parlamentar të Edukimit

Një debat i ashpër ka ndodhur mes deputetëve demokratë në Komisionin e Edukimit që drejtohet nga Flutura Açka.

Gazment Bardhi i ka kërkuar Flutura Açkës që të ndërpresë punën e komisionit, ndërsa kishin ndezur edhe zhurmuese për të penguar punën.

“Jo me dorë, mos më prek”, dëgjohen të thonë deputetet demokrate, mes tyre edhe Merita Bakiu.

Debati:

Bardhi: Nuk flet dot Flutura, ndërprite fjalën. Leri hartimet e Edi Ramës.

(Flamur Noka shkul mikrofonin)

Açka: O Flamur, unë nuk marr urdhra

Bardhi: Je me votën time aty Flutura. Fike mikrfonin

Noka: Turp

Bardhi: Ngri zërin për komisionet hetimore

Bardhi: Për çfarë i bën këto skena?

Acka: Ju lutem gazetarëve do mbaj konference

The post Përplasja e Bardhit dhe Nokës me Açkën, reagon ambasadori holandez: Skenë e papranueshme! appeared first on Albeu.com.

Për shkak të kaosit, presidenti i Republikës, Bajram Begaj u detyrua të anulonte fjalim në Kuvend, dhe ta mbante atë në Presidencë.

Për këtë shkak, Partia Socialiste ka kërkuar përjashtimin e deputetëve, Gazmend Bardhi dhe Flamur Noka.

Në seancën e parë të sesionit të ri ku ishin të pranishëm edhe ambasadorët e huaj në vend, u miratuan ndryshimet në qeveri dhe u betua deputeti Plarent Ndreca, i cili mori mandatin e Arben Ahmetaj që ndodhet në arrati.

The post Nis me tension dhe kaos sesioni i ri parlamentar: Partia Socialiste kërkon përjashtimin e Gazmend Bardhit dhe Flamur Nokës appeared first on Albeu.com.