Marrëveshja për projektimin dhe ndërtimin e interkonektorit të gazit Maqedoni-Serbi u firmos nga drejtori i SHA NOMAGAS, Nedim Rama, dhe përfaqësuesi i kompanisë ndërtuese “Rapid Bild”, Toni Karanfillovski.

Sipas të dhënave të prezantuara, segmenti i interkonektorit në territorin e vendit do të shtrihet në një gjatësi prej 22.4 kilometrash, ndërsa përfundimi i të gjithë projektit është planifikuar deri në fund të vitit 2028. Kostoja e tij do të jetë 29.4 milion euro.

Nedim Rama deklaroi se kompania vendase “Rapid Bild” u përzgjodh pasi paraqiti ofertën më të favorshme. Ai bëri të ditur se tubacioni do të ketë diametër prej 500 milimetër.

“Pika fillestare do të jetë pranë bllok stacionit ‘Kleçevc’, ndërsa pika e fundit do të jetë në kufirin me Serbinë pranë fshatit Sopot. Projekti përfshin gjithashtu ndërtimin e 5 objekteve shoqëruese: stacionit kryesor matës, stacionit reduktues, bllok stacionit dhe dy stacioneve pranuese dhe dërguese për pastrimin e tubacionit”, deklaroi Nedim Rama, drejtor i SHA NOMAGAS.

Kryeministri Hristijan Mickoski tha se ndërtimi i interkonektorëve me Greqinë dhe Serbinë do t’i sigurojë vendit një lidhje të plotë vertikale në fushën e energjisë. Sipas tij, interkonektori me Greqinë pritet të përfundojë në gjysmën e parë të vitit të ardhshëm, ndërsa lidhja me Serbinë në gjysmën e dytë, në fund të vitit 2028.

“Pas përfundimit të këtyre projekteve do të marrim një lidhje plotësisht vertikale, e cila është pjesë e Korridorit 10. Kjo do ta bëjë në mënyrë dramatike më të rëndësishëm pozicionin gjeostrategjik të vendit”, deklaroi Hristijan Mickoski, kryeministër.

Kapaciteti teknik i parashikuar për interkonektorin është deri në 160 000 kub gazë në orë.

The post Nënshkruhet marrëveshja për ndërtimin e interkonektorit të gazit mes Maqedonisë së Veriut dhe Serbisë appeared first on Albeu.com.

Qeveria federale planifikoi të përjashtonte taksën nga TVSH-ja, por kjo nuk u pranua nga Bashkimi Evropian.

Ulja e përkohshme e TVSH-së për gazin natyror pritet të jetë në fuqi deri në fund të marsit 2024.

The post Gjermania ul përkohësisht TVSH-në për gazin natyror appeared first on Albeu.com.

Plani i miratuar dy javë më parë dhe i publikuar si rregullore e Këshillit Evropian më 8 gusht, do të zbatohet për një vit.

Teksti i rregullores citon urgjencën “marrë parasysh rrezikun e afërt për sigurinë e furnizimit me gaz të shkaktuar nga agresioni ushtarak rus kundër Ukrainës”.

Sipas planit, vendet e BE-së pritet të bëjnë çmos për të reduktuar vullnetarisht konsumin e tyre të gazit natyror për 15 për qind midis 1 gushtit dhe 31 marsit, krahasuar me konsumin mesatar gjatë së njëjtës periudhë të pesë viteve të fundit.

Gjermania përbën rreth 40 për qind të gazit natyror rus të importuar nga Bashkimi Evropian.

Marrëveshja për zvogëlim vullnetar të përdorimit të gazit mund të bëhet e detyrueshme në rast të ndonjë emergjence.

Ministrja e Jashtme gjermane, Annalena Baerbock tha më 26 korrik se Bashkimi Evropian nuk do t’i dorëzohet “shantazhimit” të Moskës, pasi Gazpromi njoftoi për një tjetër reduktim të madh të gazit përmes gazsjellësit Rrjedha Veriore 1, i cili lidh Rusinë me Gjermaninë.

Evropa ndaloi importet ruse të qymyrit duke filluar nga 1 gushti dhe shumica e importeve të naftës do të përfundojnë deri më 31 dhjetor.REL

The post Gazi natyror, BE-ja synon shkurtimin e përdorimit me 15 përqind appeared first on Albeu.com.

“Ky nuk ishte një mision i pamundur! Ministrat arritën një marrëveshje politike për të reduktuar kërkesën për gaz natyror në funksion të dimrit që po vjen”.- thuhet në postim.

Ende nuk është bërë e ditur përmbajtja e marrëveshjes në parim, e cila i ka paraprirë diskutimeve për të gjetur gjuhën e përbashkët në lidhje me ndërprerjen e gazit natyror.

Një front kundër propozimit të Brukselit për uljen e konsumit të gazit natyror me 15% u krijua nga jugu evropian, me Greqinë, Portugalinë dhe Spanjën që nuk nguruan të shprehin pakënaqësinë e tyre.  Përveç Greqisë, edhe Spanja dhe Portugalia kanë shprehur kundërshtime ndaj planit të Komisionit, i cili synon të kursejë energjinë në rast të ndërprerjes së flukseve ruse.

Herët në mëngjes, Agjencia Gjermane, duke cituar diplomatë me njohuri për këtë çështje, kishte transmetuar se vendet anëtare të Bashkimit Evropian arritën një marrëveshje për planin emergjent për konsumin e gazit natyror.

The post Plani i sigurimit të energjisë, arrihet marrëveshja politike e BE-së appeared first on Albeu.com.