Sipas Dailymail, gazetarja 37-vjeçare, e cila është e martuar me një politikan rus, po fliste me të ftuarit se kur dhe ku vendi i saj mund të përdorte armët e saj bërthamore.

“Duhet ta kishim bërë këtë të hënën, kur gjithë njerëzit më të rëndësishëm ishin në Britani për funeralin e mbretëreshës”.- tha ajo.

Skabeyeva e bëri komentin specifik në përgjigje të të ftuarit Andrei Gurulev, një gjeneral në pension dhe anëtar aktual i parlamentit.

“Ne kemi shumë objektiva. Baza ajrore Ramstein [në Gjermani] është e mirë, por mund të presë,” tha fillimisht Gurulev, duke shtuar: “Pse të bombardoni Ukrainën ose Gjermaninë kur ekziston Britania, rrënja e së keqes”?

Mbretëria e Bashkuar mund të “zbardhet” dhe të shndërrohet në një “shkretëtirë të Marsit ” me vetëm një numër të vogël sulmesh ruse, tha ai, dhe më pas NATO do të “tërhiqej”.

Vërejtjet e Gurulev vijnë ndërsa propaganduesit e Rusisë përpiqen të kuptojnë poshtërimin e fundit të vendit të tyre në fushën e betejës pasi trupat e tyre u shpartalluan pranë Kharkiv.

The post Habit gazetarja ruse: Duhet të kishim goditur me armë bërthamore në funeralin e mbretëreshës (VIDEO) appeared first on Albeu.com.