Viktimat janë identifikuar si gazetarja e njohur e hokejit Jessie Pierce, 37-vjeçe, dhe tre fëmijët e saj.

Sipas raportimeve, ata u gjetën pa shenja jete pas shpërthimit të zjarrit në shtëpinë e tyre në White Bear Lake.

Në këtë ngjarje tragjike, humbi jetën edhe një kafshë shtëpiake e familjes.

Ironikisht, vetëm një ditë para ngjarjes, Pierce kishte ndarë në rrjetet sociale momente nga një dalje e lumtur me fëmijët e saj, teksa shijonin akullore në dyqanin e tyre të preferuar. Postimi i saj i fundit në platformën X mbante përshkrimin: “Çantat janë të siguruara”.

Shkaku i zjarrit ende nuk është bërë i ditur dhe autoritetet kanë nisur hetimet për të zbardhur rrethanat e ngjarjes.

Në një reagim zyrtar, National Hockey League (NHL) konfirmoi vdekjen e gazetares dhe fëmijëve të saj, duke shprehur ngushëllime të thella për familjen.

“E gjithë familja e NHL i dërgon lutjet dhe ngushëllimet më të sinqerta familjes Pierce për humbjen e Jessi-t dhe tre fëmijëve të saj të vegjël. Jessi e donte lojën tonë dhe ishte një anëtare e vlefshme e ekipit NHL.com për një dekadë. Ajo do të na mungojë shumë”, thuhet në deklaratë.

Ngjarja ka prekur thellë komunitetin sportiv dhe më gjerë, duke lënë pas një dhimbje të madhe për humbjen e parakohshme të një nëne dhe fëmijëve të saj.

NEW: Beloved NHL reporter Jessi Pierce, 37, and her three children — Hudson, Cayden, and Avery — died in a house fire in White Bear Lake, Minnesota on Saturday

Fire crews responded just before 5.30 a.m. after neighbors reported flames coming through the roof and believed people… pic.twitter.com/XXv2w3hn5z

— Unlimited L’s (@unlimited_ls) March 23, 2026

The post Ngjarje tragjike/ Zjarri në banesë i merr jetën gazetares dhe tre fëmijëve të saj appeared first on Albeu.com.

Ajo është ndalur edhe te kënga e re e ish-finalistes së “Big Brother VIP 4”, Egli Tako, ku nuk i ka kursyer thumbat për të.

“Tani ajo po tregohet e zgjuar, që më në fund me këtë histori, ajo po fiton, se boll humbi.

Ajo është depresive, sepse që është një mesazh i qartë për Gjestin, këtë e dimë të gjithë. Dhe sot e kësaj dite, ajo vazhdon dhe i thotë:

“Unë nuk të fal” – nëse e dëgjojmë tekstin – dhe pastaj thotë “se zemra më sjell te ti”. Kjo nuk ndodh në realitet.

Nëse unë të urrej, të urrej”, tha gazetarja.

E pyetur ‘nuk mendon se je nxituar pak me termin “depresive”?’, Enki u përgjigj:

”Jo, absolutisht. Jemi bërë tani me këtë ‘bullizmin’, ‘depresionin’, kemi frikë të themi mendimin tonë, në këtë kohë që gjithë njerëzit kanë probleme mendore. Depresive, është një person që shikon vetëm zi dhe unë mendoj se shikon vetëm zi. Sepse është një vajzë që mori gjithë atë famë nga BBV, atë famë po e përdor për fama dhe para, bravo në fund të ditës.

Por mund t’a përdorte shumë më mirë dhe mund t’a përdorte larg hijes së Gjestit. Nuk mendoj se ajo duhet të vazhdojë karrierën e saj muzikore, të flasë vetëm për ish-at në këtë jetë. Mua nuk më pëlqeu, m’u duk depresive”.

The post Gazetarja shpërthen ndaj Eglit: Ajo është depresive, u këndon ish-ave appeared first on Albeu.com.

Llabani u shpreh se deklarata e Ambasadës nuk është normale ndërsa theksoi se procesi zgjedhor në Shqipëri është monitoruar nga punonjës të CIA-s dhe DEA-s amerikane të cilët kanë mbajtur shumë shënime.

Sakaq, Anduena Llabani theksoi se deklaratën e Ambasadës së SHBA e sheh si certifikim të zgjedhjeve parlamentare të 11 Majit.

“E shikoj si certifikim të zgjedhjeve, të procesit zgjedhor. E shikoj që ka edhe shumë pikëpyetje. Kam informacion se që nga 11 Maji, dy ditë më përpara ambasada e SHBA doli me një moto, që vota të mos blihet, etj.

Dua të përmend një moment tjetër me SHBA, para pak ditësh ku SHBA thanë që të gjitha problemet, informacionet që keni në lidhje me trafiqet e drogës duhet t’i çoni në këtë numër.

I bëri sfidë të hapur institucioneve ligjzbatuese në vend. Dalin amerikanët që thonë në sillni të dhënat, tregon që institucionet tona nuk e kanë bërë punën siç duhet.

Sa i përket shpalljes së strukturës së hetimit të krimit zgjedhor, kishin gjashtë muaj që punonin ekspertë të SPAK, prokurorë, me ambasadën e SHBA dhe me vende të tjera, ku janë trajnuar si duhet të procedojnë me krimin zgjedhor.

Amerikanët kanë një kartë të kuqe ose jeshile. Nëse do ta kenë, do ta kenë për qeverisjen. Shumë informatorë të DEA-s dhe punonjës të CIA-s kanë qenë në Shqipëri gjatë procesit zgjedhor.

Kanë monitoruar dhe kanë mbajtur shumë shënime. Mbase kjo justifikon tekstin e varfër dhe aspak diplomat të Ambasadës së SHBA.”-tha Llabani.

The post Gazetarja Llabani: Ambasada e SHBA certifikoi zgjedhjet e 11 majit! CIA dhe DEA monitoruan procesin, ja çfarë pritet appeared first on Albeu.com.

Kjo për shkak sepse sipas gazetares, për sigurinë ushqimore nuk është blerë asnjë pajisje e duhur që të kryejë testet përkatëse.

Postimi i plotë:

Pasazhe korrupsioni ….

Një projekt i AKSHIT që lëvroi rreth 275 milionë lekë ( të vjetra) garantoi se në Shqipëri për herë të pare do të hapej një qendër laboratorike e sigurisë ushqimore dhe shendetit të kafsheve. Zyrat e këtij laboratori fantazme teorokisht gjenden në Universitetin Bujqësor të Tiranës. Praktikisht në këtë laborator nuk ka dale asnjë lloj analize e produkteve ushqimore.

Përse? Sepse për sigurinë ushqimore nuk është blerë de fakto asnjë pajisje e duhur që të kryejë testet përkatëse.

Cfarë është blerë ? Janë blerë kapa ( pajisje të tjera jo funksionale) që shërbejnë për dicka tjetër .

Me cfarë cmimesh?

Një blender shtrydhës frutash me cmim 600 mijë lekë; 2 herë 600= 1 milionë e 200 mijë lekë (foto 1)

Dollap për ruajtjen e reagentëve , që janë pa aspirim , pra thjesht dollapë me cmim ;të dy 1 milionë e 728 mijë lekë ( të vjetra); (foto 2)

Pajisje të modelit të vjetër dhe për to nuk ka kite në treg, pra të moshës 40 vite më parë; cmimi 8 milionë e 700 mijë lekë (foto 3)

Pajisje e cila nuk ka kryer asnjë lloj analize për shkak se i ka reagentët shumë të shtrenjtë; është blerë 93 milionë e 600 mijë lekë edhe kjo jashtë funksionit dhe në pritje të një specialisti që ta rregullojë ( foto 4)

mikropskopë me cmimin 3 milionë secili

konxhelator me cmim 5 milionë e 760 mijë lekë ; ndryshe frigorifer me ngrirje ( i vetmi që punon)

vorteksi , përzierës trëtësirash me cmimin 1 milionë e 500 mijë lekë secili

E të tjera…; të tilla si blerje gjysmake pa set, apo blerje të banjo marisë 1, 5 milionë lekë!!!
Pra …

Ajo që u propozua që të ngrihej në kërkim dhe shërbim për të tretët dhe njëkohësisht për të shërbyer si qendër reference për diagnostikën laboratorike veterinare dhe sigurinë e produkteve me origjinë shtazore në Shqipëri, është vetëm imazhi i një qendre laboratorike në Universitetin Bujqësor të Tiranës që u vizatua në avull nga krerët e Univestitetit Bujqësor Një rast i pastër i vjedhjes së fondeve të shtetit. Madje listë pagesat tregojnë se po paguhen njerëz fantazmë që sknë punuar asnjë ditë në një laborator që nuk funksionon!

Ekziston vetëm një dhomë për Sigurinë Ushqimore e cila nuk përmbush standardet minimale për realizimin e analizave, që nga infrastruktura (sheshi, muret, tavolinat e punës,etj.), apo dhe ndarja e saj në dhoma të ndryshme për kryerjen e analizave ushqimore në varësi të produktit ushqimor që do testohet.

Natën e mirë 275 milionë lekë kudo që të jeni !

The post Arrestimet e SPAK në Universitetin Bujqësor, gazetarja nxjerr provat: 275 milionë lekë për laboratorin fantazmë appeared first on Albeu.com.

Kujtojmë se gazetarja Xama, u shënjestrua drejtpërdrejt nga Veliaj pak kohë më parë, duke u etiketuar si “vrasëse me pagesë”, çka nxiti reagimin e disa organizatave të mediave.

“Erion Veliaj është një zyrtar publik, dhe si i tillë e ka ditur që prej marrjes së detyrës që do apo nuk do ai, do të bëhet pjesë e debateve publike në media sa i takon llogaridhënies në raport me detyrën dhe pasurinë e tij.
Prokuroria e Posaçme njoftoi ditën e premte se është duke hetuar pasurinë e tij dhe të familjarëve të tij, fakt që e ka pranuar publikisht dhe kryetari i Bashkisë së Tiranës.
Nisur nga këto të dhëna, ditën e hënë në emisionin “Të Paekspozuarit” kam raportuar mbi pasurinë e deklaruar të z.Veliaj dhe bashkëshortes së tij, deklarata që janë publike.
Duke qënë se hetimet kanë përfshirë dhe vëllain e z.Veliaj, kam raportuar se si kishte blerë 10% të aksioneve në një kompani për 100 euro dhe pas ardhjes pushtet të Erion Veliajt, firmat e tij kanë krijuar afërsisht 30 milion euro të ardhura dhe 4.5 milion euro fitime.

Asnjë gjë jashtë asaj që është publike në bilancet e deklaruara të kompanive, dhe pa i bërë gjyqin askujt, por vetëm duke shtruar për diskutim çështjen: si ka mundësi që në Shqipëri kanë biznese të suksesshme vetëm familjarët e njerzve në pushtet?
Përgjigjja nuk vonoi, por erdhi përmes një faqeje online të cilën e kam paditur civilisht për shpifje, ku unë akuzohem se kam marrë para nga qeveria.

Sa herë që raportoj çështje të cilat nuk i pëlqejnë kryetarit ose drejtorëve të bashkisë, kjo faqe bashkë me disa portale të tjerë nisin sulmin.

Të jetë rastësi, apo mos ka ardhur koha që drejtorët e bashkisë Tiranë dhe vetë kryetari i saj të hetohen për shantazh ndaj gazetarëve?Dhe m.q.s. ka dy vjet që e kanë bërë si refren se unë kam marrë fonde publike, i ftoj në gjykatë të më sjellin një dokument që e provon këtë. Për të tjerat, “pushka top”, le të vazhdojnë se as nuk kam bërë e as nuk kam marrë ndonjë gjë që më bën pis. Llumi ku jeni zhytur nuk lahet dot duke më hedhur baltë mua.”

The post Gazetarja Ola Xama denoncon: Ja si më shantazhon Erion Veliaj sa herë flas për çështje që nuk i pëlqejnë! appeared first on Albeu.com.

E ftuar në studion e “Quo Vadis”, gazetarja e kronikës së zezë Glidona Daci, tha se autoritetet duhet të reagojnë mbi këtë çështje pasi tashmë është bërë një kohë e gjatë.

Ndërsa shtoi se ka patur dyshime që ai mund të jetë zhdukur, pasi polumbarët e RENEA-s kanë bërë disa kërkime në bregdetin e jugut.

Pjesë nga biseda:

Daci: “SPAK në lidhje me çështjen e Vis Martinajt pasi ai prezupohet të jetë i gjallë. Ka disa masa sigurimi në drejtim të tij. Ndërkohë, Prokuroria e Lezhës, po heton për zhdukje personi pas denoncimit të familjarëve. Ka patur verën e këtij viti disa kontrolle. Ka ngritur pikëpyetje zhytja e polumbarëve në disa pika të bregdetit të jugut, pasi ka dyshime se Martinaj mund të jetë ekzekutuar. Në informacionet qe unë kam, SPAK në bazë të një tjetër procedimi penal ku janë anëtarë të grupit të Ervis Martinajt, është duke u hetuar për rrëmbimin dhe zhdukjen e Ervis Martinajt”.

Borakaj: Nga këto aplikacionet nuk ka nga këto detaje?

Daci: “Është përfolur në MATRIX. Por ka një problem të madh që ne gazetarët duhet ta dimë, që MATRIX është kapur për 3 muajt e fundit. Ajo që mua më shqetëson dhe duhet të kishim një përgjigje është: Kanë apo jo indicie, prova, fakte, e ka inskenuar apo është vrarë Vis Martinaj? Armiq Martinaj ka patur shumë, përplasje të forta ka patur me eksponentë të krimit aty ku jetonte, në Tiranë, në Durrës. Duke qenë se ka patur kaq shumë përplasja një dyshim ëhstë që ai të jetë rrëembyer zhdukur e më pas ekzekutuar”.

The post Çfarë ka ndodhur me Ervis Martinajn? Gazetarja jep detaje: Ka dyshime se mund të jetë… appeared first on Albeu.com.

Topalli thekson se në kamera shihen një grup adoleshentësh që grushtohen me njëri-tjetrin, teksa shton se nuk ka një autor të dytë.

Gazetarja tha se së bashku me autorin largohet dhe një shok i tij, por në kamera i mituri nuk shfaqet me thikë me vete.

Sipas Topallit, vetëm autori ka një thikë, me përmasat e një hanxhari.

Pjesë nga biseda:

Topalli: Pas ngjarjes së Gramshit, kjo është ngjarja e dytë më e rëndë. Ne jemi popull që shpesh e kalojmë masën. Të përdorësh politikisht një ngjarje ku janë të përfshirë vetëm të mitur, nuk duhet. Fajet nisin që nga familja, tek shoqëria që del e papërgjegjshme, dhe kalojnë te institucioni arsimor. Sigurisht, është një çështje e ndërlikuar për t’u hetuar. Pasi kaluan disa ditë dhe u përfol për një autor të dytë, kërkova të shoh nga afër pamjet filmike të regjistruara nga kamerat. Janë pamje që, nëse do transmetoheshin, do dilja kundër dhe do thosha se ne nuk dimë t’i trajtojmë rastet me të mitur.

Borakaj: Akti është i filmuar?

Topalli: Po, duket. Duket edhe akti i dhunës, është i filmuar nga larg. Videoja tregon gjithë skenarin se si ka ndodhur ngjarja. Janë të dy grupet e adoleshentëve, viktima me shokët dhe autori me shokët e tij. Të gjithë shkojnë pas një godine, përleshen me grushte dhe pastaj autori i kësaj ngjarjeje bie në tokë, goditet nga viktima. Më pas, nga poshtë, autori godet 14-vjeçarin. Edhe para, pas dhe gjatë ngjarjes ka pasur vazhdimisht sherr me grushte nga adoleshentët e tjerë. Shihen të gjithë që largohen, përveç viktimës dhe të plagosurit. Shihet autori i plagosur që largohet së bashku me një thikë që mbyllet, e cila duket si një hanxhar i madh. Ai është larguar me një nga shokët e tij me një taksi.

Borakaj: Ka një person të dytë?

Topalli: Nuk ka një person të dytë si autor. Një person tjetër largohet, por nuk ka thikë në dorë. Nuk e di si ka pranuar taksisti ta çojë në polici personin e plagosur dhe nuk e di nëse ai ka njoftuar policinë. Më vjen keq që ngjarja është përdorur politikisht. Ne po luajmë me ndjenjat e të dyja familjeve.

The post Vrasja e 14-vjeçarit Martin Cani/ Gazetarja tregon çfarë pa në kamerat e sigurisë appeared first on Albeu.com.

Në letrën e publikuar, nëna i shkruan të birit se ai është forca e saj dhe se së bashku do t’i fitojnë betejat e tyre. Me fjalë prekëse, nëna jep një mesazh për të birin e saj që të vazhdojë të jetojë dhe të mos dorëzohet në asnjë moment.

Krahas letrës, gazetarja Klodiana Lala shkruan se është krah nënës që të fitojë betejën e saj për drejtësi, duke e bërë publik rastin e saj.

“Thirrja e një nëne për të gjetur drejtësi, për foshnjën që ja infektuan me HIV në spital…

Sa shumë forcë kam parë tek ai çift dhe sesa me dinjitet po e përballojnë. Jam krah jush në betejën për drejtësi!” – shkruan gazetarja.

Letra e nënës drejtuar djalit:

Sot, ndërsa shkruaj për ty, më duket sikur koha ka ndaluar dhe zemra ime ndjen çdo ndjesi si të ishte ajo dita e parë e dhimbjes dhe shpresës sonë. Ka kaluar një vit që nga hera e fundit kur fjala u kthye në strehë për mendimet e mia, dhe, ndërsa kjo datë e 1 Dhjetorit shënon një fakt të pamohueshëm, ajo gjithashtu përfaqëson sa shumë kemi ecur përpara, biri im.

Duket sikur asgjë nuk ka ndryshuar, por në fakt, bota jonë ka përjetuar ndryshime të mëdha. Sot, nëse lotët ma rrëmbejnë buzeqeshjen, ti vrapon drejt meje, duke ma qetësuar zemrën me një përqafim. Nëse ndodh që ndjej se po shembem, forca jote, qoftë dhe ajo e thjeshta e buzëqeshjes së një fëmije, më bën të ringrihem dhe të vazhdoj pa u ndalur.

Jeta jonë, biri im, është një sfidë që jetohet çdo çast. Nuk na jep kohë të mendojmë për dorëzim. Për ty, nuk është ende koha për të shpjeguar historinë e plotë të jetës tënde. Por kurrë nuk është herët për të të përgatitur për atë që të pret. Kurrë nuk është herët për të të mësuar të duash veten, të njohësh forcën tënde, dhe të kuptosh se Zoti është gjithmonë pranë teje, duke të udhëhequr në çdo hap.

Njerëzit, biri im, janë të lirë të vijnë dhe të largohen. Por një gjë është e sigurt: askush nuk ka të drejtë të të lëndojë, të të bëjë të ndihesh më pak se i denjë. Ti je një dhuratë e çmuar, një bekim për këdo që ka fatin të të njohë. Ti po rritesh në një botë të mbushur me dashuri, dhe një fëmijë që rritet me dashuri do të përçojë gjithmonë vlerat më të mira në çdo hap të jetës.

Deri dje, mendimet e mia ishin të mbushura vetëm me frikë për jetën tënde, duke u lutur që të të kem pranë, duke e përjetuar çdo ditë me një ankth të heshtur. Sot, ndërsa të shoh të rritesh plot gëzim e jetë, ndërsa të dëgjoj të flasësh dhe të shpjegosh ndjenjat e tua, unë e kuptoj sa larg kemi arritur. Ti tashmë po ndërton miqësi, po shijon jetën dhe po ndjek dijen me gjithë pasionin e një fëmije të lumtur. Çdo moment me ty është një dhuratë, dhe çdo ditë që kalon e ndiej më shumë sesa bekim është jeta jote për mua.

Plaga në zemrën time nuk është shëruar ende. Ka ditë kur dhimbja më mbulon si një oqean i pafund. Por çdo herë që më mbulon ajo valë e errët, gjej forcën për të notuar sërish, për të vazhduar përpara për ty. Ankthi për analizat dhe për përgjigjet e tyre nuk është zbehur, por përballë frikës për ty, biri im, unë e gjej gjithmonë një forcë të re.

Ti je qellimi im i përjetshëm, biri im. Nuk kam bërë gjithçka që ndoshta meriton, dhe ndjenja se mund të bëj më shumë do të më shoqërojë deri në fundin e ditëve të mia. Por një gjë është e sigurt: nuk do të ndalem kurrë së luftuari për ty, për të ardhmen tënde, për lumturinë tënde. Ti je shpresa dhe motivi i jetës sime dhe do të jesh po kështu për të tjerët që kanë nevojë për forcë dhe shpresë.

Ti do ta duash jetën, biri im, dhe jeta do të të dojë po aq sa unë. Së bashku, do të ndërtojmë një të ardhme të mbushur me dashuri, dinjitet dhe guxim për të përballuar çdo sfidë që vjen.

Gjithmonë me dashuri dhe përkushtim,

The post Djali iu infektua në spital, gazetarja publikon letrën prekëse të nënës ndaj të birit: Mos u dorëzo, jeta është dhuratë! appeared first on Albeu.com.

Së fundmi ajo ka treguar se ika ardhur një sinjala nga babai i ndjerë. Kur ka qënë në një vizite në varreza bashkë me mbesën, kanë dëgjuar një zhurmë që vinte nga varri.

Valbona Mhilli: Shenja që edhe kur kam shkuar me mbesat e mia te varri i babit, ne kemi dëgjuar bashkë me mbesat varrin i cili bënte zhurmë shumë të madhe. Kemi parë shenja që na është shfaqur babi në ëndërr si mbesës, ashtu edhe mua, kështu që ka shumë shenja që ne na bënë të besojmë që shpirti jeton dhe shpirti i babit tim është gjithë kohës me mua.

Për pjesën e shenjës së parë, tani si e ke përjetuar atë moment dhe ishit të dyja kaq të qarta në atë gjë, s’e kuptoj? Valbona Mhilli: Ne ishim bashkë me familjarët tanë në ritualet tona që shkonim e takonim babin. Babi ka pasur një lidhje shumë të madhe me mua dhe me mbesën e madhe. Vajtja e mbesës te varri, ndërkohë që ne ishim ulur te pllaka e varrit, unë dhe mbesa dëgjojmë një shkundje të fortë të varrit, një zhurmë që vinte nga një thellësi shumë e madhe dhe dukej sikur trokiste diçka. Kjo është dëgjuar vetëm nga unë dhe mbesa, të dyja të mpira dhe nuk reaguar.

Kishte edhe njerëz të tjerë ndërkohë?

Valbona Mhilli: Po, edhe njerëz të tjerë. Ndërkohë që jemi larguar nga varri, unë filloj dhe qaj në makinë, them që babi është gjallë dhe tregoj këtë skenën që dëgjova dhe ndërkohë mbesa nga ana tjetër reagon dhe thotë “teze, edhe unë e dëgjova, por kisha shumë frikë ta tregoja sepse mendova se nuk do të më besonit”

The post Habit gazetarja: Bësoj në jetën e përtejme, dëgjoj zhurma nga varri i babit appeared first on Albeu.com.

Sipas autoriteteve, tre të dyshuarit sulmuan “verbalisht dhe fizikisht” gazetaren Raiçkoviç dhe anëtarët e familjes së saj të dielën në Podgoricë. Vetura e zonjës Raiçkoviç u dëmtua gjatë sulmit, sipas njoftimit të policisë.

Sulmi ndaj gazetares Raiçkoviq, e cila raporton mbi ngjarjet e kronikës së zezë në gazetën “Pobjeda”, është dënuar nga udhëheqësit malazezë, zyrtarët ndërkombëtarë dhe sindikata e gazetarëve.

“Liria e medias dhe puna e papenguar e gazetarëve është thelbësore për demokracinë”, deklaroi Kryeministri i Malit të Zi, Milojko Spajiç.

Presidenti malazez, Jakov Milatoviç, kërkoi nga autoritetet shtetërore “të krijojnë një mjedis në të cilin gazetarët do të mund ta bëjnë punën e tyre të papenguar dhe pa frikë”.

Ambasadori i BE-së në Mal të Zi, Johan Sattler, tha se BE-ja “pret një hetim të shpejtë dhe një përgjigje efektive gjyqësore”.

“Dhuna ndaj gazetarëve nuk ka vend në një shoqëri demokratike”, shkroi zoti Sattler në platformën X.

Sindikata e Medias së Malit të Zi (SMCG) bëri thirrje për ndjekjen e menjëhershme të autorëve të sulmit, duke theksuar se vetëm në këtë mënyrë “mund të dërgohet një mesazh i qartë se nuk ka të paprekshëm në këtë shoqëri dhe se çdo përplasje fizike dhe verbale me përfaqësues të mediave është e papranueshme”.

Gjatë vitit 2024, sipas kësaj sindikate, janë shënuar 18 sulme apo incidente ndaj gazetarëve në Mal të Zi. /VOA

The post Mali i Zi, sulmohet gazetarja Ana Raiçkoviç dhe familja e saj appeared first on Albeu.com.