Gazetari Enrik Mehmeti ka humbur jetën mbrëmjen e kësaj të shtune, pas një aksidenti të rëndë të ndodhur në Vlorë.

Në momentin e ngjarjes, Mehmeti ishte duke lëvizur me motor. Plagët e marra si pasojë e aksidentit rezultuan fatale për të.

Përmes një postimi në rrjetet sociale, klubi i Flamurtarit iu bashkua dhimbjes së familjarëve, të afërmve dhe miqve të gazetarit.

Enrik Mehmeti raportonte mbi zhvillimet dhe ngjarjet në qarkun e Vlorës, ndërsa grupi hetimor vijon punën për të sqaruar plotësisht rrethanat e aksidentit.

The post Flamurtari shpreh ngushëllimet për gazetarin Enrik Mehmeti, që humbi jetën në aksidentin në Zvërnec appeared first on Albeu.com.

Gazetarja Mirela Haxhiaj ishte e ftuar në emisionin “Mega Botërori” në A2CNN, ku mes çështjeve të diskutuara u ndal edhe te ylli botëror Leo Messi, që po paraqitet mjaft mirë me Argjentinën në Kupën e Botës 2026.

Gjatë bisedës, Haxhiaj bëri një deklaratë “epike” në lidhje me Messin, duke iu referuar kohës kur “Pleshti” aktivizohej te Barcelona dhe përballë kishte dy ish-qendërmbrojtësit e kryeqytetasve të Real Madrid, Sergio Ramos dhe Pepe.

“Të kesh dy qendërmbrojtësi, siç kishte Reali me Ramos e Pepe, nuk kishe kohë të bije në tokë, sepse të mbanin në ajër ata. Kur të binte në tokë, do e shkelnin”.

The post Mirela Haxhiaj befason me komentin për Ramos dhe Pepe teksa flitej për Leo Messin appeared first on Albeu.com.

IKMT pa pritur vendimin dhe ankimin e bërë në gjykatë ditën e sotme, ka shembur urën lidhëse dhe ka dëmtuar kabllot që lidhin transmetimin e News24 me regjinë, arkivën dhe severat e televizionit.

Ekspertët e News24, flasin për dëme të konsiderueshme që ka shkaktuar kjo ndërhyrje, pasi janë prekur lidhjet e transmetimit dhe serverat me të cilën operonte ky televizion, duke venë ne rrezik pasurinë me te madhe, arkivën e TV.

The post Gazetarët në protestë, IKMT shemb ndërtesën ku ndodhen pajisjet e transmetimit të News24 (VIDEO) appeared first on Albeu.com.

Artan Lame, ndërroi jetë në një spital në Mynih të Gjermanisë, pas një ndërhyrje të vështirë në zemër.

Kolegë, miq e të afërm, kanë shprehur ngushëllimet për familjen Lame.

Reagimi i kryeministrit Edi Rama:

I pabesueshëm, po fatkeqësisht i vërtetë lajmi i befasishëm i ndarjes nga jeta të Artan Lames. Jam pa fjalë. Ngushëllime Mirelës, djalit të tyre dhe familjes e shokëve të përbashkët.

Reagimi i ministrit Taulant Balla:

Lamtumirë miku dhe shoku im i mirë Artan Lame.

Mimi Kodheli:

Lamtumirë Tan Lame. Jam pa fjalë dhe zemërthyer

Niko Peleshi:

Një humbje e madhe largimi nga jeta i Artan Lames. Një mik i mirë, një njeri me vlera dhe një kolonjar që e mbajti gjithmonë lart peshën e krenarisë dhe përulësisë së vendlindjes së tij.

Me ikjen e tij, Shqipëria humbi një intelektual, një shërbëtor të përkushtuar të shtetit dhe një historian të palodhur që e deshi të shkuarën jo thjesht për ta rrëfyer, por për ta kuptuar dhe për ta ndriçuar të ardhmen.

Artani ishte një mendje e kthjellët dhe një zë i veçantë i së vërtetës. Një misionar i historisë dhe besnik i trashëgimisë sonë kulturore. Humbja e tij prek të gjithë ata që besojnë në idealet e dijes, të shtetit dhe të dashurisë për vendin.

Mungesa e tij do të ndihet në çdo tryezë ku diskutohet me mendje e me zemër për të ardhmen e këtij vendi.

Une humba një mik të dashur!

Reagimi i gazetarit Blendi Fevziu:

Artan Lame, nje qytetar par exellence, nje historian i apasionuar, nje zyrtar model, nje njeri plot energji dhe deshire per jeten iku sot nga kjo bote ne moshen 58 vjecare. Iku kaq i ri, tamam atehere kur ishte duke notuar ne pasionin e tij kryesor, ngritjen e nje muzeu per medaljet dhe flamujt, pjese e koleksionit te tij te rralle e mahnites.

Kam kaq shume per te thene per te, por ne kete moment te pare shokues, mund te them vetem kaq. U prehsh ne paqe Artan. Familja humbi njeriu e dashur, ne mikun, por Shqiperia humbi nje nga dashnoret e fundit te historise dhe shkelqimit te saj.

Reagimi i deputetit Vullnet Sinaj:

Gjatë detyrës si drejtor i ALUIZNI-t dhe më tej i Kadastrës, Artan Lame trajtoi problemin delikat ose më mirë të them, një nga plagët e vjetra të shoqërisë shqiptare, çështjen e pronës.

Me qetësinë dhe dashamirësinë e tij u investua për të zgjidhur mjaft probleme të trashëguara, pa pretenduar se mund t’u jepte rrugë të gjithave.

Unë mbaj mend nga ai, dëshirën për t’ia dalë, vullnetin për reforma dhe fjalën e mirë në çdo komunikim.

Ngushëllime familjes, të afërmve dhe miqve për humbjen e parakohshme të të dashurit të tyre.

The post Jemi zemërthyer/ Politikanë e gazetarë reagojnë për vdekjen e papritur të Artan Lames: Iku kur po notonte në pasionin e tij… appeared first on Albeu.com.

“Dëgjojeni me vëmendje sa të shëmtuara mund të jenë gratë shqiptare përkundrejt meje në këto momente. Jeni për gjyq! Sa të shëmtuara!”, shkruan Sara në një postim.

“Ja sesi duken dy bullizuese në ekran! Dy monstra! Ja në çfarë nivelesh provokohem pastaj kur reagoj bëhet skandal. Ja deri në çfarë pikash prekem dhe më pas prisni të jem e qetë. Ku ishit ju moj gra ëngjëllore që sot vetëm për një koment dilni mbroni dikë kur u fshihnit atëherë kur unë kisha nevojë për mbrojtje? Atëherë kur u sakatoja padrejtësisht nga mediat? Kur u godisja padrejtësisht në moral? Kur mu vunë në kurriz emra meshkujsh si ish të dashurit e mi, ndërkohë si njihja fare? Të ndyra! Të shëmtuara! S’kam fjalë!”, shkruan Sara në postimin tjetër.

The post “Të ndyra, të shëmtuara”/ Sara Gjordeni shpërthen keq ndaj gazetareve appeared first on Albeu.com.

Abdel Wahab Awni u vra pasi ushtria izraelite bombardoi shtëpinë e tij në kampin e refugjatëve al-Maghazi në Gaza qendrore, tha zyra në një deklaratë.

Një numër rekord gazetarësh janë vrarë në enklavën e rrethuar që nga 7 tetori, duke përfshirë shumë gazetarë të Al Jazeera. Sulmi i fundit ajror që synonte gazetarët në Gaza erdhi më herët gjatë ditës së sotme, kur një tendë gazetarësh u shënjestrua në oborrin e spitalit al-Aksa, duke vrarë të paktën katër persona.

The post Në sfidë me vdekjen, shkon në 137 numri i gazetarëve të vrarë në Gaza appeared first on Albeu.com.

Në një deklaratë, zyra mediale i identifikoi gazetarët e vrarë si Ahmed Badir, Sherif Okasha dhe Heba Al-Abadla, pa dhënë asnjë detaj të mëtejshëm.

Në një deklaratë të mëparshme, u tha se Badir u vra në një sulm ajror izraelit, në një shtëpi ngjitur me Spitalin e Martirëve Al-Aksa në Deir al-Balah, në pjesën qendrore të Rripit të Gazës.

Të paktën 40 persona u vranë dhe u plagosën në sulm.

Izraeli ka sulmuar intensivisht enklavën palestineze, që nga një sulm ndërkufitar nga grupi palestinez Hamas më 7 tetor, duke vrarë të paktën 23.357 palestinezë, kryesisht gra dhe fëmijë, dhe duke plagosur 59.410 të tjerë, sipas autoriteteve lokale shëndetësore.

Rreth 1.200 izraelitë besohet se janë vrarë në ofensivën e Hamasit.

Rreth 85 për qind e banorëve të Gazës, janë zhvendosur dhe po përballen me pasiguri ushqimore, sipas OKB-së.

Qindra mijëra njerëz po jetojnë pa strehë dhe më pak se gjysma e kamionëve me ndihma, po arrijnë të hyjnë në territor në krahasim me periudhën përpara fillimit të konfliktit.

The post Lufta/ Mbi 110 gazetarë palestinezë janë vrarë prej tetorit appeared first on Albeu.com.

Nëpërmjet një raporti të publikuar më 8 dhjetor, IFJ-ja ka thënë se pothuajse 400 punonjës të mediave janë burgosur më 2023, dhe kjo, sipas saj, shfaq nevojën për mbrojtje më të mirë të gazetarëve në mbarë globin.

“IFJ ngulmon se nevojitet veprim shumë më i madh nga komuniteti ndërkombëtar për mbrojtjen e jetës së gazetarëve dhe për vënien e sulmuesve të tyre para drejtësisë”, thuhet në raport.

Sipas raportit, lufta në Rripin e Gazës, e cila filloi në tetor, ka shkaktuar rritjen e ndjeshme të vdekjeve, teksa 68 gazetarë – më shumë se një në ditë – janë vrarë që kur shpërthyen luftimet ndërmjet Izraelit dhe Hamasit, i cili është shpallur organizatë terroriste nga Shtetet e Bashkuara të Amerikës dhe Bashkimi Evropian.

Të dhënat e IFJ-së kanë treguar se gjithsej 68 gazetarë kanë vdekur duke mbuluar luftën.

“Lufta në Gazë është më vdekjeprurësja për gazetarët sesa çfarëdo konflikti tjetër, që kur IFJ-ja ka nisur të regjistrojë vrasjet e gazetarëve në detyrë, në vitin 1990”, thekson raporti, i cili shton se vdekjet kanë ndodhur “në një shkallë dhe ritëm të paprecedent”.

“Komuniteti ndërkombëtar, në veçanti Gjykata Ndërkombëtare Penale, duhet t’i kryejë përgjegjësitë e tij dhe të kryejë hetime gjithëpërfshirëse, dhe të ndjekë penalisht ata që kanë urdhëruar dhe kryer sulmet ndaj gazetarëve”, thuhet në raportin e IFJ-së.

Në Evropë, IFJ-ja ka thënë se Ukraina mbetet “vend i rrezikshëm për gazetarët”, teksa atje, gjatë vitit 2023, në luftën e Rusisë kundër Ukrainës, janë vrarë gazetarë ukrainas, rusë e francezë. /REL

The post Shënohet rritje e ndjeshme e numrit të gazetarëve të vrarë appeared first on Albeu.com.

Hetemi e Maliqi kanë njoftuar AGK-në për mesazhet kërcënuese që i kanë pranuar pas shkrimeve të këtij mediumi për dy xhamitë ne Komunën e Vitisë.

AGK i ka bërë thirrje Policisë së Kosovës që të kujdeset për sigurinë e gazetaëreve dhe stafit të Plus Tv.

“AGK-ja, e fton Policinë e Kosovës të kujdeset për sigurinë e gazetarëve dhe stafit tjetër të televizionit dhe të punojë intensivisht për identifikimin dhe arrestimin e personit përgjegjës për kërcënimin”, thuhet në reagim.

Reagimi i plotë:

Kërcënohen me vrasje Fatos Hetemi dhe Irfan Maliqi nga Plus TV në Viti

Janë kërcënuar me vrasje gazetarët e medias lokale nga Vitia, Plus TV, Fatos Hetemi dhe Irfan Maliqi.

Redaksia e Plus TV, e ka njoftuar Asociacionin e Gazetarëve të Kosovës se mesazhet kërcënuese me vrasje i kanë pranuar nga një llogari në rrjetin social Facebook, pas shkrimeve të fundit të kësaj medie lidhur me dy xhamitë në Komunën e Vitisë.

“Mesazhet kërcënuese me vrasje janë në drejtim drejtorit Fatos Hetemi dhe gazetarit Irfan Maliqi nga PlusTV…Këto kërcënime ndërlidhen me serinë e raportimeve të televizionit Plus lidhur me problemet e shqetësimet që kanë të bëjnë me xhamitë në Skifteraj dhe Ramnishtë, në këtë komunë, pasi Bashkësia Islame e Vitisë, në kuadër të BIK-ut, thotë se dy xhamitë, njëra në fshatin Skifteraj dhe tjetra në Ramnishtë, janë jashtë kontrollit dhe menaxhimit të BIK-ut dhe se frekuentohen nga njerëz të dyshimtë.”, thuhet ndër të tjera në njoftimin e redaksisë.

Plus TV ka njoftuar se për kërcënimet i kanë njoftuar Policinë e Kosovës në Rajonin e Gjilanit.

AGK-ja, e vlerëson shumë serioz dhe të rrezikshëm kërcënimin dhe e dënon në termat më të fortë.

AGK-ja, e fton Policinë e Kosovës të kujdeset për sigurinë e gazetarëve dhe stafit tjetër të televizionit dhe të punojë intensivisht për identifikimin dhe arrestimin e personit përgjegjës për kërcënimin.

The post Kërcënohen me vdekje dy gazetarë në Kosovë appeared first on Albeu.com.

Këta kompjuterë shkruajnë sot lajme për gazetat ose për internetin, një punë që dikur bëhej nga njerëzit.

Agjencia e lajmeve “Associated Press” ka hyrë në bashkëpunim me kompaninë “Automated Insights” për të shfrytëzuar algoritmet e kësaj kompanie, të cilat prodhojnë lajme financiare të caktuara brenda pak sekondave.

Ndërsa gazeta “Bild” planifikon të zëvendësojë redaktorët me programe të Inteligjencës Artificiale për të kursyer 100 milionë euro.

ChatGPT po përdoret edhe në redaksitë shqiptare të lajmeve. Anila Basha, drejtuese e Newsbomb.al, thotë se pavarësisht lehtësive që të ofron përdorimi i ChatGPT, si p.sh., në gjetjen e background të lajmit, të shkëput nga realiteti.

Znj. Basha nuk parashikon që përdorimi i tij do të arrijë të zëvendësojë gazetarët dhe redaktorët në Shqipëri, pasi lajmi raportohet dhe verifikohet në disa burime dhe nëse do t’i largohet parimit bazë të gazetarisë, do të arrijë i cunguar te publiku.

“Kur për herë të parë u përballa me ChatGPT para disa muajsh, m’u duk gjetja e fundit të cilën duhet ta shfrytëzoja në maksimum. Personalisht për veten.

E përdora ChatGPT për disa ditë me radhë, prej kureshtjes nga e gjithë gama e informacioneve që merrja dhe thjeshtësia e përgjigjeve. Nëse kisha nevojë për background informativ për lajme të ndryshme, fillova të pyesja ChatGPT.

Por, shumë shpejt vura re se po largoheshim nga realiteti që duhet të raportojmë ditë pas dite. Për të qenë e sinqertë, kam vërejtur se raste të përdorimit të ChatGPT ka edhe në median online dhe kjo për shpejtësi informacioni dhe lehtësi të dhënies së tij.

Do të doja të kisha optimizmin për të menduar se gazetarët e redaktorët në redaksitë shqiptare të informacionit, do ta përdornin teknologjinë deri në njëfarë mase, por assesi, ta bënin atë rregull të punës së tyre të përditshme.

Ne përballemi përditë me ritmet e shpejta të teknologjisë, dhe për ne që jemi më të vjetër në zanat dhe nuk i kemi marrë nëpër shkolla parimet bazë të përdorimit të teknologjisë, është disi e vështirë. Por sa më shumë ta përdorësh, aq më e thjeshtë bëhet për të dhënë zgjidhje të lehta të momentit.

Problemi i madh është se lajmi që duhet të raportohet nuk është një pyetje dhe një përgjigje pas kompjuterit nëpërmjet teknologjisë artificiale.

Kështu, jemi duke shmangur parimet bazë të raportimit dhe shkrimit të lajmit, apo të verifikimit të lajmit në disa burime.
Sigurisht, kjo bota e re dixhitale të kursen kohë, por informacioni, nëse nuk vjen te lexuesi sipas rregullit, atëherë do të jetë i cunguar.

Nuk ka ende një studim sesa dhe si e përdorin ChatGPT në media apo në biznese dhe shpresoj shumë që raportimi juaj për këtë fakt të na japë të dhëna interesante.

Por jam përpjekur edhe në redaksitë e lajmeve newsbomb.al dhe newsport.al të mos ua ‘injektoj’ gazetarëve dashurinë për të përdorur këtë platformë, përveçse në raste ekstreme.

Edhe pse mendoj se për një kohë shumë të afërt, do të jetë në modë përdorimi i kësaj platforme, ashtu sikurse u bë modë shumë e shpejtë prezantimi i mediave tona online në rrjetet sociale nga ku gjenerohet edhe trafiku më i madh i lexuesve tanë”.

Ndodhi, Inteligjenca Artificiale pushon nga puna gazetarët në Gjermani

Tabloidi gjerman “Bild”, gazeta më e shitur në gjithë Europën, u komunikoi qindra redaktorëve që do të zëvendësohen nga IA.

A do t’u bien chatbot kambanave të vdekjes mbi përmbajtjet mediatike të krijuara nga njeriu?

Axel Springer SE, shtëpia më e madhe botuese europiane, njoftoi se do të zëvendësojë një sërë pozicionesh pune editoriale me Inteligjencën Artificiale, shkruan Deutsche Welle.

Në një email dërguar personelit (më 19 qershor), Springer deklaroi se “për fat të keq do të ndahet nga kolegët që punojnë, të cilët do të zëvendësohen nga IA dhe/ose nga procese të botës dixhitale”.

Funksionet e drejtorëve të redaksisë, redaktorëve të faqeve, korrektorët, sekretarët dhe photo editorët nuk do të ekzistojnë më si sot”.

Shkurtimet e vendeve të punës në Springer, shtëpia e markave të lajmeve si “Bild” dhe “Die Welt”, do të rrisin frikën se IA do të shkaktojë rrëmujë në të gjithë industrinë e medias në botë.

Chatbot si ChatGPT mund të përdoren për të shkruar lajme, duke i bërë të padobishëm gazetarët njerëzorë.

“Për herë të parë, është vetë makina që po krijon gjuhën” – deklaroi Ranga Yogeshwar, një nga gazetarët kryesorë të pavarur shkencorë në Gjermani.

Në Global Media Forum të Deutsche Welle në Bon, Yogeshwar diskutoi se si IA gjeneruese po ndryshon krijimin e përmbajtjeve.
“Makina ka shkelur kulturën tonë, qytetërimin tonë” – tha ai.

Digital News Report i Reuters Institute deklaroi se 2023 do të jetë “viti i zhvillimit për Inteligjencën Artificiale dhe zbatimit të saj në gazetari”.

Raporti thekson se mjetet e transkriptimit të Inteligjencës Artificiale janë tashmë rutinë në redaksitë dhe shumë e përdorin edhe për të zgjedhur stories që t’ua këshillojnë përdoruesve, për të krijuar titra dhe për text-to-speech.

Edhe disa shoqëri mediatike po eksperimentojnë me drejtues virtualë lajmesh. Dhe aplikacionet si “Artifact” tashmë po ofrojnë përmbledhje të lajmeve online, të krijuara nga IA për lexuesit.

Por disa analistë të medias mendojnë se IA, duke marrë përsipër detyra banale, do t’u lejojë gazetarëve të përqendrohen në reportazhe investiguese dhe analiza të thelluara.

“Mendoj se do të fillojmë të shohim gjithnjë e më shumë organizata mediatike që do të hedhin hapin përtej mundësive” – deklaroi Nilesh Christopher, korrespondent nga Azia Jugore për “Rest of World”, një botim online që i kushtohet ndikimit të teknologjisë.

“Kemi një mjet të ri që mund të përshpejtojë disa procese” – thotë gazetari shkencor Ranga Yogeshwar. “Me IA kemi një katalizator që do të krijojë më shumë përmbajtje se sa mund të bëjnë njerëzit”. Këto përmbajtje mund të jenë mashtruese ose të rreme.

“Ne nuk mund t’u kemi më besë tani përmbajtjeve. Dhe kjo nuk vlen për faktet aktuale por edhe ato të së shkuarës. Ju mund ta ndryshoni fjalë për fjalë historinë, por kush do të mundet ta verifikojë?”.

Yogeshwar thotë se politikanët duhet të krijojnë një rregullore për IA para se ajo të trondisë themelet e shoqërisë.

Shumë gazetarë shpresojnë se kërkesa për histori unike, të hulumtuara dhe të rrëfyera nga njerëzit të rritet kur njerëzit të kenë mjaftueshëm lajme të krijuara nga IA.

Por edhe nëse kjo rezulton e vërtetë, mijëra redaktorë, si ata të tabloidit gjerman “Bild”, mund të kenë humbur punën e tyre./monitor

The post ChatGPT po shkurton stafin e mediave në botë, por a mund ta bëjë punën e gazetarëve shqiptarë appeared first on Albeu.com.