Për gazetën kroate “Vecernji list”, Kurti ka thënë se beson se do të ishte e papërgjegjshme të thuash se nuk do të ketë kurrë konflikt, derisa ngriti shqetësimet për bazat serbe në kufirin me Kosovën.

Duke thënë se rreth kufirit të Kosovës me Serbinë në anën serbe janë 48 baza operative sulmuese progresive, Kurti shtroi pyetjen se nëse nuk ka përgatitje për luftë, pse vitin e kaluar Serbia dhe Rusia kanë pasur 104 stërvitje dhe aktivitete të përbashkëta ushtarake nga 91 që kishin planifikuar dhe në të njëjtën kohë, dy stërvitjet më të rëndësishme ushtarake që kishin qenë të njohura si “Mburoja Sllave” dhe “Vëllazëria Sllave”.

“Serbia aktualisht po armatos fuqishëm ushtrinë e saj me pajisje që i merr nga Rusia dhe Kina dhe dëshiron që Ballkani disi të vendoset si një alternativë ndaj Perëndimit demokratik”.

Ndër të tjera, Kurti ka treguar që e kundërshton kundërshton themelimin e Asociacionit të Komunave Serbe sepse do të ishte “parathënie e krijimit të Republikës Srpska të re”.

Ai theksoi se përderisa serbët i kanë këto ëndrra për Kosovën si pjesë e Serbisë, këto ëndrra do të kthehen në makth për të gjithë Ballkanin, duke theksuar se në Ballkan nuk mund të ketë luftë pa Serbinë, as paqe pa shqiptarë.

Sipas Kurtit, gjëja më e rrezikshme është se lidershipi i Serbisë e konsideron Rusinë nënë e tyre dhe për këtë kemi rrethana të tilla në Ballkan me shumë rreziqe dhe frikë./Ekspress/

The post Kurti përmend sërish mundësinë e luftës për gazetën kroate appeared first on Albeu.com.

Titulli që zgjodhi gazeta “Jutarnji List” është “Shoferi i lodhur i çoi në vdekje në vend të atdheut”.

Kjo niset nga dëshmia që dha shoferi rezervë, i cili pranoi në polici se e kishte zënë gjumi për një moment, edhe pse kishte vetëm 30 minuta që e kishte marrë në dorëzim mjetin.

10 nuk mundën dot të shkonin në shtëpinë e tyre të takonin me të afërmit, ndërsa dhjetëra të tjerë janë në spital ku po marrin kujdesin e duhur mjekësor.

Autobusi i linjës Franfkurt-Prishtinë humbi kontrollin një ditë më parë, pasi shoferi ishte i përgjumur.

Sipas Drejtoreshës së Institutit të Mjekësisë Urgjente, Maja Grba Bujeviq 42 persona ndodhen në Spitalin e Përgjithshëm në Slavonski Brod.

“Dy prej tyre janë në kujdes intensiv dhe pesë njerëz u operuan gjatë ditës. Një person është në Klinikën e Traumatologjisë në Zagreb,” tha Bujeviq, duke shtuar se dy persona në njësinë e kujdesit intensiv janë në rrezik.

“14 persona kanë lëndime serioze, të tjerët nuk janë lëndime serioze dhe ata planifikohen të lirohen nga spitali nesër dhe pasnesër”, tha Bujeviq.

Sipas saj, 15 persona nga autobusi janë vendosur në një konvikt jo shumë larg Slavonski Brod.

“Ne të gjithë kujdesemi për ta. Qeveria kroate i ka ofruar të gjithë ndihmën ambasadorit të Kosovës. Transporti po rregullohet gjithashtu pas daljes nga spitali, në varësi të ardhjes së familjeve të tyre, dhe ne duhet të jemi të kujdesshëm atje”, tha Bujeviq.

The post Gazeta kroate: Shoferi i lodhur i çoi drejt vdekjes në vend të atdheut appeared first on Albeu.com.