Gjatë fjalës së tij para liderëve që marrin pjesë në takimin e Bordit të Paqes në Uashington, ai bëri me dije edhe se SHBA do të japë 10 miliardë dollarë kontribut për Bordin e Paqes.

Presidenti amerikan tha se vendet pjesëmarrëse në këtë bord kanë vizionin për t’i dhënë fund terrorit dhe ekstremizmit, duke shtuar se edhe Irani nuk mund të vazhdojë më që të kërcënojë stabilitetin e rajonit të Lindjes së Mesme.

“Shqipëria, Kosova, Kazakistani, të gjitha kanë premtuar për trupa për të stabilizuar Gazën. Kanë ofruar trajnime për forcat e policisë palestineze. Pa mendoni kemi paqe në Lindjen e Mesme. Më parë nuk imagjinohej. Të gjithë kemi një vizion për t’i dhënë fund ekstremizmit dhe terrorit.

Irani nuk mund të vazhdojë të kërcënojë stabilitetin e të gjithë rajonit. Bordi i Paqes ka dëshmuar se zbaton zgjidhje, ne kemi arritur të dalim me zgjidhje. Më pak fjalë dhe më shumë veprim. E ardhmja më e mirë mund të ndërtohet duke nisur nga këtu. SHBA do të japë kontribut prej 10 miliardë dollarësh për Bordin e Paqes.”, tha ai.

The post “Shqipëria dhe Kosova do të angazhohen me trupa në Gaza”, Trump: SHBA do të kontribuojë 10 miliardë dollarë për Bordin e Paqes appeared first on Albeu.com.

Sipas agjencisë së mbrojtjes civile e cila drejtohet nga Hamasi, ka thënë se midis të vrarëve ka patur fëmijë edhe gra. Sipas palestinezëve ky sulm ka qënë ndër m ëtë rëndët që nga faza e dytë e armëpushimit.

Ushtria izraelite konfirmoi se një numër sulmesh u kryen në përgjigje të asaj që e quajti shkelje të marrëveshjes nga Hamasi të premten.

Si Izraeli ashtu edhe Hamasi kanë akuzuar njëri-tjetrin për shkelje të armëpushimit.

Përmes një deklarate Forcat Mbrojtëse të Izraelit (IDF) janë sgprehur se “tetë terroristë janë identifikuar duke dalë nga tunele nëntokësore terroriste në Rafah lindore”, një zonë në të cilën forcat izraelite janë vendosur sipas marrëveshjes së tetorit.

The post Izraeli sulmon sërish Gazën, raportohet për 31 të vdekur appeared first on Albeu.com.

Një zyrtar i lartë i sigurisë informoi gazetarët izraelitë, duke pranuar se rreth 70,000 palestinezë janë vrarë nga sulmet ajrore izraelite në Gaza që nga tetori i vitit 2023, pa përfshirë këtu ata që janë ende të humbur.

Ky pranim është një kthesë drastike, pasi gjatë dy viteve të fundit, zyrtarët dhe mediat izraelite e kishin mohuar vazhdimisht informacionin e publikuar nga autoritetet palestineze, duke e quajtur atë “propagandë të Hamasit” dhe “të pasaktë”. Deri tani, Izraeli kishte publikuar vetëm shifra për militantët palestinezë që ai pretendon se ka vrarë, ndërsa shifrat palestineze, që tani kanë kaluar 71,660 viktima, janë pranuar nga ushtria izraelite si “shumë të sakta”.

Ky ndryshim qëndron në një pranim të madh që mund të nxisë më shumë pyetje mbi ligjshmërinë e fushatës ushtarake të Izraelit në Gaza. Komisioni i Kombeve të Bashkuara, grupet për të drejtat e njeriut dhe studiuesit kanë akuzuar Izraelin për krime lufte dhe gjenocid në Gaza, duke shtuar presionin ndërkombëtar për hetim të pavarur dhe llogaridhënie.

Gazeta izraelite Haaretz ngriti pyetje të mëtejshme mbi çfarë mund të fshihet pas këtij pranim, duke theksuar se Izraeli duhet të reflektojë mbi besueshmërinë e tij në lidhje me trajtimin e këtij konflikti. “Çfarë akuzash mund të dalin të vërteta?”, shkruan Haaretz, duke iu referuar pranimit të vonuar të shifrave.

Izraeli gjithashtu ka pranuar se mbi dy të tretat e viktimave të luftës janë civilë, përkundër pretendimeve të mëparshme se shumica e viktimave ishin militantë. Ushtria izraelite kishte pohuar se kishte vrarë 22,000 militantë, por shifra e re sugjeron një përqindje më të lartë të civilëve, një konstatim që përputhet më mirë me të dhënat e një baze të dhënash të klasifikuar nga ushtria izraelite, që tregon se rreth 83% e viktimave mund të kenë qenë civilë.

Ndërkohë, Izraeli ka bërë të ditur se do të hapë kalimin e rëndësishëm të Rafah mes Gazës dhe Egjiptit të dielën, për herë të parë që nga kontrolli izraelit i kufirit në maj 2024. Ky kalim do të mundësojë që palestinezët që kanë ikur nga Gaza të mund të aplikojnë për t’u rikthyer, megjithatë, Izraeli do të ruajë kontroll të plotë mbi ata që kalojnë përmes kalimit, ndërsa një forcë e Bashkimit Evropian do të mbikëqyrë kalimin.

Rihapja e Rafah është parë si një hap në përpjekjet ndërkombëtare, veçanërisht nga SHBA, për të ndihmuar në implementimin e një plani paqeje për Gaza dhe për të ndihmuar në kalimin në një fazë të dytë të ndihmave. Megjithatë, kalimi do të jetë vetëm për këmbësorë dhe nuk do të zgjidhë krizën humanitare të thellë që ka pllakosur Gaza, ku mungesojnë ushqimi, ilaçet dhe strehimi.

Situata në Gaza mbetet e tensionuar, me këto zhvillime që ngritin pyetje të reja mbi të ardhmen e rajonit dhe mundësinë e një zgjidhjeje të qëndrueshme për palestinezët dhe të drejtat e tyre.

The post Kthesë dramatike në luftën në Gaza, Izraeli pranon numrin e viktimave: Janë vrarë rreth 70 mijë palestinezë appeared first on Albeu.com.

Rregullat e reja ngrenë shqetësime për vonesat e mëtejshme në hyrjen e ndihmës humanitare në territorin palestinez, i cili është shkatërruar nga dy vjet luftë dhe ku shumica e banorëve kanë nevojë urgjente për strehim, kujdes dhe ushqim.

“Organizatat që nuk respektuan rregullat në lidhje me sigurinë dhe transparencën do të shohin licencat e tyre të pezulluara. Dobësia kryesore e identifikuar është refuzimi për të dhënë të dhëna të plota dhe të verifikueshme për punonjësit e tyre, një kërkesë jetike për të parandaluar terroristët të depërtojnë në strukturat humanitare”, shtoi ai.

Mediat e huaja shkruajnë se Izraeli është kritikuar ashpër nga komuniteti ndërkombëtar ditët e fundit pasi afati i fundit për organizatat joqeveritare ndërkombëtare për të respektuar rregulloren e re të shpallur për herë të parë në mars u afrua, të mërkurën në mesnatë.

Ndër OJQ-të që do të shohin lejet e tyre të pezulluara janë Médecins Sans Frontières (MSF), Këshilli Norvegjez i Refugjatëve, Care, World Vision dhe Oxfam.

The post Izraeli ndalon hyrjen në Gaza për 37 organizata humanitare appeared first on Albeu.com.

Drejtori i Spitalit Al-Ahli, Fadel Naeem, konfirmoi se mes të plagosurve ka edhe raste kritike. Ushtria izraelite deklaroi se predha kishte devijuar nga objektivi i synuar, pa dhënë detaje mbi operacionin apo vendndodhjen e trupave.

Ky nuk është rasti i parë që nga hyrja në fuqi e armëpushimit më 10 tetor, ku zjarri izraelit ka shkaktuar viktima palestineze jashtë “Vijës së Verdhë”. Autoritetet palestineze raportojnë mbi 370 të vdekur nga sulmet izraelite që prej fillimit të armëpushimit, ndërsa Izraeli thotë se shumica kanë qenë militantë të Hamasit. Megjithatë, burime ushtarake izraelite pranojnë se ka pasur raste ku janë vrarë civilë, përfshirë fëmijë dhe familje të tëra.

Armëpushimi në krizë

Armëpushimi mes Izraelit dhe Hamasit po përballet me vështirësi për të kaluar në fazën e dytë, e cila parashikon vendosjen e një force ndërkombëtare stabilizuese, një qeverisje teknokratike për Gazën, çarmatosjen e Hamasit dhe tërheqjen e mëtejshme të trupave izraelite.

Izraeli kërkon kthimin e mbetjeve të pengut Ran Gvili përpara se të ecë më tej me marrëveshjen, ndërsa Hamasi kërkon presion ndërkombëtar për hapjen e pikave kufitare dhe lejimin e më shumë ndihmave humanitare. Organizatat ndërkombëtare paralajmërojnë se mungesa e ndihmës ka përkeqësuar kushtet e jetesës për shumicën e 2 milionë banorëve të Gazës, të zhvendosur kryesisht në kampe me çadra.

Bilanci i luftës

Sulmi fillestar i Hamasit më 7 tetor 2023 në jug të Izraelit vrau rreth 1 mijë e 200 persona dhe mori 251 pengje. Që prej atëherë, fushata ushtarake izraelite ka shkaktuar mbi 70 mijë e 660 viktima palestineze, gjysma e tyre gra dhe fëmijë, sipas Ministrisë së Shëndetësisë në Gaza.

The post Armëpushimi nuk po funksionon, Izraeli sulmon zonën e banuar në Gaza, 10 persona të plagosur appeared first on Albeu.com.

Menjëherë pas sulmit ndaj veturës, forcat ajrore izraelite goditën dy objektiva të tjerë në Rripin qendror të Gazës. Të paktën katër persona vdiqën kur dy shtëpi u goditën me bombë në qytetin Deir Al-Balah dhe në kampin Nuseirat. Ushtria izraelite tha se kishte pasur një shkelje flagrante të marrëveshjes së armëpushimit.

Ajo pretendoi se një person i armatosur kishte kaluar në territorin e mbajtur nga Izraeli pasi kishte shfrytëzuar “rrugën humanitare në zonën përmes së cilës ndihma hyn në Gazën jugore”.

Një zyrtar i Hamasit i hodhi poshtë akuzat e ushtrisë izraelite si të pabaza, duke i quajtur ato një “justifikim për të vrarë”, duke shtuar se grupi palestinez ishte i përkushtuar ndaj marrëveshjes së armëpushimit. Ndryshe, sulmet ajrore izraelite janë një provë e mëtejshme e një armëpushimi të brishtë me Hamasin, i cili ka qenë në fuqi që nga 10 tetori pas luftës dyvjeçare në Gaza.

Izraeli tërhoqi trupat e tij dhe fluksi i ndihmave në territor është rritur. Por dhuna nuk është ndalur plotësisht. Autoritetet shëndetësore palestineze thonë se forcat izraelite kanë vrarë 316 persona në sulmet në Gaza që nga armëpushimi. Ndërkohë, Izraeli thotë se tre ushtarë të tij janë vrarë që nga fillimi i armëpushimit dhe ka sulmuar dhjetëra militantë.

The post Izraeli rifillon sulmet në Gaza, armëpushimi në pikëpyetje appeared first on Albeu.com.

Associated Press shkruan se këto janë ndër sulmet më vdekjeprurëse që nga 10 tetori, kur hyri në fuqi një armëpushim i ndërmjetësuar nga SHBA-të.

Përshkallëzimi i ri erdhi pasi Izraeli deklaroi se trupat e tij ishin qëlluar në Khan Younis të mërkurën. Sipas autoriteteve izraelite, nuk pati viktima mes ushtarëve dhe ushtria u përgjigj me sulme ajrore.

Katër sulmet ajrore izraelite mbi çadrat që strehojnë të zhvendosurit në Khan Younis, nga mbrëmja e së mërkurës deri në mëngjesin e së enjtes, vranë 17 persona, përfshirë pesë gra dhe pesë fëmijë, sipas zyrtarëve të Spitalit Nasser.
Në qytetin e Gazës, dy sulme ajrore të tjera mbi një ndërtesë vranë 16 persona, mes të cilëve shtatë fëmijë dhe tre gra, sipas zyrtarëve të Spitalit Al-Shifa në pjesën veriore të qytetit, ku u dërguan trupat.

Hamasi e dënoi sulmin izraelit duke e quajtur një “masakër tronditëse”. Në një deklaratë, Hamasi mohoi se kishte qëlluar drejt trupave izraelite.

Në Spitalin Nasser, dhjetëra persona u mblodhën për të kryer lutjet e varrimit për viktimat e sulmeve izraelite. Gratë qanin me ngashërim pranë trupave të mbështjella me copën e bardhë.

AP shkruan se Abir Abu Moustapha humbi tre fëmijët e saj (të moshave 1, 11 dhe 12 vjeç) si dhe bashkëshortin, në një sulm që goditi çadrën e tyre të mërkurën. Ajo qëndronte e ulur pranë trupave të tyre ndërsa përgatiteshin për varrim.

“Fëmijët e mi nuk janë më. Çfarë të them? Edhe burri im, më i shtrenjti. Zoti i mëshiroftë. Çfarë faji kishin fëmijët e mi që duhej të vdisnin? Çfarë faji kishin që vdiqën para syve të mi?”, tha ajo.

Ushtria izraelite deklaroi se sulmet kishin në shënjestër dy figura të Hamasit, një komandant të njësisë detare dhe një tjetër përgjegjës për rrjetin e tuneleve në disa pjesë të Khan Younis.

The post Sulmet izraelite në Gaza, shkon në 33 numri i viktimave brenda 12 orësh appeared first on Albeu.com.

Forcat e huaja fillimisht do të vendosen krah ushtarëve izraelitë në lindje të Gazës, duke e lënë enklavën e shkatërruar të ndarë nga “vija e verdhë” që aktualisht kontrollohet nga Izraeli, sipas dokumenteve të planifikimit ushtarak amerikan të siguruara nga “The Guardian” dhe burimeve të informuara për planet amerikane.

Washingtoni ka ndryshuar disa herë qasjen për të ardhmen e enklavës, përfshirë braktisjen e modelit të kampeve të rrethuara për palestinezët, të quajtura “komunitete alternative të sigurta”. Zyrtarë amerikanë kanë pranuar se planifikimi është “shumë dinamik” dhe se vetëm pak njerëz kanë qasje të plotë në fazat vendimmarrëse.

Në qendër të planit është krijimi i një Force Ndërkombëtare të Stabilizimit, e paracaktuar në planin 20-pikësh të Donald Trumpit. SHBA-ja shpreson që një rezolutë e Këshillit të Sigurimit të OKB-së të miratohet së shpejti, duke hapur rrugën për angazhime ushtarake nga shtetet partnere.

Po ashtu, rindërtimi në “zonën e gjelbër” shihet nga SHBA-ja si mënyrë për të nxitur palestinezët të migrojnë vullnetarisht drejt saj, ndërsa “zona e kuqe” mbetet e mbingarkuar me mbi 2 milionë banorë, pa strehim adekuat dhe me kufizime të rënda në dërgesat e ndihmave. Nevoja për rindërtim është urgjente, me më shumë se 80% të shtëpive në Gaza të dëmtuara ose të shkatërruara nga lufta, përfshirë pothuajse të gjitha shkollat dhe spitalet, sipas të dhënave të OKB-së.

Organizatat humanitare, të cilat kanë ngritur shqetësime të mëdha për modelin, kanë thënë të premten se nuk janë njoftuar ende për ndryshimin e planit.

The post SHBA ndryshon plan për Gazën/ Ushtria amerikane planifikon ta ndajë në disa zona, organizatat humanitare: S’kemi dijeni appeared first on Albeu.com.

“Ata që duan të na dëmtojnë nuk kanë hequr dorë nga synimi i tyre për të na shkatërruar,” tha Netanyahu.

“Hamasi do të çarmatoset. Gaza do të demilitarizohet qoftë me mënyrën e lehtë apo me atë të vështirë, por kjo do të ndodhë.”
Sipas tij, Izraeli është më afër se kurrë me disa vende të rajonit, duke lënë të kuptohet për një afrimi diplomatik që, siç tha, “publiku do ta mësojë së shpejti”.

“Do të zbatojmë armëpushimin me grusht hekuri”
Netanyahu theksoi se Izraeli është i vendosur të zbatojë marrëveshjet e armëpushimit në Gaza dhe Liban “me grusht hekuri” por “vetëm për aq kohë sa ato ekzistojnë”.

“Shihni çfarë ndodh çdo ditë në Liban,” tha ai, duke iu referuar përleshjeve të përditshme mes ushtrisë izraelite dhe Hezbollahut.
Kryeministri izraelit theksoi se kombinimi i presionit ushtarak ndaj Hamasit në Gaza dhe atij diplomatik, i ushtruar nga Shtetet e Bashkuara, ka dhënë rezultate të prekshme. “Kjo presion i dyfishtë na mundësoi të kthenim në shtëpi të gjithë pengjet e gjallë dhe shumicën dërrmuese të atyre që kishin humbur jetën,” tha ai.

Netanyahu akuzoi opozitën izraelite se kishte kërkuar një marrëveshje që “do të barazohej me dorëzim ndaj Hamasit”.

“Sikur ta kishim bërë sipas mënyrës suaj, pengjet nuk do të ishin kthyer. Dhe më keq akoma – Hamasi do të ishte përgatitur për rrëmbimet e ardhshme,” iu drejtua ai kundërshtarëve politikë.
Premton kthimin e pengjeve të mbetura

Netanyahu u zotua se Izraeli është “i vendosur të kth↓ trupat e katër pengjeve të vrarë që ende ndodhen në Gaza”, duke përmendur tre izraelitët, por jo shtetasin tajlandez që u vra gjatë konfliktit.

The post Netanyahu: Lufta nuk ka mbaruar, ata që kërkojnë të na dëmtojnë po riarmatosen appeared first on Albeu.com.

Sipas një deklarate për shtyp të datës 7 nëntor 2025, urdhrat e arrestit përfshijnë zyrtarë të lartë izraelitë, mes tyre ministrin e Mbrojtjes Israel Katz, ministrin e Sigurisë Kombëtare Itamar Ben Gvir, ministrin e Kufijve dhe Sigurisë Eyal Zamir, si dhe komandantin e Forcave Detare izraelite David Saar Salama.

Hetimi fokusohet në atë që autoritetet turke e përshkruajnë si dhunë sistematike ndaj civilëve në Gaza.

Prokuroria ka përmendur disa ngjarje konkrete që datojnë që nga tetori i vitit 2023, përfshirë sulmin ndaj Spitalit Al-Ahli Baptist më 17 tetor 2023 dhe dëmtimin e Spitalit Ebli Baptist më 21 tetor 2023, të cilat shkaktuan shumë viktima civile.

Në dosje përfshihet gjithashtu vrasja e punonjësve të organizatës humanitare “World Central Kitchen” më 1 prill 2024, kur disa anëtarë të stafit u goditën gjatë misioneve të ndihmës.

Akuzat bazohen në pretendime se forcat izraelite kanë synuar në mënyrë të qëllimshme civilët dhe infrastrukturën në Gaza, duke bllokuar ndihmën humanitare dhe qasjen në shërbime mjekësore.

Prokurorët përmendin gjithashtu deklaratat e lëshuara nga “Sumud Flotilla”, që kishte tentuar të dërgonte ndihma drejt Gazës përmes rrugëve detare.

Hetimi u nis pas disa ankesave të paraqitura në gjykatat e Stambollit më 4, 7, 9 dhe 10 tetor 2025. Autoritetet turke zhvilluan hetimet nën juridiksionin e Gjykatës së Drejtësisë së Stambollit, në bashkëpunim me Ministrinë e Drejtësisë dhe Ministrinë e Punëve të Jashtme të Turqisë.

Prokuroria theksoi se urdhrat e arrestit janë lëshuar në përputhje me procedurat ligjore në fuqi, duke përshkruar veprimet e pretenduara si krime kundër njerëzimit që kërkojnë hetim të vazhdueshëm.

Turqia ka qenë një ndër kritikët më të ashpër të fushatës ushtarake të Izraelit në Gaza, e cila nisi pas sulmeve të Hamasit në jug të Izraelit në tetor 2023. Në vazhdën e konfliktit, qeveria turke ka pezulluar marrëdhëniet diplomatike dhe tregtare me Izraelin.

The post Akuza për genocid në Gaza, Prokuroria e Stambollit lëshon urdhërarrest për 37 persona, mes tyre edhe Netanyahu appeared first on Albeu.com.