Sipas saj, prioritetet e paraqitura deri më tani nuk i përgjigjen si duhet nevojës që Kosova të shtojë kapacitetet vendore për prodhimin e energjisë elektrike, të ulë varësinë nga importi dhe, si pasojë, të rrisë sigurinë e furnizimit.

Në vlerësimin e Odës Amerikane, çështja kryesore nuk lidhet me faktin nëse Kosova ka mundësi të importojë energji elektrike të prodhuar në shtetet fqinje. Dilema strategjike, sipas saj, është nëse vendi duhet të vazhdojë të mbështetet te importi i energjisë elektrike si produkt i gatshëm, apo të orientohet drejt investimeve në kapacitete të reja prodhuese brenda territorit të vet, të cilat do të forconin sigurinë energjetike, konkurrueshmërinë ekonomike dhe pavarësinë strategjike.

Për këtë arsye, Oda Amerikane thekson se ngritja e kapaciteteve të reja vendore duhet të trajtohet si përparësi kombëtare.

Ajo nënvizon se është pretenduar se importi i energjisë elektrike përmes rrjetit ekzistues të transmetimit paraqet një zgjidhje më praktike dhe me kosto më të ulët sesa ndërtimi i infrastrukturës së gazit në Kosovë. Megjithatë, sipas Odës, një vlerësim i tillë i mbështetur vetëm te shpenzimi fillestar i infrastrukturës nuk i reflekton përfitimet afatgjata që sjell krijimi i kapaciteteve të reja gjeneruese në vend.

Sipas saj, çdo megavat i ri i prodhuar në Kosovë e rrit sigurinë e furnizimit, e zvogëlon varësinë nga tregjet rajonale të energjisë elektrike dhe krijon më shumë stabilitet për ekonominë dhe qytetarët. Në të kundërt, mbështetja e vazhdueshme kryesisht te importi i energjisë elektrike e bën vendin të ndjeshëm ndaj luhatjeve të çmimeve dhe rreziqeve të furnizimit, të cilat nuk kontrollohen nga vendimmarrja e Kosovës. Oda përmend se kriza energjetike evropiane pas agresionit rus në Ukrainë tregoi qartë se shtetet me kapacitete të mjaftueshme prodhuese vendore ishin shumë më të mbrojtura nga goditjet e tregut.

Sipas Odës Amerikane, kjo është një nga arsyet themelore pse shumë vende evropiane kanë investuar dhe vijojnë të investojnë në infrastrukturën për LNG, përfshirë LNG-në amerikane. Ajo thekson se, përtej dimensionit ekonomik, këto vendime janë udhëhequr nga objektiva strategjike që lidhen me diversifikimin e burimeve të furnizimit, uljen e varësisë nga një numër i kufizuar furnizuesish dhe forcimin e sigurisë kombëtare. Në kushtet e realitetit të ri gjeopolitik, energjia nuk shihet më vetëm si mall tregtar, por si një përbërës kyç i politikës së sigurisë dhe i partneriteteve strategjike. Për këtë arsye, sipas saj, Kosova nuk duhet të mbetet jashtë këtij transformimi.

Oda Amerikane rithekson se pikërisht për këtë arsye zgjerimi i kapaciteteve vendore të prodhimit duhet të mbetet ndër objektivat kryesore strategjike të Kosovës.

Në këtë kuadër, ajo vlerëson se përfshirja e Kosovës në infrastrukturën rajonale të LNG-së amerikane përbën rrugën më të shpejtë dhe ekonomikisht më të favorshme për ndërtimin e kapaciteteve të reja gjeneruese. Ndërtimi i interkoneksionit të gazit përmes Maqedonisë së Veriut është përcaktuar, përmes studimeve të mbështetura nga Korpusi i Inxhinierëve i Ushtrisë së Shteteve të Bashkuara të Amerikës, në kuadër të programit të Korporatës së Sfidave të Mileniumit (MCC), si alternativa më e favorshme ekonomike për furnizimin e Kosovës me gaz natyror.

Po sipas saj, kapacitetet gjeneruese të bazuara në LNG bëjnë pjesë te teknologjitë komercialisht të gatshme që mund të ndërtohen brenda vetëm dy deri në tre vitesh. Ajo shton se projekte të tilla kanë mundësi dukshëm më të mëdha për t’u financuar nga institucionet financiare ndërkombëtare sesa ndërtimi i kapaciteteve të reja me bazë qymyri. Njëkohësisht, Oda thekson se LNG-ja nuk përbën alternativë ndaj burimeve të ripërtëritshme të energjisë, por përkundrazi është teknologjia që lehtëson integrimin e një sasie shumë më të madhe të energjisë nga era dhe dielli, duke garantuar fleksibilitetin e nevojshëm për funksionimin e një sistemi modern elektroenergjetik.

Nga ana tjetër, ajo vlerëson se gazifikimi i qymyrit mund të konsiderohet pjesë e diskutimeve për sigurinë afatgjatë energjetike të vendit, por nuk mund t’u përgjigjet nevojave urgjente të Kosovës për shtimin e kapaciteteve prodhuese. Sipas Odës, një projekt i tillë kërkon kohë dukshëm më të gjatë për t’u realizuar, ndërsa sigurimi i financimit mbetet i pasigurt, duke pasur parasysh politikat ndërkombëtare për dekarbonizim.

Për këtë arsye, Oda Ekonomike Amerikane në Kosovë konsideron se vendi duhet të ndjekë një qasje të dyfishtë: të zhvillojë sa më shpejt kapacitete të reja gjeneruese me bazë LNG për t’iu përgjigjur nevojave afatshkurtra dhe afatmesme të sigurisë energjetike, ndërsa paralelisht të vazhdojë vlerësimin e opsioneve afatgjata për shfrytëzimin e burimeve të veta vendore.

Në përfundim, Oda thekson se politikat energjetike nuk duhet të peshohen vetëm mbi bazën e kostos fillestare të investimit, por mbi aftësinë e tyre për të garantuar furnizim të sigurt, çmime të parashikueshme dhe prodhim vendor të energjisë elektrike. Sipas saj, përfshirja e Kosovës në infrastrukturën rajonale të LNG-së amerikane do t’i hapte rrugë ndërtimit të kapaciteteve të reja gjeneruese në afatin më të shkurtër të mundshëm, do ta rriste ndjeshëm sigurinë energjetike, do ta forconte konkurrueshmërinë e ekonomisë së Kosovës dhe do ta thellonte më tej partneritetin strategjik me Shtetet e Bashkuara të Amerikës.

Duke iu referuar të gjitha këtyre argumenteve, Oda Ekonomike Amerikane në Kosovë përsërit qëndrimin e saj se, në një kohë kur gjithnjë e më shumë vende evropiane po e konsiderojnë LNG-në amerikane si investim strategjik për sigurinë e tyre energjetike dhe kombëtare, Kosova nuk duhet ta humbasë këtë mundësi.

The post Oda Amerikane: Kosova duhet të investojë në LNG-në amerikane për ekonomi më të fortë dhe siguri energjetike appeared first on Albeu.com.

Në një video të publikuar në Facebook, ajo ka hedhur poshtë pretendimet se Kosova ka vendosur t’i japë përparësi importit të gazit nga vendet e rajonit në vend të prodhimit vendor të energjisë elektrike ose gazit amerikan.

Rizvanolli ka theksuar gjithashtu se Kosova paguan çmimin më të ulët të energjisë elektrike krahasuar me shtetet e rajonit.

“Përkundrazi, kemi zgjedhur thëngjillin, e burimet e ripërtëritshme të energjisë si era dhe dielli, kogjenerimin për ngrohje qendrore dhe efiçiencën e energjisë.

Ky kombinim mbështetet në burime vendore dhe është më i liri për qytetarët e bizneset tona. E dyta, nuk është e vërtetë që Qeveria e Kosovës është ‘kundër’ gazit të lëngëzuar nga SHBA-ja (LNG), siç thuhet”, ka deklaruar ajo në videon që e ka shpërndarë në Facebook.

The post Rizvanolli: Qeveria s’është kundër gazit amerikan, është përzgjedhur opsioni më i lirë për qytetarët appeared first on Albeu.com.

Në përgjigje të pyetjeve të gazetarëve për këtë çështje, ajo tha se institucionet kompetente dhe njohësit e fushës duhet të bëjnë një vlerësim të kujdesshëm të përfitimeve, kostove dhe efekteve që një projekt i tillë mund të sjellë për qytetarët dhe për Republikën e Kosovës.

“A duhet Kosova ta pranojë apo jo gazin amerikan, nuk është çështje e përgjigjeve ‘po’ ose ‘jo’. Është shumë e rëndësishme që të ketë diskutime në nivel të institucioneve përgjegjëse dhe të ekspertëve, në mënyrë që të analizohen përfitimet, kostot dhe aspektet e tjera që ndërlidhen me këtë projekt”, tha ajo.

Haxhiu nënvizoi se Kosova asnjëherë nuk ka hedhur poshtë projekte që janë në dobi të qytetarëve dhe të shtetit, por theksoi se për çështje të kësaj natyre strategjike duhen diskutime serioze dhe vendime të mbështetura në analiza profesionale.

Sipas saj, institucionet e Kosovës vazhdojnë të jenë të hapura për dialog dhe për shqyrtimin e të gjitha mundësive, ndërsa bëri të ditur se ministrja e Ekonomisë, Artane Rizvanolli, tashmë po merret me këtë temë.

“Ne nuk ia kemi mbyllur derën diskutimeve serioze. Jemi të hapur që të diskutojmë për këtë. Ministrja Rizvanolli ka diskutuar për këtë çështje dhe po punon në këtë drejtim. Duhet t’u japim mundësinë institucioneve përgjegjëse që të japin përgjigjen finale”, u shpreh Haxhiu.

Ajo reagoi edhe ndaj kritikave për mënyrën se si institucionet e Kosovës i janë qasur këtij projekti, duke kundërshtuar idenë se shqyrtimi i alternativave të tjera energjetike mund të paraqitet si një qëndrim kundër Shteteve të Bashkuara të Amerikës.

“Nëse Kosova sheh një zgjidhje tjetër si më të mirë, pse duhet të kritikohet dhe pse institucionet e Republikës së Kosovës të konsiderohen antiamerikane? Institucionet e Kosovës punojnë për interesat e qytetarëve dhe mbështesin projekte që janë në favor të Republikës së Kosovës dhe qytetarëve të saj. Kjo nuk duhet të shihet si antiamerikanizëm”, deklaroi Haxhiu.

Ajo shtoi se trajtimi i debatit për projektin e gazit në terma politikë nuk i shërben as Kosovës dhe as partneritetit me Shtetet e Bashkuara.

The post Haxhiu: Për projektin e gazit amerikan duhen diskutime në nivel ekspertësh appeared first on Albeu.com.

Nënshkrimi u zhvillua në Uashington, si pjesë e dialogut strategjik me Shtetet e Bashkuara, një platformë kyçe për thellimin e partneritetit strategjik midis dy vendeve. Dialogu mbulon fushat më të rëndësishme për zhvillim – energjinë, ekonominë, sigurinë dhe teknologjinë.

Bozhinovska nënshkroi memorandumin me zv. sekretarin e Shtetit të SHBA-së, Christopher Landau. Mendimi i përbashkët është se ekziston një potencial i qartë për intensifikimin e bashkëpunimit, me fokus në projekte që do të sjellin rezultate konkrete dhe do të kontribuojnë në zhvillimin ekonomik dhe sigurinë energjetike të të dy vendeve.

Memorandumi konfirmon angazhimin e përbashkët për: diversifikimin e burimeve dhe rrugëve të furnizimit me gaz natyror, rritjen e qëndrueshmërisë së sistemit energjetik, sigurimin e gazit të qëndrueshëm, të sigurt dhe të përballueshëm për vendin, forcimin e lidhjes rajonale dhe integrimin e tregut.

Dokumenti gjithashtu parashikon hapa specifikë për zhvillimin e infrastrukturës, përmirësimin e transparencës së tregjeve të gazit, gjë që hap mundësinë e përdorimit të instrumenteve financiare publike dhe private, duke përfshirë mbështetjen nga institucionet financiare ndërkombëtare dhe agjencitë e kreditit të eksportit. Fokusi i bisedimeve është i qartë – siguria energjetike, bashkëpunimi ekonomik dhe projektet specifike që sjellin stabilitet, investime dhe zhvillim.

Me këtë marrëveshje, Maqedonia e Veriut forcon pozicionin e saj në rrjedhat rajonale të energjisë, me një orientim të qartë drejt lidhjes me tregjet evropiane, gjë që kontribuon drejtpërdrejt në stabilitetin ekonomik dhe zhvillimin afatgjatë.

The post Maqedonia e Veriut do të furnizohet me gaz natyror nga Shtetet e Bashkuara appeared first on Albeu.com.

Fatmirësisht, nuk ka patur shpërthim çka do të kishte edhe pasoja shumë të rënda për mjetet e tjera dhe drejtuesit e mjeteve që përshkojnë këta aks rrugor, apo edhe për kalimtarë të rastit.

Ndërhyrja e menjëhershme e zjarrfikëseve dhe përcaktimi i një zone e sigurie kanë bërë të mundur evitimin e një tragjedie.

Ndërkohë, nuk dihen shkaqet përse mjeti më gaz u përfshi nga flakët.

The post Përfshihet nga flakët autoboti me gaz në aksin Elbasan-Peqin appeared first on Albeu.com.

Marrëveshja, e nënshkruar fillimisht në gusht me kompaninë amerikane Chevron dhe partnerët e saj izraelitë NewMed dhe Ratio, parashikon furnizimin e Egjiptit me gaz natyror nga fusha Leviathan.

Izraeli do të eksportojë rreth 130 miliardë metra kub gaz deri në vitin 2040.

Netanyahu tha se marrëveshja do të ndihmojë stabilitetin rajonal dhe do të lehtësojë krizën energjetike në Egjipt, i cili është detyruar të importojë gaz të lëngshëm për shkak të rënies së prodhimit vendas që nga viti 2022.

Chevron e përshëndeti miratimin, i cili hap rrugën për zgjerimin e fushës së gazit

The post Izraeli do të furnizojë Egjiptin me 35 miliardë dollarë gaz appeared first on Albeu.com.

Lala tha se ai është pyetur lidhur me çështjen Veliaj-Xoxa, ndërkohë që i kanë sekuestruar edhe telefonin.

“Zoti Paja është anëtar i Këshillit Bashkiak, është pyetur në kuadër të çështjes Veliaj-Xoxa. Prokurorët i kanë marrë edhe celularin. Hetimet po vijojnë me intensitet. Janë edhe shumë persona të tjerë që do të pyeten. Ai e deklaroi vetë që i kanë marrë celularin. Janë pyetur sërish edhe vartës të Ajola Xoxës, u pyet edhe ish deputeti i PS, Vladimir Kosta, nëse qendra Harabel ka paguar qira dhe apartamentin 11/4 te Sky Tower”, tha Lala.

The post Bëri humor te dera e SPAK-ut, Klodiana Lala zbulon pse u thirr Gaz Paja appeared first on Albeu.com.

Rajoni është në tensione të larta teksa Izraeli po godet Rripin e Gazës dhe militantët e Hamas ndërsa konflikt ka gjithashtu në Jemen.

Detajet e shpërthimit ishin të pakta por mediat thonin se gazsjellësi kalonte nga provinca perëndimore iraniane Chaharmahal drejt qyteteve veriore në detin Kaspik.

Gazsjellësi 1,270-kilometra i gjatë nis në Asaluyeh, qendër e fushave detare të gazit të kompanisë vendase South Pars.

Saeed Aghli, drejtues i rrjetit të gazit në Iran dhe se një akt “terrorist sabotazhi” kishte shkaktuar disa shpërthime në disa pjesë të linjës.

Në rajon nuk ka grupe të njohura militantësh dhe Aghli nuk përmendi të dyshuar për shpërthimet.

Ministri iranaian i naftës Javad Owji, e krahasonte shpërthimin me sulmet e mistershme pa autor ndaj gazsjellësave në vitin 2011. Të dielën Teherani shënoi 45 vjetorin e revolucionit Islamik që solli në pushtet qeverinë aktuale.

“Qëllimi i armiqve është ndërprerja e furnizimit me gaz në provincat e vendit por kjo nuk ndodhi, përveç disa zonave që ishin pranë linjave të transmetimit”.

Në të kaluarën separatistë në jugperëndim të Iranit kanë kryer sulme sabotazhi, ashtu si dhe Izraeli që ka kryer atentate kryesisht ndaj impianteve ushtarake e bërthamore.

The post Shpërthen gazjsellësi madhor në Iran, zyrtarët e quajnë ‘akt sabotazhi’ (FOTO) appeared first on Albeu.com.

Një kamion që transportonte gaz shpërtheu në rrethin Embakasi rreth orës 23:30 duke ndezur një zjarr të madh, tha një zëdhënës i qeverisë.

Banesa, biznese dhe makina u dëmtuan, dhe videot tregojnë flakët që “përpinë” blloqet e banimit.

Zona është rrethuar dhe po hetohet për shkaqet e shpërthimit.

BBC raporton se të paktën një person është arrestiar për incidentin.

Një fëmijë ishte në mesin e atyre që vdiqën, sipas shefit të policisë Embakasi, Wesley Kimeto, i cili shtoi se numri i të vdekurve mund të rritet.

Të plagosurit u dërguan në spital dhe sipas autoriteteve, mes tyre ka 25 fëmijë.

Qeveria fillimisht tha se shpërthimi ndodhi në një fabrikë gazi ku punëtorët po rimbushnin bombolat e gazit, por autoritetet më vonë sqaruan se një kamion kishte shpërthyer në një oborr parkimi.

Zjarri është vënë nën kontroll dhe një operacion kërkim-shpëtimi ka nisur për të zbuluar nëse njerëzit janë të zhdukur ose thjesht janë strehuar diku tjetër.

The post Shpërthimi i gazit vret 3 persona, 300 të plagosur appeared first on Albeu.com.

Ministri i Jashtëm hungarez Peter Szijjarto tha në një konferencë shtypi në Moskë se firma shtetërore ruse e gazit Gazprom kishte rënë dakord të lejonte Hungarinë të importonte gaz përtej sasive të rënë dakord në një ndryshim të kontratës midis dy vendeve vitin e kaluar.

Kostoja e gazit, i cili pompohet në Hungari duke përdorur tubacionin Turkstream, do të kufizohet në 150 € për metër kub.

Vizita e Szijjarto në Rusi shënon një lëvizje të pazakontë për një zyrtar nga një vend në BE, me shumicën e shteteve anëtare që dënojnë pushtimin e Ukrainës nga Vladimir Putin dhe reduktojnë varësinë e tyre nga furnizimet ruse të energjisë.

Ministri i Jashtëm i Hungarisë është një nga të vetmet figura të larta të BE-së që është takuar me zyrtarë rusë që nga fillimi i luftës.

Në konferencën e sotme të lajmeve, Szijjarto tha se furnizimet ruse janë “vendimtare” për sigurinë energjetike të vendit të tij.

Ai tha se do apo jo, bashkëpunimi me Rusinë do të vazhdojë, “përderisa çështja e furnizimit me energji është çështje fizike dhe jo politike apo ideologjike”. /albeu.com

The post Hungaria nuk heq dorë nga lidhjet me Rusinë, firmos marrëveshjen për furnizimin me gaz appeared first on Albeu.com.