Gate Mahmutaj i arrestuar 7 vite më parë  si kreu i grupit të Lazararit, gjatë operacionit që policia e shtetit ndërmorri në vitin 2014 për asgjësimin e hashashit në këtë zonë ka ndërruar jetë në banesën e tij në Lazarat.

Ai ndodhej prej disa vitesh në burg , pasi u dënua me 12 vite burg pas arrestimit gjatë operacionit kundër kultivimit të kanabisit në Lazarat.

Gate Mahmutaj vuante nga një sëmundje e rëndë dhe vetëm një javë më parë ishte nxjerrë nga qelia duke u dërguar pranë familjes për të kaluar ditët e fundit.

Kush është Gate Mahmutaj, i “forti” i Lazaratit?

Shtetasi  Razip (Gate) Mahmutaj, datëlindja 1968, lindur dhe banues në Lazarat të Gjirokastrës, është autor i plagosjes me armë zjarri të një punonjësi policie në datën 17. 05. 2000 në rrugën nacionale Gjirokastër-Kakavijë, në vendin e quajtur kthesa e Lazaratit.

Mahmutaj ka qëlluar më armë zjarri tip kallashnikov në drejtim të automjetit të grupit të gatshëm të policisë të cilët patrullonin aksin e sipër përmendur. Për këtë  prokuroria ka kërkuar 28 vite burg, gjykata ka vendosur 23 vite e ndërsa ka bërë vetëm 1 muaj burg.

20 gusht të  vitit 2004 Razip Mahmutaj hap breshëri mitralozi  ndaj helikopterit të Interforcës Italiane që monitoronte me pajisje të specializuara, filmime dhe fotografime apo skanime të territorit të Lazaratit për drogë.

Breshëritë e një mitralozi për pak se nuk e rrëzuan helikopterin me ekuipazh italian dhe specialistë shqiptarë të Antidrogës. Mjeti fluturues u shpua në tre vende, po për fat të mirë pa të lënduar. Kurse nga të shtënat e vetë banorëve u plagos në këmbë edhe një grua e fshatit prej plumbi qorr.

Në atë kohë, ministër i Rendit, Igli Toska, nuk do të kursente këtë incident. Duke ngritur shqetësimin se Lazarati ishte kthyer në një bastion droge e trafiku, informoi ambasadat e huaja për gjendjen dhe kërkoi hetime për zbulimin dhe arrestimin e autorëve me çdo kosto.

Ndërkohë që opozita e asaj kohe nisi të kritikonte Toskën për ndërhyrjen në Lazarat dhe përgatiti një protestë kundër tij.  Një muaj pas incidentit, më 27 shtator 2004, dy skuadra speciale të RENEA-s, në sekret të plotë dhe operacion spektakolar, depërtuan në fshat me sukses të plotë. Lokalizuan në një prej lokaleve të dyshuarin Razip Mahmutaj, një i dënuar në mungesë me 22 vite burg nga Apeli për vrasje, por edhe i identifikuar si njeriu që për pak sa nuk rrëzoi helikopterin italian me plumba.

The post U lirua një javë më parë! Kush është Gate Mahmutaj, i forti i Lazaratit që për pak rrëzoi me mitraloz helikopterin italian (FOTO LAJM) appeared first on Albeu.com.

The post Ndërron jetë kreu i grupit famëkeq të Lazaratit appeared first on Albeu.com.