Në Stadiumin “Olimpik” përballë Udieneses, mjaftoi nga një gol për çdo pjesë për të dalë me 3 pikë. Në fundin e pjesës së parë, Roma fitoi një 11-metërsh, i konvertuar në gol nga Pellegrini.

Në fraksionin e dytë, në minutën e 61-të ishte Celik që dyfishoi shifrat, ky ishte goli i tij i parë në Serie A, një gol që vulosi suksesin 2-0 pasi rezultati mbeti i pandryshuar deri në fund.

Ashtu si tifozët edhe Gian Piero Gasperini beson shumë te ky ekip, por tekniku italian nuk preferon të flas për objektiva: “Kjo ishte një provë bindëse. Zhvilluam një ndeshje të mirë kundër një ekipi si Udinese, është gjithnjë e vështirë të luash kundër tyre. Jam shumë i kënaqur pasi ekipi po rritet, po luan një futboll të mirë dhe beson”, u shpreh Gasperini.

Në kaos total është ekipi i tij, Atalanta, me bergamaskët që pësuan një humbje të rëndë 0-3 brenda në shtëpi përballë Sassuolo-s.

Pa Gjimshitin titullar, Atalanta u fut në kaos, me kapitenin kuqezi që u aktivizua më pas menjëherë me fillimin e pjesës së dytë.

Berardi ishte lojtari i ndeshjes, me futbollin “azzurr” që realizoi një “dopietë” golash. Pas javës së 11-të, Atalanta e sheh veten në vendin e 13-të, por trajneri Juric beson se ekipi i tij mund të ri ngrihet.

Ecuria negative këtë periudhë ka bërë që stoli i Juric të tronditet në themel, me mediat italiane që flasin për një shkarkim të mundshëm, ndërsa si pasues janë dy opsione, Palladino dhe Thiago Motta.

The post Në Romë besojnë, Gasperini “ndez” kryeqytetin, Atalanta në krizë totale, Juric rrezikon shkarkimin (VIDEO) appeared first on Albeu.com.

Viktoria Plzen i befasoi brenda pjesës së parë, me dy super gola brenda 2 minutash. Adu hapi siparin me një finalizim plot klas në minutën e 20-të, ndërsa dy minuta më pas ishte Souare që me një predhë të vërtetë nga distanca dyfishoi shifrat.

Në fraksionin e dytë, Roma fitoi një 11-metërsh për prekje të topit me dorë në zonë. Nga pika e bardhë, Dybala u tregua i saktë duke realizuar një gol historik për të, i 200 në karrierë.

Për fat të keq, goli i Dybala-s nuk mjaftoi për të shmangur këtë humbje të rëndë.

Në fund të ndeshjes, Dybala u shpreh se Roma e mori lehtë këtë takim, por nuk ishte dakord në këtë pikë trajneri Gasperini: “Nuk jam dakord, e provuam deri në fund. Sigurisht që kemi probleme, mbi të gjitha në fazën sulmuese. Kjo është një humbje që duhet të na bëjë të reflektojmë”, u shpreh Gasperini.

Ndryshe nga Roma, Bologna, ekipi tjetër italian, siguroi një fitore të rëndësishme në xhiron e tretë duke triumfuar 2-1 në transfertë përballë Steaua Bukuresht.

Bologna realizoi dy gola të shpejtë brenda 12 minutash, fillimisht me Odgaard në minutën e 9-të, ndërsa 3 minuta më pas ishte Dallinga që dyfishoi shifrat.

Rumunët u përpoqën të riktheheshin në lojë duke ngushtuar shifrat në 1-2 në minutën e 54-ët, por vetëm kaq, pa mund t’i prishin festën Bolonjës që fal këtij suksesi ngjiten në vendin e 18-të në kuotën e 4 pikëve.

The post Roma bie në Evropë, Gasperini “përplaset” me Dybala, fiton Bologna appeared first on Albeu.com.

“Ishte fillimi i ndeshjes dhe ndoshta nuk kishim marrë ende masat”, – tha Gasperini pas takimit.

“Gjatë pushimit të kombëtareve nuk është e lehtë të përgatitësh si duhet lëvizjet taktike, sepse në kombëtare ndoshta kërkojnë gjëra të tjera. Episodi i golit e përcaktoi ndeshjen”.

Megjithatë, trajneri u shfaq i qetë dhe optimist për ecurinë e skuadrës në vazhdim:

“Jam i zhgënjyer për humbjen, por përtej episodit, jam i bindur se do të bëjmë mirë. Përballë kishim një Inter shumë të fortë, është normale të kesh vështirësi në pjesën e parë, por më pas dolëm mirë. Ka humbje që, në vend që të të rrëzojnë, të japin më shumë bindje dhe besim”.

Gasperini vlerësoi gjithashtu, soliditetin e mbrojtjes, pavarësisht rezultatit:

“Mbrojtja funksionoi mirë edhe sonte. Uesli në të majtë bëri një ndeshje shumë të mirë, po ashtu dhe Çelik në të djathtë. Patën vazhdimësi dhe na dhanë shtysën që ndoshta na kishte munguar në ndeshjet e tjera. Më vjen keq vetëm për Ndika në të djathtë – si ai ashtu edhe Hermoso janë me këmbë të majtë, dhe do të kisha preferuar që Hermoso të dilte më lart”.

Në fund, tekniku foli edhe për kolegun e tij në pankinën e Interit, Kristian Kivu, për të cilin pati vetëm fjalë respekti:

“E kam njohur për pak kohë, por gjithmonë kam pasur shumë respekt për të, si lojtar dhe si njeri. Edhe kur u përballëm vitin e kaluar me Parmën, më la përshtypje shumë të mirë. Më pëlqen mënyra e tij e të punuarit: nuk ishte e lehtë të merrte vendin e Inzaghit, por po e bën me personalitet dhe me ide të qarta. Ka shumë merita”.

Një analizë e ekuilibruar nga Gasperini, që edhe pse pa pikë, largohet nga ndeshja me ndjesinë se Roma po ecën në drejtimin e duhur.

The post Disfata minimale ndaj Interit, Gasperini: Ndeshja u vendos nga një incident! Jam i zhgënjyer, por i bindur se… appeared first on Albeu.com.

“Atalanta, me anë të administratorit të deleguar Luca Percassi, ka kënaqësinë që të lajmërojë qëndrimin e trajnerit Gian Piero Gasperini në pankinën zikaltër.

Pas takimit të zhvilluar pasditen e sotme, palët kanë gjetur mirëkuptimin e plotë për të vazhduar së bashku një rrugëtim të nisur shtatë vite më parë dhe i shoqëruar me rezultate të mëdha” – Shkruante klubi. Atalanta dështoi të kualifikohej në Champions League, teksa u rendit në vendin e pestë.

The post Atalanta konfirmon Gasperinin për sezonin e ardhshëm appeared first on Albeu.com.

Nuk ishte një zgjedhje taktike, por një zëvendësim i detyruar për shkak të një dëmtimi të mbrojtësit.

Sigurisht që kjo situatë shqetëson sidomos Atalantën në momentin kyç të sezonit, por edhe përfaqësuesen kuqezi në perspektivën e ndeshjeve të qershorit për Ligën e Kombeve.

Lojtari kishte probleme me shpatullën, ndaj kërkoi zëvendësim dhe trajneri Xhampiero Gasperini ka pranuar se nuk ishte një shqetësim i vogël.

“Nuk besoj se mund ta shohim në fushë të enjten. Ka nxjerrë shpatullën, duhet të shohim gjendjen e tij”, pranoi i shqetësuar tekniku Gasperini pas sfidës, duke menduar për ndeshjen e Ligës së Europës që skuadra e tij luan kundër Lajpcigut.

Tani mbetet të shihet periudha e rikuperimit të Gjimshitit, i cili në këtë sezon ka vuajtur një tjetër dëmtim në krah, kur luante me Shqipërinë ndaj Hungarisë në kualifikueset e Botërorit 2022 dhe u desh të qëndronte për dy muaj jashtë fushave të lojës.

The post Gasperini konfirmon dëmtimin e Berat Gjimshitin: Ka nxjerrë shpatullën appeared first on Albeu.com.

A është kjo fitorja më e madhe e gjashtë të fundit?
“Është një fitore shumë e madhe, sepse luajtëm me një ekip të fortë. E përmbysëm lojën me një ekip që ka fizik, di çfarë të bëjë dhe luan mirë. Ne dolëm me vendosmëri të jashtëzakonshme dhe fituam edhe duke vuajtur. Kjo është një fitore që jep thellësi dhe bindje është një hap përpara”.

A dilni të forcuar nga kjo garë?
“Po, sepse duhej të bënim diçka më shumë. Në pjesën e parë na mbizotëroi Verona, ishim si kukulla. Pasi u rritë ritmin duke luajtur dhe duke nxjerrë pak karakter, fituam disa duele duke përmbysur rezultatin”./h.ll/albeu.com

The post Gasperini: Fitore e madhe, treguam karakter appeared first on Albeu.com.

Pas ndeshjes trajneri Gian Piero Gasperini nuk mund ta fshihte gëzimin:”Ishte një gëzim i madh për mua, për klubin dhe gjithë qytetin e Bergamos. Ishte një duel shumë fizik, me Atalantën në larësinë e duhur.

Shumë gjëra u thanë për ne në fillim të këtij sezonin, por nëse e nisnim mirë nuk do të kishim 28 pikë. Kishte disa ndeshje që nuk shkuan si deshëm apo që nuk morëm pikët që meritonim. Gjithsesi s’e kam parë kurrë Atalantën të vuajë”.

“Kemi pasur një situatë emergjente për një kohë të gjatë për shkak të dëmtimeve, kjo është e vërtetë, dhe shuëm lojtarë janë dashur të përshtaten në role të tjera. Ishte një pengesë, por të gjithë u ngritën dhe ia dolën.

Disa rezultatet, si humbja me Milanit në shtëpi, u dukën më keq se sa ishin në të vërtetë. Kishte momente kur na mungonin të gjithë qendërmbrojtësit. Tani jemi më të plotë dhe kemi më shumë opsione, si dhe fizikisht jemi më mirë”.

“Kemi treguar pjekuri dhe besim te vetja në Champions League kundër disa kundërshtarëve shumë të fortë. Kemi mësuar nga disa shuplaka në fytyrë dhe kjo na ka lejuar të rritemi. Gjithsesi ne jemi gjithmonë konkurrues”, tha Gasperini mes të tjerash për DAZN./h.ll/albeu.com

The post Gasperini: “Shuplakat” na kanë rritur, fitore e madhe për Bergamon kundër Juves appeared first on Albeu.com.

Trajneri i Atalantas është në krye të listës së dëshirave të krerëve të Juventusit. Pirlo po pritet të shkarkohet në fund të stinorit.

The post E BUJSHME/ Gasperini zëvendëson Pirlon te Juve? appeared first on Albeu.com.

Nuk dihet ende pse ka ardhur ky vendim nga ana e teknikut zikaltër, por nuk përjashtohet ndonjë tension i mundshëm që pas finales së humbur kundër Juventusit vetëm pak ditë më parë. Vendimi është komunikuar nga klubi drejt gazetarëve dhe në vend të Gasperinit do të flasë drejtori i ekipit Luca Percassi.

Ndeshja e nesërme do të jetë vendimtare për të dyja ekipet pasi Milani kërkon të kualifikohet në Ligën e Kampionëve pas 7 vitesh mungesë ndërsa Atalanta kërkon të mbajë vendin e dytë i cili i rezervon 5 milionë euro plus në arkat e klubit.

The post Prag ndeshja me Milanin, Gasperini anullon konferencën për shtyp appeared first on Albeu.com.

“Me një javë nga fundi, kush ka më shumë gjasa të qëndrojë jashtë Champions League? Në këtë pikë, Milani. Napoli luan në shtëpi, edhe pse pa spektatorë, janë mësuar të bëjnë mirë në fushën e tyre.

Hellas Verona po bën mirë mjaft mirë dhe sigurisht nuk do të vijë e dorëzuar, por as nuk do të bëjë ndeshjen e jetës, e cila është ndryshe për Milan-in, që shkon në Bergamo.”

“Nëse Atalanta do të humbiste, ata do të rrezikonin të shkonin në vazon e katërt të Champions League dhe, për këtë arsye, të takoheshin me të gjithë emrat e mëdhenj.

Me pak fjalë, ajo është e detyruar të bëjë një ndeshje të madhe. Gian Piero Gasperini vjen nga sektori i të rinjve të Juventus-it, ai gjithmonë ka qenë juventin brenda dhe do të bëjë gjithçka për t’i bërë një favor ish-klubit të tij, klubit të Agnelli-t.”

“Milani paguan jo vetëm gabimet e veta, por duhet thënë se e kanë përfunduar keq këtë sezon, me një fazë të dytë përfundimisht jo aq të mirë sa kishin treguar në pjesën e parë të kampionatit italian të Serisë A. “

The post Gazetari anti-juventin: Gasperini është juventin brenda tij, do të bëjë gjithçka në favort të Juves (FOTO LAJM) appeared first on Albeu.com.