Lidhur me këtë fakt, Flamur Noka, ka reaguar duke iu drejtuar kryetarit të Kuvendit për arsyen se përse gardisti po qëndron i vendosur tek tavolina e Ballës, gjatë kohës kur seanca vijonte punën.

Kujtojmë që në seancën e kaluar pati debate dhe përplasje, deri në tentativa fizike, pasi Balla ofendoi dhe fyeu deputeten e PD, Albana Vokshi, duke iu drejtuar asaj “për ty Albana kam numrin 0900”.

The post VIDEO/ Pas incidenteve në seancën e kaluar, gardisti merr në mbrojtje të veçantë Taulant Ballën appeared first on Albeu.com.

“O DIELLI im, o YLLI me i bukur i qiellit, o ENGJELLI me i bukur i parajses ,motren e ka marr malli qe tani per ty, zemren time ma more Ti sot me vete. Prehu ne paqe i shtrenjti im,shpirti im…

Do te te dua perjetesisht deri ne diten qe do jemi bashke dhe pertej asaj jete. Qofsh i parajsesh Vellai im”, shkruan ajo.

The post U vetëvra me armën e shërbimit, Sheila Haxhiraj reagon pas vdekjes së të vëllait: O dielli im! appeared first on Albeu.com.

37-vjeçari pak para mesditës së kësaj të marte qëlloi veten me plumb në kokë, predha e të cilit i përshkoi kafkën tej për tej. Ai u dërgua me urgjencë në spitalin e Traumës, ku pas disa orë luftë me vdekjen ka ndërruar jetë.

Lajmin e trishtë e ka bërë me dije edhe motra e 37-vjeçarit, këngëtarja Sheila Haxhiraj,e cila në postimin e saj në Instagram ka vendosur shiritin e zi.

Kujtojmë që e gjithë ngjarja e rëndë ndodhi në banesën e këtij shtetasi në kryeqytet, në zonën e Qytetit të Studentit.

“Më datë 15.10.2024, në Qytet Studenti, në banesën e tij, ka qëlluar veten me armë zjarri, shtetasi H. H., rreth 37 vjeç, punonjës i Gardës së Republikës. 37-vjeçari është dërguar në spital për ndihmë mjekësore ndërsa grupi hetimor po punon për sqarimin e rrethanave të ngjarjes”, njoftoi Policia e Tiranës më herët.

Emri i Henri Haxhirajt nuk është një emër i panjohur për blutë e Shtetit, por as edhe për mediat. Në janar të 2022 emri i tij u përfol se ishte pjesë e një grupi kriminal të cilët merreshin me prodhimin e dokumentave të huaja të identifikimit, të dyshuara të falsifikuara.

Në kuadër të këtij operacioni policor në pranga ranë 4 persona, mes tyre edhe vëllai i këngëtares së njohur Sheila Haxhiraj, Henri Haxhiraj.

Sipas asaj që Policia e Lezhës bënte me dije aso kohe, Henri Haxhiraj së bashku me të tjerët kishin përfituar shuma të ndryshme monetare të cilat varionin deri në 300 mijë euro nga shtetait e huaj të cilët binin në “grackën” e këtij grupi.

The post Qëlloi veten me armën e shërbimit, vdes gardisti, vëllai i këngëtares së njohur appeared first on Albeu.com.

Bëhet e ditur se Henri Haxhiaj, është vëllai i këngëtares së njohur dhe ish-banores së “Big Brother Vip”, Sheila Haxhiaj.

Ai është dërguar me urgjencë në spital për ndihmë mjekësore, por nuk dihet ende si paraqitet gjendja e tij.

“Më datë 15.10.2024, në Qytet Studenti, në banesën e tij, ka qëlluar veten me armë zjarri, shtetasi H. H., rreth 37 vjeç, punonjës i Gardës së Republikës.
37-vjeçari është dërguar në spital për ndihmë mjekësore”,– njoftoi policia.

The post Gardisti që tentoi t’i japë fund jetës është vëllai i këngëtares Sheila Haxhiaj appeared first on Albeu.com.

Balla tha se kjo sjellje e tij është karshillik ndaj ligjit dhe për këtë arsye është përjashtuar nga radhët e Gardës, ku thekson se shkelësit do të dënohen nga Policia e Shtetit.

“Armëmbajtja pa leje po goditet çdo ditë. Do të bëjmë gjithçka, me më shumë angazhim sesa më parë, që ky karshillëk i hapur ndaj ligjit dhe shoqërisë sonë të luftohet nga Policia e Shtetit me vendosmëri, çdo ditë. Në të gjithë territorin e vendit, Policia e Shtetit po organizon dhe realizon goditje të përditshme ndaj këtij fenomeni. Ndalimi gjatë natës së mbrëmshme i një oficeri të Gardës së Republikës, për armëmbajtje pa leje, tashmë i arrestuar dhe i përjashtuar menjëherë nga radhët e Gardës, konfirmon qartë angazhimin se në rrjetën e forcës së ligjit do të bien të gjithë shkelësit.

Gjithashtu gjatë operacioneve kundër armëmbajtjes pa leje Policia e Shtetit ka arritur të parandalojë në kohën e duhur një ngjarje të rëndë kriminale. Jam i sigurtë se kam mbështetjen e qytetarëve në goditjen e këtij fenomeni, por kërkoj gjithashtu edhe mirëkuptimin dhe bashkëpunimin tuaj, të dashur qytetarë, përgjatë kontrolleve të policisë, të cilat do të jenë të shpeshta”, shkruan ministri Balla.

The post Arrestimi i gardistit me armë pa leje, Balla: Policia e Shtetit do të godasë të gjithë shkelësit appeared first on Albeu.com.

Ndërsa gardisti është shkarkuar nga detyra dhe arrestuar nga policia, 78-vjeçari Pjetër Kaçi ka kërkuar mbrojtje pasi, sipas tij, vijojnë tensionet mes dy familjeve.

“Në oborr  të shtëpisë nuk ka mundësi më të vijë. Ta ketë për turp ai edhe unë”– tha  Pjetër Kaçi, 78 vjeç.

Konflikti me motiv pronësie mes dy familjeve mirditore që kanë lidhje gjaku mes tyre, u acarua më tej me ndërhyrjen e IMT-së, por të dielën dy familjet u përfshinë në një përleshje fizike, gjatë së cilës 50-vjeçari Nikolli përdori edhe armën e shërbimit duke qëlluar në ajër me të.

“I kanë dalë përpara duke e ofenduar pastaj duke e shtyrë. Pataj erdhëm ne me çunat debatuam, na gjuajtën ne e babit e morën shkopinj bejsbolli, shkuan morën dhe armën por fati i mirë i joni nuk na prekën”– tha Paulin Kaçi, djali i Pjetrit.

Ndonëse i trishtuar për këtë situatë që ka futur në konflikt dy familjet, kur në sallën e gjyqit Martin Nikolli i ka kërkuar të tërheqë denoncimin 78-vjeçari nuk është tërhequr dhe gjyqtarja e seancës ka vendosur lëshimin e Urdhrit të Menjëhershëm të Mbrojtjes që detyron Martin Nikollin t’i qëndrojë larg atij dhe 4 djemve të tij, pa ushtruar akte dhune apo presion mbi ta.

Urdhri i Menjëhershëm i Mbrojtjes është lëshuar vetëm për Nikollin që aktualisht ndodhet në gjendje arresti.

The post U dhunuan nga gardisti dhe fisi i tij, familja Kaçi merr urdhër mbrojtjeje appeared first on Albeu.com.

Nikolli bashkë me pjestarë të tjerë të familjes së tij rrahën barbarisht fqinjët e tyre, pas një sherri banal.

Pas hetimeve të kryera, Autoriteti i Mbikëqyrjes Policore, ka arrestuar gardistin Nikolli i cili akuzohet për veprat penale “Kanosja”, “Plagosja e rëndë me dashje” dhe “Prishja e qetësisë publike”.

Njoftimi:

Agjencia e Mbikëqyrjes Policore ka arrestuar gardistin Martin Nikolli, i cili u përfshi në dhunim e disa anëtarëve të një familjeje në Hamallaj.

Agjencia e Mbikëqyrjes Policore bën me dije se nën drejtimin e Prokurorisë së Gjykatës së Shkallës së Parë të Juridiksionit të Përgjithshëm Durrës ka arrestuar në flagrancë për kryerjen e veprave penale “Kanosja”, “Plagosja e rëndë me dashje” dhe “Prishja e qetësisë publike” punonjësin e Gardës së Republikës Inspektor Martin Nikolli, pasi dyshohet se është përfshirë në një konflikt me sende të forta dhe ka përdorur armën e shërbimit gjatë kohës që nuk ka qenë në detyrë, duke kryer veprime të kundërligjshme.

Veprimet proceduriale u kryen mbi bazën e njoftimit për një ngjarje me armë të ndodhur sot në fshatin Hamallaj Durrës, ku punonjësi i Gardës së Republikës ka kryer veprime antiligjore, të cilat kanë sjellë si pasojë dëmtime me dashje të disa shtetasve.

Në përfundim të veprimeve të para hetimore në bashkëpunim me Prokurorinë, u krye “Arrestimi në flagrancë” i shtetasit Martin Nikolli 50 vjeç, me detyrë N/Oficer Sigurie në Grupet e Shoqërimit, pranë Gardës së Republikës të Shqipërisë. 

/AlbEu.com/

The post Shoqëruesi i Lindita Nikollës bashkë me fisin rrahën fqinjët, arrestohet nga policia (EMRI) appeared first on Albeu.com.

Lajmin e ka bërë të ditur vetë Policia, përmes një njoftimi.

Ai akuzohet për veprat e “shpërdorimit të detyrës” dhe “kanosjes”.

Njoftimi i Policisë:

Sot, Drejtoria Rajonale e AMP-së Tiranë arrestoi në flagrancë punonjësin e Gardës së Republikës, Inspektor D. K., 44 vjeç, me detyrë Trupë Shërbimi, i dyshuar për kryerjen e veprave penale të “Shpërdorimit të detyrës” dhe “Kanosja”, parashikuar nga nenet 248 dhe 84 të Kodit Penal.

Nga veprimet hetimore të kryera rezulton se rreth orës 12:10, punonjësi i Gardës së Republikës, D. K., është konfliktuar fizikisht për motive të dobëta me klientët dhe pronarin e një lokali në rrugën “Elez Isufi” në Tiranë, të cilët i ka kanosur me armën e shërbimit, në shpërdorim të detyrës.

Nga hetimet paraprake rezulton se D. K., duke qenë jashtë shërbimit, ka konsumuar pije alkolike në ambientet e lokalit dhe më pas është konfliktuar me klientët dhe pronarin e lokalit, të cilët kanë arritur t’i heqin armën nga dora duke e neutralizuar.

Hetimet vazhdojnë për zbardhjen e plotë të ngjarjes.

Agjencia e Mbikëqyrjes Policore mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga punonjës të Gardës së Republikës, duke telefonuar në numrin e gjelbër 0800 90 90./albeu.com/

The post Prangoset punonjësi i Gardës së Republikës appeared first on Albeu.com.

Ndaj dhe paratë që kishte kursyer ndër vite, nuk i mbante të fshehura në banesë, që konsiderohet si vendi më i sigurt, por në zyrën e punës ku kishte një kasafortë metalike.

Por kur hajdutët e ndajnë mendjen, s’ka masë sigurie që i ndal. 60-vjeçari me pozicion pune pranë si specialist i sallës operative të Gardës, humbi 15 mijë euro që i mbante kyçur dhe ishte krejt i qetë që parametrat nuk kishte hajdut t’i thyente. F.S., tregon për burimin e kësaj shum

“Ishin kursimet e familjes ndër vite dhe një sasi lekësh i mora nga zhdëmtimi i tërmetit të nëntorit 2020. I ktheva në valutë euro dhe për arsye sigurie, vendosa mos t’i mbaja në shtëpi, por në zyrë ku kam një kasafortë metalike me çelës. Dollapi i hekurt ndodhet në zyrën e përbashkët me efektivët e tjerë”, – tregon punonjësi i Gardës, sipas të cilit i kishte strehuar paratë në vendin ku mbante pistoletën e punës, detergjentë, kapelën dhe shkresa të ndryshme. Kasaforta mbyllej me çelës.

Por ndonëse e kishte me çelës, ai ishte kujdesur që paratë t’i vendoste në një zarf, të ndarë në njërin prej tyre 500 mijë lekë dhe në tjetrin gjithë valuta në euro. Në brendësi të dollapit prej hekuri, ai i kishte vendosur poshtë një batanije, ashtu sikundër edhe pistoletën.

“Ne kryejmë turn të pandërprerë dhe mandej pushojmë tre ditë. Sa herë merrja detyrën, hapja kasafortën, fusja dorën poshtë batanijes dhe pasi merrja pistoletën dhe kapelën, prekja zarfet për të kuptuar që paratë ishin aty. Të njëjtin veprim kreva edhe ditën që mora turnin”.

Në sallën operative të gardës, atë ditë ai gjendej me kolegun e tij dhe se së jashtmi nuk ka parë asgjë të dyshimtë tek kasaforta ku mbaheshin e ruhej pasuria e familjes.

“Futa dorën poshtë batanijes, me qëllimin për të prekur qesen me para dhe pistoletën dhe kuptova që paratë nuk gjendeshin aty. Aty ishte vetëm zarfi i vogël prej 500 mijë lekësh dhe pistoleta”.

I trembur dhe duke mos besuar çfarë i kishte ndodhur, 60-vjeçari ka kërkuar ndihmën e kolegut, i cili konfirmoi atë ç’ka pa dhe preku ai. Eurot ishin zhdukur.

“I thashë hajde shkojmë bashkë se nuk po ndihem mirë dhe kontrollo ti, mbase nuk po shikoja unë. E boshatisëm kasafortën të dy bashkë, kontrolluam të gjithë gardërobën, por përsëri nuk gjetëm gjë”, – thotë F.S.

Në këtë situatë kur ka konfirmuar se paratë mungonin, i dëmtuari shton se pavarësisht vjedhjes ka vijuar punën i rënduar psikologjikisht.

“I mora me kujdes zarfin me 500 mijë lekë që të mos shkatërroja gjurmët e hajdutëve dhe mbylla kasafortën, bisedova me kolegun dhe ai më tha emrin e një kolegu që e komentoi se ai mund ta kishte bërë”.

Në përfundim të turnit, qesen brenda zarfit ku i mbetën vetëm 500 mijë lekë, e fshehu në shtëpi. Të nesërmen ka kërkuar ndihmën e komandantit të Gardës së Republikës.

“Mora kontakt me përgjegjësin e sallës, P.K., dhe së bashku shkuam tek komandanti i Gardës së Republikës, Gramoz Sako, duke e vënë në dijeni për ngjarjen”.

Mësohet, sipas burimeve të sigurta të GazetaSi.al, që treguan gjithë hetimin, se ka qenë pikërisht kreu i Gardës së Republikës, ai që ka rrëmbyer telefonin dhe ka njoftuar menjëherë shërbimin e çështjeve të brendshme dhe ankesave.

Kur ekspertët kanë mbërritur në sallën operative të gardës, i pari është pyetur shtetasi i dëmtuar. Pyetja e SHÇBA-së, ka qenë direkte dhe konkrete” ku i gjete 15 mijë euro?

Burimet e GazetaSi.al, shtojnë se efektivi i gardës iu ka vendosur në dispozicion një sërë faturash dhe aktesh noteriale që vërtetojnë burimin e valutës së zhdukur brenda një institucioni shtetëror.

“Nga kjo shumë, 7 mijë euro janë dhuratë nga djali i vëllait që jeton në Itali dhe dhurata më është dhënë në vitin 2019 me kontratë noteriale. Pjesa tjetër, prej 8 mijë eurosh, janë kursimet familjare të miat, fëmijëve dhe gruas, ku përfshihet edhe shuma prej 3.5 milionë lekë të vjetra, që janë dëmshpërblim nga shteti për tërmetin”. Bëhet me dije nga grupi i hetimit, se specialisti është pyetur, se përse i mbante paratë cash?

“Do shlyeja këstin e radhës  dhe do t’i depozitoja tek një firmë ndërtimi, pasi kemi prenotuar një apartament në rrugën “Margarita Tutulani” në shumën e 175 mijë euro. Deri më tani, kemi paguar 115 mijë euro të fituara nga shitja e tokës në pronësi të bashkëshortes.  Kam për të likuiduar edhe 40 mijë euro”, -shpjegon punonjësi i Gardës së Republikës.

Në rrëfimin e të 60-vjeçarit, bëhet me dije sipas burimeve policore të GazetaSi.al, ai nuk kishte vënë re asnjë veprim të dyshimtë nga kolegët dhe se kur i kishte fshehur, nuk e kishte parë dhe vërejtur askush.

“I vetmi person që kishte akses, është kolegu im që kam besim absolut, i kisha treguar shumë herë, shiko mos ma lë hapur kasafortën, por pa i thënë se poshtë batanijes kisha paratë”.

A e ke lënë ndonjëherë hapur kasafortën, pyesin agjentët e policisë në shkresën që GazetaSi.al, disponon? “Mund të ketë ndodhur ndonjëherë, në të rrallë kur shkoja në banjë, por nuk jam i sigurt se cilës kohë i përkon”, – thotë ai.

Policia i tregoi GazetaSi.al, se ka administruar si prova, 500 mijë lekët e vjetra, të cilat burri i ktheu në banesë për të këqyrur se mos në qesen e mbështjellë ka gjurmë papilare dhe për këtë arsye, provat i janë përcjellë laboratorit të kriminalistikës.

Veç këtij veprimi, është sekuestruar edhe lista me emrat e specialistëve që gjenden në turne në sallën operative të gardës, si dhe dëshmitë e kolegëve të tjerë që këmbëngulin se nuk dinin dhe nuk kishin asnjë informacion mbi shumën që kolegu i tyre mbante të kyçur në çelës./ Gazeta Si

The post Nuk i besonte as shtëpisë, gardistit i vjedhin paratë brenda Gardës appeared first on Albeu.com.