gardiste Archives - Albeu.com

Ish-kryeministri Berisha: Sa herë Rama flet në foltore, Parlamenti mbushet me gardistë, nga çfarë ka frikë?

V K — Tue, 19 Nov 2024 13:38:20 +0000

Përmes një postimi në rrjetet sociale, kretari i Partisë Demokratike, Sali Berisha, shkruan se sa herë Rama flet në foltore, Parlamenti mbushet me gardistë.

Sipas kreut të PD, “këto janë qartazi paranojat e një njeriu i cili jeton në çdo moment me frikë”.

Postimi i Berishës:

Sa herë Rama flet në foltore, Parlamenti mbushet me gardistë! Nga çfarë ka frikë Edi Rama?!

Vetëm në pjesën ballore të Parlamentit, sapo Edi Rama doli në foltore, u shfaqën 6 gardistë.
Këto janë qartazi paranojat e një njeriu i cili jeton në çdo moment me frikë. Por kujt i ruhet Edi Rama në një nga institucionet më të sigurta në vend?!

Në atë Parlament e vetmja ARMË e cila lehtësisht mund të futet brenda është E VËRTETA.

Ndaj dhe Edi Rama mundohet që me ministrat, deputetët dhe gardistët patronazhistë, të sigurohet që e vërteta të mbytet, dhunohet apo përjashtohet nga salla. #sb

The post Ish-kryeministri Berisha: Sa herë Rama flet në foltore, Parlamenti mbushet me gardistë, nga çfarë ka frikë? appeared first on Albeu.com.

Rama: Rritet paga për policët, gardistët dhe zjarrfikësit

E B — Wed, 28 Sep 2022 11:01:15 +0000

Pas mbledhjes së qeverisë, kryeministri Edi Rama ka dalë në një konferencë për media duke u shprehur se do të ketë rritje page për punonjësit e policisë së shtetit, punonjësit e Gardës dhe për zjarrfikësit. Rama shtoi se ky vendim hyn menjëherë në fuqi.

“Kemi marrë vendimin që Policia e Shtetit, nivelet bazë, punonjësit e policisë në nivel inspektorësh, si dhe niveli i mesëm të kenë një shtesë page.

Respektivisht 15 dhe 7%. E njëjta gjë vlen për Gardën e Republikës. E njëjta gjë vlen për policinë e burgjeve, për zjarrfikësit, për administratën publike dhe jo vetëm për nëpunësit në shërbimin civil, por gjithë punonjësit mbështetës. Të gjitha këto vendime hyjnë në fuqi menjëherë. Paga e ardhshme që do marrin këto kategori do jetë paga e rritur. Ajo që vlen të theksohet është se principi mbetet po ai i ditës së parë. Kush ka më pak, mbështetet më shumë.

Nga ana tjetër e njëjta gjë do të ndodhë me pensionet, të cilat janë riindeksuar dhe kemi rritje 9.5 % në raport me pensionin e një vit më parë dhe kjo gjë do të materializohet në pensionet e radhës. E njëjta gjë me të gjitha familjet në ndihmë ekonomike që kanë rritje 10%, por ku gratë kryefamiljare me dy fëmijë kanë dyfishim të ndihmës ekonomike”, tha Rama.

The post Rama: Rritet paga për policët, gardistët dhe zjarrfikësit appeared first on Albeu.com.

Kush është gardisti i arrestuar që kanosi pronarin e lokalit dhe u konfliktua me klientët (FOTO LAJM)

E B — Wed, 16 Feb 2022 11:12:07 +0000

Ditën e djeshme, drejtoria Rajonale e AMP-së Tiranë arrestoi në flagrancë punonjësin e Gardës së Republikës, Inspektor Dashamir Kurti, 44 vjeç, me detyrë Trupë Shërbimi, i dyshuar për kryerjen e veprave penale të “Shpërdorimit të detyrës” dhe “Kanosja”.

Albeu.com ka siguruar foton e gardistit i cili dje, rreth orës 12:00 është konfliktuar fizikisht për motive të dobëta me klientët dhe pronarin e një lokali në rrugën “Elez Isufi” në Tiranë, të cilët i ka kanosur me armën e shërbimit, në shpërdorim të detyrës.

Nga hetimet paraprake rezulton se Dashamir Kurti, duke qenë jashtë shërbimit, ka konsumuar pije alkoolike në ambientet e lokalit dhe më pas është konfliktuar me klientët dhe pronarin e lokalit, të cilët kanë arritur t’i heqin armën nga dora duke e neutralizuar.

The post Kush është gardisti i arrestuar që kanosi pronarin e lokalit dhe u konfliktua me klientët (FOTO LAJM) appeared first on Albeu.com.

Berisha nga selia: Rama ka që dje që përgatit kurthe për Bashën, e ka rrethuar me gardistë

E B — Sat, 08 Jan 2022 10:58:54 +0000

Ish-kryeministri Sali Berisha nga selia e PD-së ka folur para mbështetësve të tij, ndërsa akuzoi fort kryeministrin Edi Rama se po përgatit kurthe.

Mes të tjerash Berisha ironizoi Bashën, ndërsa tha se ai është rrethuar nga gardistë.

“Mbështetësit që kanë ardhur sot të kthejnë këtë bunker të Lulzim Shëmtirës, që të kthejnë ata në shtëpinë e lirisë. Kini mirëkuptimin tim. Do komunikoj me referendarët e lirisë. Shikoni, shikoni si e kanë mbushur. Kanë vendosur postblloqe pas postblloqesh. Edvin Rama ka nga dje pasdite dhe deri sot qe përgatit kurthe për Lulzim Pengun. Prit që të vë maskën. Pjesëmarrja është kthimi i këtij bunkeri në shtëpinë e lirisë. Siç e ka statuti i saj. Basha është i rrethuar nga gardistë, me kundërgaz. Ai është i rrethuar nga gardistët. Shko merr ndonjë pamje. ku e dini ju që është në mbledhje. Është i rrethuar me gardistë”, tha Berisha.

The post Berisha nga selia: Rama ka që dje që përgatit kurthe për Bashën, e ka rrethuar me gardistë appeared first on Albeu.com.

“Ka mbushur PD me gardistë”, Rama i përgjigjet Berishës: S’kam punë me kacafytjen e dy kufomave politike

E B — Sat, 18 Dec 2021 21:28:06 +0000

Kryeministri u është përgjigjur akuzave të ish-kryeministrit Sali Berisha, i cili tha se Edi Rama ka mbushur tarracën e PD-së me gardistë dhe forcat RENEA për mbrojtjen e pengut të tij.

Rama shkruan në Twitter se Policia e Shtetit nuk ka punë me tymin e marrëzisë që po djeg PD-në dhe se ai nuk merret me kacafytjen e dy kufomave politike

Reagimi i Ramës:

Unë s’kam asnjë punë me kacafytjen e dy kufomave politike njëra grata tjetra nongrata që e kanë futur Partinë Demokratike në inceneratorin e marrëzisë së tyre. Policia e Shtetit jo e jo që nuk ka asnjë lidhje me tymin e marrëzisë që po djeg PD. Keqardhje për demokratët e thjeshtë!/albeu.com

Unë s’kam asnjë punë me kacafytjen e dy kufomave politike njëra grata tjetra nongrata që e kanë futur Partinë Demokratike në inceneratorin e marrëzisë së tyre.Policia e Shtetit jo e jo që nuk ka asnjë lidhje me tymin e marrëzisë që po djeg PD. Keqardhje për demokratët e thjeshtë!

— Edi Rama (@ediramaal) December 18, 2021

The post “Ka mbushur PD me gardistë”, Rama i përgjigjet Berishës: S’kam punë me kacafytjen e dy kufomave politike appeared first on Albeu.com.