Protesta, sipas raportimeve të mediave italiane, shpërtheu pasi disa të burgosur thanë se kishin gjetur në qelitë e tyre mikrofona përgjimi dhe pajisje të tjera elektronike, të cilat dyshohet se ishin vendosur për nevoja hetimore. Ata kundërshtuan monitorimin dhe kërkuan të mund të komunikonin në qelitë e tyre pa u dëgjuar apo regjistruar.

Ngjarja u transmetua drejtpërdrejt në TikTok nga një prej të dënuarve, ndonëse përdorimi i telefonave është i ndaluar në burgje. Në video dëgjohen persona që flasin si në italisht, ashtu edhe në shqip, ndërsa situata duket e acaruar. Gjatë transmetimit, njëri prej tyre shprehet: “Duhet të jenë gazetarët aty, do t’i masakrojnë keq çunat”, ndërsa një tjetër dëgjohet duke përdorur një sharje në shqip: “Të q**** motrën”.

Të burgosurit deklaruan gjatë videos se drejtoria i kishte nxjerrë më herët nga qelitë. Pas rikthimit, ata pretenduan se kishin vënë re mikrofonë dhe pajisje të tjera elektronike të fshehura. Po ashtu, sipas dëshmive të tyre, gjatë përplasjes me efektivët ishin goditur me shkopinj gome.

Përplasjet nisën rreth orës 19:00 dhe vijuan për disa orë. Në burg u dërguan edhe ambulanca, pasi u raportuan incidente mes të dënuarve dhe punonjësve të policisë. Ndërkohë, në pjesën jashtë institucionit u vendosën forca të policisë, karabinierisë dhe policisë penitenciare.

Autoritetet italiane pritet të zbardhin rrethanat e ngjarjes dhe të përcaktojnë nëse pajisjet e pretenduara të përgjimit ishin vendosur në qeli si pjesë e një hetimi.

The post Tension në burgun e Pizës, të dënuarit shqiptarë përplasen me gardianët pas pretendimeve për përgjim appeared first on Albeu.com.

Sipas të dhënave më të fundit, rojet e burgut të Shënkollit Gjin Ndoka, Tonin Nikolli dhe Zhaneta Mella, janë vënë në pranga për shpërdorim detyre në këtë rast.

49-vjeçari Daut Laze nga Çorovoda, por me banim në Tiranë ndodhej i shtruar në dhomën e mjekimeve dhe në orët e para të mëngjesit të ditës së djeshme, u arratis prej andej duke kapërcyer murin.

Mungesa e tij në dhomë, u vu re gjatë ndërrimit të turneve dhe kryerjes së apelit.

Ai u arrestua më 16 nëntor të vitin 2021 për dhunë në familje, nga një denoncim që ëma thotë se nuk ka ardhur prej tyre.

Më 4 nëntor të vitit që shkoi Gjykata e Tiranës, vendosi për të “Mjekim të detyruar në një institucion spitalor”.

Këtë dënim po e vuante në burgun e Shënkollit, aty ku u zhvendosën të gjithë të dënuarit me probleme të shëndetit mendor pas mbylljes së burgut të Zaharisë.

Policia e quan Daut Lazen person me rrezikshmëri të lartë shoqërore dhe u bëri apel qytetarëve, që të lajmërojnë forcat e rendit për çdo informacion që mund të mësojnë për vendndodhjen e tij.

Shuma e shpërblimit në këmbim do të jetë 10 mijë euro.

The post Arratisja nga qelia e 49-vjeçarit Daut Laze, arrestohen tre gardianët e burgut të Shënkollit (EMRAT) appeared first on Albeu.com.