garderoba Archives - Albeu.com

Garderoba e mbretëreshës së ndjerë do të ekspozohet në Pallatin Buckingham

D Marku — Tue, 04 Nov 2025 12:42:29 +0000

Pallati Buckingham do të presë vitin e ardhshëm një ekspozitë të paprecedentë që do të nxjerrë në pah trashëgiminë e garderobës ës së lënë pas nga mbretëresha e ndjerë Elizabeth II gjatë sundimit të saj 70-vjeçar.

“Gardëroba e madhërisë së saj është një pasqyrë e një jete shumë të gjatë, një jete përkushtimi, dhe në shumë mënyra përfaqëson një kapsulë kohore,” tha stilisti britanik Erdem Moralioglu. “Ajo përfshin një periudhë shumë të veçantë dhe të rëndësishme të historisë”.

Ekspozita e titulluar “Queen Elizabeth II: Her Life in Style” do të shfaqë rreth 200 veshje të mbajtura nga mbretëresha gjatë 96 viteve të jetës së saj, gjysma e të cilave nuk janë ekspozuar kurrë më parë, bëri të ditur sot Koleksioni Mbretëror.

Do të përfshihen edhe disa skica, disa prej të cilave mbajnë shënime nga vetë stilistët dhe madje nga mbretëresha Elizabeth.

Moralioglu, së bashku me stilistët britanikë Richard Quinn dhe Christopher Kane, do të kontribuojnë me vepra në ekspozitën që do të hapet në Galerinë e Mbretit në Pallatin Buckingham në muajin prill.

Stili i Elizabeth dhe promovimi i kulturës britanike patën “një ndikim të madh në modën britanike”, tha Quinn. “Ajo ishte vula përfundimtare e miratimit: gjithmonë nxori në pah stilistët britanikë, duke theksuar rëndësinë dhe vlerën e modës britanike në mbarë botën”.

Kane shtoi se “veshjet e saj tregojnë historinë e Britanisë dhe identitetin e saj në ndryshim përmes modës”.

Ndër veshjet që do të ekspozohen është një fustan mbrëmjeje në ngjyrë jeshile molle, i dizajnuar nga Norman Hartnell dhe i veshur nga mbretëresha gjatë një darke shtetërore në ambasadën britanike në Uashington në vitin 1957, për presidentin e atëhershëm Dwight D. Eisenhower.

Në ekspozitë do të përfshihen gjithashtu fustani i dasmës dhe ai i kurorëzimit, të dy të krijuar nga Hartnell, si dhe një fustan shoqëruese dasme që ajo veshi në vitin 1934.

Do të ketë edhe pjesë praktike nga gardëroba private e mbretëreshës, përfshirë veshje hipizmi dhe shallë karakteristikë. Një nga objektet më të pazakonta është një pelerinë transparente plastike, e krijuar nga stilisti Hardy Amies në vitet 1960, që konsiderohet “jashtëzakonisht moderne për kohën,” sipas Koleksionit Mbretëror.

“Gardëroba e Mbretëreshës Elizabeth II ishte një leksion mjeshtëror në simbolizëm, prerje dhe mjeshtëri britanike”, tha kuratorja Caroline de Guitaut.

Biletat për ekspozitën, e cila do të qëndrojë e hapur nga 10 prilli deri më 18 tetor 2026, do të dalin sot në shitje.

The post Garderoba e mbretëreshës së ndjerë do të ekspozohet në Pallatin Buckingham appeared first on Albeu.com.

Studimi: 80% e rrobave në garderobën tonë janë të panevojshme

XH D — Thu, 18 Jan 2024 22:00:16 +0000

“Bli më mirë dhe me cilësi”, është një fjali që dëgjohet shpesh. Por sa rroba duhet të blejmë në të vërtetë?

Sipas një studimi të publikuar së fundmi, përgjigjja është shumë më pak nga sa mendojnë shumica e njerëzve.

Konkretisht, studiuesit nga Instituti Hot or Cool i Berlinit zbuluan se pesë veshje duhet të blihen çdo vit në mënyrë që të përputhen me qëllimin e ‘Marrëveshjes së Parisit’ për ndryshimet klimatike, pra me raportin për ngrohjen globale prej 1.5 ºC.

Nëse pesë artikujt në vit vendosen në kontekst, kjo do të thotë se vetëm klientët, për shembull, në Britaninë e Madhe, në disa raste do të duhet të reduktojnë konsumin e tyre deri në 80%. Luka Koseme, kreu i programit kërkimor në Institutin ‘Hot or Cool’, i tha Vogue se aktualisht është normale të konsumosh modën në një mënyrë që është vërtet e tepruar.

Nuk është çudi që klientët në vendet më të pasura shpenzojnë më shumë, hulumtimi ka treguar se Australia, Japonia, SHBA dhe Britania e Madhe kanë gjurmën më të lartë të karbonit për banor kur bëhet fjalë për shpenzimet e modës. Nga ana tjetër, jashtë grupit të vendeve anëtare të G20, India, Brazili, Kina, Turqia dhe Indonezia kanë gjurmën më të ulët të karbonit për frymë.

Studiuesit arritën në përfundimin se një garderobë “e mjaftueshme” përbëhet nga 74 veshje dhe gjithsej 20 kombinime veshjesh.

The post Studimi: 80% e rrobave në garderobën tonë janë të panevojshme appeared first on Albeu.com.

Po merrni veten “në qafë”, tre gjëra që nuk duhet t’u jepni kurrë të tjerëve hua

E S — Thu, 25 Aug 2022 12:38:31 +0000

Disa gjëra mund të tërheqin energji të mirë dhe përparim, por edhe fat të keq, shqetësim dhe varfëri.

Prandaj duhet t’i kushtojmë vëmendje se çfarë gjërash mbajmë në shtëpi, por edhe nëse i përdorin të tjerët.

Ndonëse shpesh ndodh që të marrim hua ndonjë veshje, një gjë e tillë nuk rekomandohet.

Është më mirë të dhuroni gardërobën, veçanërisht nëse nuk ndiheni më rehat në të.

Përpara se të vendosni të dhuroni, sigurohuni që të lani dhe hekurosni rrobat për arsye higjienike dhe energjie.

Ju gjithashtu nuk keni nevojë të jepni hua pantoflat.

Besohet se në këtë mënyrë ju tërhiqni një bllokim në karrierë, si dhe vështirësi në punë.

Do të ishte mirë të kishit disa palë pantofla për mysafirët që do të jenë ekskluzivisht për ta.

Një orë është një artikull që nuk duhet t’ua jepni të tjerëve. Besohet se duke e kthyer orën, do të merrni të gjithë energjinë negative dhe të keqe të personit të cilit i keni dhënë këtë artikull./albeu.com

The post Po merrni veten “në qafë”, tre gjëra që nuk duhet t’u jepni kurrë të tjerëve hua appeared first on Albeu.com.