Në sallën e parlamentit kanë hyrë tashmë Gent Strazimiri, Flamur Noka, Gazment Bardhi, Sali Berisha, Saimir Korreshi dhe disa deputetë të tjerë.

Ata kanë evituar hyrjen ballore të ndërtesës së Kuvendit, duke kaluar përmes anës së një qendre tregtare që gjendet në atë zonë.

Në përputhje me urdhrin e kryetarit të Kuvendit, Niko Peleshi, seanca do të hapet me miratimin e procesverbalit të datës 16 korrik dhe me njoftimet përkatëse.

Një ndër çështjet kryesore të agjendës është prezantimi i Raportit të Këshillit Kombëtar të Integrimit Europian për vitin 2025.

Raporti do të paraqitet nga bashkëkryetarët e këtij këshilli, në zbatim të ligjit që rregullon funksionin e Kuvendit në kuadër të negociatave dhe procesit të anëtarësimit të Shqipërisë në Bashkimin Europian.

Gjithashtu, deputetët do të kalojnë në shqyrtim projektligjin “Për shoqëritë evropiane të bashkëpunimit (SHEB)”, i cili synon afrimin e kuadrit ligjor vendas me standardet e Bashkimit Europian në lëmin e bashkëpunimit ndërkufitar dhe ekonomik.

Më pas, parlamenti pritet të diskutojë dhe të miratojë tetë projektrezoluta që vlerësojnë aktivitetin e institucioneve të pavarura dhe organeve të drejtësisë për vitin 2025.

Konkretisht, do të kalojnë në filtër raportet dhe projektrezolutat për Avokatin e Popullit, Këshillin e Lartë Gjyqësor, Këshillin e Lartë të Prokurorisë, Kontrollin e Lartë të Shtetit, Prokurorinë e Përgjithshme, Strukturën e Posaçme kundër Korrupsionit dhe Krimit të Organizuar (SPAK), si dhe për Inspektorin e Lartë të Drejtësisë.

Për secilën prej këtyre pikave, parashikohet që raportet të prezantohen nga titullarët e këtyre organeve, ndërsa Komisioni për Nismat Qytetare, Bashkëpunimin dhe Mbikëqyrjen Institucionale do të paraqesë projektrezolutat. Po ashtu, do të ketë hapësirë për debate parlamentare, nëse kjo kërkohet në bazë të Rregullores së Kuvendit.

Seanca plenare do të mbyllet me diskutimet e deputetëve për tema që nuk bëjnë pjesë në rendin e ditës, duke iu referuar dispozitave të Rregullores së Kuvendit.

The post Opozita i jep fund bojkotit, deputetët futen në sallë duke shmangur hyrjen kryesore appeared first on Albeu.com.

Ata kundërshtojnë vijimin e punimeve, duke pretenduar se toka është pronë e tyre dhe se është përvetësuar në mënyrë të paligjshme.

Pasi kanë çarë një pjesë të rrethimit të vendosur nga firma e ndërtimit, banorët janë futur në kantier, ndërsa kanë vijuar përplasjet me policinë.

Madje në disa momente ka pasur dhe përplasje mes tyre, dhe akuza nga banorët se janë shtyrë nga punonjësit e rendit. “Ju erdhi fundi hajdutëve” , ishte një nga thirrjet që lëshuan protestuesit.

Prej afro një viti, banorët e zonës kanë ngritur akuza se një ish-zyrtar i Kadastrës së Shkodrës ka ndryshuar dokumentacionin e pronësisë, duke tjetërsuar certifikatat dhe më pas duke ia kaluar truallin investitorit që po zhvillon projektin për resort në vijën bregdetare të Velipojës.

Situata është tensionuar që prej janarit të këtij viti, kur firma ndërtuese nisi punimet për sistemimin e terrenit me mjete të rënda.

Që atëherë, banorët kanë protestuar pothuajse çdo ditë, duke kundërshtuar prezencën e kompanisë në zonë dhe duke kërkuar ndalimin e punimeve.

Gjatë kësaj periudhe nuk kanë munguar as përplasjet fizike mes banorëve dhe punonjësve të kompanisë, si dhe me rojet private të angazhuara nga investitori.

Çështja, sipas banorëve, ndodhet edhe në ndjekje nga Prokuroria e Shkodrës, por pavarësisht kësaj, ata thonë se ndërhyrjet në territor nuk janë ndalur.

Paralelisht, prej rreth dy javësh, një pjesë e banorëve janë bërë pjesë edhe e protestave masive në Tiranë, ku pritet t’i bashkohen sërish sot.

“Ne jemi fëmijët e Rrjollit, toka jonë nuk preket”, “Rrjolli është shtëpia jonë, mos na e merrni të ardhmen”, , janë disa nga  pankartat që banorët mbajnë në duar teksa protestojnë për pronat e tyre.

Banorët janë përplasur edhe me policinë, të cilët kanë tentuar të ndalojnë qytetarë që donin të hiqnin gardhin metalik me të cilin është rrethuar prej disa ditësh trualli ku do të ndërtohet resorti.

The post VIDEO/ Protesta kundër resortit në Rrjoll, banorët “çajnë” rrethimin dhe futen në kantier appeared first on Albeu.com.

Pas molotovit të hedhur në drejtim të Bashkisë së Tiranës, protestuesit janë përleshur me policinë pasi po tentojnë të futen brenda bashkisë së Tiranës.

Siç mund të shihni nga pamjet, efektivët bashkiakë janë zëvendësuar nga skafandrat e policisë, të cilët qëllojnë protestuesit me shkopinj gome.

Mes protestuesve bie në sy deputetë të opozitës, të cilët janë shtyrë dhe dhunuar nga forcat e policisë.

Fillimisht janë hequr hekurat e vendosur si barrierë, ndërsa protestuesit më pas janë përleshur me policinë e Veliajt.

Këshilltarët bashkiakë të opozitës, kanë kërkuar që të futen brenda bashkisë por policia e Veliajt nuk i ka lejuar të ushtrojnë detyrën e tyre.

Kujtojmë që edhe këtë herë, qytetarët fillimisht goditën institucionin me mollë. Më pas, situata u tensionua ku protestuesit kanë hedhur koktejl molotov para derës së Bashkisë së Tiranës.

Nga plasjet, ka marrë flakë dera e Bashkisë Tiranë, ndërkohë që policët e Veliajt të shumtë në numër me fikse zjarri kanë bërë të mundur shuarjen e flakëve.

Gjithashtu, portestuesit kanë hedhur bojë të zezë në drejtimin të godijnës që administrohet nga Veliaj, kurse “patronazhistët” sipër institucionit kanë fotografuar qytetarët për t’i arrestuar dhe t’u mbyllur gojën.

Kjo është protesta e radhës që po mbahet nga qytetarët e Tiranës, pas skandalit të fundit ku u zbuluan drejtorët të bashkisë duke grabitur miliona euro.

Protestuesit kanë kërkuar që SPAK, të vërë para përgjegjësisë personat e akuzuar dhe kryebashkiaku i Bashkisë, Erion Veliaj të japë dorëheqjen.

The post Protestuesit përleshen me policinë, tentojnë të futen në Bashkinë e Tiranës appeared first on Albeu.com.