Regjimenti i Tretë i Këmbësorisë ka realizuar ushtrimin fushor “Zgjimi i Ujkut”, i cili kishte për qëllim testimin e gatishmërisë dhe të kapaciteteve operacionale të pjesëtarëve të Kompanisë së Armëve.

Forca e Sigurisë së Kosovës bëri të ditur se gjatë këtij aktiviteti u vlerësuan aftësitë e skuadrave për të manovruar, për të reaguar dhe për të zbatuar procedurat taktike në skenarë të simuluar luftarakë.

Sipas FSK-së, ushtrimi mundësoi verifikimin e përgatitjes individuale e kolektive, si dhe të aftësisë së pjesëtarëve për të vepruar në mënyrë të bashkërenduar.

Po ashtu, aktiviteti ndihmoi në evidentimin e aspekteve që kërkojnë përmirësim dhe në përforcimin e mësimeve të nxjerra, me synim avancimin e mëtejshëm të gatishmërisë dhe forcimin e kapaciteteve operacionale të njësisë.

The post Zgjimi i Ujkut”, ushtrimi fushor i Regjimentit të Tretë të Këmbësorisë appeared first on Albeu.com.