Pamjet e filmuara nga vendasit dëshmojnë tym të dendur dhe përhapjen e flakëve në një vendgrumbullim të mbetjeve, duke shtuar brengat për pasojat në ekosistem dhe mirëqenien e komunitetit.

Sipas tyre, vatra e zjarrit gjendet në afërsi të banesave dhe kjo situatë kërkon një intervenim të menjëhershëm nga ana e autoriteteve për të neutralizuar flakët dhe për të vendosur masa që parandalojnë përsëritjen e ngjarjes. Banorët u bëjnë thirrje institucioneve të reagojnë për të zgjidhur problematikën e mbeturinave dhe për të mënjanuar rrezikun e kontaminimit të ajrit në këtë territor.

The post Katastrofa mjedisore në Fushë-Krujë nuk ndalet, flakët mbeten aktive në deponinë e mbeturinave appeared first on Albeu.com.

Megjithëse shiu ka arritur të shuajë flakët në sipërfaqe, vatra mbetet aktive poshtë malit të plehrave dhe lëshon gaze të rrezikshme që lëvizin në varësi të drejtimit të erës.

Gjatë gjithë natës, në zonë kanë operuar forcat zjarrfikëse të Krujës, të asistuara nga repartet e shërbimit zjarrfikës të Institutit, në përpjekje për të frenuar përhapjen e zjarrit.

Burimet bëjnë të ditur se pritet ndërhyrja me mjete të rënda për të hedhur dhe mbi vatër, e vetmja zgjidhje e vlefshme për të asgjësuar totalisht djegien në një venddepozitim mbeturinash.

Një shqetësim shtesë paraqet vendndodhja e depozitës së ujit të pijshëm, vetëm pak metra nga vendi i ngjarjes. Ky investim i përuruar vite më parë furnizon me ujë Fushë-Krujën dhe disa fshatra përreth, duke shtuar frikën për kontaminim të rezervave ujore.

Ndërkohë, tymi helmues ka mbuluar tashmë Krujën, Fushë-Krujën, Kamzën dhe arrin deri në Thumanë. Banorët e alarmuar nga cilësia e rënduar e ajrit dhe rreziqet për shëndetin u kërkojnë institucioneve kompetente që të ndërhyjnë pa vonesë për fikjen përfundimtare të zjarrit dhe të fillojnë menjëherë monitorimin e ndotjes atmosferike në këto zona.

The post Zjarr në thellësi të landfillit në Fushë-Krujë, reja toksike mbulon Krujën, Kamzën dhe Thumanën appeared first on Albeu.com.