Ngjarja ka ndodhur në një çerdhe publike në Fushë Kosovë. Videon e ka publikuar familjari, Fatos Geci, i cili ka thënë se viktima është nipi i tij trevjeçar.

“Të nderuar media dhe prindër! Dua të ndaj me ju diçka të tmerrshme që sapo ka ndodhur në Fushë-Kosovë, në çerdhen shtetërore të fëmijëve ‘Gëzimi ynë’, është rrahur brutalisht nipi im i preferuar Lisi, vetëm 3 vjeç. Shikoni kamerat ku shihet qarte që po rrihet në derë pastaj tërhiqet zvarre, më pas e dërgojnë përsëri në një dhomë pa kamera dhe e rrahin pa mëshirë të 2 “mësueset” e kësaj çerdheje bashkë me pastruesen apo kuzhinieren! Nipi im ka pësuar trauma të rënda psikike dhe nuk mund të flejë më, nipi po përjeton një ankth të madh. Kërkoj nga organet e drejtësisë të bëjnë punën e tyre. Idioteve dhe mostrave të tilla duhet t’i jepet fund një herë e përgjithmonë. Le të jetë rasti i fundit i dhunës ndaj fëmijëve. Dhunueset e tilla nuk e kanë vendin në arsim”, ka shkruar ai sipër videos.

/Albeu.com.

The post Pamje të rënda, 3-vjeçari rrihet nga edukatoret në një çerdhe në Fushë-Kosovë appeared first on Albeu.com.

Ngjarje tragjike ka ndodhur në orët e para të ditës së martë.

27-vjeçarja shtetase argjentinase, vdiq në Qendrën Klinike dhe Universitare të Kosovës.

I dyshuar për këtë vepër që u cilësua si “vrasje”, është një kosovar me nënshtetësi zvicerane.

Atij iu caktua masa e paraburgimit prej 30 ditësh, e arsye për këtë është rreziku që ai të arratisej.

Ndonëse çështja është ende në hetim, familja e viktimës për mediat spanjolle thotë se krimi nuk kalon pa u ndëshkuar.

Babai i asaj ka rrëfyer i pikëlluar historinë e njohjes së vajzës me njeriun që dyshohet se ia mori jetën në një hotel në Fushë Kosovë.

Çifti kishin disa muaj që ishin bashkë.

“Është një femicid. Një partner i dyshuar i saj e hodhi nga ballkoni”, tha Facundo Urdangaray, babai i së viktimës.

Ai shtoi se tani po përpiqen ta riatdhesojnë trupin në Argjentinë me ndihmën e Ministrisë së Jashtme, megjithëse nuk do të jetë e mundur menjëherë.

“Na kanë thënë se autopsia, procesi ligjor dhe ekspertiza do të zgjasin deri në 15 ditë”, tha ai.

Gjithçka ka ndodhur gjatë orëve të para të së martës në një ndërtesë në Fushë Kosovë. Viktima ndodhej në dhomën që ndante me partnerin e saj shtetas zviceran dhe dyshohet se në atë moment mes të dyve ka pasur një debat, pas së cilit ndodhi edhe krimi.

Për momentin sipas medias spanjolle, shkaku është sekret, ndaj nuk dihen detaje të tjera të rastit.

Kush ishte Maria Clara dhe si u njoh me njeriun që dyshohet se ia mori jetën?

Maria Clara ishte një vendase nga La Plata dhe ishte transferuar në Spanjë në nëntor të vitit të kaluar, “në kërkim të një të ardhmeje më të mirë”. “Ajo ka jetuar në Barcelonë për dy ose tre muaj derisa e ka takuar këtë njeri (të dyshuarin e arrestuar) dhe kanë shkuar të jetojnë së bashku në Zvicër”, tha babai.

“Kanë qenë bashkë për katër muaj deri në këtë fundjavë që ishte udhëtimi. Ata kishin udhëtuar në Kosovë për martesën e vëllait të këtij personi dhe duket se natën duhet të ketë qenë, nuk dihen rrethanat që ka ndodhur kjo gjë. Burri tha, duke shtuar: “Çifti i dyshuar, në një lloj debati, e hodhën nga ballkoni dhe ajo vdiq në spital”.

Urdangaray deklaroi se nëna e vajzës së saj e kishte kontaktuar të dielën dhe se kjo ishte “hera e fundit” që ata folën, shkruan Express.

“Ajo na dërgoi video nga dasma, dukej mirë dhe e lumtur, nuk e kuptoj”, ka shtuar ai.

Ai komentoi gjithashtu se lajmin tragjik e mori vesh nga një mike e Klarës që ndodhej në Barcelonë.

“Nuk isha shumë e sigurt që ishte vajza jonë dhe ajo na tha një mijë çudira dhe po bën gjithçka për ta bërë transferimin si sa më shpejt të jetë e mundur”, tha ai.

“Ajo që na duhet është ta viralizojmë këtë, së pari që të mos ndodhë më dhe të riatdhesojmë vajzën time sa më shpejt të jetë e mundur”./Gazeta Express

The post U vra nga i dashuri shqiptar, përlot babai i 27-vjeçares argjentinase: U largua nga shtëpia për jetë më të mirë appeared first on Albeu.com.

Policia njofton se si rezultat i hetimeve dhe veprimeve policore “fillimisht në lagjen Uglar të Fushë Kosovës është identifikuar i dyshuari (transportieri) i parë (S.B,) i cili drejtonte një veturë të tipit Mercedes, me të cilën transportonte substancën narkotike të fshehur në bunkerin e modifikuar të veturës.

Më pastaj përmes Pikës Kufitare Vërmicë ka hyrë edhe i dyshuari i dytë (B.R,) me veturën e tij po ashtu të tipit Mercedes, i cili ka vazhduar në drejtim të Mitrovicës Jugu ku e priste personi i tretë (N.M,), me të cilin kanë vazhduar në shtëpinë/garazhin e të dyshuarit e cila gjendej në fshatin Vaganicë.

Bazuar në planet taktike të hetuesve policorë të DHTN-se dhe njësiteve policore, të njejtit kanë reaguar duke i arrestuar të dyshuarit në flagrancë, ku gjatë kontrollit të automjetit të dytë dhe të tretit i cili gjendej në garazh, janë zbuluar po ashtu bunker të modifikuar.

Si vazhdimësi e kontrollit dhe bastisjes së automjeteve (të tria të tipit mercedes), dy prej tyre me targa të Shqipërisë, një me targa vendore si dhe bastisjes së shtëpisë, janë arrestuar edhe personi i katërt dhe i pestë, të dy me inicialet (A.M,)”.

Në cilësi të provave materiale janë konfiskuar dëshmitë si në vijim:

-(56 kg 81 gr) substancë e dyshuar narkotike e llojit Marihuanë,

-(3) vetura të tipit Mercedes (dy me targa te Shqipërisë një me targa vendore, që të tria me bunker të modifikuar në të njëjtën mënyrë),

-(7) telefona celular,

-(10507) euro (dhjetëmijë e pesëqind e shtate euro) si dhe disa monedha Lek te Shqipërisë dhe Denar te Serbisë./express/

The post Konfiskohen 56 kg drogë në Mitrovicë e Fushë Kosovë, arrestohen 5 persona appeared first on Albeu.com.

Për vdekjen e tij ka njoftuar deputeti i LDK-së, Avdullah Hoti.

“Me pikëllim të thellë e mora lajmin për shkuarjen në amshim të aktivistit e veprimtarit të devotshëm të degës së LDK-së në Fushë Kosovë, Agim Berbatovci.

Shpreh ngushëllimet më të sinqerta për familjen Berbatovci, të afërmit, anëtarët e veprimtarët të degës së LDK-së në Fushë Kosovë, si dhe gjithë miqve të të ndjerit.

Qoftë i përjetshëm kujtimi për Agim Berbatovcin!”, ka shkruar Hoti në një postim në “Facebook”./albeu.com

The post Ndahet nga jeta politikani shqiptar appeared first on Albeu.com.

Ai ka thënë se ato kanë dalë nga shtëpia dhe nuk janë kthyer më.

“Ankuesi mashkull kosovar ka raportuar se vajza e tij së bashku me nusen e djalit të tij e cila me vete kishte pasur edhe djalin e saj kishin dalë nga shtëpia dhe prej asaj kohe më nuk ishin kthyer në shtëpi dhe nuk dihet vendndodhja e tyre. Lidhur me rastin janë angazhuar njësitë relevante të policisë dhe janë duke e hetuar rastin”, thuhet në raportin policor.

The post Zhduken dy kunatat në Fushë Kosovë, marrin me vete edhe një fëmijë appeared first on Albeu.com.

Vrasja e trefishtë –Sulmi ndaj autobusit në Gllogjan

Tragjedia e Gllogjanit do të mbahet mend si një ndër vrasjet më makabre që është kryer ndonjëherë në Kosovë. Vrasja e trefishtë u krye mbrëmjen e 26 nëntorit, rreth orës 19:00.

Atë natë, autobusi që po transportonte nxënës nga Gjakova për në Deçan u sulmua ma kallashnikov. Të vrarë mbetën ngasësi i autobusit dhe dy nxënës që ndodheshin brenda.

Për motivet e rastit nuk dihej asgjë në orët, as në ditët e para. Përflitej për sulm terrorist, por Policia njoftoi se s’ka arsye për të besuar se sulmi mund të ketë motive të tilla.

Të dyshuarit për sulmin, nuk u zbuluan për disa ditë. Tek më 11 dhjetor, Prokuroria Themelore e Pejës njoftoi se janë arrestuar tre të dyshuar për rastin.

Për motivin nuk është dhënë ende asnjë deklaratë zyrtare, por që në media është përfolur si pistë hetimi vetëvrasja e një të reje para dy vitesh, për të cilën dikush e fajësonte shoferin.

Viktima kishte qenë vajza/motra e të dyshuarve për sulmin ndaj autobusit.

Tre të arrestuarit ndodhen aktualisht në paraburgim.

Vrasja mizore e 18-vjeçares nga Ferizaj

Vendi u trondit edhe nga një vrasje që u krye në Ferizaj, në fund të gushtit. 18-vjeçarja Marigona Osmani u vra mizorisht, duke u keqtrajtuar për dy ditë rresht.

Ajo ishte dërguar pa shenja jete nga dy persona në Emergjencën e Ferizajt.

Për këtë rast dyshohen ish-partneri i Marigonës, Dardan Krivaqa dhe Arbër Sejdiu. Të dy emra të njohur për organet e rendit.

Sipas Gjykatës, vrasja është kryer për motive të ulëta.

Në njoftimin e Gjykatës Themelore të Ferizajt për caktimin e masës së paraburgimit ndaj Krivaqës thuhej se “I pandehuri më 22 gusht 2021, në Ferizaj, në banesën e tij me dashje, në mënyrë mizore për motive të ulëta, një natë përpara, ka ushtruar fillimisht dhunën psikike, pastaj edhe dhunë fizike, e cila ka vazhduar edhe ditën kritike, derisa e ndjera ka ndërruar jetë”.

Ndërkohë, për Sejdiun thuhet se “gjatë gjithë kohës ka qenë i pranishëm, në vendin e ngjarjes, e i cili edhe ka marr pjesë në ushtrimin e dhunës fizike dhe psikike, me këtë ka kontribuar në mënyrë të drejtpërdrejtë në kryerjen e veprës penale, gjegjësisht vdekjen e të ndjerës, dhe më pas të njëjtën e dërgojnë dhe e lënë në spitalin e përgjithshëm në Ferizaj, pa shenja jete, ndërsa dy të pandehurit ikin në drejtim të panjohur”.

Vrasja e dy zyrtarëve të PDK-së në Pejë

Një muaj më vonë, një vrasje që u krye në Pejë shokoi të gjithë. Dy zyrtarët e Partisë Demokratike të Kosovës, Astrit Ademaj dhe Blerand Kadriaj, u vranë pas një zënke.

Astrit Ademaj dyshohet se u vra nga Blerand Kadriaj, kurse Blerandi dyshohet se u vra nga vëllai i Astritit, Avniu.

Sipas aktvendimit për fillim të hetimeve, prokuroria ka mbledhur prova se viktimat ishin takuar së bashku në lokal, ku gjatë bisedës kishin nxjerrë armët dhe kishin futur fishekët në tytë.

“Pasi viktimat ishin takuar së bashku, prezent kishin qenë edhe i pandehuri Avni dhe dëshmitari NN, gjatë bisedës në mes të dy viktimave, fillon të acarohet situata, ashtu që të dy viktimat përnjëherë i nxjerrin armët, i fusin fishekët në tytë dhe prapë vazhdojnë të fjalosen”, thuhet në aktvendim.

Aty thuhet se i pandehuri Avni Ademaj ia kishte marrë armën tani të ndjerit Astrit Ademaj dhe kishte shtënë në drejtim të tani të ndjerit Blerand Kadrijaj.

“Për një moment gjersa viktimat po fjaloseshin, i pandehuri Avni ia merr armën viktimës Astrit dhe më të njëjtën fillon të gjuajë në drejtim të ndjerit Blerand, i cili poashtu në të njëjtën kohë shtënë edhe ky në drejtim të viktimës Astrit dhe të pandehurit Avni. Si pasojë e këtyre goditjeve të pandehurit Avni është privuar nga jeta viktima Blerand i cili ka mbetur i vrarë në vend të ngjarjes, kurse viktima Astrit ka mbetur i vdekur nga të shtënat e të ndjerit Blerand, e poashtu edhe i pandehuri Avni ka marrë lëndime në shuplakën e dorës së majtë”, thuhet në aktvendimin e prokurorisë.

Zyrtarish s’dihet motivi i këtij rasti, por sipas familjarëve të Astrit Ademajt, vrasja ka ndodhur për motive politike.

Babai vrau djalin në Prishtinë

Një tjetër vrasje e rëndë që u krye sivjet ishte edhe ajo e Albert Krasniqit, i cili u vra nga babai i tij, Skënder Krasniqi.

Ai është shpallur fajtor dhe dënuar me 3 vite e pesë muaj burgim për veprën penale “vrasje nga pakujdesia”.

Rasti kishte ndodhur më 27 janar të këtij viti, rreth orës 17:00. Skender Krasniqi e kishte telefonuar vetë Policinë e Kosovës, për të raportuar se e kishte vrarë djalin.

Pas tragjedisë, ai kishte qenë në gjendje të rëndë emocionale.

Avokati i tij, Ramiz Krasniqi, kishte deklaruar për Express se në vendin ku ka ndodhur krimi ka pasur kamera dhe pamjet janë tërhequr nga policia.

“Unë nuk e di së çka kanë deklaru familjarët, por e di që vrasja është aksidentale, ashtu më ka thënë Skenderi. Tani ta shohim se çfarë po flasin pamjet e kamerave. Me gjasë ka pas kamera, i kanë tërheq policia, por tash a kanë qenë funskionale a jo nuk e di se nuk e kam pa atë pjesë. Ajo pjesë ka qenë me kamera, por nuk e di e di që policia ka shku dhe besoj që i kanë tërheq”, pati deklaruar Krasniqi.

Sipas avokatit, arma që e kishte blerë tashmë i ndjeri, Alberti, kishte qenë pa leje.

Ish-bashkëshorti vrau gruan dhe bëri vetëvrasje në Emshir të Prishtinës

Vrasjet e grave vazhduan edhe sivjet. Një 42-vjeçare me inicialet S.S., u vra nga ish-burri i saj, i cili më pas bëri vetëvrasje.

12 ditë para se të privohej nga jeta, ajo e kishte raportuar burrin në polici.

Viktima kishte pasur probleme me ish-burrin edhe në të kaluarën. Palët ishin të njohur për policinë për një denoncim të bërë për sulm dhe dhunë në familje edhe në vitin 2019.

Vrasja dyshohet se ka ndodhur për shkak të problemeve që çifti kishin mes vete, gjithashtu raportohet se së fundmi i kishin ndarë rrugët – ishin në procedura të shkurorëzimit.

Motra mbyti motrën në Fushë Kosovë

Një 33-vjeçare vdiq tragjikisht sivjet në Fushë Kosovë. Ajo dyshohet se u ngufat me jastëk nga motra e saj rreth tri vjet më e vogël.

Për vdekjen tragjike të 33-vjeçares nga fshati Vragoli i Fushë-Kosovës, ishte deklaruar menjëherë Policia e Kosovës.

“Rreth orës 12:00, kemi pranuar informatën për një rast vdekje e dyshimtë, në fshatin Vragoli të Fushë Kosovës. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës femër 33 vjeç. Mbështetur në të dhënat fillestare të këqyrjes së vendit të ngjarjes përkundër që ka elemente që sugjerojnë për një vdekje të dhunshme, policia me kujdes të shtuar po heton rastin si vdekje të dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit që do të ndihmonin hetimin e ngjarjes si dhe sqarimin dhe ndriçimin e plotë të rastit”, kishte njoftuar policia.

Mësimdhënësi vrau prindin e nxënëses në Pejë

Peja u trondit edhe nga një vrasje tjetër tragjike që ndodhi në maj. Një 50-vjeçar me inicialet G.K., u vra me armë zjarri, pak metra larg banesës së tij.

I dyshuari për vrasje është ish-kujdestari i klasës së vajzës së viktimës, Xhevdet Januzaj.

Arsimtari i Fizikës ishte dënuar me tri vite e gjashtë muaj burgim dhe ndalim të ushtrimit të profesionit për vepren penale “sulm seksual”, të kryer në vitin 2019, ndërsa nxënësja – viktimë e këtij rasti, ishte vajza e G.K., në atë kohë 13-vjeçare.

Sipas familjes së viktimes, ai u kishte ardhur disa herë te banesa dhe i ruante me sakicë.

Veprimet e tij i kishte denoncuar në polici G.K., një ditë para se të vritej, kishte thënë djali i tij për Express. Por, familja e viktimës kishte marrë kërcënime nga profesori edhe në të kaluarën që të tërhiqeshin nga deklarata e tyre për sulm seksual ndaj nxënëses.

Vrasja mes kushërinjve në Batllavë të Podujevës

Një vrasje u krye edhe në Batllavë të Komunës së Podujevës. Një 41-vjeçar me inicialet G.B, u vra nga kushëriri i tij.

Sipas të afërmve të viktimës dhe dorasit, dyshja kishin pasur probleme të vazhdueshme dhe të ndryshme mes vete, përfshirë ato pronësore.

Vrasjes i kishte paraprirë edhe një mosmarrëveshje e ndodhur mes tyre, ku sipas policisë, i dyshuari kishte shtënë më armë zjarri në drejtim të shtëpisë së viktimës dhe ishte arratisur.

Viti u përmbyll me një vrasje të një shitësi në Mitrovicë – deri në gusht të këtij viti u kryen 19 vrasje

Për vrasjet e kryera sivjet është deklaruar edhe Policia e Kosovës. Sipas statistikave të Policisë, deri në gusht të këtij viti janë kryer 19 vrasje, prej të cilave 12 kanë qenë të rënda.

E fundit vrasje është kryer në Mitrovicë. Një tentim-grabitje e ndodhur në rrugën “Mbretëresha Teutë” në Mitrovicë, ka përfunduar me vrasje atje.

I vrarë ka mbetur pronari i lokalit, meqenëse s’ka mundur t’iu mbijetojë plagëve të marra.

Lajmin për vdekjen e tij e ka konfirmuar zëdhënësja e Spitalit të Mitrovicës, Nita Mustafa-Hakaj.

“Mund të konfirmoj se një person i plagosur, që kishte ardhur për trajtim, ka ndërruar jetë. Meqë tash ka ndodhur e gjithë ngjarja, nuk mund të deklaroj informacione tjera”, ka deklaruar mbrëmë Mustafa-Hakaj.

Detaje për grabitjen ka dhënë edhe zëdhënësi i Policisë së Kosovës për Rajonin e Mitrovicës, Avni Zahiti.

Ai ka thënë se nga hetimet fillestare bëhet e ditur se dy persona të dyshuar e të maskuar nën kërcënimin e armës kanë tentuar të grabitin viktimën i cili ndodhej në dyqanin e tije, si pasoj e të shtënave nga të dyshuarit në drejtim të viktimes, viktima ka mbetur i plagosur.

Dy të dyshuarit për këtë rast janë arrestuar.

Në burg për vrasje aktualisht janë 242 persona

Për numrin e personave që janë në vuajtje të dënimit për vrasje, janë deklaruar nga Shërbimi Korrektues i Kosovës.

Zëdhënësi i SHKK’së, Florent Gashi, i ka thënë Gazetës Express, se aktualisht në burgje për këtë vepër ndodhen 242 persona.

Ata janë të dënuar për veprat: Vrasje, Vrasje e rëndë, Vrasje nga pakujdesia, Vrasje në tejkalim të mbrojtjes së nevojshme, Vrasje me paramendim.

Prej tyre 231 janë burra dhe 11 gra./Gazeta Express

The post Vrasjet makabre që tronditën Kosovën gjatë 2021 appeared first on Albeu.com.

Prej fillimit të vaksinimit në të gjitha qytetet e Kosovës janë dhënë 78.477 doza të vaksinës.

Nga 2.066 testime, 20 qytetarë kanë rezultuar pozitiv me virusin COVID-19.

Gjatë 24 orëve të fundit, nuk është shënuar asnjë rast i vdekjes.

Sot janë shëruar 197 qytetarë, derisa numri i përgjithshëm i të shëruarve është 103.908.

Në total numri i rasteve aktive është 1.334.

The post Asnjë humbje jete në Kosovë, ja sa raste të reja u shënuan në 24 orët e fundit appeared first on Albeu.com.

Prokuroria njofton se pas pranimit të informatës nga policia për raportimin e një vdekjeje të dyshimtë në fshatin Vragoli-Fushë Kosovë, prokurorja kujdestare e Departamentit të Krimeve të Rënda ka dalë në vendin e ngjarjes bashkë me njësitë tjera relevante, ku aty është konstatuar një person (i gjinisë femërore) pa shenja jete.

Ashtu siç kishte njoftuar më parë Telegrafi krim-brenda-familjes-ne-fushe-kosove-dyshohet-se-motra-vrau-motren/” target=”_blank” rel=”noopener”>Telegrafi, dyshimet janë se viktima është privuar nga jeta nga motra e saj.

“Sipas dyshimeve fillestare nga kjo ngjarje dyshohet se viktima është privuar nga jeta nga motra e saj, e cila me urdhër të prokurores kujdestare është dërguar në mbajtje dhe ndaj të njëjtës do të ndërmerren masat e nevojshme brenda afateve ligjore. Ndërsa, trupi i pa jetë është dërguar në Institutin e Mjekësisë Ligjore në Prishtinë”, njofton Prokuroria Themelore në Prishtinë.

Prokurori i Shtetit, në koordinim me policinë janë duke i ndërmarrë të gjitha veprimet e nevojshme hetimore në drejtim të veprës penale “Vrasja e rëndë”, nga neni 173 të Kodit Penal të Republikës së Kosovës, thuhet më tej në njoftim. ​/

The post Prokuroria konfirmon ngjarjen në Fushë Kosovë: Dyshohet se viktima është friksuar nga jeta nga motra e saj appeared first on Albeu.com.