Berisha tha se e përshëndet plotësisht këtë qëndrim të Binajt, duke theksuar se ai përfaqëson një model të ri komunikimi me qytetarët dhe një dallim të qartë nga politikanët tradicionalë.

Gazetari: Florian Binaj tha se nuk do dalë në fushatë përkrahë Berishës e as liderëv të tjerë të opozitës, si e komentoni deklaratën?

Berisha: E përshëndes plotësisht këtë deklaratë. Ka një rrymë të cilët vërtetë nuk realizojnë dot dallimin midis kandidatit të pavarur të mbështetur nga parti politike dhe kandidatit jo partiak të propozuar nga partitë politike, ky i fundit është kandidat i partisë politike.

Kandidati që kandidon në mënyrë të pavarur dhe partitë politike vendosin të mbështesin, nëse është i pavarur nuk ka pse të bëjë asnjë fushatë me kryetarë e partive. Po kryetarët e partive do angazhohen me mundësitë e tyre për të mobilizuar elektoratin partiak për të votuar atë.

Ai nuk është kandidat i propozuar nga ne as i partive opozitare jo partiak, por i pavarur që partitë opozitare kanë vendosur ta mbështesin.

The post Florian Binaj tha se nuk do të dalë në fushatë përkrah tij, vjen reagimi i Berishës appeared first on Albeu.com.

Ai theksoi se investimi ishte jashtëzakonisht i rëndësishëm për fatin e Shqipërisë dhe se fushata kishte treguar qartë se zgjedhjet në Shqipëri ishin një farsë, ku vota e lirë dënohet që para se të futet në kuti.

Berisha vlerësoi rolin e LaCivita-s si të pazëvendësueshëm, duke e cilësuar si një ekspert me famë botërore, i cili solli bashkëpunim të ngushtë dhe udhëzime të vlefshme gjatë gjithë procesit.

Ai e quajti kontraktimin e LaCivita-s, si një nga veprimet më të rëndësishme që PD ka bërë në historinë e saj.

Sipas Berishës, pavarësisht përpjekjeve maksimale dhe programit transformues të prezantuar, opozita nuk mundi të fitonte për shkak të farsës elektorale që ishte në vend.

Ai shtoi se problemi i transparencës së zgjedhjeve do të trajtohet sipas afateve ligjore, duke përsëritur se përpjekja kishte qenë thelbësore dhe shumë e vlefshme për betejën që po zhvillohet në Shqipëri.

Berisha: Kontraktimi i Chris LaCivita, yllit të suksesit botëror elektoral, bashkëkryestrategut të rikthimit më të fuqishëm në historinë e njerëzimit, Presidentit Donald Trump në Shtëpinë e Bardhë, mendoj se ishte akti më i mirë dhe më i rëndësishëm që bëri PD.

Pse? Sali Berisha ka një eksperiencë të gjatë elektorale. Shumë të pasur. Por, përsëri nëse ai do të ecte në këtë fushatë elektorale pa një ekspertizë, ai do të gabonte. Pse merret këshilltari elektorale? Merret si një garant i bashkëkohësisë së fushatës. Dhe unë besoj se ai drejtoi fushatën më të suksesshme në histori. Solli ekspertizën e tij, vlerësimet e tij, bashkëpunim i ngushtë, intensive, i frytshëm, mes partisë tonë dhe Chris LaCivita dhe udhëzimet sigurisht që janë marrë parasysh plotësisht.

Kjo tregon qartë se farsa elektorale nuk fitohet kurrë nga opozita. Dhe më shumë se kurrë u faktua në këto zgjedhje. Në këtë farsë elektorale ne patëm ekspertizën më të mirë dhe bëmë fushatën më të mirë të jetës time, paraqitëm programin më transformues, por asnjë nga këto nuk e bëri opozitën fituese të farsës.

Tani, ju shtoni problemin e transparencës. Do të bëhet transparente në afatin që parashikon ligji zgjedhor. Ai ia vlente? Ia vlente shumë sepse kjo është një betejë e një rëndësie të jashtëzakonshme për fatin e Shqipërisë. Kjo faktoi se farsa është dënim me vdekje i votës së lirë para se të hyjë në kuti. Kjo është.

The post A ia vlejtën paratë që i dhatë La Civita-së? Ja çfarë mendon Berisha… appeared first on Albeu.com.

“Rezoluta ka një sintoni me raportin e ODIHR-in. Nuk ka patur kurrë një raport kaq të athtë. Shumica e rekomandimeve të ODIHR-it nuk janë zbatuar. Ky sistem është anti-demokrat. Unë do kem takime prap. Do vinë delegacione të fuqishmë shumë. Do vinë delegacione shumë të rëndësishëm nga Parlamenti Europian dhe Këshill i Europës. Do vijnë para zgjedhjeve.

Të organizosh një dëgjesë në fushatë elektorale është shumë e rrallë. U organizua dhe një herë më herët për fenomenin Dushk në vitin 2002 dhe ishte organizuar edh enjë për Ahmed Masudin e Afganistanit. A i vumë ne në prozhektorë të plotë problematikat që ka vendi, e arritëm dhe unë jam shumë optimist që kjo është një mbështetje e fuqishme për shqiptarët për tu ndarë nga e keqja e tyre”,-tha Berisha.

The post “Do vijë delegacion shumë i rëndësishëm”/ Berisha tregon se çfarë do ndodh para zgjedhjeve: Të organizosh një dëgjesë në fushatë elektorale është shumë e rrallë appeared first on Albeu.com.

“Shkojmë më 11 maj në zgjedhje të sigurt për një fitore të thellë ku qytetarët votojnë për veten e tyre, familjen e tyre dhe të ardhmen e të gjithë Shqipërisë.

Zotohem para jush se me programin tonë do të rikthejmë paratë qytetarëve shqiptarë dhe çdo pensionist në këtë rreth, në këtë qark dhe në Shqipëri në 100 ditët e para nuk do të ketë kurrë një pension nën 200 euro, do të vendosim minimumin jetik prej 200 eurosh i cili përmirëson gjendjen e 560 mijë pensionistëve. Në 100 ditë nxjerrim shqiptarët nga varfëria e skajshme Nuk ka shqiptarë që nuk do të ketë nën 6.3 euro në ditë”, shprehet Berisha.

The post Zgjedhjet e 11 majit/ Berisha prezanton kandidatët në Librazhd dhe Prrenjas: Në 100 ditë nxjerrim shqiptarët nga varfëria e skajshme appeared first on Albeu.com.

Zgjedhjet e 11 Majit nuk janë vetëm prova e zjarrit për 11 partitë/ koalicionet, por po paralajmërojnë edhe fundin tragjik të televizionit si pushtet i katërt.

Dhjetë ditë para heshtjes zgjedhore dhe njëmbëdhjetë ditë para ditës së votimit, Kryeministri Rama nuk është shfaqur në asnjë studio televizive. Zero. Debat jo e jo, por as intervistë/bisedë. Nuk ka pse. Nuk ka nevojë.

Nuk është thjesht Rama që ka zgjedhur ta braktisë median tradicionale, është vetë televizioni që ka hequr dorë nga misioni i tij.

Fushata nuk raportohet më nga gazetarët, por nga partitë. Rama komunikon me publikun direkt dy herë në javë në Facebook dhe Instagram, përmes rubrikës “Sy më sy”. Fundjavave, me “Flasim”, podcastin e tij personal. Po televizionet? Ritransmetojnë.

Bën copy-paste. Bëjnë sikur bëjnë lajme dhe sot ngrenë duart lart si një notar pa ujë.

A janë këto zgjedhjet e para ku televizioni është në koma?

E kemi parë gjatë këtyre javëve: fushatë, pa gazetarë në terren, pa studio me protagonistë e debate reale.

Televizionet po kthehen në limonë të shtrydhur gati për t’u flakur në kosh.

Por, e vërteta është edhe më e hidhur: televizionet nuk janë viktima, janë bashkëpunëtorë. Humbën besueshmërinë duke u kthyer në megafonë të politikës, duke i shërbyer pushtetit, në vend që ta sfidonin atë.

TV shpërdoroi besimin kur të gjithë nga mëngjesi në mëngjes “zbuluan” bisedat në studio…, ku i papuni pyetet si kryeministër dhe firauni si të jetë profet.

Ç’është sot një emision politik? Marrim dy “andej”, dy “ketej”, u japim nga një gotë ujë dhe presim cirkun pa akrobatë. Fjalë të mëdha, akuza bajate, të revoltuar me telekomandë, por asnjë ide, asnjë përplasje të vërtetë mendimi, asnjë debat ku fiton logjika, asnjë analizë, asnjë koment për të qenë. Llomotitje.

Në një mjedis të tillë, llokoçitje liderët politikë, logjikisht, nuk kanë më nevojë për televizionet. I bëjnë vetë të gjitha: edhe fushatat, i montojnë vetë videot, i shpërndajnë vetë në rrjetet sociale, ndërsa televizioni bëhet thjesht pasqyrë e sheshtë që reflekton vetëm atë që pushteti dëshiron të tregojë.

Lideri raporton për veten. Gazetarët raportojnë për liderin.

Është një fakt brutal: sot partitë dhe kandidatët shpenzojnë më shumë para për reklama dhe prezencë në rrjetet sociale, sesa në TV. Jo aq për faktin se platformat online janë më të lira, por sepse televizioni ka humbur besimin dhe për rrjedhojë edhe pushtetin që kishte!

Në shumicën e edicioneve të lajmeve, sot sheh “lajme” që i ngjajnë deleve që i qeth një bari: “Lajme” me të njëjtin këndvështrim, me të njëjtin sinkron, me të njëjtin titull, me të njëjtën narrativë!

A ka më shpresë?

Nëse ndonjë ende ka ndërmend të mbijetojë, ka vetëm një rrugë: të refuzojë servilizmin dhe të rifitojë të drejtën për të pyetur, për të vënë në siklet, për të kërkuar llogari. Të heqë dorë nga modeli i talk-show-t fast-food dhe të kthehet te gazetaria e vërtetë.

Ose shoshit premtimet dhe hulumton, ose përfundon si një relikë muzeale, një “dekor” që vjen nga koha kur fjala kishte peshë dhe media pushtet.

Në të kundërt, duhet të pranojmë: pushteti i katërt është në vdekje klinike. Dhe vdekja nuk po vjen nga një atentat brutal. Është më shumë tentativë vetëvrasjeje. E ngadaltë. E turpshme. Pa asnjë tentativë për shpëtim.

The post Fushata dhe funerali i TV appeared first on Albeu.com.

Xhaferri u shpreh se përpjekja e mazhorancës për të krijuar idenë e një humbjeje të garantuar për PD-në, është “arma e fundit e pushtetit”, ndërsa theksoi se programi i PD-së është hartuar në bashkëpunim me dy nga fondacionet më të njohura në botë: Heritage Foundation dhe Konrad Adenauer Stiftung.

“Qëllimi ynë është rikthimi i popullsisë së larguar. Me ritmet e tanishme, Banka Botërore parashikon që Shqipëria do të ketë vetëm 800 mijë banorë në vitin 2050. Ne do të bëjmë çdo sakrificë për të joshur shqiptarët që të rikthehen”, – deklaroi Xhaferri.

Gjithashtu, ai shtoi se Chris LaCivita, është në kontakt të përditshëm me PD-në dhe drejton ekipin e strategjisë së fushatës.

“Kemi pesë persona që drejtojnë komponentë kyç si strategjia, imazhi, programi dhe ‘war room’ gjatë fushatës. Edhe pse fizikisht nuk është gjithmonë këtu, në kohën e teknologjisë nuk ka rëndësi vendndodhja – ai është gjithmonë prezent”.

The post Besart Xhaferri: LaCivita në krye të fushatës, ka kontakt të përditshëm me liderët e PD, do të vijë sërish në Shqipëri appeared first on Albeu.com.

“Janë fushata të panjohura, në mes të një entuziazmi, risi absolute. Deri atëherë, s’kishte pasur zgjedhje të lira. Nuk dinim si funksiononte fushata. Nuk kishte asnjë rregullore apo kod zgjedhor. Gjithçka ishte gati gati e improvizuar. Vëmendja publike ishte më e madhja.”

Ndërsa nga ana profesionale, zgjodhi dy të tjera. Fevziu theksoi se dy fushatat më të mira janë ato të viteve 2005 dhe 2009. Sipas tij fushatat më të mira janë ato kur palët janë afër njëra-tjetrës.

“Dy fushatat më të mira që Shqipëria ka pasur, më e mira e gjithë historisë së Shqipërisë është fushata e vitit 2005. Ballafaqimi i drejtpërdrejtë i kandidatëve mazhoritarë me programet e partive, debatet më të mira të mundshme në studio televizive. E dyta është fushata e 2009-ës, ka qenë e jashtëzakonshme! Si në mundësi, entuziazëm e angazhim. Fushatat më të mira janë ato kur palët janë afër njëra-tjetrës. Kur fituesi nuk është i ditur pak a shumë, perceptimi publik është i ndarë. Janë fushatat më të vërteta”, tha Fevziu.

Kur u pyet për fushatën aktuale, Fevziu u shpreh se fushata nuk ka një vëmendje të madhe. Teksa theksoi se kryeministri Edi Rama dhe kreu i PD-së Sali Berisha do vijojnë aktivë në politikë pavarësisht rezultatit zgjedhor, shtoi se nuk ka ndonjë pritshmëri nga partitë e reja.

“S’ka asgjë! Asgjë! Ka një program të PD-së që ka ngritur disa gjëra, por s’ka asnjë përgjigje nga pala tjetër. Pala tjetër flet për një gjë që do ndodhë në 2030-ën. S’ka një vëmendje të madhe”, deklaroi ai.

The post Fevziu veçon fushatën më të “zjarrtë” ndër vite në Shqipëri: Gara e 11 majit s’ka një vëmendje të madhe! appeared first on Albeu.com.

Ish-kryeministri Sali Berisha mbërriti në sheshin “Nënë Tereza” krah “arkitektit” të fushatës së tij, Chris LaCivita. Ai u prit nga demokratët me brohoritje dhe flamuj shqiptarë dhe amerikanë.

Hapja e kësaj fushate u bë me këndimin e himnit të Shqipërisë nga këngëtari Renis Gjoka. Ndërkohë që në vijim, u vazhdua me prezantimin një për një të gjithë kandidatëve demokratë në 12 qarqet e vendit.

Kjo mbrëmje pritet të jetë plot supriza nga demokratët

The post Partia Demokratike çel fushatën, Sali Berisha mbërrin në sheshin “Nënë Tereza” krah Chris LaCivita appeared first on Albeu.com.

Anulimet janë pjesë e përpjekjeve të Biden për të plotësuar zotimet e fushatës së shkuar në 2020 ku zotohej të ndihmonte me borxhet amerikanët para se të largohej nga posti, por deri tani ishte justifikuar se përpjekjet e tij janë bllokuar nga gjykatat.

Ndërkohë zëvendësja e tij Kamala Harris, përballet me republikanin Donald Trump në zgjedhjet e 5 nëntorit dhe premton se do të punojë për çeshtjet e arsimit nëse zgjidhet në post, duke ndihmuar ata që kanë përdorur skemën federale të borxheve studentore.

Shtëpia e Bardhë tha se falja e sotme e borxheve nga Biden-Harris çon në $175 miliardë shumën e ndihmës për rreth 5 milionë huamarrës.

Republikanët e përshkruanin lëvizjen e Biden si një tejkalim të kompetencave  dhe avantazh i padrejtë ndaj atyre që kanë studiuar në universitet, në krahasim me të tjerë që nuk kanë marrë ndihmë të tillë.

Gjashtë prokurorë të shteteve republikane kanë sfiduar planin e Biden duke thënë se masa duhet të miratohet nga Kongresi, por gjykatat deri tani kanë refuzuar, shkruan rrjeti Reuters.

The post Fushata SHBA/ Biden u fal borxhin studentor 60 000 punonjësve të administratës appeared first on Albeu.com.

Deklarata u shpërnda pak kohë pasi faqja e lajmeve në internet “Politico” njoftoi se kishte marrë email-e në muajin korrik nga një burim anonim që ofronte dokumente origjinale për përdorim të brendshëm nga fushata zotit Trump, përfshirë një raport mbi “pikat e mundshme të dobëta” të kandidatit republikan për Nënpresident, JD Vance.

“Këto dukumente janë marrë në rrugë të jashtëligjshme nga element të huaj, armiqësorë me Shtetet e Bashkuara, që synojnë të ndërhyjnë në zgjedhjet e vitit 2024 dhe të nxisin kaos gjatë procesit tonë demokratik”, tha përmes një deklarate zëdhënësi i fushatës së zotit Trump, Steven Cheung.

Përmes një postimi në rrjetin e tij “Truth Social” të shtunën në mbrëmje, zoti Trump tha se kompania “Microsoft” i kishte informuar drejtuesit e fushatës së tij se Irani kishte hakeruar një nga faqet e internetit.

Ai fajësoi Iranin duke shtuar se “hakerat kishin qenë në gjendje të siguronin vetëm informacione që janë publike”. Ai nuk dha më shumë hollësi për sulmin kibernetik.

Agjencia e lajmeve Reuters nuk ka arritur të verifikojë në mënyrë të pavarur identitetin e hakerave të dyshuar apo qëllimet e tyre.

Ekipi i fushatës së zotit Trump iu referua një raporti nga hulumtuesit e Microsofitit të premten. të cilët thanë se hakera të lidhur me qeverinë iraniane u përpoqën në qershor që të ndërhynin në llogarinë e një “zyrtari të lartë” të fushatës presidenciale amerikane.

Hakerat kishin arritur që të merrnin kontrollin e llogarisë së një ish këshilltari politik dhe më pas e përdorën atë për të kryer sulm kibernetit ndaj zyrtarit, thuhej në raport.

Raporti nuk dha më shumë detaje mbi identitetin e individëve të vënë në shënjestër nga hakerët.

Një zëdhënës i kompanisë Microsoft nuk pranoi të bënte publik emrat e zyrtarëve dhe të jepte më shumë detaje pas sulmit.

Misioni i përhershëm i Iranit në Kombet e Bashkuara në Nju Jork tha në një email se “qeveria e Iranit nuk ka synon ndërhyrjen në zgjedhjet presidenciale në Shtetet e Bashkuara”.

“Ne nuk u besojmë njoftimeve të tilla”, thuhej në reagim, në përgjigje të pretendimeve të ekipit të fushatës së zotit Trump.

Ish Presidenti pati marrëdhënie të tendosura me Iranin gjatë kohës që drejtonte Shtëpinë e Bardhë. Gjatë presidencës së tij, Shtetet e Bashkuara vranë komandatin ushtarak iranian Qassem Soleimani në vitin 2020 dhe u tërhoqën nga një marrëveshje bërthamore shumëpalëshe me Iranin.

Ish Presidenti Trump i shpëtoi një atentati për ta vrarë në korrik. Edhe pse nuk ka të dhëna se i dyshuari për ngjarjen ishte i lidhur me Iranin, rrjeti CNN raportoi muajin e kaluar se Shtetet e Bashkuara kishin marrë informacion për një komplot iranian kundër ish-Presidentit. Irani i ka hedhur poshtë akuzat./VOA

The post Sulm kibernetik ndaj fushatës së Donald Trump appeared first on Albeu.com.