Autoriteti europian i policisë, Europol është i shqetësuar, se armët që këto kohë nga Bashkimi Europian po shkojnë drejt Ukrainës në plan afatgjatë mund të bien në duar të gabuara. “Një kohë lufta do të marrë fund. Ne duam që të pengojmë një situatë si para 30 vjetësh në luftën e Ballkanit. Armët nga kjo luftë ende edhe sot përdoren nga grupet kriminale”, është shprehur drejtoresha e Europol, Catherine De Bolle në intervistë me gazetën gjermane “Welt am Sonntag”.

Lëvizje të fshehta terroristësh mes Ukrainës e BE

Për këtë arsye Europol planifikon që të krijojë një grup ndërkombëtar, që të zhvillojë strategji për të vepruar në këtë situatë si ajo e luftës në Ukrainë. Nga ana tjetër Europol vëren edhe aktivitete të fshehta lëvizjeje mes Ukrainës dhe BE të personave të njohur terroristë, ekstremistë dhe të gatshëm për dhunë, është shprehur De Bollte. “Situata është tepër dinamike dhe e fragmentarizuar, dhe ne marrim shifra të ndryshme nga partnerët europianë”, ka thënë drejtoresha e policisë europiane. Aktualisht Europol ka regjistruar edhe një rritje të sulmeve kibernetike në kontekstin e luftës në Ukrainë.

Europol po ashtu ka paralajmëruar nga rritje e ndjeshme e dhunës në rrugët europiane. Drejtoresha e Europol në bisedë me “Welt am Sonntag bën fjalë për një “nivel të dhunës në rrugët europiane, që nuk e kemi parë kurrë më parë. Deri tani e dinim këtë nga Amerika Latine.” /DW

The post Furnizimet me armë në Ukrainë, Europol ngre shqetësimin: Mund të bien në duar të gabuara appeared first on Albeu.com.

SHBA ka dërguar gjithashtu raketa dhe armë antitank dhe sot presidenti ukrainas Volodymyr Zelenskyy kërkoi më shumë armë nga miqtë ndërkombëtarë.

Kremlini është shtyrë të përgjigjet, me zëdhënësin Dmitry Peskov duke thënë se negociatat midis Rusisë dhe Ukrainës do të vuajnë nëse furnizimi me armatim për Ukrainën vazhdon.

“Pompimi i Ukrainës me lloje të ndryshme armësh nuk kontribuon në suksesin në negociatat ruso-ukrainase. Përkundrazi, do të ketë një efekt negativ,” tha ai.

Peskov dënoi gjithashtu sanksionet në rritje kundër Rusisë, duke thënë se ato ishin “një vazhdim i linjës së furishme për futjen e kufizimeve të reja”.

Ai u duk se adresoi në mënyrë specifike vendimin e SHBA për të vendosur sanksione kundër vajzave të presidentit rus Vladimir Putin, duke i quajtur dënime të tilla “të vështira për t’u kuptuar dhe shpjeguar”.

The post “Kërcënon” Kremlini: Furnizimi me armë i Ukrainës do të dëmtojë bisedimet e paqes appeared first on Albeu.com.