Megjithatë, ndikimi besohet se është i neglizhueshëm.

Obajtek ka thënë se kompania ka qenë “plotësisht e përgatitur” për këtë skenar.

“Vetëm 10 për qind e naftës së papërpunuar ka qenë duke ardhur nga Rusia, dhe ne do ta zëvendësojmë atë me shtetet tjera furnizuese”, ka shkruar ai.

“Ky është rezultat i diversifikimit të kryer në vitet e fundit”.

Orlen ka thënë se mund t’i sigurojë furnizimet plotësisht nga rrugët detare, që nënkupton se ndalesa ruse nuk do të ketë ndikim në disponueshmërinë e produkteve të saj me pakicë, si benzina.

Druzhba njihet si një prej gazsjellësve më të mëdhenj në botë dhe furnizon me naftën ruse shumë shtete në Evropën Qendrore.

Gjermania është furnizuar, po ashtu, përmes kësaj rruge, mirëpo ka hequr dorë vullnetarisht pas nisjes së luftës së Rusisë në Ukrainë.

Aktualisht rrjedhjet e naftës ruse përmes tubacioneve janë të përjashtuara nga sanksionet e Bashkimit Evropian.

Lufta në Ukrainë ka nisur më 24 shkurt 2022.

Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL/

The post Rusia ndal furnizimet me naftë në Poloni appeared first on Albeu.com.

“Tregjet evropiane të gazit po përballen me një mungesë prej 70 miliardë metra kub gaz,” ka thënë Putin, duke shtuar se kjo kishte ndodhur, megjithëse Rusia kohët e fundit kishte rritur eksportet e saj.

Putin tha gjithashtu se Rusia është në rrugë të mirë për të përfunduar mbushjen e linjës së dytë të Nord Stream 2 me gaz në dhjetor.

Përfaqësuesi i Rusisë në Bashkimin Evropian, Vladimir Tsizov, ndoqi shembullin, duke theksuar se “linja e parë e Nord Stream 2 ishte e mbushur me gaz dhe certifikimi ende nuk është përfunduar për të filluar funksionimin. Gjithçka varet nga rregullatori gjerman. Kanë mbetur edhe katër muaj për certifikim, afati është 8 janari”, duke shtuar se zhvillimet pozitive në këtë çështje do të përfitojnë konsumatorët europianë./albeu.com

The post Putin: Jepini dritë jeshile “Nord Stream 2” për të rritur furnizimin me gaz në BE appeared first on Albeu.com.