Ushtruesja e detyrës së presidentes, Albulena Haxhiu, zhvilloi sot një vizitë në Agjencinë e Kosovës për Inteligjencë (AKI), ku u prit nga drejtori Petrit Ajeti dhe zyrtarë të tjerë të këtij institucioni.

Përmes një postimi në Facebook, Haxhiu bëri të ditur se nga afër është njohur me veprimtarinë, organizimin dhe prioritetet e AKI-së, të cilën e cilësoi si institucion kyç për sigurinë e Republikës së Kosovës.

Ajo theksoi se ka shprehur vlerësim për profesionalizmin dhe angazhimin e zyrtarëve të AKI-së në mbrojtje të sigurisë dhe të interesave shtetërore.

“Nga afër u njoha me punën, organizimin dhe prioritetet e këtij institucioni kyç për sigurinë e Republikës së Kosovës.

Shpreha vlerësimin për profesionalizmin dhe përkushtimin e zyrtarëve të AKI-së në mbrojtje të sigurisë dhe interesave shtetërore. Fuqizimi i kapaciteteve të saj dhe bashkëpunimi ndërinstitucional mbeten thelbësore për një Republikë të sigurt dhe të përgatitur për sfidat e së ardhmes”, shkroi në Facebook, Haxhiu.

Në postimin e saj të plotë, ajo tha: Sot vizitova Agjencinë e Kosovës për Inteligjencë (AKI), ku u prita nga drejtori, z. Petrit Ajeti, dhe zyrtarë të tjerë të Agjencisë. Nga afër u njoha me punën, organizimin dhe prioritetet e këtij institucioni kyç për sigurinë e Republikës së Kosovës.

Shpreha vlerësimin për profesionalizmin dhe përkushtimin e zyrtarëve të AKI-së në mbrojtje të sigurisë dhe interesave shtetërore. Fuqizimi i kapaciteteve të saj dhe bashkëpunimi ndërinstitucional mbeten thelbësore për një Republikë të sigurt dhe të përgatitur për sfidat e së ardhmes.

The post Haxhiu nga vizita në AKI: Rritja e kapaciteteve mbetet kyçe për përballimin e sfidave të ardhshme appeared first on Albeu.com.