Në total nga kjo nismë do të përfitojnë rreth 148 500 qytetarë me një fond total prej rreth 2.2 miliardë lekësh.

“Disa nga çështjet kryesore që miratuam nëpërmjet këtij akti normativ janë: mbështetje financiare për familjet që përfitojnë ndihmë ekonomike si dhe për personat me aftësi të kufizuar, apo dhe kujdestarët e tyre.

Masa e mbështetjes financiare, në formën e bonusit të fundvitit do të jetë 15 mijë lekë, apo 150 euro. Në total nga kjo nismë do të përfitojnë rreth 148 mijë e 500 qytetarë”, tha Petrit Malaj.

The post Qeveria shpërndan shpërblime për fundvit, ja cilat kategori përfitojnë appeared first on Albeu.com.

Duke shijuar gjithçka me masë dhe duke qenë të vetëdijshëm për zgjedhjet tuaja, mund të kaloni festat e fundvitit pa shtuar kilogramë dhe duke shijuar gjithçka që kjo periudhë e bukur ofron.

1. Planifikoni paraprakisht

Hani shëndetshëm përpara festave dhe konsumoni vakte të pasura me proteina dhe fibra përpara ngjarjeve festive, në mënyrë që të mos shkoni të uritur. Vendosni qëllime të qarta. Ruani peshën aktuale në vend që të humbni kilogramë gjatë periudhës festive.

2. Zgjidhni me kujdes ushqimin

Provoni gjithçka, por në sasi të vogla dhe shijoni ushqimet festive pa e tepruar. Fokusohuni te cilësia, jo te sasia. Evitoni ushqimet e tepërta të përpunuara. Përqendrohuni te ushqimet e freskëta dhe të shëndetshme kur është e mundur.

3. Hidratohuni

Hidratimi është thelbësor. Pirja e ujit para dhe gjatë vakteve mund t’ju ndihmojë të kontrolloni oreksin.

Kujdes me pijet kalorike: Reduktoni pijet alkoolike dhe ato me sheqer të shtuar.

4. Ruani aktivitetin fizik

Gjeni kohë për lëvizje: Edhe një shëtitje e shkurtër pas vakteve mund të ndihmojë në tretjen dhe djegien e kalorive. Organizoni aktivitete argëtuese si ecje ose lojëra aktive me të afërmit.

5. Menaxhoni emocionet dhe stresin

Festat mund të jenë të ngarkuara emocionalisht. Praktikoni relaksimin për të shmangur ngrënien emocionale. Nëse keni ngrënë më shumë një ditë, vazhdoni me zakonet e shëndetshme të nesërmen.

6. Fokusohuni te lidhjet sociale, jo vetëm te ushqimi

Festat janë një kohë për të kaluar me të dashurit, prandaj përqendrohuni te bisedat dhe argëtimi, jo vetëm te vakti. Peshojeni veten rregullisht ose mbani shënim çfarë hani për të qëndruar të vetëdijshëm. Me këto strategji, do të mund të shijoni festat pa u shqetësuar për kilogramët shtesë.

The post Festat e fundvitit pa shtuar kilogramë? Po, është e mundur! appeared first on Albeu.com.

Pavarësisht këtyre sfidave, kancelari gjerman kujtoi se treguesit ekonomikë në fund të vitit nuk rezultojnë ashtu siç ishte parashikuar: Inflacioni ka rënë, pagat dhe pensionet janë rritur dhe depozitat e gazit janë plot. “Gjërat dolën ndryshe sepse ne i rezistuam rënies ekonomike. Sepse kursyem energji dhe morëm masa paraprake në kohën e duhur. Të gjithë ne – së bashku”, tha kancelari.

Viti 2024: Investime rekord dhe lehtësime tatimore

Ai kujtoi se numri i të punësuarve në Gjermani është në një nivel të lartë si kurrë më parë, dhe se vitin e ardhshëm qeveria do të kryejë “investime në shuma rekord”, edhe për të kompensuar mungesën e investimeve të bëra në vitet e fundit: “Vendi ynë ka konsumuar për një kohë të gjatë deri në amortizim. Kjo është arsyeja pse ne po investojmë tani: në rrugë dhe hekurudha më të mira, në një furnizim me energji të pastër dhe në mbrojtje më të mirë të klimës. Në vende pune të mira – në sektorë të ekonomisë në të cilët Gjermania ka qenë gjithmonë lidere botërore. Por edhe në sektorë ku kemi pasur boshllëqe në të kaluarën, si për shembull, në prodhimin e çipave kompjuterikë ose baterive.”

Scholz kujtoi se nuk do të jetë e mundur të realizohen të gjitha investimet e dëshiruara, për shkak të vendimit të Gjykatës Kushtetuese në mes të nëntorit që i hoqi qeverisë gjermane 60 miliardë euro nga buxheti. Por ai kujtoi se megjithatë, barra tatimore do të jetë më e ulët: “Nga nesër të punësuarit në Gjermani do të paguajnë 15 miliardë euro më pak tatime”, tha ai. Së bashku me rritjen e parave për fëmijët, një familje katëranëtarëshe, do të ketë 1600 euro më shumë vitin e ardhshëm.

Scholz bën thirrje për një BE të bashkuar

Kancelari gjerman theksoi edhe nevojën e forcimit të Bashkimit Evropian dhe rëndësinë e zgjedhjeve për Parlamentin e BE-së vitin e ardhshëm. Ai theksoi nevojën për një BE të bashkuar dhe të fortë duke pasur parasysh konfliktet e vazhdueshme në Ukrainë dhe Lindjen e Mesme, si dhe zgjedhjet e ardhshme presidenciale në SHBA. “Bashkimi Evropian na bën të fortë. Kur vepron, BE-ja flet në emër të mbi 400 milionë qytetarëve”, argumentoi ai.

Scholz i inkurajoi gjermanët të thonë fjalën e tyre nëpërmjet votës, një gjë që nuk ka qenë e vetëkuptueshme për një pjesë të Gjermanisë deri para disa dekadave: „Jo shumë kohë më parë gra dhe burra të guximshëm luftonin ende për zgjedhje të lira këtu në Gjermani. 35 vjet më parë filloi revolucioni paqësor në RDGJ. Të kesh të drejtën e fjalës dhe të drejtën e pjesëmarrjes në vendimmarrje – kjo është një e mirë e paçmuar.”

Thirrje për solidaritet dhe kohezion social

Kancelari gjerman theksoi edhe rëndësinë e solidaritetit dhe përpjekjeve të përbashkëta për të kapërcyer sfidat e së ardhmes. “Ashtu si në shumë pjesë të Gjermanisë që aktualisht po vuajnë nga përmbytjet e tmerrshme dhe pasojat e tyre. Mendoj për të gjithë të prekurit, të cilët sigurisht do t’i ndihmojmë dhe që nuk do t’i lëmë vetëm në këto momente të vështira”. Ai u falënderua për te të gjitha gratë dhe burrat që po luftojnë me të gjitha forcat e tyre me përmbytjet.

Scholz theksoi rëndësinë e secilit individ për suksesin dhe prosperitetin e vendit. “Ne jemi të fortë edhe sepse e dimë që çdo individ është i nevojshëm, që nga studiuesi i nivelit më të lartë, deri te infermierja e gjeriatrisë, polici dhe postieri”.

Ai ftoi për një vështrim optimist për të ardhmen: “Nëse e kuptojmë këtë, nëse e trajtojmë njëri-tjetrin me këtë respekt, atëherë nuk ka pse të kemi frikë nga e ardhmja! Atëherë viti 2024 mund të jetë një vit i mirë për vendin tonë.”/dw

The post “Bota po ndryshon, edhe ne duhet të ndryshojmë”, Scholz mban fjalimin e fundvitit appeared first on Albeu.com.

Ky është shkëmbimi i fundit i të burgosurve midis Rusisë dhe Ukrainës në luftën që tashmë është në ditën e 310-të.

Ministria e Mbrojtjes e Rusisë njoftoi sot se gjithsej 82 ushtarë rusë ishin liruar nga Ukraina, ndërsa në këmbim, shefi i shtabit të presidentit ukrainas, Andriy Yermak, tha se Rusia kishte dorëzuar 140 personel të shërbimit ukrainas.

The post Rusia dhe Ukraina shkëmbejnë të burgosurit në ditën e fundit të vitit appeared first on Albeu.com.

Më pas ai specifikoi se një nga shpërthimet ka ndodhur midis ndërtesave të banimit në qarkun Solomiansk të Kievit. Nuk ka detaje të tjera për shpërthimet, edhe pse ka pasur raportime se mbrojtje ajrore ukrainase është aktivizuar. Sulmet e reja vijnë vetëm një ditë pasi Kievi u godit nga dronët e lëshuar nga Rusia në kryeqytetin ukrainas dhe në qytete të tjera.

Sipas Klitschko, Kievi u godit nga shtatë dronë, dy prej të cilëve “u rrëzuan me t’iu afruar kryeqytetit”, ndërkaq pesë të tjerë u penguan teksa po fluturonin mbi qytet. Nga këto sulme nuk është raportuar për viktima.

Këto raportime vijnë në kohën kur presidenti ukrainas, Volodymyr Zelensky, në adresimin e tij gjatë natës së premte, tha se Rusia nuk e ka braktisur planin e saj për marrjen e kontrollit të rajonit të Donjeckut. Ai paralajmëroi ukrainasit se në Vitin e Ri mund të ketë sulme në mbarë vendin.

“Ndoshta armiku sërish do të tentojë të na detyrojë që ta festojmë Vitin e Ri në errësirë. Ndoshta okupuesit po planifikojnë që të na bëjnë të vuajmë, duke kryer sulme ndaj qyteteve tona. Por, pavarësisht planeve të tyre, ne dimë një gjë për veten tonë: ne do të mbijetojmë. Do t’i dëbojmë, nuk kam asnjë dyshim”, tha ai.

Ndërkaq, gjatë adresimit të tij për Vitin e Ri, presidenti rus, Vladimir Putin, deklaroi më 31 dhjetor se “e drejta morale dhe historike” është në anën e Rusisë, teksa shtetet perëndimore kanë dënuar pushtimin e paprovokuar rus të Ukrainës.

The post Nuk ka paqe për Ukrainën edhe në fundvit, raportohet për disa bombardime në Kiev appeared first on Albeu.com.

Për më tepër, me praninë gjithnjë e në rritje të rrjeteve sociale në jetët tona. Megjithatë, këtë vit mund të jetë pak më e ndërlikuar se në të kaluarën për shkak të rritjes së çmimeve. Sepse, në fund të fundit, ‘dhurata’ që të gjithë po marrim, pa e kërkuar, është inflacioni…

Situata ekonomike ka bërë që shumë njerëz të rishikojnë listat e blerjeve dhe të përdorin disa taktika buxhetore. Në krye të listës, janë produktet bazë si ushqimet, ka disa vende bosh, pastaj janë dhuratat!

Në një vëzhgim të “Monitor”, përafërsisht gjysma e blerësve kanë pohuar se do të blejnë më pak gjëra këtë vit, shitësit me pakicë janë të shqetësuar se kjo do të ndikojë negativisht në financat e tyre dhe do t’i lërë më shumë stok.

Sipas tyre, vitin e kaluar, konsumatorët bënë blerje herët dhe ishin të gatshëm të shpenzonin më shumë për dhurata.

Sipas vëzhgimit të realizuar në rrugët tregtare Rruga e Kavajës, “Myslym Shyri”, Tregu Çam, “21 Dhjetori”, blerjet ishin sporadike, të fokusuara kryesisht te fëmijët, shumë pak kanë preferuar të bëjnë dhurata për veten dhe shumica e blerjeve ishin të përqendruara dy javët e fundit të dhjetorit.

Ndikimi i inflacionit në blerjet e fundvitit?

Ndërsa kostot e gazit dhe energjisë elektrike janë rritur globalisht, po ashtu prodhimi dhe transporti më i shtrenjtë ka sjellë çmime më të larta në të gjithë sektorët dhe slita e Babagjyshit këtë vit ka qenë dukshëm më e lehtë…

Jo të gjitha kategoritë, megjithatë, kanë parë të njëjtën rritje të çmimit. Ndërsa pajisjet elektroshtëpiake dhe mobiliet kanë regjistruar rritje 10 deri në 15%, çmimet e veshjeve janë vetëm rreth 5% më të larta, sipas raportimeve në treg.

Rikujtojmë që çmime të larta janë reflektuar prej disa muajsh tashmë në artikujt ushqimorë.

“Konsumatorët ka të ngjarë të zëvendësojnë artikujt më të shtrenjtë me opsione më të lira” – thotë për “Monitor”, Jonila, drejtuesja e dyqanit “Aldo Boutique” në rrugën “Myslym Shyri”.

Dorela Sala, drejtuese e “BeeKids”, në Toptani Center, thotë se kërkesat për artikuj për fëmijë kanë qenë të qëndrueshme, për shkak edhe të markave të dyqanit, por këtë fundvit, blerjet nuk kanë qenë në sasinë e viteve të mëparshme.

Përfaqësues të linjës së dyqaneve “Shtëpia e Lodrave” raportuan këtë fundvit si vitin me blerje më të pakta se vitet e tjera, të marra në total të numrit të dyqaneve që zotërojnë në Tiranë dhe Durrës.

Rudina Caka, estetiste në “Pretty Woman” pohon për “Monitor” se kërkesat për trajtime estetike, kujdes personal, si dhe rigjenerim të look-ut nga femrat ka qenë e lartë këtë fundvit, duke pasur edhe të vështirë menaxhimin. Sipas saj, fundviti apo periudha para verës janë historikisht momente kulmore për kërkesat estetike.

Dr. Denisa Kaçiu nga “Nissa Medical Center” thotë se kujdesi estetiko-mjekësor ka qenë ndër trajtimet më të kërkuara këtë fundvit, edhe nëpërmjet dhurimit të “gift card” mes mikeshave.

Përfaqësues të supermarketit “Eco Market” pohojnë se shportat me dhurata kanë qenë të preferuara edhe këtë vit, të cilat përgatiten me produkte të çmimeve të ndryshme, duke synuar kështu konsumatorë të buxheteve të ndryshme.

Supermarketet e lagjeve në kryeqytet raportojnë rënie të sasisë së blerjeve prej muajsh tashmë, me disa lëvizje më shumë tani në fundvit, por që kryesisht të fokusuar te produktet bazë për jetën e përditshme.

Paradoksi i jetës së kryeqytetit shqiptar është raportimi i rënies së fuqisë blerëse përballë faktit që hotelet në vende si Korça kanë qenë tërësisht të rezervuara për Krishtlindje.
Lokalet kryesore në kryeqytet thonë se për natën e ndërrimit të viteve është prenotuar masivisht.

Burime pranë restorant “Te Stela” thonë se rezervimet janë mbyllur që herët dhe kostoja vetëm për darkë (pa fjetje) është 60 euro për person.

Përfaqësues të agjencisë turistike “Kalemi Travel”, shprehen se sa u përket kërkesave për udhëtim jashtë, kanë qenë të përqendruara kryesisht në rajon: Podgoricë, Budva, Selanik, Sofje apo Stamboll. Paketat variojnë nga 100-250 euro për person.

Ushqimet kryesojnë listën

Tryeza e fundvitit nuk imagjinohet pa ushqimet tradicionale si gjeli i detit, produkte të tjera mishi, sallata, pije etj.

Të gjitha këto, janë dukshëm më të shtrenjtë këtë vit. Rikujtojmë që në muajin nëntor, inflacioni përllogaritej 7,9%, ku ndikimin kryesor vijon ta ketë shtrenjtimi i ushqimeve.

Ndonëse tashmë të gjithë blerjet janë kryer dhe jemi vetëm pak orë përpara trokitjes së gotave këtë ditë të fundit të 2022, por nga një vëzhgim në treg çmimet e produkteve janë si më poshtë:

-Gjeli i detit, peshë e gjallë është shitur në tregje 1,200-1500 lekë për kilogram, nga 800 – 1000 lekë dhjetorin e kaluar. Kësaj kostoje i shtojmë edhe pagesën për persona që realizojnë therjen e pastrimin e shpendëve në qytete. Ndërsa pulat apo gjelat të tregtuar në supermarkete janë 20% më lirë.

-Në tregun e produkteve të tryezës mishi dhe nënproduktet e qumështit kanë rritje me gati 30% në krahasim me vitin e kaluar. Çmimi i produkteve si mishi i të imëtave është gati dyfishuar gjatë dy viteve të fundit, duke arritur në nivelin e 1600 apo 1700 lekë për kg.

– Çmimi i vajit të lulediellit është rritur nga viti i shkuar, gjithashtu erëzat, gjalpi, qepa.

– Ëmbëlsirat dhe panetonet në supermarkete kanë çmim 10% më të shtrenjtë se vitin e shkuar

– Bakllavaja, e preferuar për shqiptarët në fundvit, ka një shtrenjtim 5-10% më të shtrenjtë, për shkak të rritjes së çmimit të miellit, gjalpit, arrave.

Të dukemi!

Festat stimulojnë ekonominë nga të gjitha aspektet, duke nxitur frymën konsumatore. Oferta dhe kërkesa si për mallra ashtu edhe për shërbime rriten rreth fundit të vitit, kjo sepse njerëzit duan të festojnë dhe nuk ka festa pa blerje.

Marsi Simo, sociologe, shpjegon për “Monitor” se ndikimi i komercializimit ka arritur edhe në vendin tonë.

“Pesë vite më parë, nuk imagjinoheshin setet fotografike me pizhame njësoj për të gjithë familjen, fotot e videot masive me panetone apo të udhëtoje në qytete europiane. Kjo tendencë ka ardhur nga komercializimi i periudhës së fundvitit.

Shitja me pakicë ka shfrytëzuar Krishtlindjet dhe Ndërrimin e Viteve për të sjellë shitje shtesë. Nga ana tjetër, njerëzit kanë një tendencë të mburren gjatë festave, sidomos me ndikimin e gjerë të përdorimit të platformave sociale si Instagram e Tiktok.

Kjo nxit shpesh blerjet impulsive, të pamenduara, pa logjikë, shpesh me karta krediti e me pasoja me të cilat do të përballen muajt e ardhshëm” – shpjegon znj. Simo./Monitor

The post Blerjet e fundvitit, a e frenoi inflacioni konsumin? appeared first on Albeu.com.

Nga Deada Hyka

Kush nuk i do udhëtimet? Në prag festash, ato bëhen zgjedhja ideale për të kaluar disa ditë me miqtë, familjarët apo partnerin. Alternativat turistike në shërbim të shqiptarëve janë duke u shtuar gjithnjë e më shumë dhe kjo ka nxitur prej disa vitesh gjetjen e ofertave, sipas buxhetit, për secilin udhëtar.

Pavarësisht pandemisë, zgjedhjet e shqiptarëve janë të shumëllojshme dhe agjencitë ia atribuojnë këtij fenomeni rritjes së vaksinimit dhe dëshirës për të udhëtuar pas dy fundviteve të fundit të kaluara në shtëpi.

Menjëherë pas festave të nëntorit, agjencitë turistike në kryeqytet thonë se nisi interesi për udhëtime për fundvit. Një pjesë e mirë e shqiptarëve kanë rezervuar më herët për festat e fundvitit dhe kjo ka ndodhur, kryesisht për destinacione më të largëta, megjithatë agjencitë raportojnë që udhëtimet në këto dy vite janë lënë “në minutë të fundit”, duke pritur çdo ndryshim të mundshëm politikash, për shkak të pandemisë.

Tani, në mes të dhjetorit të 2021, aktorët e tregut shprehen se, destinacionet për Krishtlindje dhe për Vitin e Ri, janë prenotuar në rreth 70% të kapaciteteve brenda vendit dhe nuk mungojnë rezervimet për jashtë.

Zgjedhjet flasin për të njëjtat tendenca si vitet e mëparshme: rajoni për ski, sërish rajoni për natën e ndërrimit të viteve e deri te destinacionet ekzotike, ku një përqindje e ulët u lejojnë vetes luksin e 10 ditëve pushime.

Agjencitë turistike në Tiranë përmendin edhe një tjetër fenomen të viteve të fundit. Me rritjen e përdorimit të teknologjisë, përqindja e udhëtarëve është më e vështirë të përllogaritet, duke marrë në konsideratë se një pjesë e mirë e tyre i presin biletat dhe hotelet vetë, jo më nëpërmjet një agjencie turistike.

Edhe këtë vit, në preferencat e shqiptarëve, mbizotëron rajoni: Mavrovë, Kolashin, Brezovicë me një paketë 4-5-ditore, të gjitha të përfshira, duke i shtuar edhe sportin e preferuar të skive, që u mungon në atdhe. Nga ana tjetër, Europa e shumëkërkuar e viteve të fundit, nuk është më në listë për shkak të kufizimeve të vendosura nga vende si Austria, Gjermania, Italia, etj. Krahas rajonit, Beogradi dhe Stambolli janë ndër zgjedhjet kryesore.

Këtë vit, çmimet janë të favorshme në Stamboll, një tjetër destinacion i lakmuar për shkak të mungesës së kufizimeve krahasuar me Europën. Në hotele të mëdha më emër, organizohet darka e Fundvitit, një nocion i panjohur dhe i pafestuar për vendasit.

Rajoni, zgjedhja më e lirë

Thuajse në të gjitha festat që shqiptarët kërkojnë të lëvizin jashtë, alternativa e parë që i vjen në mendje është rajoni. Arsyeja është çmimi, siç argumentojnë agjencitë turistike, por edhe mungesa e kufizimeve, krahasuar me Europën.

Me një avantazh të tillë dhe me organizime të mira për festa, Mali i Zi, Kroacia, Maqedonia e Veriut por edhe Serbia kanë pasur rezervime të shumta nga shqiptarët, për pushimet e fundvitit. Faktor kyç, sipas agjencive është afërsia, sidomos për familjet, edhe me fëmijë, që mund të zgjedhin të udhëtojnë me makinën e tyre drejt këtyre destinacioneve.

Infrastruktura e mirë dhe çmimi i leverdishëm e ka vendosur Malin e Zi dhe Maqedoninë e Veriut, me resortet e tyre të skive, në listën kryesore. Edhe Brezovica ka qenë e kërkuar, si dhe zona malore e Prizrenit, Prevallë etj. Nga agjencia Union Travel thonë për “Monitor” se çmimi i lirë i josh shqiptarët jo vetëm për festat e fundvitit, por për të gjithë ditët e pushimit të tyre.

Ata zgjedhin rajonin për darkën e ndërrimit të viteve, kryesisht në Budva apo Dubrovnik. Edhe Greqia ka kërkesa, pohojnë agjencitë, por këtë vit kanë qenë më të dobëta, për shkak të kërkesës së vaksinimit dhe kufizimeve me 48 orë të testit PCR.

Nga agjencia Kalemi Travel and Tours pohojnë se udhëtimet me autobusë në rajon, sidomos Selaniku dhe Stambolli, ndryshe nga vite më parë, nuk janë më të preferuara. Shqiptarët kërkojnë të udhëtojnë me avion ose makinë, sipas destinacioneve që kanë buxhetet e tyre.

Ndërsa Matias Travel and Tours pohon se Budva preferohet shumë për fundvit, për të cilën pyesin: “Çfarë festë organizohet dhe me cilët këngëtarë?” dhe më pas, për çmimin dhe hotelin. Sipas të gjithë agjencive të kontaktuara, çmimet në rajon variojnë nga 55 euro dy ditë deri në 160 euro maksimumi.

Krishtlindje dhe ski, sinonim i njohur

Mavrova, Kolashini dhe Brezovica janë tre destinacione, të cilat zgjidhen nga shqiptarët për festa. Po arsyet janë tre: duan të bëjnë ski, infrastruktura e të cilëve nuk gjendet në Shqipëri; e dyta janë të lirë, ofertat janë joshëse dhe e treta, janë afër dhe shpenzohet pak ditë. Nga Hima Travel pohojnë se kjo tendencë duket edhe këtë vit, pasi kërkesat janë të shumta, kryesisht nga të rinjtë.

Nga Union Travel pohojnë për “Monitor” se Kolashini ka marrë më tepër vëmendje këtë vit. Megjithatë, shtojnë ata, është ende herët për të dhënë një panoramë të qartë, prenotimet tani kanë nisur.

Nga të gjitha agjencitë pohohet një rritje e ndjeshme e çmimeve për paketa turistike, nisur nga kostot e hoteleve që ofrojnë shërbim krahas masave të Covid, si dhe kostot ekstra të udhëtarëve që janë testet PCR.

Darka gala e fundvitit

Stambolli, ndonëse është një ndër destinacionet më të kërkuara dhe të preferuara për shqiptarët, ndryshe nga vendet europiane, nuk ka traditën dhe atmosferën për Krishtlindjeve dhe Natën e Ndërrimit të Viteve.

Turqia nuk i ka traditë këto dy festa. Megjithatë, agjencitë tregojnë se për të gjithë të interesuarit, Turqia sërish i ka rezervuar një hapësirë. Bëhet fjalë kryesisht për resortet turistike në Antalia, Alania etj., të cilët organizojnë “darkën gala të festës së fundvitit”, si përpjekje për të tërhequr klientë që kërkojnë luksin. Ofertat për destinacione të tilla janë me paketa që variojnë në 1200 euro çifti, 5 ditë.

Destinacionet e “nxehta”

Në krye të prenotimeve është Dubai. Dikur, pohojnë agjencitë, ishte një nga destinacionet më të shtrenjta, por prej dy vitesh, çmimet kanë pësuar ulje të lehtë, prej vendosjes së linjës direkte të fluturimit nga Tirana. Paketat për këtë destinacion variojnë: 910 euro, 5 ditë dhe 1099 euro, 8 ditë.

Të mos lëmë pa përmendur atë që ka tërhequr klientelën e re dhe të kamur vitet e fundit: Sharm El- Sheih. Ofertat për këtë destinacion gjenden në çdo agjenci dhe kanë qenë shumë të kërkuara. Koha ideale, temperaturat e larta, kjo i josh shqiptarët që të zgjedhin këtë destinacion, çmimi për të cilin nis nga 550 euro personi dhe arrin deri në 1400 euro/personi. Viza për këtë destinacion, sugjerojnë agjencitë, paguhet në mbërritje në Aeroport dhe kushton 27 dollarë./monitor

The post Të arratisesh në pandemi, shqiptarët do ikin jashtë për festat e fundvitit appeared first on Albeu.com.

Era pohoi se për momentin është e punësuar në një kompani teknologjike, ndërsa po mendon seriozisht për t’u angazhuar edhe në muzikë.

“Kam menduar disa bashkëpunime me artistë të njohur shqiptarë, por s’ dua të zbuloj më shumë pa u realizuar”, tregoi ajo.

E pyetur nga Bieta nëse është apo jo e dashuruar Era la të kuptohet që është e lumtur, pa dashur të zbulojë më shumë detaje.

Sa i përket planeve familjare për fundvit, Era tha se po planifikojnë që të mblidhet e gjithë familja bashkë.

“Po do mblidhemi të gjithë bashkë, ashtu është plani. Momentalisht babi është në Shqipëri me disa projekte muzikore, ndërsa ne jemi këtej. E di që do mblidhemi të gjithë bashkë, por nuk e kemi vendosur akoma nëse në Shqipëri apo në Amerikë”, tha Era.

Kjo deklaratë e saj vjen pas lajmit të bujshëm të Albeu.com se ndarjes së prindërve të saj, Mira Konçit dhe Shpëtim Saraçit.

The post Ndarja e bujshme e Mira Konçit me Shpëtim Saraçin, e bija Era jep lajmin befasues (FOTO LAJM) appeared first on Albeu.com.

Venusi këtë muaj nuk ju favorizon si muajin e kaluar. Çiftet e martuara do të përpiqen të flasin më shtruar për të shmangur zënka të tjera dhe këtë periudhë të lodhshme në fushën e ndjenjave. A mungon vërtet dashuria apo problemet ekonomike dhe ato në punë po ndikojnë në marrëdhënie? Kjo e fundit, sidomos nëse është në vështirësi do të vihet në provë nga një faktor i jashtëm. Këshillat jo dhe aq të sinqerta nuk do t’jua lehtësojnë gjërat. Faza më e mirë e muajit do të nisë pas datës 13, kur Marsi do të kalojë në shenjën tuaj. Viti i Ri do të jetë i shkëlqyer për beqarët. Edhe pse takimet e dhjetorit nuk do të jenë shumë emocionuese, prapë diçka mund të arrihet. Të dielat e muajit do të shoqërohen nga debate të shumta, sidomos nëse partnerët jetojnë larg njëri-tjetrit fizikisht. Janari do të nisë më mirë në aspektin sentimental.

Problemet familjare dhe profesionale do t’ju tensionojnë, sidomos nëse keni lënë gjërat pezull që nga viti i kaluar. Ruani kontrollin e plotë gjatë të dielave të muajit për të shmangur debate të padobishme që do të shoqërojnë periudhën e festave.

DEMI: Nuk është diçka e vogël të kesh Jupiterin dhe Saturnin kundër. Nëse jeni larguar apo keni mbyllur një raport profesional, nuk kanë munguar pasigurisë dhe debatet. Profesionistët e pavarur apo sipërmarrësit kanë pasur probleme që prej vitit të kaluar dhe janë detyruar të shtrëngojnë mirë kuletën për t’i bërë ballë këtij realiteti të ri. E megjithatë, Jupiteri do të kalojë në shenjën tuaj prej janarit dhe me të do të vijë edhe qetësia. Të rinjtë do të marrin telefonata për oferta të reja pune. Saturni i ngadalëson disi gjërat me qetësinë që sjell, por nuk bllokon idetë, programet dhe projektet tuaja. Do të ndiheni disi të nervozuar rreth datës 22. Këto muajt e fundit kanë ndryshuar shumë gjëra, të cilave duhet t’u bëni ballë.

Do të keni më shumë besim në dashuri dhe uroj vërtet që çiftet në krizë apo që jetojnë larg njëri-tjetrit të kenë gjetur mirëkuptimin e duhur. Nëse jeni të ndarë, data 25 do të jetë shumë e mirë për njohje të reja falë Venusit dhe Hënës. Gjatë Vitit të Ri mund të lindë një emocion më shumë. Shumë nga ju do ta mbyllin vitin me dyshime për shtëpinë, shpenzimet apo blerjet që duan të bëjnë. Nga kjo situatë apatie do të dilni shumë shpejt. Kush është në kërkim të aventurave, nuk do t’i mungojnë rastet. Dielli do të kalojë në shenjën e Bricjapit më datë 21 dhe do t’u dhurojë pasion të gjitha shenjave.

Dy javët e para do të jenë nën ndikimin negativ të Marsit. Nuk mund të themi se yjet ju favorizojnë shumë këtë periudhë dhe ju japin forca, pasi që prej verës jeni në kërkim të qetësisë dhe doni të kapërceni problemet psikologjike. Muaji do të mbyllet më bukur falë Venusit dhe Mërkurit. Ditë më të mira do të vijnë, edhe pse gjithçka ndodh shumë ngadalë.

BINJAKËT: Po të bëni një bilanc të vitit 2021, mund të themi me plot gojë që ka qenë pozitiv për ju. Sigurisht që krahasimin po e bëjmë me dy vitet e fundit. Në fushën profesionale priten ngritje në detyrë dhe projekte të reja. Dhjetori do të nisë bukur, edhe pse për shkak të Marsit kundër shenjës suaj, data 13 do të shoqërohet nga nervozizmi dhe disa probleme në ambientin e punës. Nëse keni probleme ligjore, ju këshilloj të mos ngulni shumë këmbë, sepse gjithnjë është më mirë të arrini një kompromis. Menaxhoni më mirë paratë tuaja dhe shmangni shpenzimet e kota. E premtja e datës 17 do të jetë shumë interesante. Jeni ju ata që vendosni çfarë të bëni dhe si ta bëni.

Marsi do t’ju nervozojë disi në dhjetor dhe duhet të bëni shumë kujdes nëse partnerët tuaj janë të shenjës së Demit, Luani dhe Akrepit. Përgjegjësitë që keni në shtëpi nuk janë të vogla dhe do të kaloni ditë të lodhshme. Gjatë periudhës së festave do të reflektoni dhe do të vendosni se me kë doni të rrini, sidomos nëse bëhet fjalë për familjarë. Mos u pushtoni nga pesimizmi, pasi do të kalojë shumë shpejt. Përpiquni të gjeni një mënyrë për të bërë një jetë më të qëndrueshme. Kontrolloni më mirë financat tuaja, pasi këtë vit keni shpenzuar shumë, sidomos çiftet e reja. Nëse keni një marrëdhënie të gjatë, ka ardhur momenti të vendosni në do të hidhni një hap më shumë apo do t’i jepni fund. Mos i zvarritni gjërat, dëgjoni vetëm zemrën.

Ditët e fundvitit nuk do të jenë aspak të qeta, madje edhe viti i ri do të nisë me nervozizëm, sidomos nëse jeni të detyruar të punoni gjatë festave. Jepini vetes pak kohë dhe pushoni. Kujdes me nervat në ditët e fundit të vitit, mos harroni se ndonjëherë është më mirë t’i mbani gjërat për vete dhe të mos bërtisni me të madhe.

GAFORRJA: Disa raporte profesionale, që janë në krizë prej kohësh do të mbyllen në mënyrë përfundimtare. Kjo do të jetë një periudhë e tensionuar, por që në fund do të rezultojë pozitive. Do të përpiqeni të nisni gjithçka nga zero, madje që prej fillimit të vitit do të shfrytëzoni çdo mundësi që ju jepet. Në datën 29 dhjetor, Jupiteri kalon në shenjën tuaj dhe do t’ju mbrojë gjatë gjithë vitit 2022. Në janar do të zgjidhni me kujdes kolegët dhe bashkëpunëtorët e duhur. Dyshimet do t’ju shoqërojnë rreth datës 13 dhjetor. Këtë periudhë do të reflektoni më shumë për gjendjen tuaj financiare, pasi jeni përballur me vështirësi. Një makinë e re, një udhëtim, disa gjëra të paplanifikuara kanë zbrazur xhepat.

Çiftet që kanë përballuar stuhitë e javëve të fundit, nuk duhet të gënjehen nga ndikimi negativ i Venusit. Miqësitë do të bëhen vërtet të forta. Shumë nga ju janë ndikuar nga familjarë të jashtëm që nuk kanë pasur lidhje me problemet tuaja. Këto ndërhyrje nga jashtë kanë hapur më shumë telashe. Duhet të gjeni ekuilibrin në çift, sidomos nëse njëri nga partnerët ka pasur edhe probleme në punë. Kujdes se në fund të vitit mund t’ju mbërthejë një melankoli e pazakontë. Në datat 27 dhe 31, për shkak të nervozizmit s’do të doni as të mirëprisni ditën e ndërrimit të viteve.

Dhjetori do të sjellë shumë ndryshime planetare, ndaj është normale që ndiheni disi të tensionuar. Përpiquni të kaloni depresionin, frikën dhe pasigurinë që ju kaplon në fundvit. Nëse keni në krah personin e duhur, do ta keni shumë të lehtë ta kapërceni këtë situatë. Mos harroni se viti 2022 do të sjellë shumë qetësi për të lindurit në shenjën e Gaforres.

LUANI: Viti do të mbyllet si jo më mirë për të lindurit e shenjës suaj, pasi Jupiteri nuk do të ndikojë më negativisht pas datës 29 dhjetor. Një armik më pak në qiellin tuaj. Sigurisht që kjo nuk do të thotë se problemet tuaja ligjore apo financiare do të zgjidhen sa hap e mbyll sytë. Ata që kanë kërkuar një kompensim apo një dëmshpërblim, do të marrin një lajm të mirë me fillimin e vitit. Pas datës 21, shumë pengesa do të zhduken si me magji në realizmin e projekteve tuaja. Instinkti juaj nuk ju ka lënë asnjëherë në baltë, ja përse idetë tuaja të reja do t’i përpunoni dhe realizoni sapo të hyjë viti tjetër.

Dielli dhe Mërkuri do t’ju ndihmojnë deri më datën 13, ndërsa më pas Marsi do të jetë më aktiv se kurrë. Nuk mund të themi se kjo do të jetë një periudhë e qetë. Bëni mirë të shmangni konfliktet me një ish-partner. Kush nga ju është ndarë në muajt e parë të vitit, tani kërkon vetëm qëndrueshmëri. Po beqarët? Jeni disi dyshues ndaj njohjeve të reja, sidomos pas ndarjes së fundit. Nëse një lidhje nuk funksionon, bëjani të qartë dhe pikë. Në janar do të merrni vendime përfundimtare.

Gjatë pjesës së parë të vitit bëni mirë të shmangni kompromiset dhe të bëni çka ju pëlqen më shumë. Viti i Ri do të sjellë energji të reja pozitive, do të keni dëshirë të argëtoheni apo të bëni ndonjë çmenduri. Pas një periudhe të lodhshme, keni të drejtë të ndiheni i dashur nga të tjerët.

VIRGJËRESHA: Gjatë dhjetorit nuk do të mbyllni dot të gjitha ato që keni në mendje.  Pas datës 12 do të mund të merrni vendime përfundimtare në lidhje me karrierën tuaj. Dhe pikërisht diku nga mesi i dhjetorit do të vijë edhe një përgjigje që e prisnit prej kohësh. Bëni kujdes me shpenzimet mes datave 19-31, pasi do ta lëshoni shumë dorën dhe jo vetëm për dhuratat festive. Gjysma e dytë e muajit do të jetë më e mirë, pasi Mërkuri nis një kalim të rëndësishëm pas datës 13, i cili do të sjellë më shumë mundësi në prag të vitit të ri. Nëse po planifikoni një sipërmarrje të re, konsultohuni me një ekspert të fushës për të vlerësuar situatë. Rezultatet do të jenë pozitive, por do të vijnë me vonesë.

Venusi do të konfirmojë dëshirën tuaj për të qartësuar ndjenjat. Ata që janë në dilemë mes dy dashurish, duhet të bëjnë zgjedhjen e tyre. Edhe ata që nuk kanë besim te partnerët, duhet t’ia thonë hapur. Zgjedhjet tuaja do të ndikohen pa dyshim nga Venusi dhe Mërkuri që ju vjen në ndihmë gjysmën e dytë të muajit. Atmosfera e festave do të shërbejë për t’u pajtuar, sidomos me disa familjarë që keni pasur probleme të hershme. Është e vërtetë që keni kapërcyer vështirësi të mëdha financiare në familje, por edhe 2022 do të sjellë shpenzime të paparashikuara për fëmijët apo për shtëpinë. Çiftet e konsoliduara nuk duhet të kenë frikë nga Jupiteri që kalon në shenjën tuaj pas datës 29. Ata që i kanë partnerët larg, duket se do të marrin një vendim përfundimtar. Shfrytëzoni festat për t’u afruar.

Në dhjetor do të keni më shumë kurajë, sidomos në datat 22 dhe 26. Do të kapërceni depresionin dhe melankolinë e nëntorit për t’u ndier më energjik dhe me dëshirën për të bërë më shumë gjëra.

PESHORJA: Në dhjetor duhet të përvishni mëngët, pasi yjet pa dyshim janë në favorin tuaj. Marsi ju favorizon pas datës 13 dhe Jupiteri me Saturnin do të luajnë një rol shumë interesant. Dy javët e para të muajit janë më të mirat, sidomos nëse keni ndër mend të bëni një propozim. Takimet e punës lërini pas datës 13 për të shmangur dyshimet që keni. Pas këtyre dy javëve plot punë, duhet t’i kushtoni kohë familjes dhe emocioneve tuaja. Nëse jeni tensionuar disi në ambientin profesional, mos harroni se i keni vetë frerët në dorë, nuk ju detyron askush të duroni. Gjatë kësaj periudhe duhet të tregoheni mendjehapur, që të shikoni ndryshime rrënjësore. Mos u bëni bisht qëllimeve kryesore. Kush nga ju ka si ashendent Peshoren, Ujorin apo Binjakët do të ketë të ardhura më të mëdha.

Yjet nuk do të dhurojnë shumë pasion këtë muaj, por kjo nuk do të thotë se dashuria do të mungojë. Çiftet do të përjetojnë debate, polemika, do të nxjerrin në pah inate të vjetra, por në marrëdhënie nuk ndryshon asgjë. Mos u fshihni pas fjalëve të kota, justifikimeve apo gënjeshtrave. Problemet në çift vijnë pikërisht se një nga ju nuk është treguar i sinqertë. Debatet do të kenë në thelb problemet financiare apo dhe çështje që lidhen me fëmijët. Mos përsëritni disa herë të njëjtat gabime duke u shtirur sikur nuk kuptoni. Qetësia juaj do të vihet në provë në datat 19 dhe 20. Marrëdhëniet në distancë e vuajnë shumë largësinë nga ana psikologjike. Mendoni më shumë për ndjenjat tuaja, për arsyet themelore të ekzistencës suaj. Takime të reja për beqarët, takime që do të lënë gjurmë. Mos hezitoni nga frika se mos gaboni.

Tanimë është e qartë se dy javët e para të dhjetorit do të jenë të çmendura. S’do të gjeni dy minuta qetësi, si në punë, ashtu edhe në familje. Shmangni debatet e kota, që të mos harxhoni energji që ju duhen për të tjera gjëra. Kujdes maksimal gjatë datave 10-12 dhjetor.

AKREPI: Ju është dashur pak kohë të gjeni rrugën e duhur, por duket se tani gjithçka është më e qartë. Jupiteri do t’ju favorizojë shumë pas datës 29. Problemet financiare nuk kanë munguar, por pak e nga pak do ta shikoni të ardhmen me më shumë besim. Gjithçka do të nisë me një lajm të rëndësishëm. Pikësynimet e reja ambicioze tanimë janë objektiva që duhen arritur. Këto dy vitet e fundit gjithçka ka ndryshuar me shpejtësi të madhe. Keni bërë restaurime në shtëpi, shpenzime për fëmijët, pra, jeni përballur më shumë me realitetin dhe tani s’e gënjeni më veten. Dhjetori është muaji i duhur për të blerë pajisje të reja pune nëse jeni profesionistë të pavarur.

Gjatë dhjetorit do të jeni më mirëkuptues ndaj partnerëve. Projektet në çift janë më të realizueshëm. Kush nga ju kërkon një dashuri të re, yjet janë pa dyshim në favorin tuaj. Me partnerin e duhur në krah, jeni duke menduar për një ndryshim radikal jetese, qoftë edhe një shpërngulje të mundur. Jupiteri në fundvit do t’ju bëjë më krijues. Nëse po mendoni për një fëmijë, kjo është periudha e duhur. Çiftet në krizë s’duhet të bllokohen nga histori që tanimë i përkasin së shkuarës. Planeti i fatit po ju dërgon mesazhe të drejtpërdrejta. Pikërisht Jupiteri do t’ju mbrojë edhe në muajt në vazhdim dhe do të keni mundësi të ndreqni gabimet. Mos harroni se keni të drejtë të dashuroni.

Në aspektin fizik dhe psikologjik do të ndiheni më mirë, sidomos gjatë fundit të muajit. Problematike do të jenë datat 8, 9, 15 dhe 22. Përpiquni të kaloni një fundvit të qetë. Terapitë që do të nisni tani do të japin menjëherë rezultate të mira.

SHIGJETARI: Ju këshillojmë që edhe këtë muaj të kërkoni kompromise nëse jeni përballë disa çështjeve ligjore që janë pezull. Gjithçka që keni arritur deri tani, do ta keni të vështirë ta mbani, sidomos pas datës 29. Një marrëveshje apo kontratë duhet rinovuar. Të gjitha problemet profesionale duhen trajtuar me diplomaci duke e kuptuar më mirë realitetin. Dhjetori është muaj i favorshëm për ju, por disi jeni të shqetësuar për një projekt afatgjatë apo për diçka që keni në plan ta realizoni verën e vitit tjetër. Marsi kalon në shenjën tuaj pas datës 13 dhe ju ofron disa alternativa. Mos e mundoni veten me mendime të kota. Kërkoni bashkëpunëtorë dhe kolegë që janë në sintoni me idetë tuaja. Tregoni se keni të drejta më shumë me vepra sesa me fjalë.

Në aspektin sentimental ka mbizotëruar kaosi, ja përse tani duhet t’i qartësoni gjërat. Kush është i martuar dhe ka një familje po kujton problemet e së shkuarës. Dhjetori sjell pasion, ndaj uroj të keni në krah personin e duhur, përndryshe do të shkoni ta kërkoni tjetërkund. Shumë planetë ushtrojnë ndikimin e tyre pas datës 22. Gjeni sensualitetin tuaj, i cili është pika juaj e fortë. Raportet me prindërit kërkojnë përgjegjësi maksimale. Nëse keni çështje ligjore të hapura me ish-partnerët, jepuni fund sa më shpejt. Viti 2022 do të shquhet për një ngadalësim të procedurave të tilla. Në janar do ta ngrini më shumë zërin.

Nuk do të mungojnë energjitë në dhjetor. Jupiteri ndikon shumë pozitivisht pas datës 29 dhe do t’ju mbrojë edhe vitin tjetër. Problemet e vogla shëndetësore do t’i kaloni me sukses. Datat 3 dhe 4 janë të favorizuarat për të gjetur pak atë çlodhjen që ju mungon. Ditët e fundit të vitit do të jenë më energjike dhe argëtuese.

BRICJAPI: Dhjetori do të karakterizohet nga një situatë astrologjie shumë bindëse për projektet e reja profesionale. Mërkuri do të kalojë në shenjën tuaj në datën 13 dhe Urani do ta pasojë në datën 21. Brenda Vitit të Ri do të merrni një lajm të mirë, falë të cilit do të zgjidhni disa nga pasiguritë që keni. Bëni kujdes nga personat që jua çojnë kohën dëm, sepse nuk duhet të harxhoni energji. Në datat 24, 26 do të keni ide të reja dhe intuita do të jetë në kulmin e saj. Muaji do të mbyllet në mënyrë shumë aktive me katër planetë në shenjën tuaj. Ndryshimet që prisnit në fillim të vitit tanimë janë realitet. Bëni çmos që të bini në sy gjatë një gare apo rivaliteti.

Venusi vazhdon me ndikimin e tij të mirë në shenjën tuaj. Do të ndieni nevojë të flisni pa pushim për dashurinë. Edhe pse zakonisht jeni njerëz shumë racionalë, papritur mund të lini kokën për dikë që as nuk e kishit menduar. Raportet me fëmijët do të jenë të shkëlqyera. Ditë të favorshme edhe për martesat. Çiftet në krizë do të gjejnë një zgjidhje që do t’i kënaqë të dyja palët. Yjet do të mbështesin edhe ata që duan të bëhen me fëmijë. Nëse brenda familjes po merreni me një problematikë që lidhet me pronat, bëni mirë ta shtyni për gjysmën e dytë të muajit. Dashuria do t’jua ngrohë zemrat këtë dhjetor.

Në një klimë kaq të mirë, do të rikuperoheni edhe në aspektin fizik. Largojeni mendjen nga ankthi dhe nga pasiguritë që janë shtuar kohët e fundit. Një gjumë i mirë do t’ju ndihmonte shumë. Nisni terapi të ndryshme nëse keni probleme me kockat dhe format e ndryshme reumatizmale.

UJORI: Muaji i fundit do të jetë më i qetë në aspektin profesional. Diçka ka ndryshuar që prej tetorit, ndoshta një projekt i ri apo një eksperiment që po bëni. Situata financiare është e qëndrueshme momentalisht dhe pa dyshim që keni fituar më shumë të ardhura se vitin e kaluar. Marsi nis një kalim të bukur në shenjën tuaj në datën 13, i cili do t’ju japë forca dhe kurajë. Me kujdesin e duhur, rezultatet do të jenë fantastike. Nëse keni një propozim të ri, më mirë prisni gjysmën e dytë të muajit. Do të kapërceni të gjitha problemet ligjore. Urani i largët inkurajon Ujorët që ndryshojnë “binarët” dhe të marrin vendime të mëdha. Qëndroni më pranë natyrës. Shumë prej jush janë në kërkim të një shtëpie larg kaosit dhe zhurmës.

Dashuria juaj është ëndërrimtare, por njëherazi edhe konkrete. Fundviti do të sjellë përballje me ish-partnerët dhe peshorja do të anojë nga ju. Jeni çliruar nga një barrë e madhe dhe ndiheni më mirë vetëm. Ujorët nuk kërkojnë thjesht një të dashur, por edhe një mik. Kërkojnë një raport, në të cilin nuk flitet vetëm për seks, xhelozi, përgjegjësi në çift, por edhe plane për një të ardhme të bukur. Çiftet e konsoliduara apo të martuarit do të kenë disa debate që lidhen me probleme ekonomike, por viti do të mbyllet shumë shpresëdhënës.

Dhjetori do të nisë disi problematik për shkak të Marsit, por pas datës 13, gjërat do të shkojnë më mirë. Pas datës 29 do të nisë edhe një rikuperim fizik, financiar dhe profesional. Pas kësaj date do të ndiheni më të qetë mendërisht, por edhe trupi do t’ju falënderojë.

PESHQIT: Kalimi i Venusit do të jetë pozitiv gjatë gjithë muajit për të lindurit e kësaj shenje. Pas tij, vjen Mërkuri më datën 13, i cili do t’ju ndihmojë me të gjitha problematikat profesionale. Një telefonatë e rëndësishme do të sjellë një projekt të ri. Do t’ju jepet mundësia të hiqni një barrë të madhe që mbanit mbi shpatulla. Nëse dy javët e para të dhjetorit ju këshillojmë të tregoheni të matur me paratë, gjatë gjysmës tjetër do të ndiheni më të lirshëm. Ndiheni ende disi të nervozuar, dhe pikërisht ky nervozizëm do t’ju nxitë të thoni apo bëni gjëra që do të vënë në dyshim rolin tuaj në punë. Kujdes në datat 3, 4, 17 dhe 18, pasi mund të shkatërroni gjithçka në aspektin profesional. Keni përshtypjen se të tjerët nuk ju dëgjojnë, por a është vërtet kështu? Ndonjëherë i bëni filmat në kokën tuaj, lërini gjërat të rrjedhin vetë.

Sigurisht që dashuria do të jetë një pikë referimi gjatë dhjetorit, edhe pse puna ju merr pjesën më të madhe të kohës. Yjet ju japin një sërë zgjidhjesh. Çiftet në krizë do t’i japin fund, ndërsa të vetmuarit do të përpiqen të gjejnë partnerë goxha më të mëdhenj në moshë pasi kërkojë siguri. Marsi mund të ngacmojë paksa xhelozinë në çift dhe mund të sjellë polemika. Shumë çifte po planifikojnë blerjen e një shtëpie të re që prej vitit të shkuar. Mezi prisni të ndërtoni një të ardhme së bashku. Beqarët nga ana tjetër duhet të kenë parasysh se dashuria ndonjëherë nuk duket sheshit, por fshihet te detajet e vogla. Mjaft të keni guximin t’i zbuloni. Yjet favorizojnë të gjithë ata që po mendojnë për martesë.

Bëni kujdes me shëndetin në datat 17 dhe 24, pasi Marsi mund të provokojë disa probleme. Mos flisni vetëm për paratë dhe punën, sepse ndonjëherë vlen më shumë mendja. Sa herë që keni një problem, mendoni vetëm për të dhe asgjë tjetër s’ekziston. Këtë fundvit do të doni t’i kaloni festat në mënyrë sa më intime, larg kaosit.

The post Nga dashuria te lekët, si do e mbyllin vitin 12 shenjat e horoskopit appeared first on Albeu.com.

Luani

Luani do të përjetojë një transformim të fuqishëm në rrugën e vet deri në fund të vitit. Do të përballet me shanse të mëdha profesionale që do t’ju sigurojnë më shumë stabilitet dhe shanse për t’i vënë në praktikë objektivat e tyre.

Do të përfitojë  nga përmirësi i marrëdhënieve dhe zgjidhja e konflikteve që i rëndojnë në zemër. Këta njerëz janë shumë komodë me veten dhe do të hyjnë shumë të sigurt në vitin e Ri.

Akrepi

Akrepët do të marrin lajme të mira këtë fundviti, sidomos në dashuri dhe financa. Ata do të tërheqin pranë vetes partnerë të përgjegjshëm dhe të përkushtuar e do të zgjedhin ata që besojnë se do t’u sjellin bashkëpunimin dhe lumturinë më të madhe. Gjithashtu, do të përjetojnë bollëk, begati pa u shhqetësuar në mëngjes se si do ta shijojnë idtën. Do të ndihen të bekuar dhe do të fillojnë një fazë të re të jetës së tyre me besim dhe gëzim të madh. Koha për të festuar.

Shigjetari

Shigjetarët do të ndihen të bekuar dhe me shumë fat në këtë fund viti. Do të kenë mundësinë të njohin vende dhe njerëz, të ndiejnë një ndryshim pozitiv në jetët e tyre dhe të marrin lajme të mira në jetët e tyre personale dhe profesionale.  Do të përjetojnë momente të bollëkut dhe begatisë duke i investuar në gjithçka që u sjell lumturi. Bëhuni gati Shigjetarë, faza më e bukur e vitit tuaj po vjen dhe kjo do t’ju ndihmojë të hyni shumë mirë në ciklin e ri.

Bricjapi

Bricjapët do të përjetojnë ndryshime të mëdha pozitive deri në fund të vitit. Ata do të kenë fatin që të shpërblehen, gjë që do t’u hapë dyert dhe në vendet më pak të mundshme dhe do të realizojnë disa nga ëndrrat e tyre më të mëdha këtë vit. Edhe pse pak vonë, këta persona do të kenë ditë shumë pozitive të cilat do t’i hapin rrugën një viti të ri me suksese, paqe dhe gëzim. Gjëra të mëdha do t’i presin rrugës…

The post Shenjat e horoskopit që do ta përjetojnë më bukur periudhën e fundvitit appeared first on Albeu.com.