Duke mbajtur një fjalim kryesor në Konferencën Japoni-Ukrainë për Promovimin e Rritjes dhe Rindërtimit Ekonomik, Kishida përshkroi një vizion të bashkëpunimit të qëndrueshëm midis sektorëve publikë dhe privatë japonezë, të mbështetur nga parimet e përfshirjes, humanitarizmit dhe shkëmbimit teknologjik.

Kryeministri, Denys Shmyhal i Ukrainës, në krye të një delegacioni prej mbi 100 individësh, shprehu mirënjohjen ndaj Kishidës, duke e treguar këtë ngjarje si një fillim të ri në bashkëpunimin dypalësh.

Kishida nënvizoi domosdoshmërinë e investimeve të larmishme në industri të ndryshme për të lehtësuar zhvillimin e Ukrainës sipas kërkesave të saj specifike.

Mbi 50 marrëveshje u bënë midis organeve dhe ndërmarrjeve qeveritare japoneze dhe ukrainase, duke sinjalizuar një angazhim për bashkëpunim të ndërsjellë.

Për më tepër, Kishida njoftoi krijimin e një zyre të re tregtare qeveritare në Kiev, kryeqyteti i Ukrainës.

The post Japonia premton mbështetje për Ukrainën appeared first on Albeu.com.

Koreja e Veriut lëshoi dy raketa balistike me rreze të shkurtër drejt detit, njoftoi ushtria e Koresë së Jugut të martën. Ky është hapi më i fundit në një valë provash, që duket se po bëhen në përgjigje të dërgimit nga Shtetet e Bashkuara të mjeteve të rëndësishme detare në Korenë e Jugut.

“Koreja e Veriut ka lëshuar në mënyrë të përsëritur raketa balistike, të cilat rrezikojnë paqen dhe stabilitetin, jo vetëm të Japonisë, por edhe të rajonit dhe të komunitetit ndërkombëtar dhe kjo është krejtësisht e papranueshme”, tha Kryeministri japonez Fumio Kishida.

Ai shtoi se provat me raketa shkelin një sërë rezolutash të Këshillit të Sigurimit të OKB-së.

Shtabi i përgjithshëm i Koresë së Jugut tha se raketat u nisën pak përpara mesnatës së të hënës nga një zonë pranë kryeqytetit koreanoverior Phenian.

Të dyja raketat përshkuan një trajektore prej rreth 400 kilometrash përpara se të binin në det, pranë bregut lindor të Gadishullit Korean.

Gjatë ditëve të fundit, dy nëndetëse amerikane kanë mbërritur në Korenë e Jugut, njëra prej tyre me raketa me mbushje bërthamore, në kuadrin e përpjekjeve për të rritur praninë e mjeteve strategjike ushtarake të Shteteve të Bashkuara në rajon. Arritja e nëndetëseve përkon edhe me nisjen e bisedimeve mes Shteteve të Bashkuara dhe Koresë së Jugut për të koordinuar reagimet në rastin e një lufte bërthamore me Korenë e Veriut.

The post Kryeministri japonez dënon provat më të fundit të raketave nga Koreja e Veriut appeared first on Albeu.com.

Kishida u pa duke hipur në një tren nga Polonia në Kiev.

Associated Press raporton se udhëtimi i papritur i Kisindës në Ukrainë vjen disa orë pasi ai u takua me kryeministrin indian Narendra Modi në Nju Delhi.

Kishida, është i vetmi udhëheqës i G-7 që nuk e ka vizituar Ukrainën.

Ai do të shprehë mbështetjen për Ukrainën dhe do të tregojë “respektin e tij për guximin dhe këmbënguljen e popullit ukrainas që ngrihet për të mbrojtur atdheun e tij”, tha ministria e jashtme.

Në bisedime, Kishida do të shprehë “refuzimin e tij absolut të ndryshimit të njëanshëm të status quo-së të Rusisë përmes pushtimit dhe dhunës dhe do të riafirmojë angazhimin e tij për të mbrojtur rendin ndërkombëtar të bazuar në rregulla”, thuhet në deklaratën e ministrisë.

Vizita e befasishme e kryeministrit mund të shihet si një ofensivë diplomatike ndaj rivalit të vjetër, presidentit kinez Xi Jinping, i cili mbërriti dje në Moskë./Albeu.com/

The post Xi-Jinping në Moskë, por kryeministri japonez vizitë surprizë në Kiev, do të takohet me Zelenskyn appeared first on Albeu.com.

Vizita e Ramës në Japoni vjen në kuadër të 42- vjetorit të marrëdhënieve diplomatike me Japoninë.

Kreu i qeverisë bëri me dije se është firmosur një marrëveshje për ngritjen e dhomës së tregtisë mes Shqipërisë dhe Japonisë.

Gjithashtu bëri me dije se  shumë shpejt, Japonia do jetë edhe më aktive në marrëdhëniet diplomatike të Ballkanit Perëndimor, rajonit dhe vendit tonë.

Rama tha se Japonia do të dërgojë një ambasador përgjegjës për rajonin, e kështu pavarësisht dallimeve nga aspekti i pozitës gjeografike, Japonia do mund të bashkëpunojë krah për krah përballë krizave të pa pritura.

Rama: Japonia është një vend që ne e respektojmë dhe e adhurojmë. Shpresoj që edhe ju kryeministër të vizitoni Shqipërinë dhe rajonin së shpejti. Është lajm i bukur  që Japonia do të dërgojë një ambasador përgjegjës për Ballkanin. Kështu, Japonia të jetë më e pranishme në vendin tonë. Ne jemi së bashku në Këshillin e Sigurimit dhe kemi bashkuar forcat për të ndihmuar Ukrainën. Ajo që po bën Moska është një shkelje e papranueshme të së drejtës ndërkombëtare të Rusisë. Vërtetë jemi larg gjeografikisht jemi të ndryshëm, por në një botë që është e përfshirë nga krizat e papritura, unë mendoj se ajo që na bashkon janë vlerat. Duke shpresuar se së shpejti që qeveria japoneze do të bëjë të mundur që shqiptarët të udhëtojnë pa viza, ne presim me padurim që ky bashkëpunim të bëhet.

Nga ana tjetër, kryeministri japonez, Fumio Kishida tha se mes dy vendeve janë vlerësuar bashkëpunimet në disa fusha, duke nisur nga importi i tonit nga Shqipëria dhe ngritja e një dhome tregtie Shqipëri-Japoni.

Kishida: Në fushën ekonomike bëmë një vlerësim të situatës të marrëdhënieve ndërmjet dy vendeve duke përfshirë importin e tonit nga Shqipëria në Japoni, gjithashtu ngritjen e dhomës së tregtisë Shqipëri-Japoni.  Shpresojmë që të kemi një nxitje të eksporteve nga Shqipëria dhe investimeve nga Japonia. Ne synojmë të përjetësojmë nisma për t;u mbësht. Do caktojmë një ambasador përgjegjës për Ballkanin Perëndimor. Pas kësaj konference gjatë darkës do diskutojmë për marrëdhëniet mes dy vendeve. Mjedisin e vështirë të sigurisë në Paqësor dhe rajon. Synoj t’i shpjegoj kryeministrit strategjinë e sigurisë të miratuar.

/Albeu.com/

The post Rama konferencë me homologun japonez: Shumë shpejt Japonia do dërgojë ambasador të posaçëm në rajon appeared first on Albeu.com.

Japonia tashmë i kishte dhënë Ukrainës rreth 600 milionë dollarë, si dhe ndihmë emergjente humanitare me vlerë qindra milionë dollarë, sipas zyrës së kryeministrit.

“Ka ende nevojë për të ndihmuar njerëzit, mjetet e jetesës së të cilëve janë shkatërruar nga lufta, dhe për të rivendosur infrastrukturën e shkatërruar”, tha Kishida.

Ai gjithashtu njoftoi se Japonia do të presë një video-konferencë të liderëve të G7 me Zelensky të premten, ditën e përvjetorit të pushtimit. /albeu.com

The post Japonia premton 5.5 miliardë dollarë ndihmë shtesë për Ukrainën appeared first on Albeu.com.