Elona rrëfeu se ka ardhur nga një fshat dhe se nuk ka asnjë turp të tregojë për jetën aty, ku ka pasur edhe bagëti. “Nëse nuk ke bagëti në fshat, s’e di pse je në fshat,” tha ajo me krenari.

Është shumë e rëndësishme të tregojmë kulturën tonë ashtu si e kemi.
Unë shpesh tregoj ushqimet më të thjeshta në rrjete sociale, përpara një jave kam postuar byrek. Tani s’mundemi ne të bëhemi diçka që nuk jemi. E kam shumë të rëndësishme nëse shkoj në fshat. Unë vi prej një fshati, jam rritur në fshat dhe nuk e kam turp fare të tregoj që kemi patur dhe bagëti. Kjo është gjëja më normale, biles nëse s’ke bagëti në fshat, s’e di pse je në fshat. Këtë e kam shumë të rëndësishme dhe të tregoj që s’duhet të jesh gjithmonë “fancy”. Puna tani më ka bërë që të udhëtoj dhe të shkoj në vende të ndryshme, por duhet të mbash vendin dhe të jesh krenare prej nga vjen dhe mos të kesh turp ta tregosh.

The post Elona Ndrecaj: Krenaria për fshatin dhe thjeshtësia e jetës janë thelbësore appeared first on Albeu.com.

Qytetet kanë paga më të larta, nivele të arsimit të lartë dhe norma më të ulëta të papunësisë.

Megjithatë, kjo nuk nënkuptonte asgjë në kuptimin e gëzimit: njerëzit që jetonin në fshat ishin, mesatarisht, tetë herë më të lumtur sesa njerëzit në zonat urbane, zbuloi studimi.

Studiuesit thanë se gjetën zanafillën e rëndësisë së pamohueshme të komuniteteve të forta mbi izolimin social.

The post Jetesa në fshat ndikon pozitivisht në shëndetin mendor! appeared first on Albeu.com.

“Liqeni është i ndotur nga ujërat e zeza. Kur kemi qenë të vegjël laheshim në liqen tani s’lahemi dot”, tha një i moshuar.

“Ka qenë Rama para tre vitesh dhe i kam thënë: z.Kryeministër ujërat e zeza të Linit derdhen në liqen. Del nevoja përsipër, lahen hajvanët në liqen! Më tha do vendosim kolektorë. Asgjë nuk bëri! Fjalën e mirë, gurin në torbë”, tha një banor.

“Unë kam gropë septike ne shtëpi, por ka të tjere që i derdhin në liqen, prandaj kërkojmë të bëhen kanalizimet në gjithe fshatin se janë 120 familje këtu. A ka më turp, ja si është ky vend si Venecia”, tha një banore.

“A ka më turp, ujërat e zeza në liqen?! Ne’kemi ç’bëjmë se nuk kemi mundësi ekonomike t’i rregullojmë vetë. I bëjmë thirrje shtetit të vërë dorë, mos t’i mbyllë në bodrum ankesat e popullit”, tha një grua e moshuar.

Gafur Avdullari kryeplaku i fshatit Lin e përshkruan gjendjen “katastrofike”, teksa tregon dhe impaktin negativ tek turistët e huaj.

“Turistët janë të kënaqur me natyrën dhe mikpritjen, por kur dalin në liqen lebetiten”, tha Gafur Avdullari.

Projekti për shtrirjen e kanalizimeve është shtyre tre herë, teksa kanë marre premtimin e rradhës se punimet do fillojnë në shtator.

“Kryeministri premtoi se do të bëhen kanalizimet, por ende nuk janë bërë. Është shtyrë tre here projekti, tani na kanë dhënë se ndoshta nis puna në shtator. Po presim!”, shton kryeplaku i Linit.

Edhe zyrtarët e Bashkisë së Pogradecit jashtë kameras thanë per Report TV se investimi për kanalizimet e banesave pritet të kryhet brenda vjeshtës së këtij viti. Ndërsa hotelet dhe bujtinat në bazë të vendimit të qeverisë duhet të kryejnë investime për impiantet e përpunimit të ujrave të zeza me buxhetet e tyre. Në total në gjithë bashkinë e Pogradecit janë 120 subjekte që ushtrojnë aktivitetin në fushën e turizmit.

The post Pogradec, ujërat e zeza të Linit derdhen në liqenin e Ohrit! Banorët: Rama s’mbajti premtimin për kanalizimet appeared first on Albeu.com.

‘Shërbimet e Drejtorisë Vendore të Policisë Shkodër dhe ato të Komisariateve në varësi, në vijm të kontrolleve në terren, duke përdorur dhe dronë të cilësisë së lartë, bazuar dhe në inteligjencën  policore, evidentuan dhe goditën 2 raste të tjera të kultivimit të bimëve narkotike, konkretisht:

Shërbimet e Komisariatit të Policisë Shkodër gjatë kontrollit në territorin e fshatit Bardhaj, evidentuan 1876 bimë të dyshuara narkotike cannabis sativa të mbjella në tokë, të cilat u asgjesuan me anë të djegies. Në vijim të veprimeve u referuan materialet në Prokurori ku nisi procedimi penal për kryetarin e fshatit Bardhaj, shtetasin A. F., 39 vjeç, për veprën penale “Shpërdorimi i detyrës”.

Ndërsa shërbimet e Komisariatit të Policisë Vaut i Dejës, gjatë kontrollit në territorin e fshatit Vasijaj, bashkia Vau i Dejës, evidentuan 91 bimë të dyshuara narkotike cannabis sativa të mbjella në tokë, të cilat u asgjesuan me anë të djegies.

Vijojnë veprimet hetimore për identifikimin e autorëve të kultivimit të bimëve narkotike dhe nxjerrjen e tyre përpara përgjegjësisë penale.

Ndërkohë, specialistët e Seksionit për Hetimin e Narkotikëve të DVP Shkodër, në vijim të megaoperacionit “Territor i pastër” ndaluan shtetasin e shpallur në kërkim B. M., 37 vjeç. Gjithashtu, pas konsultimit me prokurorin, proceduan në gjendje të lirë vëllanë e tij, shtetasin N. M., 42 vjeç.

Këta shtetas ishin shpallur në kërkim  në kuadër të fazës së parë të megaoperacionit “Territor i pastër”, si rezultat i të cilit, u goditën 11 raste të kultivimit të bimëve narkotike, u asgjësuan 19 300 fidanë cannabisi, si dhe u sekuestruan 97 kg cannabisi (në trajtë çokollate dhe boçeje), 2160 fara cannabisi dhe municion luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.’- njofton policia.

The post Asgjesohen rreth 2000 bimë narkotike në Shkodër, në hetim kryeplaku i fshatit Bardhaj appeared first on Albeu.com.

Banori vendas Kham-u, 62 vjeç, thotë se vendasit kanë lënë mënjanë mënyrën e vjetër të të jetuarit dhe se zakonet moderne po prishin traditën, duke fajësuar për këtë vdekjet e të rinjve nga sëmundje që nuk kanë qenë kurrë fatale më parë. Tashmë sipas rregullave të reja fshatarët nuk mund të sjellin trupa të vdekurish në fshat dhe nuk mund të vrasin kafshë me katër këmbë në territorin e Ban Khop Klang Nuea.

Rezidentët kanë caktuar gjithashtu data të sakta se kur mund të sillen në fshat orizi, barërat, druri i zjarrit, dheu e gurët, shkruan rrjeti Thaiger. Qymyri ndalohet të fytet në shtepi të caktuara të fshatit, ndërsa banorët kanë caktuar kohë të veçanta për djegien e drurit që kthejnë në qymyr. Ata kanë hartuar gjithashtu mënyra të caktuara për transportimin e mishit, duke ndaluar varjen e këmbëve të lopëve. Megjithëse rregullat duken të pazakonta, Kham-u thotë se ato kanë ndaluar vdekjet e sëmundjet e papritura duke ndaluar afrimin e shpirtrave të këqij.

Për këta të fundit kryhet një ritual me simbole e objekte të vendosura në hyrje të fshatit. I vjetri i fshatit Pattama Prathumwan, thotë se ata që shkelin rregullat gjobiten 500 bat ($12) dhe paralajmërojnë të tjerët të tregojnë respekt ndaj rregullave edhe pse janë të pazakonta.

The post Fshati cakton rregulla të pazakonta për të mbajtur larg ‘shpirtrat e ligë’ pas vdekjeve misterioze appeared first on Albeu.com.

E themeluar në vitin 1990 si një vend i shenjtë për gratë që i shpëtojnë dhunës, Umoja është shtëpia e femrave të të gjitha moshave. Burrave u ndalohet hyrja për të krijuar një hapësirë ​​të sigurt për vajzat dhe gratë që i kanë mbijetuar dhunës, abuzimit seksual, gjymtimit gjenital femëror ose që janë dëbuar nga familjet e tyre. Ky fshat ka strehuar rreth 50 familje të përbëra nga gra dhe fëmijët e tyre, duke i edukuar mbi të drejtat e grave dhe dhunën me bazë gjinore. Çdo fëmijë i gjinisë mashkullore lejohet të jetojë në fshat derisa të mbushë 18 vjeç.

Fotografi ganez, Paul Ninson, mësoi për gratë nga një postim në internet dhe vendosi të shkonte në Kenia për të fotografuar këtë fshat. Megjithatë, nuk ishte aspak e lehtë që të hynte brenda në fshat. Ai thotë se pas shumë përpjekjeve u mirëprit nga gratë vetëm pasi shpjegoi qëllimin e vizitës së tij.

Mënyra e jetesës në këtë fshat është modeste. Gratë punojnë për të siguruar të ardhura për ushqim dhe arsimimin e fëmijëve. Turistët që dëshirojnë të vizitojnë këtë vend paguajnë një tarifë të vogël hyrjeje dhe mund të blejnë stoli dhe vepra artizanale të punuara nga gratë.

“Fshati pa burra”

“Fshati pa burra” është një koleksion fotografish të realizuara nga Ninson, i cili tha se synon që përmes këtyre imazhe të rrisë ndërgjegjësimin për çështje sociale, mjedisore ose politike. Ai vendosi të udhëtojë gjithashtu në vende të tjera afrikane për të ndarë histori të panjohura të këtij kontinenti.

Gjatë gjithë eksperiencës së tij profesionale, Ninson ka grumbulluar libra me foto të shkrepura nga dhe për afrikanët. Mblodhi aq shumë materiale saqë me ndihmën e organizatave të ndryshme arriti të hapë një qendër në kryeqytetin e Ganës, Akra. Sot, ajo qendër përfaqëson bibliotekën më të madhe të fotografisë në Afrikë dhe një hapësirë edukimi vizual. Mes shumë albumesh, padyshim një nga më interesantet dhe më të dashurat për artistin është ajo e fshatit të grave.

The post Në këtë fshat burrave nuk u lejohet hyrja appeared first on Albeu.com.

Dyshja tashmë kanë konfirmuar ribashkimin e tyre dhe tashmë duket se janë më të lumtur se kurrë përkrah njëri-tjetrit.

Ata po e shijojnë marrëdhënien e tyre në maksimum kjo duket dhe në video-t që hedhin në rrjetet sociale.

Së fundmi aktori i humorit ka publikuar një video ku tregon se si po e shijon fundjavën me partneren e tij, e cila shfaqet në një lëndinë me bar.

Por jo vetëm kaq pasi Donaldi e ka quajtur atë “ Gocë fshati, ja si do të duket po të jetonte në fshat. Një vajzë punëtore që jeton në fshat. Jo po televizioni jo po karriera. Respekte për gjithë vajzat nga fshati”!

The post Donald Veshaj kalon fundjavën me Borën rrëzë malit: Ja si do të dukej vajza e televizionit po të jetonte në fshat appeared first on Albeu.com.

“Së pari do të më lejoni të përmend disa të dhëna nga zona sepse është vërtet e jashtëzakonshme puna juaj dhe të dhënat e kësaj zone për të cilën askush përveç jush dhe nesh nuk di gjë. Po të pyesësh njerëz që nuk jetojnë këtu, me siguri do të thonë se në Bulqizë ka vetëm ca skllevër që mbledhin krom nëpër kodra. Sepse ky është realiteti i tv, dhe fatkeqësisht gjithmonë e më shumë tv po bëhet vendi ku shpërndahen sajesa, manipulim dhe helm. Në këtë zonë ne kemi 1144 hektarë të mbjellë me drithë, 136 me perime, 160 hektarë me patate, 34 hektarë me fasule etj. Këto janë për të thënë se faktet e Shqipërisë në fshat janë komplet ndryshe nga çfarë njerëzit nuk e jetojnë fshatin përditë dinë. Për fat të keq, gjithë ajo që thuhet për fshatin, që është zhytur në mjerim, nuk inkurajon më të rinjtë të merren me punët në fshat. Megjithatë, kjo është koha ku jetojmë prandaj është e rëndësishme të mos keqinformohen. Kjo është dhe bërje politike, ku nuk pushojnë se gënjyeri, sharje dhe akuza që vetëm na largojnë nga tradita shqiptare, doke e zakone që duhet t’i respektojë.

Së pari besoj se kryetari i bashkisë duhet të përgëzohet për fatin se është ndër të paktët kryetarë bashkie që ka kuptuar se jo vetëm me reformën territoriale bashkia nuk është vetëm qyteti, por i gjithë territori, por edhe se bashkia nuk është një autoritet që merret vetëm me rrugë e ujësjellës, por akoma me thellë për prodhim dhe shitje të produkteve bujqësore.

Foli dikush për stallat. Është e gjitha në dorën tuaj dhe të bashkisë, Gjithë këto prodhime që dalin këtu mund të sjellin më shumë të ardhura nëse fillojmë të bëjmë agropërpunim. Nëse ato produkte që pamë në treg, fillojnë dhe përpunohen me cilësi në pika agropuërpunimi. Nëse bletarësh bashkohen dhe bëhet një projekt, grumbullim, përpunim dhe ambalazhim të majtit, dhe kanë një produkt autokton me vlera ushqimore, atëherë këtë produkt mund ta shesin shumë më mirë duke ëbrë kontrata me blerës që marrin në masë. Dhe, kryetari i bashkisë së bashku me këtë grup bletarësh bëjnë një projekt për të nxjerrë një produkt autokton. Projekti nxjerr dhe sa duhet për ta financuar. Një lek e vendos blegtori, 5 lekë bashkia dhe më pas i drejtohen fondit të garancisë sovrane që ka krijuar qeveria. Kështu ndërtohet një industri e lehtë ushqimore, tha Rama.

The post Rama në Bulqizë: Ajo që thuhet për fshatin për motive politike, nuk inkurajon të rinjtë të investojnë aty appeared first on Albeu.com.

Lajmi u njoftua nga Policia Kombëtare e Ukrainës.

“Një dhomë tjetër torturash e pushtuesve rusë. Pas deokupimit, policët tanë po dokumentojnë këtu krimet e luftës të ushtrisë së ‘çlirimtarëve’. Kur ushtarakët rusë hynë në fshat, ata i detyruan banorët të largoheshin nga shtëpitë e tyre dhe u vendosën vetë atje. “, thuhet në raport

Në dhomën e zbuluar të torturës, pushtuesit i mbanin banorët vendas në kushte çnjerëzore. Njerëzit u frikësuan, u rrahën dhe u keqtrajtuan.

“Okupatorët rusë lanë pas shtëpi të plaçkitura dhe papastërti. Për më tepër, në shtëpitë ku ata jetonin, kishte ‘tela’ në dyer”, shtoi policia.

Në fund të shtatorit, një dhomë torture e ngritur nga pushtuesit rusë u zbulua në Vovchansk të çliruar të rajonit Kharkiv.

The post Një tjetër dhomë torture zbulohet në fshatin Pisky-Radkivski, rajoni i Kharkiv appeared first on Albeu.com.

“Më 20 shtator, prokurorët e Prokurorisë së Qarkut Derhachivsky në rajonin e Kharkiv inspektuan dy lokalet e bodrumit në fshatin Kozacha Lopan, ku ushtria ruse kishte torturuar civilë gjatë okupimit”, thuhet në deklaratë.

Pushtuesit ngritën dhoma torturash në bodrumet e stacionit hekurudhor dhe një dyqan lokal. Ushtria ruse do t’i ndalonte me forcë njerëzit, do t’i nënshtronte torturave, dhunës fizike dhe psikologjike.

Aktualisht, po punohet për të identifikuar të gjitha viktimat e forcave pushtuese ruse. Zbatuesit e ligjit po mbledhin prova për të vënë fajtorët para përgjegjësisë.

Procedura penale është nisur edhe për faktet e bashkëpunimit me armikun nga individë të caktuar (Pjesa 7 e nenit 111-1 të Kodit Penal të Ukrainës).

Më 17 shtator, prokurorët kishin inspektuar vende të tjera që besohej se ishin përdorur nga ushtria ruse si dhoma torture.

The post Zbulohen dy dhoma të tjera torture në fshatin Kozacha Lopan appeared first on Albeu.com.