Arjeta Fezja nga Lëvizja Vetvendosje ka kritikuar gjashtë deputetët e LDK-së që dolën kundër kandidaturës së Bekim Sejdiut për postin e presidentit, duke i lidhur politikisht me PDK-në.

Avdullah Hoti, Hykmete Bajrami, Arben Gashi, Janina Ymeri, Armend Zemaj dhe Kujtim Shala nuk e përkrahën marrëveshjen e Abdixhikut me VV-në, edhe pse ajo kishte marrë mbështetjen e Kryesisë së LDK-së.

Ky pozicionim është parë nga Lëvizja Vetvendosje si një qëndrim në favor të PDK-së. Deputetja Arjeta Fejza ka sjellë në vëmendje edhe faktin se disa nga këta deputetë kishin votuar më herët për Hashim Thaçin.

“Deputetët sabotues të LDK-së kanë qëndruar për ta votuar një kandidat politik të PDK-së, siç ka qenë Hashim Thaçi.

Të njëjtit sot po refuzojnë ta votojnë një kandidat apolitik, siç është Bekim Sejdiu.

Kjo mund të quhet frymë Thaçiane ose PDK-iane, por assesi rugoviane!”, ka deklaruar ajo përmes një postimi në Facebook.

The post Frymë Thaçiane” – deputetja e VV-së akuzon gjashtë ligjvënës të LDK-së për afërsi me PDK-në appeared first on Albeu.com.