Konsumatorët e kanë hequr nga lsita e blerjeve, nga frika se janë të pakontrolluara.

Për të shuar këtë ndjenjësi pasigurie, Ministria e Bujqësisë doli në një reagim publik, por duket se nuk ka pasur sukses.

Deklaratat e ministrisë së bujqësisë se në treg nuk ka mandarina me pesticide, nuk ka dhënë efekt në tregje.

Në këto ditë të fundit të vitit, shitjet duket se janë në ulje.

Në ish-uzinën Dinamo, konstatohet se ka hezitim për të blerë këtë frut.

Megjithatë, blereje ka më shumë për mollë dhe portokaj.

Sa i takon arrës një ndër përbërësit kryesor të ëmbëlsirave që përgatiten gjatë fundvitit, këtë vit vjen nga importi.

Megjithatë nuk ka shumë ndryshme në cmime.

Qytetarët bëjnë pazare në bazë të buxhetit.

Ndonëse fundviti zakonisht sjell rritje të kërkesës për produkte në treg, tregtarët këtë vit e përshkruajnë situatën si të vakët, duke e krahasuar atë si me një ditë të zakonshme vere.

The post Mandarina nuk po blihet/ Konsumatorët frikë nga pesticidet, apeli i Ministrisë nuk ndikoi appeared first on Albeu.com.

Hoxha tha se Berisha nuk po flet për këtë çështje, ndryshe nga sa bëri me “Metamorfoza 1”, për shkak se i druhet një goditje të drejtësisë ndaj një personi shumë pranë tij.

Hoxha përmendi gjithashtu një kullë dhjetëra milionë euro, e cila po ndërtohet tek zona e njohur si ish Ekspozita, ku sipas gazetarit po investohen paratë e narkotrafikut.

“Nëpërmjet personazheve është kërkuar mbështetje politike në fushatë elektorale. Është rastësi apo e qëllimshme? Nëse në grupin e parë që u kap, Berisha fliste çdo ditë, këtë rradhë, goditja është nga këta që kanë mbështetur fushatën e opozitës.

Vijmë te paratë. Është skemë interesante. Janë personazhe që kanë shfrytëzuar të gjithë rrugët, nga paratë kesh, por edhe nëpërmjet bankave. Nëse e ke vënë re, Berisha flet çdo ditë për operacionin e parë të SPAK-ut për çështjen Metamorfoza, por nuk përmend këtë të dytin. Nuk e ka përdorur as pro dhe as kundër.

Ai ka nuhatur që ky operacion mund të godasë njerëz shumë të afërt të tij.

Lidhet me investimet nga paratë e narkotrafikut në një kompleks shumë luksoz, që shkon te 75 milionë euro. Aty diskutohen… Është kullë me arkitekturë shumë interesante, nga ato me pemë si në Milano, arkitekturë futuriste…. Ka patur problem në fillim për zbatuesit, por pallati është në karabina. Bëhet fjalë në krahun e djathtë të rrjedhës së Lanës, te ish ekspozita. Berisha nuk po e përdor politikisht këtë histori.

SPAK ka ndarë informacionet me territore dhe po operon, duke përzgjedhur fillimisht këta që kanë patur edhe krime më të rënda se trafiku, pra edhe vrasje”, tha Hoxha.

The post Hoxha zbulon “frikën” e Berishës për kullat te ish-Ekspozita: Nuk flet, se e kishte nuhatur që do kishte goditje pranë tij appeared first on Albeu.com.

Pra, përmes ngjyrës suaj të preferuar, e cila tregon pikat tuaja të forta dhe të dobëta, ju mund të zbuloni edhe frikën tuaj të fshehur.

Lexoni se çfarë tregon secila më poshtë:

E zeza – Keni frikë se nuk do t’i arrini qëllimet tuaja

Nëse e zgjidhni shpesh ngjyrën e zezë, keni plane të mëdha për të ardhmen dhe frika juaj më e madhe është se mund të mos i realizoni ato. Edhe nëse dukeni si një person shumë i sigurt, ju e humbni lehtësisht durimin kur një nga qëllimet tuaja devijon nga rruga e tij.

Blu – Keni frikë nga mungesa e qetësisë

Nëse jeni një nga ata persona që ju pëlqen ngjyra blu, është fakt që jeni shumë i bazuar dhe i qetë. Çfarëdo që të ndodhë me ju, ju besoni se rrota do të rrotullohet, sepse e dini që edhe diçka e keqe ndodh për një arsye. Ju jeni një person tepër i ekuilibruar dhe rrallë shkoni në ekstreme, duke u shqetësuar vetëm kur qetësia juaj prishet.

Kafeja – Keni frikë nga e papritura

Nëse ju pëlqen kafeja, kërkoni stabilitet. Ju pëlqen të planifikoni çdo detaj të ditës tuaj dhe nëse diçka nuk shkon sipas planit tuaj, ju kap paniku. Arsyeja është se ju jeni një nga ata njerëz që përpiqen të krijojnë një rend të rreptë dhe të parashikueshëm në jetën e tyre.

E gjelbër – Nuk dëshironi që të tjerët t’ju shqetësojnë me problemet e tyre

Nëse preferenca juaj e ngjyrës është jeshile, ju jeni padyshim një tip artistik dhe i pëlqyer lehtësisht nga të tjerët. Por çështja është se keni frikë se mos të tjerët do t’ju ngarkojnë me problemet e tyre. Megjithatë, ju tërheqni lehtësisht vëmendjen dhe nuk mbani mëri për një kohë të gjatë.

Gri – Keni frikë nga konfliktet

Nëse jeni një nga ata që zgjidhni ngjyrën gri si ngjyrën tuaj të preferuar, jeni shumë të pavendosur dhe ende përpiqeni ta kuptoni vetë. Keni frikë nga konfliktet dhe polemikat, ndaj përpiqeni t’i shmangni ato me çdo kusht, madje shpesh herë duke u përpjekur të bëni veten të padukshëm. Kujdes, sepse mund të ndikoheni lehtësisht edhe nga fjala më e vogël.

Portokallia – Keni frikë se nuk mund të merrni kontrollin e jetës suaj

Ngjyra portokalli zgjidhet nga njerëz që janë përgjithësisht impulsivë dhe miqësorë. Frika juaj më e madhe është se ju thjesht do të shkoni me rrjedhën dhe nuk do të jeni në gjendje të merrni kontrollin e jetës suaj. Por është fakt që ju vetë nuk përpiqeni të ndryshoni asgjë apo askënd, pasi i pranoni pikërisht ashtu siç janë.

Rozë – Ju shqetësoheni sa herë që ëndrrat tuaja nuk realizohen

Roza është një nga ngjyrat e preferuara mes njerëzve të dashur dhe të butë. Nëse është një nga ngjyrat tuaja të preferuara, kjo tregon se frika juaj më e madhe është shqetësimi që ndjeni sa herë që një ëndërr apo një dëshirë e juaja e kahershme nuk ka zhvillimin që dëshironi. Ju dëshironi dëshpërimisht të arrini gjithçka që keni vendosur.

Vjollca – Ju shqetësoheni sa herë që dikush nuk pajtohet me ju

Ju jeni një nga ata tipa njerëzish që jeni intelektualë dhe shpesh keni një karrierë të lakmueshme. Si një “mik” i vjollcës, megjithatë, ju shqetësoheni jashtëzakonisht shumë sa herë që dikush kundërshton pikëpamjet tuaja. Ju ndesheni si një person shumë miqësor edhe në një debat, por në realitet jeni mjaft të shqetësuar.

E kuqe – Keni frikë nga mungesa e vëmendjes

E kuqja është ngjyra e fuqisë dhe suksesit. Nëse është zgjedhja juaj, zakonisht jeni shumë ambicioz dhe përpiqeni për një vend në krye. Megjithatë, frika juaj më e madhe nuk është dështimi, por mungesa e vëmendjes. Do të kënaqeni kur të tjerët ju admirojnë për arritjet tuaja dhe do të ndiheni vërtet të realizuar kur dikush u kushton vëmendje atyre.

E bardha – Keni frikë nga kritika

Nëse jeni një nga ata që ju pëlqen ngjyra e bardhë, keni një nevojë të fortë për t’u shprehur. Megjithatë, edhe ju e keni të vështirë të pranoni mendimet e të tjerëve dhe keni frikë nga kritikat e tyre. Prakticiteti shpesh mungon në idetë tuaja dhe kjo vërehet lehtësisht nga të gjithë të tjerët, përveç vetes.

E verdha – Keni frikë se nuk e keni nën kontroll jetën tuaj

Nëse ju pëlqen e verdha, jeni tepër optimistë dhe definitivisht nuk e merrni shumë seriozisht gjithçka që ju ndodh. Përkundër kësaj, frika juaj më e madhe dhe më e thellë nuk është të kontrolloni jetën tuaj, por të jeni plotësisht në mëshirë të ngjarjeve dhe situatave.

The post Ngjyra juaj e preferuar fsheh frikën tuaj më të madhe appeared first on Albeu.com.

Megjithëse termi psikologjik është ky, në të vërtetë, klaustrofobia është e ndryshme, në varësi të rastit dhe të njeriut dhe, nëse vërtet kërkon të shpëtosh prej saj, nevojitet një analizë e thelluar psikologjike…

Simptomat e klaustrofobisë, veç të tjerash, mund të rëndohen edhe në praninë e publikut. Kur një klaustrofobik është i detyruar të përjetojë në publik një situatë të vështirë apo sikletosëse, ndjenjat e turpit dhe të sikletit do t’i zgjojnë atij ndjesinë e parehatisë.

Kurat për klaustrofobinë

Duhet thënë edhe se nuk është gjithmonë e nevojshme të eliminojmë plotësisht frikën nga vendet e mbyllura. Mjafton që pacienti të mësojë të bashkëjetojë me problemin e tij.

Klaustrofobia trajtohet me psikoterapi, me teknikat e relaksimit, me terapi kognitive të sjelljes, në disa raste, me ilaçe (siç janë për shembull, antidepresivët dhe anksiolitikët)./albeu.com

The post Frika për të qëndruar vetëm dhe i mbyllur, si mund të kurohet klaustrofobia appeared first on Albeu.com.

Në një ngjarje për të shënuar 1160-vjetorin e shtetësisë së Rusisë, ai tha se vendi nuk do të humbasë sovranitetin e tij dhe nuk do t’i dorëzohet “shantazhit dhe frikës”.

Zyrtarët perëndimorë ka të ngjarë të argumentojnë se ata nuk e kanë kërcënuar sovranitetin e Rusisë, dhe përkundrazi është Moska ajo që po rrezikon sovranitetin e Ukrainës.

Disa orë pasi Putin urdhëroi mobilizim të pjesshëm për të rritur trupat në Ukrainë, ai gjithashtu lavdëroi ushtrinë ruse.

Ai pretendoi se po luftonte për të shpëtuar njerëzit në rajonin lindor të Donbasit të Ukrainës, ku Moska ka pretenduar se shtetasit rusë po persekutohen.

Por Ukraina i ka mohuar me forcë akuzat dhe ka synuar të largojë forcat ruse nga territori i saj./albeu.com

The post Putin: Rusia nuk do t’i dorëzohet shantazhit dhe frikës appeared first on Albeu.com.

Nëse shpresoni që paqëndrueshmëria që lufta e Vladimir Putinit kundër Ukrainës ka shkaktuar në tregjet dhe gjeopolitikën globale ka arritur kulmin, atëherë po shpresoni kot. Nuk kemi parë ende asgjë. Prisni derisa Putini ta kuptojë plotësisht se zgjedhja e tij e vetme është të pranojë luftën e humbur në Ukrainë.

Askujt nuk ia mer mendja se çfarë mund të ndodhë dhe çfarë pasojash do të ketë nëse Rusia prodhuesi më i madh i naftës në botë dhe që posedon rreth 6000 koka bërthamore humbet luftën në Ukrainë.

Pothuajse të gjitha disfatat kanë rezultuar në ndryshime rrënjësore.

Lufta e Krimesë (1853-1856) nxiti revolucionin liberal të perandorit Aleksandër II.

Lufta Ruso-Japoneze (1904-1905) solli Revolucionin e Parë Rus.

Katastrofa e Luftës së Parë Botërore rezultoi në abdikimin e Perandorit Nikolla II dhe Revolucionin Bolshevik.

Dhe lufta në Afganistan u bë një faktor kyç në reformat e liderit sovjetik Mikhail Gorbachev.

Gjithashtu, tërheqja nga Kuba kontribuoi ndjeshëm në largimin e Nikita Hrushovit dy vite më vonë.

Gjatë javëve të ardhshme do të bëhet gjithnjë e më e qartë se problemi ynë më i madh me Putinin në Ukrainë është se ai do të refuzojë humbjen. Por për shkak se kjo është vetëm lufta e tij dhe ai nuk mund ta pranojë humbjen, ai mund të vazhdojë të dyfishojë forcat ushtarake deri në përdorimin e armëve bërthamore, raporton abcnews.al

Pse mendoj se humbja në Ukrainë është opsioni i vetëm i Putinit, se vetëm koha dhe numri i humbjeve është në pikëpyetje?

Sepse pushtimi i lehtë dhe me kosto të ulët që ai parashikoi dhe rezistenca nga ukrainasit ishte përtej pritshmërive të tij.

Putini nënvlerësoi plotësisht vullnetin e Ukrainës për të qenë e pavarur dhe për t’u bërë pjesë e Perëndimit.

Ai nënvlerësoi plotësisht vullnetin e shumë ukrainasve për të luftuar. Ai i mbivlerësoi plotësisht forcat e tij të armatosura. Ai nënvlerësoi plotësisht aftësinë e Presidentit Biden për të galvanizuar një koalicion global ekonomik dhe ushtarak për t’u mundësuar ukrainasve të qëndrojnë dhe të luftojnë dhe të shkatërrojnë Rusinë – përpjekja më efektive e SHBA-së për ndërtimin e koalicionit që kur George H.W. Bush e detyroi Sadam Huseinin të paguante për marrëzinë e tij të pushtimit të Kuvajtit.

Dhe ai nënvlerësoi plotësisht aftësinë e kompanive dhe individëve në të gjithë botën për të vendosur sanksione ekonomike kundër Rusisë – shumë përtej çdo gjëje që qeveritë mandatuan.

Sigurisht kur gaboni në kaq vendime, alternativa juaj si udhëheqës është të keni sa më pak humbje. Në rastin e Putinit, kjo do të nënkuptonte tërheqjen e menjëhershme të forcave të tij nga Ukraina dhe duke premtuar se do të ndihmojë ata të rindërtojnë vendin.

Por poshtërimi do të ishte me siguri i patolerueshëm për këtë njeri të fiksuar pas rivendosjes së dinjitetit dhe unitetit të asaj që ai e sheh si atdheun rus.

Pavarësisht mënyrës se si po zhvillohet lufta, nuk është jashtë sferës së mundësisë që Putini mund të humbasë shumë nga ushtarët e tij. Shumë ukrainas kanë humbur jetën deri më tani, kush e di se çfarë po ndodh me shpirtin luftarak të rekrutëve në ushtrinë ruse që u kërkohet të zhvillojnë një luftë vdekjeprurëse kundër sllavëve të tjerë.

Duke pasur parasysh rezistencën e ukrainasve ndaj pushtimit rus, që Putini të “fitojë” ushtarakisht në terren, ushtrisë së tij do t’i duhet të nënshtrojë çdo qytet të madh në Ukrainë. Kjo përfshin kryeqytetin, Kievin. Me pak fjalë, kjo mund të bëhet vetëm nga Putini dhe gjeneralët e tij që kryejnë krime lufte që nuk janë parë në Europë që nga Hitleri.

Kjo do ta bëjë Rusinë e Putinit një pari të përhershme ndërkombëtare. Për më tepër, si do të ruante Putini kontrollin e një vendi tjetër – Ukrainës që ka afërsisht një të tretën e popullsisë së Rusisë, me shumë banorë armiqësorë ndaj Moskës?

Ai ndoshta do të duhet të vendosë çdo një nga mbi 150,000 ushtarët që ka grumbulluar atje, ndodhta përgjithmonë. Thjesht nuk ka asnjë rrugë që unë shoh që Putini të fitojë në Ukrainë, sepse Ukraina nuk është vendi që ai ka menduar se është.

Një vend që me taktikën e nazistëve mund të bjerë sërish në gjirin nënës Rusi.

Pra ose Putin duhet të heqë dorë nga Ukraina duke i shpëtuar sanksioneve për të ringjalluar ekonominë ruse ose do të përballet me një luftë të përhershme kundër Ukrainës dhe pjesës më të madhe të botës, e cila ngadalë do të shkatërrojë forcën e Rusisë dhe do ta rrëzojë atë.

Ka më keq se një “Rusi e fortë” dhe ajo është një Rusi e dobët, e poshtëruar që mund të shkatërrohet nga trazirat e brendshme, me fraksione të ndryshme që luftojnë për pushtet. Rusia e Putinit nuk është aq e fuqishme sa mos të dështojë.

Megjithatë, është shumë e fuqishme për të dështuar në një mënyrë që nuk do të trondisë pjesën tjetër të botës.

The post Putini nuk i ka punët mirë dhe kjo më frikëson shumë appeared first on Albeu.com.

Pavarësisht nga mesazhi i qartë nga shkencëtarët dhe profesionistët mjekësore, disa ekspertë kanë filluar të shqetësohen për ndikimin që do të ketë lajmi në hezitimin për tu vaksinuar.

Aktualisht, rreziku i zhvillimit të mpiksjes së gjakut nga vaksina AstraZeneca në MB është 1  në 250,000. Për gratë që marrin pilula kontraceptive orale, rreziku është shumë më i lartë, një në 2,000 në vit.

Ndërsa Stephen Reicher, një anëtar komitetit tha se ka më shumë të ngjarë të vdisni nëse bini nga shkallët sesa nga AstraZeneca.

Sidoqoftë, ne e dimë që perceptimi i rrezikut nuk përputhet gjithmonë me faktet.

Për sa i përket vaksinave, ekspertët kanë dokumentuar për vite me radhë hetimet ndaj tyre. Para fillimit të fushatës së vaksinimit në Mbretërinë e Bashkuar, një studim i nëntorit 2020 nga Ipsos Mori nxori në pah  se një pjesë e konsiderueshme e 22% e të anketuarve në Mbretërinë e Bashkuar deklaruan se ata ndoshta ose nuk do të pranonin të vaksinoheshin.

Statistikat e ONS tregojnë se, që nga mesi i Marsit, më shumë se 90% e mbi 70-vjeçarëve kanë marrë të paktën një dozë të vaksinës Covid-19.

Kërkimet akademikë na ndihmojnë për të kuptuar një numër të caktuar  faktorësh.

Ajo që studimet kanë theksuar është se njerëzit  janë shumë më të shqetësuar për rreziqet e panjohura (si një vaksinë për një sëmundje të re) sesa për ato të njohura, dhe rreziqet që prekin të rinjtë merren më seriozisht sesa ato që prekin individët e moshuar.

Ne gjithashtu e dimë që njerëzit i frikësohen rreziqeve teknologjike më shumë sesa atyre natyrore.

Së fundmi, shkalla e rrezikshmërisë është gjithashtu e rëndësishme: një rrezik i mundshëm që prek miliona njerëz në një periudhë të shkurtër kohe amplifikohet në mendjen tonë, në krahasim me diçka si për shembull goditja  nga rrufeja, që ndodh vetëm gjatë një stuhie.

Këta faktorë te AstraZeneca – shpjegojnë pse efektet anësore  mund të shkaktojnë ankth dhe shqetësim për disa njerëz, pavarësisht nga faktet objektive.

Rreziqet janë të vogla – siç ka theksuar ministri i shëndetësisë Matt Hancock.

Suedia ka lejuar vaksinimin me AstraZenca vetëm te personat mbi 65 vjeç, e cila reflekton një nivel të paarsyeshëm të shmangies së rrezikut. Në fakt, duke pasur parasysh ritmin e ngadaltë të  fushatës së vaksinimit, është një vendim që mund të çojë në viktima midis të pavaksinuarve.

Pandemia Covid-19 prek kryesisht grupmoshat e moshuara dhe individët me sëmundje të tjera. Nuk është një sëmundje që shkakton shumë viktima te personat e shëndetshëm nën 30.

Hendeku midis perceptimit dhe realitetit nuk mund të lihet mënjanë.  Gjithçka duhet të jetë transparente dhe jo-alarmante në mënyrë që faktori vendimtar – besimi në procesin shkencor – të jetë i lartë./ Nga Ragnar Lofstedt, The Guardian

The post Si ta ndajmë frikën nga faktet për vaksinat? appeared first on Albeu.com.