Aston Villa ka dalë fituese në përplasjen për mesfushorin zviceran Johan Manzambi, duke i marrë lojtarin Newcastle United në çastet e fundit, ndonëse Magpies shiheshin si pretendentët kryesorë për shërbimet e tij.

Fabrizio Romano, gazetari i mirinformuar, konfirmon se klubi i Villas ka rënë dakord si me futbollistin 20-vjeçar ashtu edhe me Freiburgun, duke vulosur një operacion që mendohet të arrijë shifrën e 70 milionë eurove.

Vendimi i Aston Villas për të hyrë me forcë në merkato u detyrua nga dëmtimi i rëndë i Amadou Onanës, i cili ka pësuar këputje të ligamentit të kryqëzuar dhe do të jetë jashtë fushave për një kohë të konsiderueshme, çka e detyroi skuadrën angleze të veprojë me shpejtësi.

Bazuar në burimet e Sky, Manzambi do të lidhet me Aston Villan përmes një kontrate të gjatë, teksa çdo aspekt i marrëveshjes tashmë është rregulluar përfundimisht.

Vetëm disa ditë më herët, shtypi anglez bënte të ditur se Manzambi kishte dhënë fjalën te Newcastle United. Klubi i St James’ Park madje pretendohej se kishte gjetur gjuhën e përbashkët edhe me Freiburgun për një shumë mbi 60 milionë euro.

Por, në një zhvillim krejt të paparashikuar, Aston Villa ndërhyri në minutën e fundit me një propozim më tërheqës dhe siguroi kështu shërbimet e një prej talenteve më të spikatur zviceranë, duke e lënë Newcastle-in pa objektivin kryesor për mesfushën.

The post Aston Villa i rrëmben Newcastles Manzambin në një lëvizje të beftë 70 milionëshe appeared first on Albeu.com.

Newcastle United ka siguruar marrëveshje të plotë për afrimin e talentit zviceran Johan Manzambi nga Freiburg gjatë kësaj vere.

Lajmi është bërë i ditur nga gazetari gjerman Florian Plettenberg, sipas të cilit klubi anglez dhe Freiburgu kanë rënë dakord për kalimin e mesfushorit ofensiv.

Vlera e operacionit raportohet të jetë 60 milionë euro, ndërsa të dyja klubet tashmë kanë përmbyllur dakordësinë e plotë për këtë transferim.

Në këtë moment, Newcastle po merret me përfundimin e detajeve të fundit të një kontrate afatgjatë me futbollistin, përpara se marrëveshja të finalizohet zyrtarisht.

Interes për Manzambin kishte shfaqur edhe Aston Villa, veçanërisht pas dëmtimit të ligamentit të kryqëzuar anterior të Amadou Onanës, por Newcastle është pozicionuar qartë si skuadra favorite për të marrë firmën e tij.

Edhe pse aktualisht ndodhet jashtë fushave për shkak të një dëmtimi, Manzambi mbetet plotësisht i fokusuar te Kupa e Botës përpara se të kompletojë lëvizjen e pritshme drejt St James’ Park.

Duhet theksuar se 20-vjeçari ka pasur paraqitje shumë të mira me Zvicrën në Kupën e Botës deri tani, duke realizuar tri gola dhe duke dhënë dy asistime në katër ndeshje.

The post Newcastle United mbyll akordin për transferimin e Johan Manzambit nga Freiburg appeared first on Albeu.com.

Paraqitjet mbresëlënëse të Johan Manzambit në Kupën e Botës kanë sjellë një rritje të ndjeshme të vlerës së tij në tregun e transferimeve.

Futbollisti 20-vjeçar i SC Freiburg po vlerësohet si një prej zbulimeve më të spikatura të këtij turneu, ndërsa klubi gjerman tashmë i ka vendosur një çmim shumë të lartë kartonit të tij.

Sipas raportimeve më të fundit nga Sky, Freiburg kërkon deri në 70 milionë euro për yllin zviceran. Më herët, mediat angleze kishin bërë të ditur se transferimi i tij mund të realizohej për rreth 55 milionë euro, por ndeshjet e fundit në Botëror e kanë shtyrë ndjeshëm lart këtë shifër.

Në këtë Kupë të Botës, Manzambi ka kaluar një formë të jashtëzakonshme, duke realizuar tre gola dhe një asist në vetëm tri ndeshje, tregues që kanë tërhequr vëmendjen e disa klubeve të mëdha të Evropës.

Për momentin, skuadra që po shfaq interesimin më të madh për të është Newcastle United. Pas transferimit të Anthony Gordon te Barcelona për 80 milionë euro dhe me Sandro Tonalin pranë kalimit te Tottenham Hotspur për më shumë se 100 milionë euro, “Magpies” kanë siguruar hapësirë të konsiderueshme financiare dhe janë të përgatitur të bëjnë një investim të fuqishëm për të marrë firmën e supertalentit zviceran.

The post Manzambi ndez Botërorin me Zvicrën, Freiburg i rrit fort vlerën në treg appeared first on Albeu.com.

Ekipi i drejtuar nga Xabi Alonso e arriti fitoren e 22-të kampionale, duke e mposhtur në udhëtim Freiburgun me rezultat 2:3.

Florian Ëirtz, Hlozek dhe Schick shënuan për Leverkusenin, kurse Doan dhe Keitel ishin realizatorët për Freiburgun, shkruan Gazeta Express.

Me këtë fitore, Bayer Leverkusen shkon në kuotën e 70 pikëve në vendin e parë, 10 më shumë se Bayern Munich, ku kanë mbetur edhe tetë xhiro deri në fund.

Në anën tjetër, Freiburg mbetet në vendin e nëntë me 33 pikë të grumbulluara.

The post Bayer Leverkusen mposht Freiburgun, shkon në +10 appeared first on Albeu.com.

Pas transferimit nga Hannover 96, sulmuesi Florent Muslija ka qenë në SC Paderborn që nga fillimi i vitit 2022 dhe ka luajtur 70 ndeshje konkurruese për klubin e divizionit të dytë gjatë kësaj periudhe.

Në këto ai shënoi 25 gola dhe 14 asistime. Në total, 25-vjeçari ka bërë 17 ndeshje në Bundesligë, 125 ndeshje në Bundesligën e dytë dhe 42 paraqitje në ligën e tretë. Muslija është trajnuar në radhët e të rinjve të Karlsruher SC dhe është lojtar aktiv i kombëtares së Kosovës, për të cilin ka luajtur 23 herë deri më tani.

Florent Muslija u shpreh i lumtur me këtë transferim.

“Kam mundur të përjetoj atmosferën e mrekullueshme në stadiumin Europa-Park në ndeshjen e kupës në vjeshtë. Tani mezi pres të njoh shokët e mi të rinj, të zhvillohem më tej këtu dhe të jap gjithçka për klubin sportiv.”

Florent Muslija merr fanellën me numër 23 te Freiburgu, teksa u dakordua që të mos zbulohej përmbajtja e kontratës. /gazetaexpress/

The post Florent Muslija transferohet në Bundesligë appeared first on Albeu.com.

Nuk gabon as Manchester United në sfidën e parë përballë Betis dhe triumfon në “Old Trafford” me rezultatin 4-1. Fillimisht është Rashford që hap siparin e golave përpara se Perez të vendosë baraspeshën dhe të mbyllën pjesën e parë në shifrat 1-1. Në pjesën e dytë, United realizon edhe tre gola të tjerë, fillimisht me Antony e më pas me Fernandes e Ëeghorts që plotëson pikerin dhe hedh një hap të rëndësishëm drejt çerekfinaleve.

Fitore në shtëpi edhe për Sevillan që triumfon me rezultatin 2-0 ndaj Fenerbahce. Sfida u vulos nga golat e Jordan dhe Lamela që erdhën në pjesën e dytë. Shakhtar Donetsk dhe Feyenoord nuk shkuan më shumë se sa një barazim në sfidën e parë. Ishin ukrainasit që kaluan të parët në avantazh me Rakitskyi, ndërsa holandezët u përgjigjën me Bullaude.

The post Europa League, Juventus mposht Freiburgun, Di Maria bën heroin appeared first on Albeu.com.

Becker që në minutën e 12-të e ccoi topin në rrjetë, por festa zgjati  shumë pak. Kimmich vendosi baraspeshën dhe më pas Bayern u mundua të shënonte golin e fitores, por pa sukses.

Freiburg ka përfituar dhe me fitoren 3-2 në transfertë kundër Bayer Leverkusen, ka marrë vendin e parë në klasifikim. Festë edhe për Werder Bremen, që mposhti 2-0 Bochum të vendit të fundit.

Stuttgart-Schalke përfundoi në barazim 1-1, kurse Koln mundi jashtë fushe me rezultatin 4-2 skuadrën e Wolfsburg.

UNION BERLIN-BAYERN MUNICH 1-1
Becker 12’ / Kimmich 15’

BAYER LEVERKUSEN-FREIBURG 2-3
Demirbay 16’, Schick 65’ / Ginter 48’, Gregoritsch 51’, Doan 72’. / h.ll/albeu.com

The post Freiburg komandon në Bundesliga, Bayern Munich ngec në Berlin appeared first on Albeu.com.