Ngjarja ndodhi më 11 nëntor të vitit të kaluar, ku Xhelili, ish-punonjës IT i bashkisë së Divjakës, plagosi me thikë Kokoneshin dhe shoferin e tij.

“Prokuroria pranë Gjykatës së Shkallës së Parë të Juridiksionit të Përgjithshëm Fier, në përfundim të hetimeve paraprake të procedimit penal Nr.694, viti 2022, ka dërguar në gjyq të pandehurin O. Xh., i akuzuar për kryerjen e veprave penale “Vrasja e funksionarëve publikë” e mbetur në tentativë, “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”, parashikuar nga nenet 79/a e 22, 88/1 dhe 279/2 të Kodit Penal.

Ky shtetas, për motive të dobëta ka goditur me armë të ftohtë ish-Kryetarin e Bashkisë Divjakë shtetasin F.K, duke i sjellë dëmtime që kanë qenë të rrezikshme për jetën në çastin e shkaktimit.

I pandehuri O. Xh, në të njëjtën kohë ka goditur shtetasin G.B., (shoferi i shtetasit F.K), i cili ka ndërhyrë për të ndaluar sulmin dhe nga goditja ai ka marrë dëmtime të cilat kanë qenë të rrezikshme për jetën në çastin e shkaktimit”.

/Albeu.com 

The post Plagosi me thikë kryebashkiakun e Divjakës dhe shoferin e tij, Prokuroria dërgon për gjykim Orgen Xhelilin appeared first on Albeu.com.

Më herët gjatë ditës së sotme, ka folur babai i Kokoneshit, i cili u shpreh se nuk e mendonte që sherri mes tyre do të përfundonte kaq rëndë.

Abaz Xhelili, tregoi se djali i tij ka qenë student ekselent dhe ka mbaruar universitetin për inxhinieri elektronike e së fundi kishte nisur punë në Tiranë.

Mes të tjerash Xhelili tregon se kanë qenë Kokoneshi dhe shoferi i tij të cilët e kanë ndaluar djalin dhe më pas ka nisur sherri mes tyre.

“Problem, ça problemi e hoqi nga puna, po 1 vit. Ka qenë student i mirë, absolut. Nuk na kishte thënë gjë, ditën e hënë do ishte në punë në Tiranë si inxhinier elektronik. Ka mbaruar të lartën për inxhinieri elektronike, absolut. Nuk e marr vesh, si arritën këto shqetësime djalit. Ne dy çuna kemi, i kemi pasur ekselentë.

Shqetësimi se e hoqi nga puna pa të drejtë. I thashë po lëre pse nuk gjen punë ti se të hoqi Fredi. Deshën të ikin në Gjermani. Filloi punë. E thirrën njëherë nga krimi ekonomik, si është problemi, me këto vjedhje.

Ne i kemi pasur dhe si miq se mbesën atje, u prish miqësia, u prishën dhe ky. Mirë se e hoqi djalin për punë politike, ne jemi krahu i saj, unë jam familje dëshmori, vetë kam qenë oficer, kam punuar në shëndetësi kaq kohë. Të priste djali im me këta rrugaçë. Ai ka pasur probleme Fredi, po te djali im e gjeti? Nga televizori e morëm vesh, na e thanë të tjerët. Ne jemi të dy pleq, gruan 40 vjet mësuese, drejtoreshë shkolle.

Ai ka vajtur atje, në rrugë i ka thënë ky qe ti. Jam në hallin tim, kam zënë punë. Se zuri punë, fillonte në Tiranë. Se ça janë ofenduar. E ka pasur krushku derën aty afër. Atë ditë erdhi nga Tirana, për të marrë ca gjëra se krushkun e kisha në spital. E ndaluan ata. Vetëm e drejta, të dalë drejtësia, se djali im nuk ka qenë problem”, tha babai i autorit.

The post Plagosi me thikë kryebashkikun e Divjakës, gjykata lë në burg autorin appeared first on Albeu.com.

Kokoneshi u plagos nga Orges Xhelili, ish-punonjës IT në bashkinë e Divjakës.

Sipas BW, Kokoneshi po sillet në Spitalin e Traumës për mjekim më të specializuar.

Ai ka marrë plagë në shpatull dhe krah.

Ngjarja ka ndodhur mëngjesin e sotëm rreth orës 09:30, në afërsi të bashkisë Divjakë.

Fillimisht debati ishte mes Kokoneshit dhe Xhelalit, ndërsa shoferi tentoi t’i ndante.

The post U plagos me thikë nga ish-punonjësi i bashkisë së Divjakës, kryebashkiaku Kokoneshi niset drejt “Traumës” appeared first on Albeu.com.

Autori ndodhet në komisariat, pas ngjarjes së rëndë të ndodhur afër bashkisë së Divjakës.

Kokoneshi dhe shoferi Gazmend Bullari ndodhen jashtë rrezikut për jetën në spitalin e Lushnjës.

Kokoneshi pas një debati me shtetasin Orges Xhelilin është goditur me thikë nga ky i fundit afër bashkisë.

Mësohet se Orges Xhelili më herët ka punuar si punonjës IT pranë bashkisë së Divjakës.

Sipas informacioneve, dyshohet se shkak i plagosjes ishte largimi I partneres së Xhelilit nga posti si kryenfermiere në poliklinikën e Divjakës.

Ende nuk janë bërë plotësisht të qarta arsyet e konfliktit mes tyre, ndërsa grupi hetimor pritet të zbardhë rrethanat e ngjarjes.

The post Plagosi me thikë kryebashkiakun e Divjakës, publikohet fotoja e Orges Xhelilit appeared first on Albeu.com.

Kryetari i Bashkisë Divjakë, Fredi Kokoneshi është plagosur me thikë këtë të enjte bashkë me shoferin e tij, pas një konflikti në poliklinikë.

Kokoneshi pas një debati me shtetasin Ergest Xhelili është goditur me thikë nga ky i fundit. Veç kryebashkiakut, i plagosur ka mbetur edhe shoferi i tij, Gazmend Bullari.

Mësohet se Erges Xhelili më herët ka punuar si punonjës IT pranë bashkisë së Divjakës.

Partnerja e Xhelilit aktualisht punon si shefe e infermiereve tek poliklinika e Divjakës, aty ku ka ndodhur edhe ngjarja.

Kryebashkiaku ndodhet në spitalin e Lushnjës, jashtë rrezikut për jetën, ndërsa do t’i nënshtrohet një ndërhyrjeje kirurgjikale.

Ende nuk janë bërë të qarta arsyet e konfliktit mes tyre, ndërsa grupi hetimor pritet të zbardhë rrethanat e ngjarjes.

Autori është kapur dhe shoqëruar në Komisariat, ndërsa forca të shumta policie ndodhen në spital, ku ndodhen dy të plagosurit.

The post Plagosja e kryebashkiakut të Divjakës/ Balla, Subashi dhe Sefa mbërrijnë në spital appeared first on Albeu.com.

Paraditen e sotme një ngjarje rëndë ka ndodhur në Divjakë, ku pas një përplasje ka mbetur i plagosur kryebashkiaku Fredi Kokoneshi dhe shoferi i tij, Gazmend Bullari, i cili është në gjendjë më të rënduar.

Gjithçka nisur pas një debati mes Kokoneshit dhe ish-punonjësit të IT-së në bashki, Orges Xhelili, ndërsa ky i fundit ka goditur më pas me thikë.

Policia njofton se autori është kapur dhe arrestuar.

Njoftimi:

Divjakë / Informacion paraprak

Rreth orës 09:30, në afërsi të bashkisë Divjakë, shtetasi O. Xh., 46 vjeç, dyshohet ka goditur me mjet prerës, shtetasin F. K., me detyrë Kryetar i bashkisë Divjakë dhe shoferin e tij, shtetasin G. B., 45 vjeç. Të  dëmtuarit janë transportuar menjëherë dhe po marrin ndihmë mjekësore, në Spitalin Rajonal Lushnjë.

Falë veprimeve të shpejta operacionale të shërbimeve të Policisë, është kapur dhe shoqëruar në Komisariat, për veprime të mëtejshme procedurale, shtetasi O. Xh., si autor i dyshuar i plagosjes.

Në vendngjarje ndodhen drejtuesit më të lartë të DVP Fier.

Grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes./albeu.com

The post Plagosja e kryebashkiakut të Divjakës dhe shoferit të tij nga ish-punonjësi, reagon policia appeared first on Albeu.com.

Autori ishte një ish-punonjës IT në bashki, ndërsa nuk dihen ende shkaqet e debatit.

Ky nuk është rasti i parë për Kokoneshin, pasi gjatë verës së këtij viti ai u dhunua në zyrën e tij nga nipi i deputetit të PS, Paulin Stërkaj, Dritan Stërkaj, i cili është administrator i një resorti.

Raportohet se shoferi ditën e sotme ka ndërhyrë për t’i ndarë, ndërsa është ai që ka marrë plagë më të rënda dhe është në gjendje më të rënduaar në spital./albeu.com

The post Sot u plagos me thikë, 4 muaj më parë kryebashkiaku i Divjakës u dhunua nga nipi i deputetit të PS: Shoferi në gjendje të rëndë appeared first on Albeu.com.

Autori i plagosjes është Erges Xhelili, i cili më herët ka punuar si punonjës IT pranë bashkisë së Divjakës.

I plagosuri është transportuar në spitalin e Lushnjës dhe ndodhet jashtë rrezikut për jetën. Ndërkohë i plagosur ka m,betur edhe shoferi i tij Gazmend Bullari, i cili ka marrë plagë të shumta.

Ende nuk janë bërë të qarta arsyet e konfliktit mes tyre, ndërsa grupi hetimor pritet të zbardhë rrethanat e ngjarjes.

The post Plagosja e kryebashkiakut të Divjakës dhe shoferit të tij, autori ish-punonjës pranë bashkisë: Si paraqitet gjendja e tyre appeared first on Albeu.com.

Kërkesa e Komisionit Shtetëror të Zgjedhjeve, vjen pas akuzave të forta të Partisë Demokratike, e cila thekson se Kokoneshi ka qenë i arrestuar në Itali për trafik të qenieve njerëzore.

Akuza këto të cilat janë hedhur poshtë nga Kokoneshi i cili thekson se janë sulme politike.

The post KQZ kërkesë Prokurorit të Përgjithshëm: Hetoni të shkuarën e kryebashkiakut të Divjakës appeared first on Albeu.com.

Përmes një reagimi për “Balkanweb”, kryebashkiaku Kokoneshi thekson se është i pastër dhe se ky është një shatazh nga Gazment Bardhi, për shkak se ai po verifikon pronat e “Divjaka resort”.

“Akuza të përsëritura. Te njëjta me të vitit 2018. Ka një vendim të prokurorisë 15 korrik 2019 ku figura ime është e pastër, pas kontrolleve brenda dhe jashtë shtetit. Akuzat për shkak të një anëtari të këshillit kombëtar të PD, Dritan Stërkaj. Resorti i tij Divjaka resort strehë e Gazmend Bardhit. Ashtu si i kam kallzuar në prokurori, do t’i kallezoj sërish! Gaz Bardhi do të më shantazhojnë, sepse po verifikoj pronat e Divjaka resort”, tha kryebashkiaku./albeu.com/

The post “I dënuar për prostitucion”, kryebashkiaku i Divjakës i përgjigjet akuzave të PD appeared first on Albeu.com.