Ndaj këtij lajmi ka reaguar dhe ish-drejtori i Arkivës Ardit Bido i cili thotë se Beleri kishte prej 1 viti e gjysëm që kishte humbur e nuk shfaqej në Tiranë, duke mos marrë pjesë në seancën gjyqësore për një kallëzim që Bido i ka bërë për shpifje.

Në një video mesazh Bido thotë se “duke dëgjuar se ai kandidon për PS në qarkun Vlorë, Beleri ka shkuar në Tiranë të bëjë show e radhës”.

“Ne do shihemi në gjyq dhe është e sigurt që ai do humbasë gjyqin dhe do dënohet për shpifje. Sepse e vërteta nuk lidhet me fushatat elektorale. E vërteta është e tillë sepse është. Unë jam Ardit Bido dhe kam qëndrimet e mia, do të kem qëndrimet e mia pasi lidhen me të vërtetën”, thotë Ardit Bido.

The post Fredi Beleri padit kandidatin e PS në qarkun Vlorë, Ardit Bido: Ne do shihemi në gjyq… appeared first on Albeu.com.

Në vetëm 60 sekonda në gjuhën shqipe, 10 minutat e fjalimit të Belerit ishin të mbushura me vlerësime në greqisht për rezistencën e himarjotëve që nga dita e arrestimit të tij më 12 Maj, 2023.

“Të dashur himarjotë. Nga Vranishti në Borsh dua t’ju falënderoj nga zemra për mbështetjen këto 15 muaj. Janë nder i madh për mua zgjedhjet e Himarës. Më burgosën me të padrejtë, më fajësuan me pa të drejtë dhe me pa të drejtë erdhën këtu deputetët. Nuk kanë pse ju dhunojnë dhe shantazhojnë”, tha ai.

Pas falënderimeve dhe nënvizimit të faktit se burgosja e tij ishte e padrejtë, Beleri akuzoi kryeministrin Edi Rama dhe kryebashkiakun e dalë nga zgjedhjet e 4 gushtit, Vangjel Tavo se po kërkojnë të përçajnë Himarën.

“Po kërkojnë të na përçajnë, por faleminderit juve që rezistuat. Mos i besoni atyre që ju gënjejnë se do ju zgjidhin problemet. Ata janë problemi, Edi Rama dhe Vangjel Tavo”, deklaroi Beleri.

Sipas Belerit, “nuk ka problem mes shqiptarëve dhe grekëve, por ka mes hajdutëve dhe të zotëve të shtëpisë”.

Në vijim, eurodeputeti më i ri i Greqisë vlerësoi rolin që luajti Athina zyrtare në mbrojtjen e figurës së tij, duke thënë se shpina e himarjotëve mbrohet edhe nga kryeministri helene Kyriakos Mitsotakis.

“Asnjë luftë nuk shkon e humbur. Nuk jemi vetëm, kemi kryeministrin grek, shtetin grek dhe ambasadoren greke. Në këtë luftë kemi me vete edhe shqiptarët e ndershëm. Ata që janë që besojnë te e drejta. Kur ishim ne Himarjotët problem për Shqipërinë? Në ‘97 ra shteti dhe Himarjotët paguanin ujë e drita. Ata që nuk i japin dot vendit të tyre mirëqenie kërkojnë armiq. Nëse jemi të bashkuar do kemi edhe zotin me vete”, nënvizoi ai.

The post La sot qelinë e burgut, Fredi Beleri pritet me brohoritma në Himarë: Ju jam borxhli deri në vdekje appeared first on Albeu.com.

Dhionisis Alfred Beleri, kreu korrupsion në zgjedhjet lokale nga të cilat u zgjodh kryebashkiak i Himarës. Por gjatë 13 muajve në paraburgim ky mandat nuk u bë funksional pasi ai nuk u betua. Pasoja direkte e vendimit të apelit është humbja e mandatit si kryetar i zgjedhur i bashkisë Himarë.

Gjykata e Apelit të Posaçëm e gjeti fajtor 52-vjeçarin. Ndaj tij qëndroi në fuqi dënimi dy vjet burg për korrupsion aktiv në zgjedhje.

Njoftimi:

Komisioneri Shtetëror i Zgjedhjeve zhvillon seancë publike ditën e Enjte, datë 04.07.2024, ora 11:00 me këtë rend dite:

Çështje për shqyrtim rishtas:

1. Projektvendim “Për shqyrtimin e vlefshmërisë së mandatit të Kryetarit të Bashkisë Himarë, z. Dhionisios (Alfred) Petro Beleri, i propozuar nga subjekti zgjedhor Koalicioni “Bashkë Fitojmë”, për zgjedhjet për organet e qeverisjes vendore të datës 14 maj 2023”.
2. Projektvendim “Për shqyrtimin e rezultatit të verifikimit të Prokurorit të Përgjithshëm, për subjektin vetëdeklarues z. Gentjan Fiqiri Muça anëtar në Këshillin e Bashkisë Tiranë, i propozuar nga subjekti zgjedhor “Partia Demokratike e Shqipërisë”, për zgjedhjet për organet e qeverisjes vendore të datës 14 maj 2023”.
3. Projektvendim “Për plotësimin e vakancës në Këshillin e Bashkisë Vau-Dejës, me kandidatin nga lista shumemërore e subjektit zgjedhor Partia Socialiste e Shqipërisë, zj. Sanilje Reshit Salja”.
4. Projektvendim “Për disa ndryshime në udhëzimin nr. 14, datë 9 qershor 2021, të Komisionerit Shtetëror të Zgjedhjeve, “Për caktimin e kritereve, procedurat për përzgjedhjen dhe emërimin e ekspertëve kontabël të licensuar (audituesve ligjorë) dhe kushtet kontraktuale për auditimin e fondeve të përfituara dhe të shpenzuara nga partitë politike gjatë vitit kalendarik dhe subjektet zgjedhore dhe kandidatët e tyre në fushatën zgjedhore”, i ndryshuar”.

The post KQZ vendos nesër për vlefshmërinë e mandatit të Fredi Belerit appeared first on Albeu.com.

Në një intervistë televizive, Suli tha se do të jetë pikerisht i biri i tij ai që do të “vijojë betejën” e të atit.

“Një nga kandidatët më kryesorë mund të jetë prapë emri i Fredi Belerit, por me një artificë ligjore… të kandidojë i biri i tij. Kështu që në fletën e votimit prapë zoti Rama, do lexojë Petro Dhionisios Alfred Beleris”, -tha Suli.

Kujtojmë se Beleri u zgjodh eurodeputet i partisë së kryeministrit grek Kiriakos Mitsotakis, ndërsa ndodhet ende në burgun e Fierit, i akuzuar për blerje votash ne zgjedhjet e fundit.

The post E papritur, djali i Fredi Belerit bën lëvizjen e bujshme pasi i ati ndodhet në burg për blerje votash appeared first on Albeu.com.

Kjo organizatë terroriste në atë kohë sulmoi postën kufitare në Gjirokastër, duke vrarë dy ushtarakët Fatmir Shehu dhe Arsen Gjini, plagosi tre të tjerë dhe gjatë tërheqjes grabiti edhe armatimin.

Fredi Beleri ka dëshmuar në SPAK në lidhje me këtë çështje dhe në daljet mediatike ka mohuar të ketë qenë pjesë e organizatës, gjithashtu ai mohoi të ketë qenë në territorin shqiptar dhe grek në kohën kur ka ndodhur masakra.

Por, në një dokument sekret të siguruar nga VoxNews, referuar burimeve thuhet se Fredi Beleri ka qenë një ndër autorët.

“Në datën 25.09.2006 është administruar një informacion i marrë nga një burime konfidencial ku ndër të tjera thuhet se … “Një nga autorët e sulmit terrorist ndaj pstës kufitare të Peshkëpisë është shtetasi Fredi nga Himara. Ky ka qenë emigrant në Greqi dhe aty është anëtarësuar në organizatën MAVI. Ka marrë pjesë në këtë sulm së bashku me katër shqiptarë të tjerë dhe dy ish policë grekë. Burime ka sqaruar se ky është Fredi Bejleri, i cili ka krijuar incidente në zgjedhjet bashkiake të zhvilluara në Himarë.”

Por, në një dokument sekret të siguruar nga VoxNews, thuhet se Fredi Bejleri ka pranuar se përfshirjen në këtë çështje, madje ndihet dhe krenar për këtë gjë.

“Në datë 08.05.2007, evidentohet se Fredi BEJLERI është shprehur një lidhjeje të tij se ka qenë një ndër autorët e incidentit të ndodhur në postën kufitare të Peshkëpisë në Gjirokastër në vitin 1994. Ai është shprehur krenar për atë që ka bërë dhe nëse i kërkohet do ta bëjë përsëri.” thuhet në dokument.

Pra, pavarësisht mohimit, këto dokumente tregojnë se Fredi bejleri ka qenë një nga protagonistët kryesorë në masakrën e Peshkëpisë, ku mbetën të vrarë dy “Dëshmorët e Atdheut”, komandanti Fatmir Shehu dhe ushtari Arsen Gjini.

Komando greke ‘Pirro i Parë’ që realizoi sulmin:

-Jorgo Anastasulis, 34 vjeç, oficer i ushtrisë greke me gradën toger.
-Apostolos Karvelas, 26 vjeç, punonjës i policisë greke.
-Mario Kutulla, 25 vjeç, shtetas shqiptar nga Himara, banues në Athinë, punëtor.
-Fredi Bejleri, 23 vjeç, shtetas shqiptar nga Himara, banues në Athinë, me profesion hidraulik.
-Jorgo Kristo, 26 vjeç, shtetas shqiptar nga Himara, banues në Athinë.
-Harallamb Papa, 21 vjeç, shtetas shqiptar, banues në Athinë, punëtor ngarkim – shkarkimi.
-Jorgo Papa, 30 vjeç me profesion teknik frigoriferësh, vëllai i Harallamb Papas.

Pavarësisht se është njëri nga autorët e ngjarjes së rëndë, Fredi Bejleri në vitin 2015 kandidoi për të qenë kryetar i bashkisë së Himarës në siglën e PBDNJ dhe i mbështetur nga opozita e djathtë.

Atëhere humbi dhe në zgjedhjet e 14 Majit garon sërish për kreun e Bashkisë së Himarës nën logon e koalicionit “Bashkë Fitojmë” të dyshes Berisha-Meta.

/VoxNews/

The post U arrestua për blerje votash, zbulohen dokumentet sekrete, Fredi Beleri pranon autorësinë në masakrën e Peshkëpisë appeared first on Albeu.com.