Pavarësisht këtyre shifrave mbresëlënëse, Kosova mund të kishte shënuar të paktën 10 gola, por pritjet e shkëlqyera të portierit armen Henri Avagyan dhe mungesa e saktësisë së sulmuesve tanë e ndaluan një rezultat edhe më të thellë.

Kosova deri tash më së shumti drejt portës gjuajti ndaj Qipros në shtator 2022 ku shënoi 5 gola nga 22 goditje (11 në kuadrat).

Por sot (e premte), në fund, Kosova triumfoi me rezultatin 5-2, duke treguar edhe një herë se është një ekip i frikshëm kur luan në sulm.

E gjithë jo erdhi edhe pse kishte mungesa të rëndësishme të disa prej lojtarëve më me përvojë, të cilët njihen si “senatorë” të ekipit — Amir Rrahmani, Milot Rashica, Edon Zhegrova, Arijanet Muriç dhe Valon Berisha — por Kosova ia doli të zhvillonte një lojë tërheqëse dhe të vendosur.

Kjo paraqitje e jashtëzakonshme është pjesë e filozofisë së re që ka sjellë trajneri gjerman Franco Foda, i cili ka dhënë jetë një Kosove të re e të vendosur për të sulmuar.

Që prej marrjes së drejtimit të Kombëtares, Foda ka udhëhequr Kosovën në 12 ndeshje, duke fituar 8 prej tyre dhe shënuar 21 gola, me një mesatare të lartë prej 2 pikësh për ndeshje.

Por mbi të gjitha, ai i dha Kosovës edhe një arritje historike: promovimin në Ligën B të Ligës së Kombeve. Ai e arriti këtë sukses duke e mposhtur Islandën në të dy ndeshjet e zhvilluara, duke treguar jo vetëm forcë taktike, por edhe një përgatitje të jashtëzakonshme të ekipit.

Kjo rritje e Kosovës nën drejtimin e Fodës ka filluar të frymëzojë besim të madh te tifozët, por edhe lojtarët e kampionatit vendas. Sot, tetë lojtarë të Kosovës që u futën në fushë, janë rritur në Superligën e Kosovës, duke treguar se puna e klubeve vendore po jep fryte të mëdha.

Shumë prej tyre, si Albion Rrahmani, Lumbardh Dellova dhe Lindon Emërllahu, që dikur shkëlqenin me Ballkanin, tani janë pjesë e ekipeve të njohura evropianeshënuan gola.

Kosova, e udhëhequr nga Franco Foda, po kthehet në një ekip që e sulmon kundërshtarin pa frikë dhe që ka potencial për të befasuar çdo kundërshtar, qoftë në miqësore apo në sfidat zyrtare që e presin për kualifikimet e Kampionatit Botërorit, ku ka kundështarë të fortë në grup si Suedia, Sllovenia dhe Zvicra.

The post Kosova e Franco Fodës po funksionon: Ndaj Armenisë me 38 goditje drejt portës appeared first on Albeu.com.

Kosova do të përballet me disa mungesa të rëndësishme për këto dy ndeshje. Ndërsa Edon Zhegrova dhe Eliot Bujupi kanë qenë jashtë listës për shkak të dëmtimeve dhe Muharrem Jashari për shkak të pezullimit, në fundjavë dëmtime kanë pësuar edhe Fisnik Asllani dhe Florent Hadërgjonaj, të cilët nuk janë të gatshëm për këto dy ndeshje.

“Kemi disa mungesa, tani duhet të gjejmë zgjidhje të reja. Islandën e kemi studiuar shumë mirë, e dimë që është është intensive në lojën e saj dhe mjaft agresive dhe ka lojtarë shumë të mirë te Lille dhe Real Sociedad. Por, tani e rëndësishme është që idenë tonë ta zbatojmë në fushë, të tregojmë paraqitje si ndaj Rumanisë. Shpresoj shumë të fitojmë në shtëpi. Duhet të kemi intensitet të shtuar në lojë dhe t’i zbatojmë idetë tona”, tha Foda.

Ai vlerësoi se shanset për të dyja kombëtaret janë të barabarta, por tha se pret një mbështetje të madhe nga tifozët në ndeshjen e parë në “Fadil Vokrri”.

“Islanda është një kundërshtar i fortë, mundësitë janë 50:50 që të fitojmë në shtëpi. Me atmosferën që do të krijojnë Dardanët sigurisht se do të kemi përparësi. Për të arritur objektivin duhet të fitojmë dy ndeshjet. Është e rendësishme të kemi një paraqitje të mire në fushë. Të luajmë si ekip i bashkuar, të tregojmë mendësi të fortë dhe ta përkrahim njëri-tjetrin në fushë. Kështu e arrijmë fitoren”.

Sa i përket dëmtimit të Amir Rrahmanit, Foda tha se ai ka problem të lehta muskulore. “Ai do të vijë në kampin stërvitor dhe do të shohim në ditët në vijim si do të shkojë ecuria e tij dhe nëse do të jetë i gatshëm për ndeshjen e së enjtes”.

Ka folur edhe për lojtarët e rinj të grumbulluar. “Lion Abdullahun dhe Dion Gallapenin i kam evidentuar në kampin stërvitor të janarit. Ata kanë marrë ftesë sepse kanë pasur paraqitje shumë të mirë në kamp. Demakun e njoh nga Austria dhe i kam kushtuar shumë kujdes. Këta lojtarë të rinj e kanë mbështetjen e stafit të trajnerëve dhe ne e kemi një përshtypje të mirë dhe sigurisht se këta tre lojtarë kanë përspektivë të mirë në kombëtare”.

Lidhur me mungesën e ftesës për Meriton Korenicën, trajneri tha se mendon se lojtarët që i ka ftuar janë të duhurit për këto dy ndeshje. “Po, Korenicën e njoh prej kohësh. E kam njohur që kur ishte te Ballkani, e tani e kam ndjekur edhe në ndeshjet e tij të fundit. Fatkeqësisht nuk mund të ftoj 30 lojtarë. Ne mund t’i ftojmë vetëm 25 lojtarë dhe këta që i kam ftuar na kanë bindur që janë të duhurit. Në qershor kemi ndeshjet miqësore, nëse lojtari në fjalë vazhdon në formë të mirë mund të vijë një ftesë për ato ndeshje”.

I pyetur lidhur me largimin e Etnik Brrutit, i cili ka vendosur të përfaqësojë Shqipërinë, si dhe për lojtarët e tjerë të rinj që kanë një dëshirë të tillë, Foda tha: “Kemi zhvilluar një kamp stërvitor me lojtarë të rinj në janar dhe aty ka qenë edhe Brruti. Po ashtu e kam parë në shumë ndeshje të Malishevës. Kam biseduar personalisht me të në janar dhe i kam dhënë sqarimet dhe konsultat e mia se ku duhet të përmirësohet. Natyrisht se ka qenë një lojtar me shumë perspektivë, ka qenë kapiten i Kombëtares U18 dhe i Kombëtares U21, por për mua me rendësi është që një lojtar i Kosovës, cilido që të jetë ai, të luajë dhe të vendos me zemër për Kosovën. Tani ai ka vendosur te luaj për Shqipërinë dhe është vendim i tij të cilin duhet ta pranojmë. Nuk ka pasur ftesë për ndeshjet e marsit, sepse kemi vendosur për lojtarë të tjerë. Por, për të ardhmen ka qenë një opsion real”.

The post Kosova me mungesa, Foda: Duhet të gjejmë zgjidhje të reja appeared first on Albeu.com.

Arjanet Muric, Edon Zhegrova dhe Florent Muslija largohen nga grumbullimi pasi kanë thyer rregulloren e ekipit kombëtar të vendosur nga përzgjedhësi Franco Foda dhe Federata. Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së

“Me vendim të përbashkët të përzgjedhësit Franco Foda dhe Federatës, tre futbollistët: Arjanet Muric, Edon Zhegrova dhe Florent Muslija janë larguar nga grumbullimi i ekipit kombëtar, për shkak të thyerjes së rregullores së ekipit kombëtar të vendosur nga përzgjedhësi dhe Federata. Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së. Ndërkohë, ekipit do t’ i bashkohet, portieri që ka qenë në listen e pritjes, Faton Maloku nga FC Drita”, shkruhet në njoftimin e Federatës Kosovare të Futbollit.

The post Foda largon nga grumbullimi Muriçin, Zhegrovën dhe Muslijan appeared first on Albeu.com.

Ka qenë Federata e Futbollit e Kosovës që ka njoftuar se për arsye disiplimore janë larguar tre futbollistë nga grumbullimi.

Bëhet fjalë për portierin Aro Muric si dhe Edon Zhegrovën dhe Florent Muslijën.

“Me vendim të përbashkët të përzgjedhësit Franco Foda dhe Federatës, tre futbollistët”:

“Arjanet Muric, Edon Zhegrova dhe Florent Muslija janë larguar nga grumbullimi i ekipit kombëtar, për shkak të thyerjes së rregullores së ekipit kombëtar të vendosur nga përzgjedhësi dhe Federata”.

Ndërkohë portieri i Dritës, Faton Maloku është bashkuar me Kombëtaren.

“Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së. Ndërkohë, ekipit do t’ i bashkohet, portieri që ka qenë në listen e pritjes, Faton Maloku nga FC Drita”, thuhet në njoftimin e FFK-së. /Telegrafi/

The post Ndryshime në listën e Kosovës, Foda përjashton tre futbollistë appeared first on Albeu.com.

“Jemi shumë të motivuar për ndeshjen e parë në shtëpi. Të gjithë lojtarët janë në formë, dhe kjo na jep shumë mundësi për të zgjedhur formacionin më të mirë. Edhe pse në ndeshjet e kaluara nuk kemi shënuar shumë gola, tani kemi në dispozicion lojtarë si Muriqi, Rrahmani, Zhegrova dhe Asllani, të cilët kanë shkëlqyer me klubet e tyre dhe shpresojmë që këtë formë ta sjellin edhe në kombëtare”, tha Foda.

Në lidhje me objektivat e ekipit, Foda u shpreh: “Qëllimi ynë kryesor është të fitojmë ndeshjen e parë. Sigurisht, dëshirojmë të jemi favoritë dhe të fitojmë çdo ndeshje për të përfunduar të parët në grup”.

Të premten, përfaqësuesja e Kosovës luan ndaj Rumanisë në stadiumin “Fadil Vokrri”, në ndeshjen e parë të Grupit 2 të Ligës C të Ligës së Kombeve. Më 9 shtator, ndaj Qipros në Larnaca.

The post Trajneri i Kosovës, Foda: Fitore ndaj Rumanisë dhe vendi i parë appeared first on Albeu.com.

Mediumi SuperSport/DigitAlb ishte i akredituar për transmetimin e ndeshjes së Kosovës, por që Franco Foda dhe lojtarët kanë refuzuar të flasin pas takimit.

Erling Haaland ka shënuar het-trik në fitoren e ‘Vikingëve’ ndaj ‘Dardanëve’, duke gjetur rrjetën në minutat 15′, 70′ dhe 75′.

As në faqen zyrtare të FFK-së nuk ka ndonjë deklaratë, ndërsa në fund të tekstit të raportit të ndeshjes shkruante: “Miqësorja kundër Norvegjisë ishte testi i fundit i Kosovës para ndeshjeve zyrtare të Ligës së Kombeve që nisin në shtator. Më 6 shtator Dardanët në shtëpi luajnë me Rumaninë, derisa tre ditë më vonë si mysafirë kundër Qipros”.

Franco Foda deri më tani ka tri ndeshje, dy humbje dhe një fitore, që të gjitha të zhvilluara si mysafir. /Telegrafi/

The post Humbja e thellë ndaj Norvegjisë, Foda dhe lojtarët refuzuan të flisnin pas ndeshjes appeared first on Albeu.com.

Në konferencën për media, Foda ka deklaruar se ekipi i tij është maksimalisht i motivuar për paraqitje të mirë ndaj ekipit nordik.

“Kjo miqësore është parapërgatitje e mirë për ndeshjet e Ligës së Kombeve që na presin nga shtatori. Kemi ekip të mirë e të balancuar. Jemi maksimalisht të motivuar që të fitojmë ndaj Norvegjisë. Është ndeshja e fundit për t’i parë disa karakteristika të lojtarëve para ndeshjeve të Ligës së Kombeve”, ka thënë fillimisht Foda.

Përzgjdhësi gjerman është shprehur optimist se Kosova në Ligën e Kombeve do të paraqitet mirë dhe do t’ia arrijë synimit për t’u ngjitur në Ligën B.

Ai tutje ka thënë se Kosova kishte planifikuar të luante dy ndeshje miqësore gjatë kësaj periudhe, por për arsye të ndryshme kjo nuk ishte e mundur.

Në fakt, ishte Kombëtarja e Bahrejnit, ajo me të cilën FFK kishte paramarrëveshje për të zhvilluar miqësore, por ajo më pas ishte tërhequr për shkak të datës së ndeshjes.

Foda ka thënë se të gjithë lojtarët e ftuar janë në grumbullim, me përjashtim të portierit Arijanet Muric, i cili për shkak të gjendjes shëndetësore ende është në dyshim.

“Muriq është i sëmurë dhe gjatë dy ditëve të ardhshme do ta dimë saktë nëse do të jetë i gatshëm për t’u grumbulluar me ne”, ka theksuar Foda.

Ndërkohë, shkaqe shëndetësore apo lëndimeve kësaj radhe mungojnë Milot Rashica, Mirlind Kryeziu, Florent Muslija, Donat Rrudhani dhe Ismajl Beka, kurse Ismet Lushaku dhe Kreshnik Krasniqi nuk janë liruar nga klubet e tyre në Suedi dhe Norvegji. /Telegrafi/

The post Franco Foda optimist për ndeshjen me Norvegjinë, e cilëson si test para Ligës së Kombeve appeared first on Albeu.com.

Berisha momentalisht aktivizohet në Austri tek ekipi LASK-u, pikërisht në vendin ku Foda arriti që të lë gjurmë si trajner.

Foda debutoi në stolin e ‘Dardanëve’ gjatë muajit mars aty ku Kosova i zhvilloi dy ndeshje miqësore ndaj Armenisë dhe Hungarisë.

Kosova arriti që Armeninë ta mposht me rezultat minimal 1-0 me golin e Rashicës, por pësoi humbje me rezultat 2-0 nga Hungaria.

“Ne kishim nevojë për një lëvizje të re, energji të re dhe një ide të re. Ai solli gjithçka këtu. Ai na la shumë përshtypje gjatë grumbullimit të parë”, ka thënë fillimisht Berisha.

“Ai dëshiron të luajmë përpara me intensitet, të fitojmë topa dhe të bëjmë më shumë goditje në portë. Kjo ka të bëjë edhe me mentalitetin e tij gjerman. Kjo është krejt e kundërt me dy trajnerët tanë të kaluar”.

“Ideja e Fodës i përshtatet lojës sonë në mënyrë ideale, sepse ne kemi disa lojtarë shumë të shpejtë në radhët tona dhe ata mund t’i shfrytëzojnë në mënyrë perfekte këto momente tranzicioni”, u shpreh mesfushori kosovar.

“Foda duhet të gjejë se cilët lojtarë mund ta ndihmojnë atë, në cilat pozita dhe kush i përshtatet më së miri sistemit të tij”, përfundoi ai. /Telegrafi/

The post Berisha: Idetë e Fodës na përshtaten në mënyrë ideale, ai na solli mentalitet gjerman appeared first on Albeu.com.

Foda për dallim nga përzgjedhësit e kaluar, vazhdimisht është në stadiumet e klubeve të Kosovës.

Presidenti i Malishevës, Driton Morina, i ka dhuruar edhe fanella me numrin 1.

Gjermani që nisi punën muajin që lamë pas është i angazhuar shumë edhe rreth ndeshjeve të futbollit kosovar.

Ai u përshëndet me Drilon Hazrollajn, të cilin e kishte ftuar për ndeshjet miqësore të marsit, në të cilin Kosova pati një fitore dhe një humbje.

Kosova me Fodan do të këtë ndeshje miqësore edhe në muajin qershor. /Telegrafi/

The post Përzgjedhësi i Kosovës, Franco Foda përcjell nga afër ndeshjen mes Malishevës dhe Dukagjinit appeared first on Albeu.com.

Kapiteni dardan foli për emisionin “Dardanët” në SuperSport, duke zbuluar edhe kërkesat e trajnerit të ri Franco Foda.

“Lojë interesante, shumë e mirë, sidomos në pjesën e parë. I ndalëm hungarezët dhe krijuam disa aksione të rrezikshme. Goli na prishi planet në të dytën, por nuk duhet ta humbnim toruan dhe të merrnim aq kundërsulme. Në përgjithësi ishte një ndeshje e mirë”, deklaroi fillimisht Rrahmani.

“Trajneri? Po provojmë të bëjmë lojën që kërkon trajneri i ri. Është vetëm ndeshja e dytë. Dhe patëm përballë një kundërshtar shumë të fortë. Po mundohemi të bëjmë presion lart, në mënyrë që të jemi shumë më afër golit”.

“Po qëndrojmë në bllok në mesfushë dhe në mbrojtje. Por, duhet të përmirësojmë presingun e lartë dhe reagimin”.

“E ardhmja? Kemi edhe miqësoret e qershorit, do të përgatitemi shumë më mirë për Nations League. Ai është synimi ynë për momentin. Ndeshjet e qershorit do të na ndihmojnë për të përgatitur takimet e Nations League”, theksoi më tej kapiteni i Kosovës. /ss/

The post Amir Rrahmani tregon kërkesën interesante që ia bëri trajneri i Kosovës appeared first on Albeu.com.