Chelsea po shqyrton sërish mundësinë për të transferuar Francisco Conceicaon, me sulmuesin anësor të Juventusit që mund të largohet nga klubi italian gjatë kësaj vere.

Sipas La Gazzetta dello Sport, londinezët po e ndjekin situatën e reprezentuesit portugez, veçanërisht nëse Pedro Neto vendos të largohet dhe të bashkohet me Al-Hilal.

E ardhmja e Conceicaos në Torino mund të ndikohet nga përforcimet e fundit në repartin e avancuar. Transferimi i Kerim Alajbegovic, afrimi i Randal Kolo Muanit dhe ardhja e Jeremie Bogas në janar mund ta ulin portugezin në hierarkinë e trajnerit.

Klubi anglez ka bërë tashmë një kontakt të parë për të vlerësuar mundësinë e marrëveshjes, por oferta prej 30 milionë eurosh nuk e ka bindur Juventusin.

Juventusi kërkon minimalisht 40 milionë euro për të lejuar largimin e 23-vjeçarit. Nëse Chelsea ofron këtë shumë, “Bianconerët” pritet të jenë të gatshëm të negociojnë shitjen.

Në bisedimet për këtë transferim është përfshirë edhe agjenti Jorge Mendes, i cili më herët kishte provuar ta drejtonte Chelsean drejt Rafael Leaos së Milanit.

Conceicao u bë përfundimisht lojtar i Juventusit pas përfundimit të huazimit nga Porto, në një operacion që klubit italian i kushtoi gjithsej 41 milionë euro.

Gjatë verës, emri i portugezit ishte lidhur edhe me një transferim në Ligën Premier, pasi Liverpooli kishte shfaqur interesim për të.

Një marrëveshje prej 40 milionë eurosh do t’i krijonte Juventusit hapësirë për të investuar në një tjetër sulmues.

The post Chelsea rikthehet për Francisco Conceicaon, Juventusi vendos çmimin 40 milionë euro appeared first on Albeu.com.

Manchester United ka hedhur sytë nga Serie A dhe po përgatit një ofertë të rëndësishme për të siguruar shërbimet e Francisco Conceicaos, anësorit të talentuar të Juventusit.

Sipas burimeve të Sportmediaset, klubi anglez propozon një shumë prej 30 milionë eurosh dhe kartonin e sulmuesit holandez Joshua Zirkzee, me shpresën për të bindur drejtuesit torinezë.

Portugezi mund të ndërpresë aventurën e tij te “Zonja e Vjetër” pas vetëm dy sezonesh, ndërsa “Djajtë e Kuq” po shfaqin interesimin më konkret deri tani për të.

Trajneri Michael Carrick synon të përforcojë repartin e avancuar dhe sheh te Conceicao profilin ideal për projektin e tij teknik.

Ish-lojtari i Portos kaloi fillimisht në Torino në verën e 2024-ës në formë huazimi, përpara se Juventusi të paguante 30 milionë euro për ta blerë në mënyrë të përhershme.

Performancat e tij solide e shndërruan shpejt në një element të rëndësishëm të skuadrës, fillimisht nën drejtimin e Igor Tudor dhe më pas të Luciano Spallettit.

Forma e mirë ka tërhequr vëmendjen nga Premier League, ku edhe Liverpooli po e ndjek me kujdes situatën, por Unitedi deri më tani është treguar më këmbëngulës në garë.

Bordi i Juventusit e vlerëson portugezin në një shifër që lëviz mes 50 dhe 60 milionë eurove, megjithatë kjo shumë mund të reduktohet nëse përfshihet një lojtar në negociata.

Për pasojë, oferta e United prej 30 milionë eurosh plus Zirkzeen mund të jetë një formulë tërheqëse për të dyja palët.

Sulmuesi holandez nuk bën më pjesë në planet kryesore të klubit të “Old Trafford” dhe një rikthim në Itali do të ishte i mirëpritur nga vetë lojtari.

Nga ana tjetër, Spalletti është në kërkim të një qendërsulmuesi të ri për sezonin e ardhshëm dhe e çmon profilin e Zirkzees, çka e bën shkëmbimin një opsion mjaft interesant për kampionatin italian.

The post United gati të sakrifikojë Zirkzeen dhe 30 milionë euro për të rrëmbyer Conceicaon nga Juventusi appeared first on Albeu.com.

Para vazhdimit të rrugëtimit të Portugalisë në Kupën e Botës 2026, me Ronaldon në rolin e liderit të ekipit, Conceicao theksoi se zgjedhjet gjatë ndeshjes bëhen gjithmonë në interes të skuadrës dhe jo të një futbollisti të vetëm.

Anësori portugez vlerësoi aftësinë e jashtëzakonshme të Ronaldos përpara portës, por bëri të qartë se ekipi nuk ka asnjë detyrim që ta kërkojë vazhdimisht kapitenin në sulm.

“Jo, Cristiano e ka cilësinë e tij për të shënuar gola, nuk ka askush si ai në këtë aspekt. Por ne nuk e kemi atë detyrim, atë nevojë për t’ia pasuar topin atij”, deklaroi Conceicao.

Ai shpjegoi se vendimet në repartin ofensiv merren brenda çastesh dhe varen vetëm nga ajo që ndodh në fushë në atë moment.

“Për shembull, unë ia pasoj topin atij që është më i lirë. Nuk kam kohë të mendoj për fytyrën e bashkëlojtarit që kam pranë. Ne veprojmë me instinkt, janë milisekonda dhe nuk ka kohë për gjëra të tilla”.

Në fund, Conceicao theksoi se Ronaldo ka të njëjtin rol si pjesa tjetër e ekipit në përfaqësuese.

“Cristiano është këtu për të ndihmuar, ashtu si çdo bashkëlojtar tjetër në kombëtare”, përfundoi ai.

The post Conceicao: Vendimet në sulm nuk merren për emrin e Ronaldos appeared first on Albeu.com.