Padia pretendon se algoritmi i TikTok i ekspozoi shtatë adoleshentët ndaj videove që promovonin vetëvrasje, vetëlëndim dhe çrregullime të të ngrënit, ka deklaruar avokatja Laure Boutron-Marmion për transmetuesin franceinfo.

Familjet janë duke ndërmarrë veprime të përbashkëta ligjore në gjykatën e Kreteil.

Boutron-Marmion ka thënë se ishte rasti i parë i tillë i grupuar në Evropë.

“Prindërit duan që përgjegjësia ligjore e TikTok të njihet në gjykatë. Kjo është një kompani tregtare që ofron një produkt për konsumatorët që janë, përveç kësaj, të mitur. Prandaj, ata duhet të përgjigjen për mangësitë e produktit”, ka deklaruar Boutron-Marmion.

TikTok, si platformat e tjera të mediave sociale, është përballur prej kohësh me një mbikëqyrje mbi kontrollin e përmbajtjes në aplikacionin e tij.

Platforma përballet me qindra padi në SHBA duke i akuzuar ata për joshjen dhe varësinë e miliona fëmijëve në platformat e tyre, duke dëmtuar shëndetin e tyre mendor.

The post Shtatë familje franceze padisin TikTok-un appeared first on Albeu.com.

Nëse planifikoni të udhëtoni në Tokën e Shqiponjave, ja disa rregulla që duhet të dini;

Dokumente të nevojshme

Nuk ka nevojë për vizë për të shkuar në Shqipëri: edhe nëse ky shtet nuk është pjesë e Bashkimit Evropian, mjafton një pasaportë ose një kartë identiteti e vlefshme franceze nëse jeni një turist.

Nëse qëndrimi juaj zgjat më shumë se 90 ditë, do t’ju kërkohet një vizë.

Klima

Vendi ofron një mot mesdhetar pasi rrethohet nga një vijë bregdetare mahnitëse dhe malet e larta.

Gjatë verës, Shqipëria është kudo me diell, e karakterizuar nga një mot i nxehtë dhe i thatë.

Mes qershorit dhe gushtit, temperaturat arrijnë 28°C deri në 34°C.

Në Tiranë, kryeqyteti shqiptar, vera është e këndshme – gjatë ditës temperaturat arrijnë në 30°C, por natën ato bien në 16-17°C.

Në vendpushimet bregdetare të Sarandës, në detin Jon, temperatura është rreth 35°C, ndërsa piku i vapës regjistron temperatura deri në 40°C.

Për fat të mirë, Shqipëria ka detin Adriatik në veri dhe detin Jon në jug: temperatura e ujit luhatet midis 22°C dhe 27°C.

Njihuni me të kaluarën

Shqipëria është një destinacion i ri turistik. Vendi ballkanik i hapi dyert për turistët e huaj në shekullin e XX.

Nga shekulli i XVI deri në vitin 1912, Shqipëria e sotme ishte pjesë e Perandorisë Osmane.

Përhapja e fesë islame filloi kryesisht me pushtimet osmane – trashëgimia e kësaj periudhe.

Në vitin 1944, Shqipëria u bë një vend komunist – një nga diktaturat më të ashpra në Evropë – deri në rrëzimin e këtij regjimi në vitin 1991.

Në vitin 1998, shpërtheu Lufta e Kosovës, e cila vendosi Ushtrinë Çlirimtare të Kosovës (UÇK) kundër Serbisë.

Shqipëria, fqinji i Kosovës, mbështet aspiratat e UÇK-së për pavarësi. Në vitin 2008, Kosova shpalli pavarësinë e saj, një pavarësi e kundërshtuar nga Beogradi, por e njohur nga shumica e vendeve evropiane, përfshirë Francën.

Stema kombëtare e Shqipërisë është shqiponja dykrenare, simbol i rezistencës shqiptare kundër pushtimit osman.

Shqiponja dykrenare është edhe stema e Perandorisë Bizantine, pjesë e së cilës Shqipëria ishte për dhjetë shekuj – deri në mesin e shekullit të XV.  /Le figaro

The post Media franceze “Le Figaro”: Shqipëria – zbuloni destinacionin e ri turistik në zemër të Evropës appeared first on Albeu.com.

Ajo konsiderohet si një nga aktoret më të rëndësishme të skenës franceze dhe ndërkombëtare. Bukuria, talenti dhe sharmi i saj i pakrahasueshëm magjepsën audiencën për dekada me rradhë, duke i dhënë asaj një vend në historinë e filmit.

E lindur në Paris më 27 prill 1932 si Nicole Françoise Florence Dreyfus, ajo filloi aktrimin në moshën 14-vjeçare dhe mori pjesë në më shumë se 70 filma, duke lënë gjurmë në botën e kinemasë.

Annook Eme arriti të bëhej e njohur ndërkombëtarisht përmes bashkëpunimeve të saj me regjisorë të rëndësishëm. Ajo u bë e famshme për interpretimin e saj në “La Dolce Vita” të Federico Fellini-t në vitin 1960, si dhe në filmin ikonik të “Claude Lelouch Un Homme et une Femme” (Një burrë dhe një grua) në 1966, për të cilin fitoi “Golden Globe” dhe u nominua për çmimin “Oscar”.

Emme punoi me regjisorë të mëdhenj si Federico Fellini dhe Claude Lelouch, ndërsa u nderua me shumë çmime, si “Golden Globe” dhe “BAFTA Aëard”. Në vitin 2002, ajo u nderua me Ariun e Artë të Nderit në Festivalin e Filmit në Berlin për arritjet e saj.

The post Humbje e madhe për kinematografinë, ndahet nga jeta aktorja e njohur franceze appeared first on Albeu.com.

Shërbimi zjarrfikës i Himarës me alpinistët kanë kërkuar në malin e Çikës dhe e kanë gjetur në fshatin Iljas.

The post Humbi në Malin e Çikës, gjendet turistja franceze appeared first on Albeu.com.

Cilat janë këto xhevahire të fshehura që meritojnë vëmendjen tonë në 2024? Ne ju sugjerojmë të eksploroni pesë destinacione të reja me histori dhe kulturë të pasur dhe peizazhe që të lëne pa frymë.

Këto destinacione ofrojnë një mundësi të pakrahasueshme për të bërë një zbulim të vërtetë turistik në vitin 2024.

Shqipëria, Letonia, Butani, Madagaskari apo Bolivia, ofrojnë mrekulli natyrore, aventura të paharrueshme dhe “një zhytje të thellë” në kulturat e tyre unike.

Historia e Shqipërisë

Shqipëria ka një histori çuditërisht të pasur që daton që nga kohërat parahistorike.

Duke qenë nën sundimin osman për disa shekuj, ajo fitoi pavarësinë në vitin 1912.

Pavarësisht nga një e kaluar e trazuar e shënuar nga një diktaturë e ashpër nën sundimin komunist, Shqipëria është sot një komb që kërkon të ripërcaktojë veten.

Vendi mesdhetar shquhet për ndërthurjen e kulturave, të ndikuar nga ilirët, romakët, bizantinët dhe osmanët.

Pse nënvlerësohet Shqipëria

Pavarësisht potencialit të saj të madh turistik, prej disa vitesh Shqipëria ka qënë një nga destinacionet më pak të njohura.

Kjo është kryesisht për shkak të mungesës së publicitetit dhe ndërgjegjësimit për pasurinë e saj kulturore, historike dhe natyrore.

Shumë udhëtarë priren të shkojnë drejt destinacioneve të famshme evropiane, por Shqipëria është një vend magjepsës që ka shumë për të ofruar!

Disa nga atraksionet kryesore turistike në Shqipëri

Shqipëria ka shumë vende me interes si Parku Kombëtar i Malit të Dajtit, një zonë e mbrojtur që ofron pamje mahnitëse të Tiranës, kryeqytetit të vendit.

Qyteti historik i Gjirokastrës është një tjetër destinacion që duhet vizituar në këtë destinacion atipik.

I listuar si një sit i Trashëgimisë Botërore të UNESCO-s për qendrën e tij të ruajtur mirë osmane, ai shpesh quhet “Qyteti i Gurtë”.

Mos humbisni plazhet e bukura të Rivierës Shqiptare, siç është Dhërmiu, i cili ofron plazhe të mrekullueshme dhe një ambient të qetë pa turma vizitorësh.

Destinacioni i ri për t’u vizituar në 2024

Shqipëria ofron një ndërthurje unike të kulturës, peizazheve dhe historisë që e bën atë intriguese për udhëtarët aventurierë.

Çfarë e bën këtë destinacion tërheqës për vitin 2024?

Në vitin 2024, ky destinacion do të tërheqë vëmendjen e vizitorëve falë veçantisë, autenticitetit dhe evolucionit të tij në infrastrukturën turistike.

Për më tepër, turistët po kërkojnë destinacione më pak të mbushura me njerëz për të shmangur turmat dhe për të përjetuar një përvojë të re.

The post “Buzzly”: Vizitoni Shqipërinë për një zbulim të vërtetë turistik në 2024-n appeared first on Albeu.com.

Në Shqipëri, ka diçka për të gjithë, madje edhe për aventurierët që dëshirojnë të zbulojnë horizonte të reja, më pak të njohura, por po aq luksoze.

Shqipëria është një nga destinacionet që mbetet ende e paprekur nga turizmi masiv.

Vendi evropian tërheq me hijeshinë e tij nga një e kaluar historike ende e dukshme në arkitekturë.

Pse Shqipëria është një nga destinacionet në trend në Evropë?

Për të zbuluar vendin duhet të ndalesh në Ballkan dhe më saktë në Shqipëri!

Vendi ballkanik është konsideruar nga ekspertët e udhëtimeve dhe turistët e huaj si “Maldivet e Evropës”.

Ky vend i bukur ofron plazhe mahnitëse me rërë dhe ujëra blu bruz.

Përveç pamjes së saj qiellore, Shqipëria është gjithashtu një alternativë më e lirë, por po aq e bukur sa Sardenja në Itali apo destinacionet e tjera të njohura italiane.

Çmimi i jetesës është një nga arsyet që i tërheq vizitorët që synojnë oferta të mira për të shijuar pushimet.

Në vendin ballkanik, gjejmë rrënoja që datojnë nga periudha e lashtë greke dhe romake, si dhe peizazhe ku dominon natyra e gjelbër.

Qytetet më të bukura të Shqipërisë për t’u vizituar

Gjirokastra

Për sa i përket kostos, Gjirokastra është një nga qytetet më të lira në Evropë, i konsideruar edhe si qyteti më i bukur në Shqipëri.

E vendosur në jug të vendit, ky qytet shtrihet në lartësitë e Malit të Gjerë.

Arkitektura e saj dallohet për bukurinë e shtëpive tipike ballkanike.

Kjo është edhe një nga arsyet që lejoi përfshirjen e saj në listën e trashëgimisë botërore të UNESCO-s në vitin 2005.

Qyteti ka shumë vende që duhen zbuluar, si Shtëpia e Zekatëve, si dhe disa muze që rrëfejnë të kaluarën e lavdishme të qytetit.

Ky qytet me ndërtesa historike ofron gjithashtu vizita në shumë ndërtesa të vjetra fetare si një xhami e vjetër që daton nga koha e Perandorisë Osmane, disa kisha të vjetra si dhe një Kishë Bazilike e madhe që ndodhet jo shumë larg qytetit dhe një kështjellë që daton nga shekulli i XIII.

Në Gjirokastër, gastronomia është veçanërisht e bollshme. Ajo është ndikuar nga trashëgimia osmane e vendit, por e përbërë edhe nga specialitetet vendase.

Tirana

Tirana është një qytet mbresëlënës shqiptar.

Për ta zbuluar më mirë, rekomandohet të bëni një shëtitje në Malin e Gamtit në verilindje të Tiranës, ku mund të admironi pamjet panoramike të liqenit të Bovillës.

Ky qytet ka një nga trashëgimitë më të pasura artistike dhe kulturore, ndaj dhe ekskursionet janë të shumta dhe të larmishme.

Saranda

Në këtë qytet të mrekullueshëm bregdetar shqiptar, mund të shijoni mbi të gjitha diellin dhe detin, por mund të zbuloni edhe historinë e lashtë të qytetit bregdetar.

Në të vërtetë, Saranda është e mbushur me elemente historike, duke përfshirë rrënojat e lashta, muzetë dhe madje edhe një kështjellë që daton nga shekulli i XVI.

Megjithatë, Saranda është edhe vendi ideal për pushime ku ndërthuren relaksi, festat e vogla dhe kënaqësitë e jetës.

Prandaj, ky qytet bregdetar është destinacioni i përsosur nëse vërtet dëshironi të harroni shqetësimet e jetës së përditshme.

The post Media franceze ‘Grazia’: Shqipëria, destinacioni më i kërkuar nga pushuesit në 2024-n appeared first on Albeu.com.

Polemikat sa vijnë e thellohen, pasi nëse vërtetohet si lajm i bie që të plasë një skandal i madh. Senatorja franceze, Valeri Bojer, ka marrë një nismë ku kërkon që Karim Benzemas t’i hiqet trofeu i “Topit të Artë” dhe shtetësia franceze pas lidhjeve me organizatën terroriste dhe mbështetjes për Gazën në luftën që ka shpërthyer me Izraelin.

Në një peticion të nënshkruar dhe dërguar qeverisë së Francës, të cilën ajo e ka shpërndarë në faqen e saj në “Instagram”, Bojer deklaroi:

“Ne nuk mund të pranojmë që një francez, i njohur ndërkombëtarisht, mund të çnderojë dhe madje të tradhtojë vendin tonë në këtë mënyrë”.

Benzema bëri publike mbështetjen e tij për popullin e Gazës në një postim në platformën “X” (ish-Tuitter).

“Të gjitha lutjet tona për banorët e Gazës, të cilët janë edhe një herë viktima të këtyre bombardimeve të padrejta që nuk kursejnë gra dhe fëmijë”, shkruante Benzema në postimin e tij.

The post Mbështeti qytetarët palestinezë, ministrja franceze: Benzemasë t’i hiqet nënshtetësia dhe “Topi i Artë” appeared first on Albeu.com.

“Panorama Sport” mëson se destinacioni i ardhshëm i Muçit mund të jetë Monako. Bëhet fjalë për një klub të madh në Francë dhe shifra e transferimit mund të shkojë deri në 15 milionë euro.

Aktualisht shqiptari menaxhohet nga Shkumbin Qorrmehmeti, por mësohet se në lojë për një bashkëpunim ka hyrë edhe agjenti i famshëm Jorge Mendes, i cili ka menaxhuar për vite Kristiano Ronaldon dhe aktualisht ka nën vete shumë lojtarë të njohur.

Kampionati polak është një trampolinë e mirë për shumë lojtarë, teksa nga Leh Poznan apo Legia janë transferuar për shifra të larta drejt Anglisë dhe Francës. Rekordin e shitjes e mban Jakub Moder, që u ble nga Brajtoni për 11 milionë euro.

Kështu, nëse gjithçka realizohet për Muçin, ai mund të bëhet edhe lojtari që është shitur më shtrenjtë nga Polonia drejt një vendi tjetër. Gjithashtu gazeta zbulon se edhe klubi i Tiranës do të përfitonte 1.5 milionë euro nga shitja, pasi zotëron 10% të kartonit.

Aktualisht Monako renditet në vendin e parë në kampionatin francez, ndërsa sa i përket repartit të avancuar, ata vuajnë mungesën e Brel Embolo, i cili ka këputur ligamentet dhe do kohë që të rikthehet.

NDESHJA – Për shkak të kalendarit të ngjeshur, Ernest Muçi e nisi nga stoli takimin e djeshëm që Legia e Varshavës zhvilloi në Holandë.

Skuadra e shqiptarit u mposht minimalisht me AZ Alkmarin në transfertë, edhe pse dominoi në gjithë takimin, pasi këta të fundit mbetën me një lojtar më pak.

Sulmuesi i Kombëtares u hodh në fushë në minutën e 62-të, por tërheqja e holandezëve mbrapa për të ruajtur rezultatin, nuk la shumë hapësira për Muçin, i cili tentoi disa herë me krosime drejt zonës, por nuk u shfrytëzuan mirë nga shokët e ekipit.

Aktualisht Legia ndodhet në kuotën e tri pikëve, po aq sa Aston Vila, Zrinjski dhe AZ Alkmari dhe golashënuesi më i mirë e ekipit është Muçi, me dopietën e shënuar ndaj Aston Vilës.

The post E BUJSHME/ Ernest Muçi drejt gjigandit francez për një shifër rekord appeared first on Albeu.com.

Sipas informacioneve një makinë ka dalë nga rruga dhe ka përfunduar në greminë.

Si pasojë e këtij aksidenti janë plagosur dy turistë francezë, të cilat janë transportuar  në spital. Nuk dihet gjendja e tyre shëndetësore.

The post Aksident i frikshëm në rrugën e Arbrit, makina përfundon në greminë, plagosen dy turistë francezë appeared first on Albeu.com.

Konsumatorët kishin kërcënuar se do të bojkotojnë markën, e cila tha se mbajtja e dyqaneve të hapura do të mbronte stafin nga “hakmarrja” e mundshme ruse.

Por në një deklaratë të lëshuar të premten, firma e bukurisë tha se do të mbyllte dyqanet për shkak të “vuajtjeve të mëdha njerëzore dhe përshkallëzimit të veprimeve ushtarake në Ukrainë”.

L’Occitane shitet në më shumë se 3,085 shitore me pakicë në mbarë botën dhe pati shitje prej 1.5 miliardë euro (1.3 miliardë £) vitin e kaluar.

Markat rivale të bukurisë L’Oreal dhe Estee Lauder janë në mesin e qindra kompanive ndërkombëtare që kanë mbyllur tashmë dyqanet dhe kanë ndërprerë shitjet online në Rusi në shenjë proteste ndaj luftës./albeu.com

The post Kompania franceze e kozmetikës do të mbyllë dyqanet në Rusi appeared first on Albeu.com.