Sipas prokurorisë franceze, hetimet janë shtrirë në 84 parashkolla, rreth 20 shkolla fillore dhe afro 10 qendra të kujdesit ditor, ku dyshohet se persona të angazhuar për mbikëqyrjen e fëmijëve kanë ushtruar dhunë gjatë pushimeve të drekës, orëve të gjumit dhe aktiviteteve pas mësimit. Shumica e rasteve përfshijnë fëmijë shumë të vegjël, disa deri në moshën tre vjeç.

Kryeprokurorja e Parisit, Laure Beccuau, ka konfirmuar se numri i denoncimeve tashmë ka kaluar 100 raste, ndërsa disa prej tyre përfshijnë akuza tepër të rënda për abuzim seksual ndaj fëmijëve. Hetimet vijojnë dhe autoritetet nuk përjashtojnë zgjerimin e mëtejshëm të tyre.

Në qendër të debatit janë të ashtuquajturit “monitorues të shkollave”, persona të rritur që mbikëqyrin fëmijët jashtë orarit mësimor, gjatë vakteve apo aktiviteteve pas shkolle. Sipas raportimeve, këta punonjës shpesh rekrutohen nga autoritetet lokale dhe jo drejtpërdrejt nga Ministria e Arsimit, duke ngritur shqetësime serioze për mungesën e trajnimeve dhe kontrollit të duhur.

Prindër dhe avokatë pretendojnë se problemet në sistem janë denoncuar prej vitesh, por paralajmërimet nuk janë marrë seriozisht. Sipas tyre, dobësitë në rekrutim dhe mbikëqyrje kanë krijuar terren që rastet e abuzimit të vazhdojnë pa u ndalur.

Ndërkohë, disa familje të prekura raportojnë pasoja të rënda fizike dhe psikologjike tek fëmijët. Hetimet kanë sjellë në vëmendje edhe raste të ndjeshme që kanë tronditur opinionin publik dhe kanë shtuar presionin për transparencë dhe përgjegjësi.

Bashkia e Parisit ka paralajmëruar masa urgjente dhe një plan investimi për të përmirësuar sistemin e monitorimit në institucionet arsimore. Paralelisht, në javët në vijim pritet zhvillimi i disa proceseve gjyqësore ndaj të dyshuarve, ndërsa prindërit kërkojnë zbardhje të plotë të çështjes në atë që po konsiderohet si një nga skandalet më serioze në sistemin arsimor francez.

The post Ngjarje e rëndë në Francë, hetime pas mbi 100 akuzave për abuzim ndaj fëmijëve appeared first on Albeu.com.

Sipas autoriteteve franceze, incidenti ndodhi gjatë një aktiviteti sportiv në kryeqytet, ndërsa shërbimet e emergjencës ndërhynë menjëherë për të ndihmuar pjesëmarrësit që shfaqën shenja lodhjeje dhe dehidratimi.

Shërbimi meteorologjik francez, Météo-France, bëri të ditur se temperaturat në Paris kanë kaluar 30 gradë Celsius për herë të parë këtë vit, duke arritur deri në 31.9°C. Ndërkohë, në disa zona të tjera të vendit janë thyer rekordet historike të muajit maj.

Meteorologët e lidhin këtë situatë me një fenomen të quajtur “kupolë termike”, që po sjell masa të nxehta ajri nga Afrika e Veriut dhe po mban temperaturat në nivele shumë të larta.

Autoritetet kanë vendosur në alarm disa rajone të Francës perëndimore, ndërsa parashikimet tregojnë se temperaturat mund të arrijnë deri në 35 gradë Celsius gjatë ditëve në vijim.

Ekspertët paralajmërojnë se valët e shpeshta të të nxehtit janë pasojë e ndryshimeve klimatike dhe pritet të bëhen gjithnjë e më intensive në vitet e ardhshme.

The post Temperaturat rekord godasin Francën, një i vdekur dhe disa të shtruar në spital appeared first on Albeu.com.

Sipas operatorit, disa persona kanë raportuar simptoma të ngjashme me një virus të stomakut pas nisjes së anijes nga Liverpuli. Aktualisht raportohet për 49 raste aktive mes pasagjerëve dhe ekuipazhit, që përbëjnë më pak se 3% të personave në bord.
Kompania theksoi se po e trajton situatën “jashtëzakonisht seriozisht”, duke zbatuar masa të shtuara sanitare dhe protokolle parandaluese.

Autoritetet shëndetësore franceze kanë kërkuar një kontroll rutinë të gjendjes shëndetësore dhe dokumentacionit të anijes. Mostrat janë dërguar për analiza në spitalin universitar të Bordeaux-it, ndërsa rezultatet pritet të dalin pas të paktën gjashtë orësh testimi.

Sipas operatorit, kjo sëmundje gastrointestinale nuk besohet të ketë lidhje me shpërthimin e hantavirusit që ka qenë në qendër të vëmendjes javën e fundit.
Testimet janë ende në vazhdim, ndërsa aktivitetet e planifikuara për sot janë anuluar. Pasagjerëve do t’u rimbursohen plotësisht shpenzimet për aktivitetet e anulura qe ishin planifikuar.

“Kërkojmë mirëkuptimin e pasagjerëve. Sapo të jepet leja nga autoritetet, ata do të lejohen të zbresin nga anija,” thuhet në deklaratën e kompanisë se njohur.

The post Alarm në kroçerën luksoze në Francë, dhjetëra pasagjerë dhe anëtarë ekuipazhi preken nga hantavirusi appeared first on Albeu.com.

Sipas zyrës së prokurorit lokal, një sulm i armatosur ka ndodhur në pjesën perëndimore të qytetit, ku persona të armatosur kanë hapur zjarr në një zonë të banuar. Si pasojë e sulmit, të paktën dy persona kanë humbur jetën, ndërsa tre të tjerë kanë mbetur të plagosur. Autoritetet kanë konfirmuar se tre nga të plagosurit ndodhen në gjendje kritike, ndërsa tre të tjerë kanë marrë lëndime më të lehta.
Sipas raportimeve të mediave franceze, dy persona që ndodheshin brenda një automjeti kanë hapur zjarr në një shesh qendror të lagjes përpara se të largoheshin me shpejtësi nga vendngjarja. Policia ka nisur menjëherë hetimet për identifikimin dhe kapjen e autorëve, ndërsa zona është rrethuar për të mbledhur prova.

Reagime të menjëhershme kanë ardhur edhe nga kryetari i bashkisë, Éric Ciotti, i cili e ka cilësuar ngjarjen si një sulm të armatosur “të tmerrshëm”, duke theksuar nevojën për forcim të masave të sigurisë në qytet.

Ngjarja e fundit vjen në një klimë tensioni të shtuar, duke ngritur pyetje mbi rritjen e dhunës me armë në disa zona urbane të Francës dhe nevojën për ndërhyrje më të forta nga autoritetet.

The post Plumbat trondisin Francën: 2 të vdekur, 3 në gjendje kritike appeared first on Albeu.com.

Rajonet Jura, Doubs, Territoire de Belfort, Haute-Saône, Haute-Marne dhe Vosges, do të mbeten në alarm të paktën deri në mesnatë, tha parashikuesi i motit në buletinin e tij të fundit, duke paralajmëruar për “vështirësi në drejtim”.

Të dielën, departamentet Jura dhe Doubs do të mbeten nën këtë nivel alarmi deri në orën 06:00.

”Météo-France” parashikon një periudhë reshjesh dëbore ndonjëherë edhe deri në fusha, me 5-10 centimetra të mundshme deri në 300 metra lartësi, pas kalimit të stuhisë ”Goretti”, e cila filloi në Gjermani dhe vendet e Beneluksit.

Reshjet e dëborës mund të kalojnë 10 centimetra, duke arritur deri në 20 centimetra, midis 400 dhe 500 metrave, dhe të arrijnë deri në 40 centimetra mbi 500 metra në zonat më të larta malore.

Shërbimi publik i motit parashikon që bora të bjerë edhe deri në 200-300 metra.

”Një zgjatje e alarmit të motit është e mundur”, paralajmëroi ai.

The post Dëborë dhe akull, i ftohti ekstrem mbërthen Francën appeared first on Albeu.com.

Prej një jave, ata flenë në sheshin përpara Bashkisë së Montpeljesë. Një tubim solidariteti u organizua të hënën në mbrëmje në Montpeje nga shoqatat “Un toit, un avenir et solidarité partagée”, të cilat i shoqërojnë dhe i mbështesin. Rreth 60 persona u mblodhën përpara Bashkisë.

Presidenti i Shoqatës ‘Solidarité Partagée’, e cila po e ndjek këtë familje prej javësh, tha për mediat franceze se, “Kjo situatë është e papranueshme. Fëmijët sëmuren nga të ftohtit. Është gjithmonë kështu. Kemi parë familje me fëmijë që qëndrojnë deri në katër muaj në rrugë. Kjo nuk është normale. Prefektura nuk po e bën pjesën e saj”.

Mediat franceze shkruajnë se, prefektura mban qëndrimin se kjo familje nuk është prioritet për përfitimin e strehimit emergjent.

Ky vendim justifikohet me faktin se familja ndodhet në situatë të parregullt dhe se Gjykata Administrative e Montpeljesë, më 8 dhjetor, ka rrëzuar kërkesën e tyre për të përfituar strehim emergjent.

Një tubim i ri solidariteti është parashikuar për të dielën, më 21 dhjetor, në orën 14:00, në sheshin përpara Bashkisë së Montpeljesë.

The post Emigruan për një jetë më të mirë, familja shqiptare fle në rrugët e Francës/ FOTOT appeared first on Albeu.com.

Të hënën në mbrëmje, disa dronë u panë duke fluturuar pranë Dublinit, ndërsa aeroplani që transportonte Presidentin ukrainas Volodymyr Zelensky ishte gati të ulej përpara vizitës së tij të parë zyrtare në Irlandë. Natën e së enjtes (12/4), disa dronë fluturuan pranë një baze detare franceze në bregdetin e Atlantikut, e cila strehon nëndetëse me raketa balistike bërthamore, thanë prokurorët francezë për mediat lokale.

Dy incidentet janë të fundit në një seri pamjesh të pashpjegueshme në disa vende evropiane që nga shtatori. Disa dronë kanë ndërprerë trafikun ajror civil, ndërsa të tjerë kanë fluturuar pranë bazave ajrore dhe instalimeve të tjera ushtarake.

Çfarë mendojnë evropianët për sulmet?

Zyrtarët evropianë kanë thënë se besojnë se Rusia qëndron pas të paktën disa prej incidenteve, por asnjë dron nuk është gjetur ose rrëzuar. Presidenti rus Vladimir Putin më parë kishte tallur pretendimet se Moska qëndronte pas pamjeve të dronëve në Evropë.

Prokurorët francezë u thanë mediave franceze se asnjë nga dronët që fluturuan pranë bazës së nëndetëseve Ile Long në Francën veriperëndimore nuk u rrëzua dhe asnjë nga pilotët e tyre nuk u identifikua. Nuk është e qartë se nga erdhën dronët. Prokurori Frederic Teillet i tha AFP-së se në këtë fazë nuk ishte vërtetuar asnjë lidhje me ndërhyrje të huaja. Ai shtoi se marinsat francezë në bazë kishin përdorur një bllokues kundër dronëve.

“Ekziston një hetim i vazhdueshëm që do të përcaktojë se çfarë ishte ky fluturim”, tha Ministrja Franceze e Mbrojtjes, Catherine Vautrin, për stacionin televiziv TF1 të premten.

Fluturimet me dronë janë të ndaluara në gadishullin Crozon, ku ndodhet baza e nëndetëseve dhe infrastruktura tjetër ushtarake. Policia irlandeze nuk e përmendi shumë incidentin të hënën, duke i thënë CNN të premten se një njësi speciale detektivësh po hetonte dhe do të jetë në kontakt me forcat e mbrojtjes dhe partnerët ndërkombëtarë të sigurisë.

Presidentja e Komisionit Evropian, Ursula von der Leyen, e ka quajtur valën e fundit të pushtimeve “luftë hibride”. Në shtator, kryeministrja daneze Mette Frederiksen tha se, ndërsa autoritetet nuk mund të ishin të sigurta se kush qëndronte pas incidenteve, të paktën mund të konkludojmë se ekziston kryesisht një vend që përbën kërcënim për sigurinë e Evropës – dhe ai është Rusia.

Shumë nga pamjet e dronëve ishin pranë brigjeve të Balltikut dhe vendeve të tjera evropiane, duke ngritur shqetësime se Rusia mund të jetë duke përdorur anije si platforma për dronë.

The post Dronë të dyshimtë në Irlandë dhe Francë, nisin hetimet e thelluara nga vendet, sytë kthehen nga Rusia appeared first on Albeu.com.

“Jam në një gjendje që s’di se ca ka bërë. Nuk e di se ça ka bërë djali aty. Ishin mirë dhe bukur. Më tha një nga Franca, mori në telefon; më tha mblidh mendjen yt bir ka vrarë nusen dhe veten. Nuk e di që të kishin konflikte. Nuk di. Evlat e kishte ajo (për krushkën), evlat dhe unë”, thotë duke qarë nëna e shqiptarit.

NGJARJA

Alarmi u dha rreth orës 16:30, kur një banor i lagjes Europe njoftoi policinë për dëgjimin e dy të shtënave me armë në adresën 101 Rue Général-Paulet.

Forcat e rendit mbërritën menjëherë në vendngjarje dhe gjetën trupat e një burri dhe një gruaje me origjinë shqiptare, të moshës 30 dhe 36 vjeç, si dhe një pushkë gjahu pranë tyre.

Sipas raportimeve nga mediat franceze, hetuesit po e orientuan çështjen drejt pistës së vrasjes së gruas dhe më pas vetëvrasjes së autorit të dyshuar.

Çifti ishte prindër i dy fëmijëve. Njëri prej tyre nuk arriti të kthehej në shtëpi pas të shtënave, ndërsa fëmija më i vogël ndodhej në shkollë në momentin që ndodhi tragjedia.

The post Shqiptari vrau gruan në Francë dhe më pas veten/ Nëna rrëfehet mes lotësh: Jam në një gjendje që s’di se… appeared first on Albeu.com.

Alarmi u dha rreth orës 16:30, kur një banor i lagjes Europe njoftoi policinë për dëgjimin e dy të shtënave me armë në adresën 101 Rue Général-Paulet. Forcat e rendit mbërritën menjëherë në vendngjarje dhe gjetën trupat e një burri dhe një gruaje me origjinë shqiptare, të moshës 30 dhe 36 vjeç, si dhe një pushkë gjahu pranë tyre.

Sipas raportimeve nga mediat franceze, hetuesit po e orientuan çështjen drejt pistës së vrasjes së gruas dhe më pas vetëvrasjes së autorit të dyshuar.

Çifti ishte prindër i dy fëmijëve. Njëri prej tyre nuk arriti të kthehej në shtëpi pas të shtënave, ndërsa fëmija më i vogël ndodhej në shkollë në momentin që ndodhi tragjedia.

The post E rëndë në Francë/ Burri shqiptar vret gruan, më pas edhe veten appeared first on Albeu.com.

Ai tha se Presidenti francez Emmanuel Macron ka aftësinë e zgjidhjes, duke përjashtuar mundësinë e shpërbërjes së Asamblesë Kombëtare dhe zgjedhjeve të parakohshme, pasi shumica ka rënë dakord për buxhetin e ri dhe është gati të shmangë kaosin politik.

Duke folur në buletinin kryesor të lajmeve të France 2, Kryeministri francez në largim iu referua situatës politike që mbizotëron në Francë, duke theksuar se “kemi një Parlament të fragmentuar me mundësi kompromisi. Shumica e Parlamentit refuzon shpërbërjen. Shpërbërja do të çonte në një bllokim të ri politik”.

Ai theksoi se forca të ndryshme politike, kryesisht nga e majta, duken të gatshme të bien dakord për një kornizë të përbashkët buxhetore, e cila – siç tha ai – largon skenarin e një shpërbërjeje të re të Asamblesë Kombëtare.

“I thashë presidentit se ai ka mundësinë të emërojë një kryeministër brenda 48 orëve të ardhshme. Misioni im ka përfunduar”, tha Lecornu.

“I takon presidentit të zhvillojë konsultimet përfundimtare, varësisht nga ekuilibri politik. Janë 210 deputetë që duan një platformë stabiliteti dhe bien dakord në terma të përgjithshëm për buxhetin. Që tani e tutje, vendimi i përket ekskluzivisht kreut të shtetit”, tha Lecornu.

Kryeministri i dorëhequr shtoi se të gjitha partitë duhet të bëjnë një përpjekje për të arritur konvergjencë politike.

“Të gjithë duhet të bëjnë një hap. A jemi në gjendje të ecim përpara së bashku deri në fund të dhjetorit? Jam optimist”, tha ai, duke siguruar se do të mbetej përkohësisht në pozicionin e tij për të trajtuar çështjet aktuale.

The post Macron fiton më shumë kohë, kryeministri i dorëhequr Lecornu: Misioni im përfundoi, i thashë presidentit të emërojë një të ri! Shumica nuk do zgjedhje appeared first on Albeu.com.