Grupet kriminale tani edhe më shumë po përdorin kriptovalutat jo vetëm për të bërë pagesat për blerjen e sasive të konsiderueshme të lëndëve narkotike, por edhe për të investuar këto të ardhura në portofole dixhitale në kriptovaluta.

Ndër bisedat e zbardhura janë ato midis Franc Çopjas dhe Ervis Çelës, nga fshati Fatish i Peqinit që mund të konsiderohet pa frikë si ‘Pablo Eskobar’ shqiptar.

Ai ishte një emër thuajse i panjohur nga autoritetet në Shqipëri, pasi ishte vendosur në Paraguaj, ku kishte krijuar lidhje të forta me krerë kartelesh dhe organizata që ai drejtonte mund të konsiderohet më e rëndëishmja e goditur deri më tani nga SPAK.

Ervis Cela dhe vëllezërit e tij, Albini, Rizai dhe Ardiani kishin arritur të krijonte një perandori ekonomike.

Në Sky Ecc ai mburrej se kishte bërë 100 milionë euro, por shprehte shqetësim për trasferimin e tyre në Shqipëri.

Por bashkëpunëtori i tij me i ngushtë Franc Çopja e këshillonte ti investonte në lingota ari.

Ashtu siç në fakt ai po bënte edhe vetë.

Hetimet

Franc Çopja orienton Ervis Çelën që të investojë paratë në lingota ari dhe të mos i groposë, pasi rrezikojnë të dëmtohen.

Ervis Çela- Shok mora 3.8 milionë sot në Tiranë… Kam 200 ullinj në mal, duhen futur me ndonjë qyp… Se ullinjtë rrojnë shumë…

Franc Çopja-Kthej në flori…. Mos i fut lekët në tokë… Më dëgjo mua…

Ervis Çela-S’ka flori… Duhet me grabit ndonjë bankë…Duhet me porosit nga Afrika…

Franc Çopja- E di që s’ka… Do flas unë me njërin, mos na i sajon. Por mblidhi avash-avash. Por mos fut lek në tokë se prishen.

Ervis Çela- E di që prishen lekët… Pyete. Sa të ketë 100-200 kile…

Është pikërisht një nga këto biseda me Franc Çopjan, ku Ervis Çela i tregon atij se është duke blerë dy portofole, me qëllim investimin në kriptomonedha.

Portofol që sipas tij kap shifrën e 14 milion dollarëve.

Nga ku në një vit do të arrijë të fitojë rreth 2.5 milion dollarë.

Edhe në bisedën e bërë mes Franc Çopjas dhe Maklen Micit, të zhvilluara në Sky Ecc në vitin 2021, kreu i grupit kriminal i kërkon bashkëpunëtorit të tij të gjejë 300 kg flori.

Kjo si e vetmja mundësi që paratë e fituara nga aktiviteti kriminal t’i shndrrojë në kallëpe ari, me qëllim që ta ketë më të lehtë më pas t’i fshehë, apo t’i konvertojë në para në momentin që ato do u duhen.

Bisedat në Sky Ecc

14 janar 2021

Franc Çopja (Gergyli) i kërkon Maklen Micit t’i gjejë 300 kg flori.

Dy ditë më vonë, Mici i dërgon Franc Çopjas mesazhin me këtë përmbajtje: ‘Erdhën 30 kile, nga e marta ti sjell flori’.

Në vijim Franc Çopja kërkon sërish 300 kg flori të tjerë, që sipas Micit shkojnë në vlerën 15.4 mln euro.

Ndërkohë që Mici i shkruan: ‘Fute ku të duash, e vetmja gjë që s’prishet, kjo është’.

Sikundër u pa edhe nga hetimi, kjo nuk do të ishte hera e parë që Franc Çopja kërkonte nga bashkëpunëtori i tij, t’i gjente lingota ari.

Të cilat bliheshin me paratë që ishin fshehur në pikën e këmbimit valutor, përballë Bankës së Shqipërisë.

Hetim nga ku në llogarinë e organizatës kriminale Çopja u sekuestruan edhe 10 mln euro kriptovalutë.

Portofoli që tashmë është në ruajtje në një bankë të nivelit të dytë në Belgjikë.

Bisedat Sky Ecc

24 shkurt 2021

Franc Çopja i shkruan Maklen Micit, ku i kërkon t’i gjejë 500 kg flori.

Mici nga ana e tij i dërgon një foto ku dallohen lingota ari 24 karat.

Nga ku krijohet dyshimi i arsyeshëm se Maklen Mici ka blerë për llogari të Franc Çopjas 500 kg flori, në 500 lingota ar 24 karat.

Sigurisht që sekuestrimi dhe bllokimi i një sasie të tillë kriptovalute ishte një sukses i madh për SPAK.

Kriptovaluta të cilat më pas përdoren në sektorin e ndërtimit, apo edhe në sektorë të tjerë me rëndësi për ekonominë.

Dorina Bejko, drejtuese në sektorin anti korrupsion në SPAK, thotë se një ndër bizneset që cilësohet me risk të lartë për pastrimin e parave janë pikërisht edhe pikat e këmbimit valutor, krahas sekktorëve të tjerë.

“Sektorët që shfaqen si sektorë më risk të lartë për pastrimin e parave janë pikërisht sektori i investimit të pasurive të paluajtshme, sektori i ndërtimit, shoqëritë tregtare, zyrat e këmbimit valutor, por së fundmi ajo çka është risi që ka rezultuar edhe nga hetimi i SPAK është investimi në kriptomonedha.

Procesi i pastrimit të parave fillon më futjen dhe përdorimin e cash-it në sistem”, thotë Dorina Bejko nga seksioni antikorrupsion, SPAK.

Sipas saj, kriptovalutat pastaj të jenë përkthyer, noterizuar materializuar në lingota ari.

Në momentin e parë kur janë evidentuar asetet, SPAK nuk ka pasur kapacitetet e nevojshme për të bërë të mundur bllokimin e këtyre kriptovalutave.

Tashmë edhe për shkak të ecjes në kohë, SPAK në sajë edhe të trajnimeve dhe ekspertizave të specializuara ka një kapacitet të plotë më të mirë se çfarë e ka pasur më përpara përsa i përket hetimit dhe bllokimit të kriptovalutave.

The post “Duhet me grabit ndonjë bankë”, Zbardhet përgjimet në SkyEcc, si e orientonte Franc Çopja, Ervis Çelën të investojë në lingota ari: Ktheji në flori, mos fut lekë në tokë appeared first on Albeu.com.

Mësohet se, ekipi hetimor i ndau rolet, duke realizuar leximin e mesazheve të shkëmbyera me nga një zë për çdo të akuzuar, me qëllim që Gjykata e Krimeve të Rënda në Bruksel të orientohej drejt nëntë personave në gjykim.

Ky lexim, u shoqërua me një prezantim prej 260 slajdesh, e cila shërbeu për të kuptuar përmbajtjen, tonin dhe vëllimin e bisedave të dekriptuara.

Nga mesazhet rezulton se pin-i SKY i atribuuar Flobenc Meçjas, i akuzuar si ekzekutori i vrasjes, e kishte ndjekur viktimën prej disa ditësh në Bruksel.

“Shpresoj ta mbarojmë këtë bastard deri në fund të muajit, sepse duhet të kthehem në Shqipëri se do lindë gruaja ime”, shkruan më 19 nëntor 2020 pin-i.

Ditën e ngjarjes, më 27 nëntor 2020 në orën 17:56, dy minuta pas vrasjes, pin-i i atribuuar Flobenc Meçjas, dërgoi një seri emojish (6 gishta të ngritur lart dhe 4 figura që ngrenë krahun), të ndjekura nga fjala “Ciao”, drejt pin-it SKY të atribuuar Franc Gergely-t.

Një pjesë e madhe e mesazheve të lexuara në seancë lidhen nga hetuesit me të akuzuarit Flobenc Mecja, 43-vjeç dhe Mikael Qosja, 38-vjeç, të dy në mungesë dhe pa përfaqësim në gjyqin e tyre.

Në krahasim, mesazhet e atribuara të Franc Çopja, ishin dukshëm më të pakta në pamjen e përgjithshme të paraqitur para gjykatës.

Sipas organigramës kriminale të prokurorisë federale, pini i Franc Çopja-s ishte pika lidhëse mes Flobenc Meçjas dhe Mikael Qosjas.

Kush është Franc Çopja?

Franc Çopja akuzohet për orkestrimin e vrasjes me paramendim të Ardit Spahiut, i cili u qëllua për vdekje më 27 nëntor 2020, në Molenbeek, Belgjikë. Vrasja është pjesë e një konflikti midis klaneve rivale të drogës shqiptare.

Gjyqi i tij filloi më 5 janar 2026, në Gjykatën e Krimeve të Rënda të Brukselit. Procedurat kanë qenë shumë të sigurta dhe u ndërprenë për pak kohë për shkak të një infektimi me pleshta në sallën e gjyqit.

Gjatë gjyqit, avokatët e tij kanë mohuar se ai është truri pas vrasjes dhe kanë kundërshtuar kushtet e paraburgimit të tij.

Përpara arrestimit të tij, Çopja jetonte në Dubai që nga viti 2019, ku ishte i përfshirë në pasuri të patundshme luksoze, përfshirë një vilë në Dubai Hills. Ndërsa nuk kishte precedentë të mëparshëm penalë në Belgjikë, ai ishte subjekt i një urdhër-arresti ndërkombëtar.

The post Gjyqi i Franc Çopjas në Bruksel/ Zbardhen mesazhet në SKY ECC: Ta vrasim këtë b*stard se po më… appeared first on Albeu.com.

Një nga klanet shqiptare më me ndikim në trafikun në shkallë të gjerë të kokainës nga Amerika e Jugut drejt Europës, u rrëzua muajin e kaluar pas arrestimit të njëmbëdhjetë prej anëtarëve kryesorë të tij mes Shqipërisë, Belgjikës dhe Republikës Dominikane.

Goditja kryesore u bë në gusht, në Shqipëri, mbi bazën e një hetimi nga Prokuroria e Posaçme kundër Korrupsionit dhe Krimit të Organizuar (SPAK), e cila kërkoi nga Gjykata e Posaçme e Shqipërisë të lëshonte 16 urdhër-arreste.

Nga kontrolle të ndryshme në Elbasan (qendra e operacioneve të organizatës) dhe qytete të tjera shqiptare u arrestuan dhjetë anëtarë të klanit, mes tyre një nga drejtuesit, Ervis Çela dhe vëllai i tij, Ardian Çela.

Ndërkohë që drejtuesi kryesor i organizatës, Franc Çopja, ishte arrestuar në vitin 2023 në Dubai (nga ku kishte vepruar vitet e fundit) dhe më pas ishte ekstraduar në Belgjikë, ku ndodhet i burgosur për vrasje dhe vepra të tjera penale.

I fundit që ra në pranga, më 3 shtator në Punta Cana (Republika Dominikane), ishte Soni Pepa, një shqiptar 40-vjeçar (pothuajse të gjithë janë në këtë grupmoshë).

Ai kishte luajtur një rol kyç në organizimin e transportit të mbi njëmbëdhjetë tonëve kokainë, që mbërritën në Antuerp gjatë javës së parë të nëntorit 2020.

Pepa u ekstradua me shpejtësi në Shqipëri, i akuzuar — si edhe anëtarët e tjerë — për disa vepra të trafikut të drogës, organizatë kriminale të strukturuar, si dhe pastrim parash të përfituara nga një vepër penale ose aktivitet kriminal.

Lidhjet në Paraguaj: ish-menaxheri sportiv i Olimpia-s dhe klani Marset-Insfrán
Rënia e këtyre shqiptarëve nxori në pah një nga strukturat kriminale më të fuqishme të Europës të dedikuara për trafikun ndërkombëtar të kokainës, si dhe lidhjet e tyre në Amerikën e Jugut, veçanërisht në Bolivi dhe Paraguaj. Sipas prokurorëve që po e hetojnë çështjen, klani Çopja-Çela ndikonte drejtpërdrejt në çmimin e kokainës në tregjet europiane, pasi ata kontrollonin zinxhirin e trafikut nga fillimi deri në fund.

Ngarkesat gjigante të kokainës bliheshin drejtpërdrejt nga prodhuesit bolivianë nga Ervis Çela, i cili jetonte bashkë me vëllanë e tij, Ardianin, në Paraguaj për të mbikëqyrur magazinimin dhe përgatitjen e dërgesave që shkonin për në Europë.

Në kontinentin e vjetër, grupi siguronte nxjerrjen e ngarkesës dhe shpërndarjen në porte, si dhe pastrimin e parave në Shqipëri, Bolivi dhe Paraguaj.

Kokaina fshihej në mënyrë të sofistikuar në eksportime legale të kutive të sapunit dhe materialeve të ndërtimit. Kryesisht, banda e maskonte në kanoçe boje të markës FOX, duke përdorur shenja të veçanta për blerësin: “Puma” ose “Sytë e vetëtimës”.

Ngarkesat transportoheshin nga porti lumor i Villetës (Asunción), e më pas me rrugë detare nga portet atlantike drejt porteve të mëdha europiane, si Antuerp (Belgjikë), Roterdam (Holandë) dhe Hamburg (Gjermani), dhe në masë më të vogël drejt porteve të Valencias dhe Algeciras (Spanjë).

Në dosjen 282-faqëshe të hetimit të SPAK-ut, del emri i biznesmenit paraguaian Diego Benítez, si njeriu kryesor i besuar i shqiptarëve në atë vend për organizimin e dërgesave të kokainës drejt Europës, ndërsa njëkohësisht pastronte para të përfituara nga fitimet e paligjshme përmes disa prej kompanive të tij.

Benítez, ish-menaxher sportiv i klubit të futbollit Olimpia — aktualisht i arratisur nga drejtësia paraguaiane dhe i vendosur në Dubai (Emiratet e Bashkuara Arabe) — përdorte kompaninë e tij Tupa SA për të dërguar kokainë në portet europiane, të fshehur në kanaçe boje FOX, në bashkëpunim me Miguel Ángel Servín Palacios, i njohur si “Miguel Celular”, gjithashtu i lidhur me strukturën e narkotrafikut të drejtuar nga Marset dhe Miguel Ángel “Tío Rico” Insfrán.

Dyshohet se klani Marset-Insfrán, i lehtësonte grupit shqiptar blerjen e kokainës boliviane me çmime të ulëta, ishin ortakë në dërgesa me ngarkesa të mëdha dhe merrnin pagesa për shërbimet e transportit të drogës nga Bolivia në Paraguaj.

Në fakt, sipas SPAK, vetë drejtuesi Çopja takohej me Marsetin dhe klanin e tij në pronën “23 de abril” në San Roque González, departamenti Paraguarí (Paraguaj).

Dy ngarkesa të mëdha dhe 600 kilogramët që “humbën” në Roterdam

Hetimi arriti të identifikojë se dy ngarkesa të mëdha kokainë u transportuan nga grupi nga Amerika e Jugut drejt Europës mes nëntorit 2020 dhe shkurtit 2021. SPAK zbuloi se organizata trafikoi 28 ton kokainë vetëm në dy episode, nga të cilat 17 ton u sekuestruan.

Në shtator 2020, klani shqiptar, në bashkëpunim me një shtetas brazilian, organizoi dërgimin e 11,6 tonëve kokainë, të fshehura në kuti sapuni dhe kanoçe boje të markës FOX, në dy kontejnerë që u nisën nga porti i Villetës dhe mbërritën me sukses në portin e Antuerpit më 4 nëntor 2020.

Sipas aktakuzës kundër “Tío Rico” Insfrán, në kuadër të mega-procesit A Ultranza Py në drejtësinë paraguaiane, nga bisedat e përgjuara në platformën e mesazheve Sky ECC, rezulton një bisedë e 5 nëntorit 2020, ku Marset i komunikon Insfrán-it: “Singapori e kurorëzoi (term i përdorur në zhargonin e narkotrafikut për të konfirmuar mbërritjen e drogës në destinacion) dy raundet që kemi gjëra me të”. Singapori ishte nofka e përfaqësuesit të klanit shqiptar në biznes.

Megjithatë, disa ditë më vonë ata do të merrnin vesh se 600 kilogramë kokainë nga kjo ngarkesë ishin vjedhur gjatë një ndalese të mëparshme të anijes në portin e Roterdamit.

Lënda narkotike u gjet nga policia në një apartament të atij qyteti dhe u arrestuan dy shqiptarë. Gjithashtu, u sekuestruan 2 milionë euro.

Më 9 nëntor 2020, Marset komunikoi sërish me Insfrán-in për ta pyetur rreth një ndërhyrjeje kirurgjikale që kishte kryer partneri i tij.

Ai gjithashtu, shfrytëzoi rastin për të koordinuar lëvizjen e kokainës nga Bolivia drejt Chaco-s paraguaiane (ku operonte një pjesë e organizatës) dhe më pas drejt zonave të tjera të vendit, ku droga grumbullohej për t’u eksportuar.

“Mendoj se do t’i zbresim të gjitha ato që janë lart, ndoshta këto ditë do të vijë edhe më shumë, nëse ke mundësi për t’i zbritur… le t’i zbresim të gjitha”, i sugjeronte Marset.

“2010, 472, 1260. Kaq kemi vëlla. Po ti more 550 për biznesin tënd të fushës? 3222 gjithsej pra”, llogariste Marset për sasinë e kilogramëve të kokainës të grumbulluar.

Më pas, Marset i dërgoi Insfrán-it një “screenshot” të një bisede që kishte pasur me dikë dhe e informoi: “Humbi 600 në Roterdam”.

Marset ndaj Insfrán: “I njeh ato kanoçet”?

Ngarkesa tjetër që bën pjesë në hetimin e SPAK-ut — dhe që përfshin sërish Benítez-in si përgjegjës të kompanisë eksportuese — u nis nga Paraguaji (po ashtu nga Villeta) në dhjetor 2020 me 16,4 ton kokainë të maskuar në kanoçe boje FOX dhe në shurup për kollë. Paketat ishin të stampuara me logot “Sy të kuq me rreze”, “Puma” dhe “Simboli i pafundësisë” (ky i fundit i lidhur me ngarkesa të gjetura në Uruguaj në ato vite dhe në vitin 2019 në sekuestrimin e 4,5 tonëve kokainë në Hamburg, rast ku u akuzua vetëm Martín Mutio).

Të 16,4 tonët e kokainës u sekuestruan në Hamburg më 12 shkurt 2021 dhe përfaqësoi një rekord të ri, jo vetëm në Gjermani (duke kaluar rastin e mëparshëm që kishte ardhur nga porti i Montevideos, sipas prokurores Mónica Ferrero), por është edhe kapja më e madhe e kokainës në historinë e Europës.

Lidhur me këtë super-sekuestrim, më 24 shkurt 2021, Marset i dërgon Insfrán-it një publikim gazetaresk mbi arrestimin e një burri 28-vjeçar të përfshirë me ngarkesën e kokainës së sekuestruar, me imazhe të kanoçeve të bojës së markës FOX.

“I njeh ato kanoçet”? – e pyet uruguaiani nënkryetarin e tij.

Më pas e paralajmëron: “Do rrimë urtë për pak, vëlla”.

“Të presim të vijë ajo e Barba-s (një tjetër ndërmjetës i organizatave të mëdha europiane) dhe pastaj kthehemi prapë me të”.

“Të tjerat i lëmë qetë, për momentin është shumë nxehtë”, e vë në dijeni.

“Po flas me njerëzit me të cilët çuam 5 ton, vëlla, që na paguajnë 25. Je dakord? Po të vazhdonte hyrja e mallit, do të ishte në 23, 22”, shtoi Marset, duke iu referuar çmimit në euro për kilogram kokainë që shitej te grupi i përfaqësuar nga “Barba”.

Ky i fundit, sipas një bisede të përgjuar mes Tío Rico-s dhe Rodrigo Montalva-s (të dy të arrestuar dhe të burgosur), i kishte besuar klanit Marset-Insfrán një biznes për transportimin e 360 tonëve kokainë në vit.

Aleancat e narkotrafikut dhe agjencitë që shënjestrojnë Uruguajin

Ndërkohë, në Paraguaj, edhe pse operacioni A Ultranza Py arriti të arrestojë dhe dënojë pjesën më të madhe të strukturës të lidhur me Insfrán dhe disa anëtarë të klanit Marset, autoritetet rajonale vlerësojnë se organizata e uruguaianit mbetet aktive, pavarësisht pengesave, duke mbajtur linja furnizimi me Bolivinë, disa aeroplanë të gatshëm, një skuadër pilotësh (njëri prej tyre ra disa ditë më parë në veri të Paraguajit) dhe mbrojtjen territoriale të grupit kriminal brazilian shumë të fuqishëm, Primer Comando de la Capital (PCC), protagonist i aleancave kryesore të narkotrafikut ndërkombëtar — nga të cilat ka përfituar biznesi i Marset dhe banda të tjera lokale — me ‘Ndranghetan italiane dhe mafiet e tjera europiane si Mocro Maffia dhe Kompania Bello, emri i përdorur për një grup prej 14 klanesh shqiptare mes të cilave ishte Çopja-Çela.

Prania e PCC-së dhe e ‘Ndranghetas në Uruguaj është dokumentuar mjaft që nga dekada e kaluar, sidomos përmes hetimeve të huaja, por jo aq e klaneve ballkanike.

Flamuri i parë i kuq që autoritetet uruguaiane vunë re mbi mafiet e Ballkanit që vepronin në Uruguaj ishte në 2009 me Operativo Guerrero de los Balcanes, i cili mundësoi sekuestrimin e mbi 2 tonëve kokainë dhe rrëzimin e grupit të fuqishëm të serbit Darko Saric.

Ngarkesat e fundit të mëdha të gjetura në Uruguaj, të cilat do të dërgoheshin në Europë me metodën “drop off” (transportuar me varka dhe ngarkuar në anije në det të hapur), besohet se kanë pasur pjesëmarrjen e shqiptarëve dhe anëtarëve të PCC-së, sipas hetimeve të fundit të përbashkëta mes agjencive kryesore antidrogë europiane.

Në këtë kuadër, Policia uruguaiane, u paralajmërua në 2024 nga Ministria e Brendshme e Holandës për të përmirësuar koordinimin mbi kontejnerët detarë që kalojnë nga porti i Montevideos dhe përfundojnë në portin e Roterdamit, me interes të veçantë nga holandezët për trafikun e ngarkesave që zbresin pa kontroll nga hidrovia Paraná-Paraguay.

Informacion i zbuluar në korrik nga Europol, si pjesë e një operacioni të madh kundër anëtarëve të ‘Ndranghetas, përfshin mes vendeve edhe Uruguajin, duke konfirmuar lidhje me mafien kalabreze dhe me organizata kriminale nga vendet e Ballkanit, kryesisht trafikantë origjinë shqiptare. Operacioni policor kundër ‘Ndranghetas përmend se anëtarët shqiptarë të rrjetit koordinonin nxjerrjen e ngarkesave të kokainës në disa porte të Spanjës dhe Holandës për t’i dërguar më pas në tregun italian.

Sipas një raporti të Europol 2023, ‘Ndrangheta kanalizon fitimet e saj të paligjshme në Uruguaj (mes vendeve të tjera) përmes investimeve në pasuri të paluajtshme, fusha, restorante, hotele, lavanderi makinash, supermarkete dhe aktivitete të tjera, kështu që Uruguaji mbetet nën vëzhgimin e agjencive ndërkombëtare, jo vetëm për rolin e tij në grumbullimin dhe dërgimin e kokainës në Europë, ku po rritet gjithnjë e më shumë prezenca e PCC-së dhe e klaneve shqiptare (të cilët u zgjeruan të lidhur me mafien kalabreze), por edhe për rolin e tij historik në skemat e mëdha të pastrimit të parave të narkotrafikut.

Burimi: Caras&Caretas

The post Mediat e huaja: Karteli “Çopja-Çela” e siguronte dr*gën direkt nga prodhuesit, deri në 350 ton në vit appeared first on Albeu.com.

Sipas gazetares Klodiana Lala, organizata kishte krijuar një rrjet të sofistikuar për trafikimin e armëve dhe drogës.

Komunikimet e zbardhura mes anëtarëve të grupit tregojnë metodat e sofistikuara të transportit të armëve: armët me silenciator vendoseshin në kanace, armët më të sofistikuara ruheshin në qese me vakuum, ndërsa disa armë çmontoheshin dhe futeshin në kuti metalike për transport.

“Armet me silenciator, po i vendos ne kanace”, thuhet nder te tjera ne pergjimet e SKY ECC.

Po ashtu, organizata dyshohet të ketë trafikuar tonë të tëra kokainë nga Paraguai drejt Evropës, duke pastruar dhjetra milionë euro.

SPAK e identifikon Ervis Celen dhe Franc Copjan si bërthamën e këtij grupi kriminal.

Hetimet vijojnë për dokumentimin e plotë të veprimtarisë së grupit dhe kapjen e të gjithë personave të përfshirë.

The post Zbardhen përgjimet në “Sky ECC” mes Ervis Çelës dhe Franc Çopjas: Armët me silenciator po i vendos në kanaçe… appeared first on Albeu.com.

43-vjeçari Flobens Meçja alias Gega alias Drini, ishte shpallur në kërkim nga SPAK pasi ndaj tij u cakutua masa e sigurisë “Arrest në burg”, për veprat penale “Organizata kriminale”, “Kryerja e veprave penale nga grupi i strukturuar kriminal” dhe “Sigurimi i kushteve dhe i mjeteve për të kryer vrasje”.

Gjatë kontrollit, atij iu gjetën dy dokumente identifikimi të falsifikuara dhe 1 armë zjarri pistoletë me fishek në fole gati për qitje.

“Flobens Mecia alias Gega alias Drini, 43-vjeç, banues në Shkodër, i shpallur në kërkim nga SPAK, pasi Gjykata e Shkallës së Parë për Korrupsionin dhe Krimin e Organizuar, në muajin korrik 2024, i ka caktuar masën e sigurisë “Arrest në burg”, për veprat penale “Organizata kriminale”, “Kryerja e veprave penale nga grupi i strukturuar kriminal” dhe “Sigurimi i kushteve dhe i mjeteve për të kryer vrasje”. Gjatë kontrollit, këtij shtetasi iu gjetën dy dokumente identifikimi të falsifikuara dhe 1 armë zjarri pistoletë me fishek në fole gati për qitje”, njoftoi policia.

Por kush është Flobens Meçja

43-vjeçari nga Shkodra, u shpall në kërkim në kuadër të operacionit “Plumbi i Artë”. Emrin i tij del në disa biseda në SkyEcc me Franc Çopjan, i cili i ofron 5 milion euro për vrasjen e Erion Alibejt, i njohur me nofkën “Krymi”.

Gjithashtu, i ofron nga 1 milion Euro për vrasjen e shtetasve Arjan Spahiu, Aldo Baho dhe shtetasit Ilir Lloshi, të cilit i referohen me pseudonimin ‘Liçe’, ku Flobenc Meçja është shprehur i gatshëm të kryejë vrasjet.

Në Shënjestër

Por Franc Çopja, nuk ishte i kënaqur vetëm me ekzekutimin e Endrit Alibej. Ai kërkonte në tavë edhe kokën e vëllait të tij, Erion Alibej, për të cilin ai ishte i gatshëm të paguante dyfishin e çmimit që kishte paguar për të vrarë ‘Tarzanin’, sikurse i drejtoheshin ndryshe Endrit Alibej.

Ndoshta kjo për faktin që ‘Krymi’, Erion Alibej, pas vrasjes së të vëllait në Masakrën e Bradasheshit, ishte bërë shumë i rrezikshëm dhe kishte mbledhur informacion të bollshëm se kush ishin vrasësit.

Po kështu, kishte filluar nga puna për eleminimin e grupit që qëlloi mbi vëllain dhe të afërmit të tij në Bradashesh.

Shqetësim të cilin Franc Çopja e ndjen gjithmonë e më nga afër, ku nga bisedat evidentohet se drejtuesit e Organizatës kriminale ‘Çopja’, kanë synuar eleminimin e personave që kanë ndihmuar ose kanë qënë pjesë e grupit të Alibej me qëllim izolimin apo shkatërrimin e Erion Alibej, duke synuar të përçojnë panik dhe frikë te njerëzit që atij i rrinë pranë.

Alibej nga ana e tij pas vrasjes së të vëllait, ndërmori një fushatë spastrimi dhe eleminoi të gjithë anëtarët e grupit kundërshtar, teksa kreu të paktën gjashtë vrasje

Por nga ana e tij pësoi shumë humbje, dhe iu vranë disa nga ushtarët, por që për kokën e tij u vendosën në dispozicion miliona euro

Çopjat ndërkohë kishin mbledhur një pasuri deri në 200 milionë euro, nga të cilat 10 milionë euro janë kriptomonedha që sot janë bllokuar, dhe sekuestruar, ashtu si dhe vila luksoze, apo investime në agroturizëm. Por po kështu kishin investuar në lingota ari në një shumë mbi 15 milionë euro.

SKY ECC

11 Gusht 2020    

Franc Çopja

‘Krymi’, është ky që kam unë probleme, Erioni nga Elbasani. Është vëllai i ‘Tarzanit’ që vdiq.

Ndërkohë që ajo që ka krisur edhe më shumë grupin janë dëshmitë përpara grupit hetues.

Sidomos të vëllait të Nuredin Dumanit, i cili del se ka qenë pjesëmarrës në ekzekutmin e Endrit Alibej. Nuredin Dumani që tani shërben për ‘Krymin’, Erion Alibej.

SKY ECC

24 Korrik 2020

Talo Çela bisedon me Arzen Mama

‘Kokëçami (Altin Ndoci) është zënë me Dashin. E ka rrahur. Janë zënë këto të dy që ka plas kjo o vlla, nuk ka lidhje.

Del vëllai i Dashit në favor të ‘Krymit’, a e kupton çfarë skandali është këtu apo se kupton’

Por siç thamë shuma e vënë në dispozicion për të vrarë Erion Alibej ishte shumë e lartë se ajo që vëllezërit Çopja paguan për të ekzekutuar vëllain e tij Endrit Alibej dhe kjo shikohet edhe në komunikimet në Sky Ecc, midis grupit të Çopjave ku Erion Alibej kërkohet të vritet me çdo kusht gjatë periudhës korrik-nëntor të vitit 2020.

Ngjarje e planifikuar të kryhej në muajin shtator të këtij viti, në qytetin e Elbasanit, që përkon edhe me periudhën e pandemisë Covid-19.

Për realizimin e kësaj ngjarje, janë zhvilluar biseda konkrete ndërmjet shtetasve Mikael Kamami dhe Arzen Mama, ku rezulton se, organizata kriminale Çopja ofron 4 000 000 euro, për vrasjen e Erion Alibej dhe se atentati do kryhej me lëndë plasëse eksplozive në ambientet e shoqërimit të DVP Elbasan.

Informacioni për vendqëndrimin dhe vendndodhjen e saktë të shtetasit Erion Alibej, do merrej nga shtetasi Martin Musaj, nga ku del se Franc Çopja apo Gergely, i ka ofruar shtetasit Flobenc Meçja, një pagesë prej 5 milion euro për vrasjen e Erion Alibej.

Gjithashtu dhe nga 1 milion Euro për vrasjen e shtetasve Arjan Spahiu, Aldo Baho dhe shtetasit Ilir Lloshi, të cilit i referohen me pseudonimin ‘Liçe’, ku Flobenc Meçja është shprehur i gatshëm të kryejë vrasjet.

SKY ECC

Franc Çopja bisedon me Flobenc Meçjan.

Flobenc Meçja: ‘Më thuaj pak a shumë ku rreh pazari, se unë nuk jam vetëm?

Franc Çopja: 5 mln euro.

Flobenc Meçja: Ti dashke me na nxjerrë në pension hahahha’.

I joshur nga shuma e madhe e parave, siç shikohet edhe nga komunikimet në vazhdim, Flobenc Meçja, nuk kërkon të humbasë kohë për të vrarë, fillimisht Erion Alibejn.

Për këtë arsye, ai i kërkon Franc Çopjas çelësat e apartamentit të kushërirës së tij, për të parë mundësinë për ta ekzekutuar Alibejn me snajper.

SKY ECC

31 Korrik 2020

Flobenc Meçja i shkruan Franc Çopjas, ku i kërkon çelësat e shtëpisë së kushërirës që ndodhet në katin e fundit.

‘Nëse ka pamje të mirë atëherë do i hyj punës. Uroj që shtëpia e kushërirës të bëj punë, pasi sa të vijë vjeshta do e ekzekutoj Erion Alibej.

Sapo të marrë snajperin do të të informoj dhe nëse distanca nga shtëpia e kushërirës është 400 metra për mua ekzekutimi i Erion Alibej nuk është problem.

Nëse xhamat e Erionit nuk janë të blinduara, mund ta godasim edhe kur të jetë brenda në shtëpi.

Për të arritur qëllimin, Flobenc Meçja e siguron Franc Çopjan, se do marrë edhe një qitës serb, me qëllim që të jenë më të sigurtë në realizimin e planit të tyre.

Gjatë bisedave Flobenc Meçja i dërgon Franc Çopjas, 4 foto ku dallohet stadiumi si dhe dy ndërtesa, të cilat nga matja në distancë objektivi është shumë i lehtë për t’u arritur.

SKY ECC

Flobenc Meçja i shkruan Franc Çopjas.

‘Më merr informacione nëse ka kamera tek pallati i Erion Alibej dhe tek pallati i kushërirës, kjo pasi do ta mendoj mirë planin për ekzekutimin e Erion Alibej’.

‘Po aty qenka me ja fut me tullë. O shok me aq lekë sa jep ti për këtë unë ja … hy me shtet dhe e mbaroj”.

Puna për eleminimin e Erion Alibej bëhet gjithmonë e më vështirë, pasi ky i fundit ka vendosur tenda në ballkonin e apartamentit të tij. Ndërsa Flobenc Meçja, e ka gjatë gjithë kohës në vëzhgim. Edhe pse gjatë kohës dyshon nëse preja e tij ndodhet apo jo në apartament.

SKY ECC

6 Gusht 2020

Flobenc Meçja informon Franc Çopjan.

‘Erion Alibej ,ka vendosur tenda në tarracë dhe ka mundësi të ketë bërë ndonjë pishinë lart.

‘Aty do kalojë ai kur del nga garazhi. S’ka ku kalon tjetër për të dalë në rrugë kryesore.

Tashi do mundohem t’i gjej çfarë makinash ka në garazh. Besoj që e lëviz ai dhëndri vet. Se s’ka besim te shumë njerëz ai’.

Por Franc Çopja, duket se është shumë serioz në qëllimin e tij për të vrarë Erion Alibej.

Për këtë arsye ai i jep edhe kaparin Flobenc Meçes, që ky i fundit të mbarojë punë.

Dosja Hetimore

Flobenc Meçja, ka marrë shumën e parave në formën e kaparit nga Franc Çopja.

Ai bie dakord që me radhë të eleminohen shtetasit: Arjan Spahiu, Erion Alibej, Aldo Baho dhe Ilir Lloshi.

Franc Çopja e porosit Flobenc Meçjan që personat që ka shokë nëse marrin përsipër punën (ekzekutimet e shtetasve Erion Alibej, Arjan Spahiu dhe Aldo Bajos) nuk kanë pse ta dinë që Franci është porositësi pasi sipas tij kështu bëhën punët.

Konfirmimi se Erion Alibej, është gati për tu ekzekutuar nuk vonon nga Flobenc Meçja, i cili pret edhe një përgjigje të fundit nga snajperisti që mesa duket do vijë nga jashtë Shqipërie. Apo siç ai tha nga Serbia. Ndërkohë që Franc Çopja nga e tij, i kujton Flobenc Meçes se këto punë kërkojnë para dhe përkushtim.

Dosja Hetimore

Më datë 27 Korrik 2020, Flobenc Meçja, komunikon me Franc Çopja, të cilit i thotë se ‘shoku i tij në Shqipëri është Ok me punën dhe se tani do marrë dhe konfirmimin e personit që ndodhet jashtë Shqipërisë.

Unë them që do bëjmë ndonjë punë. Ky shoku këtu është ok. Tashi do pyes dhe atë lart. Pastaj do të them që ça do bëjmë. Do i them çmimin që më the. Po s’ka gjë që s’bëhet. Mund t’i japim edhe lekë shtetit dhe e kryejnë ato. Ka alternativa se me atë çmim që më the ti…. e vejmë drejtorin e policisë vetë ne hahahha; A kupton çfarë bën leku këtu’.

Por sipas grupit hetues, edhe pse në këto komunikime shfaqet vetëm roli i Franc Çopjas, ata kanë krijuar bindjen se i përfshirë në planet për ekzekutime është edhe Hajdar Çopja, apo Bako

Dosja Hetimore

‘Nga analizimi në tërësi i bisedave rezulton se dy vëllezërit Franc dhe Hajdar Çopja, e kanë shpallur së bashku këtë luftë me grupin Alibej dhe ata janë bashkëfinancues dhe bashkëkrijues të organizatës kriminale’

The post Bisedat në SKY ECC/ Franc Çopja i ofroi 5 milionë euro për kokën e “Krymit”, kush është Flobenc Meçja që u arrestua në restorant me “Akilin” appeared first on Albeu.com.

Në shtator të vitit 2020, Klajdi Merkaj po planifikonte një udhëtim në Dubai për të siguruar financime të bollshme për zgjerimin e biznesit të tij të ndërtimit në Tiranë.

Asokohe vetëm 31 vjeç, Merkaj po ndërtonte përmes kompanisë së themeluar prej tij një kompleks vilash luksoze në Lundër – zonën e pasur të periferisë që rrethon kryeqytetin shqiptar, por ambiciet e tij ishin më të mëdha.

Ndërsa po negocionte për blerjen e dy trojeve të kushtueshme në Tiranë, Merkaj kuptoi se kishte nevojë për më shumë para. Ai iu drejtua për ndihmë Franc Çopjes, një bosi shqiptar të trafikut ndërkombëtar të kokainës, i njohur ndryshe edhe si Franc Gergely.

Merkaj akuzohet se komunikonte me Çopjen përmes aplikacionit Sky ECC dhe e kishte informuar më parë atë për planet e tij të biznesit.

“Për të dy vendet jemi konsumuar lart për t’u realizu. Kemi marrë ok,” e informoi ai Çopjen, ndërsa i kërkoi një kapital prej 1.5 milionë eurosh në cash.

Komunikimet përmes aplikacionit Sky ECC mes Klajdi Merkajt dhe Franc Çopjes janë pjesë e një vendimi voluminoz të Gjykatës së Posaçme për masë sigurie ndaj organizatës kriminale “Çopja”, e akuzuar për një seri vrasjesh me pagesë, trafikimin ndërkombëtar të sasive të mëdha të kokainës si dhe pastrimin e parave me burime kriminale.

Përveç konflikteve të përgjakshme, këto komunikime ekspozojnë gjithashtu disa shembuj të kufizuar të një fenomeni që besohet se është shumë herë më i përhapur mbi pastrimin e parave të narkotrafikut në kullat dhe komplekset e ndërtimit në Tiranë.

Dubai në Emiratet e Bashkuara Arabe njihet si “parajsë penale” për një sërë figurash të krimit të organizuar shqiptar, të cilët u fshehën atje për t’u shpëtuar arrestimeve apo atentateve nga grupet rivale.

Franc Çopja besohet se qëndroi në Dubai nga viti 2020 deri në dhjetor 2023, kur u ekstradua në Belgjikë si urdhërues i një vrasjeje për “prishjen e pazareve të drogës”.

Hetuesit besojnë se ai dirigjoi nga Dubai një ushtri me njerëz për të pastruar paratë e tij në Shqipëri si dhe negocioi marrëveshje biznesi që e bënin atë një investitor të fshehtë në projektet e ndërtimit në Tiranë.

Gjatë vitit 2020, kohë së cilës i përkasin bisedat e zhvilluara në SKY ECC, Çopja dokumentohet të ketë sjellë në Shqipëri të paktën 7.5 milionë euro të thata, të cilat u investuan në ndërtimin e një pallati pranë Qendrës Spitalore Universitare “Nënë Tereza”, në blerjen e apartamenteve të shtrenjta në disa prej kullave të Tiranës si dhe dy vilave në kompleksin “Mandarine Drive” pas qendrës tregtare TEG, e ndërtuar nga kompania e themeluar nga Merkaj.

Një sasi më e madhe prej 15.4 milionë eurosh dyshohet që të jetë investuar një vit më vonë në blerjen e lingotave të arit nga Çopja.

Sipas Europol, agjencisë ligjzbatuese të Bashkimit Europian që koordinoi operacionin e goditjes së grupit Çopja në fund të korrikut, kjo organizatë përdorte transaksione komplekse për të pastruar paratë e gjeneruara nga aktivitetet e paligjshme.

“Mes të arrestuarve është edhe një pastrues parash me qendër në Tiranë, i cili u ofronte shërbimet e tij disa grupeve të tjera kriminale të nivelit të lartë, të angazhuar në nivel ndërkombëtar në vrasje, korrupsion dhe trafik droge në shkallë të gjerë,” deklaroi Interpoli.

Masa e arrestit për akuzën e pastrimit të parave ndaj Klajdi Merkajt nuk është ekzekutuar ende dhe ai është shpallur në kërkim. I kontaktuar nga BIRN, vëllai i tij Endri Merkaj, i cili zotëron kompaninë e ndërtimit, nuk iu përgjigj një kërkese për koment deri në publikimin e këtij shkrimi.

“Ka nevojë për oksigjen”

Organizata kriminale e drejtuar nga vëllezërit nga Elbasani, Franc Çopja, 32 vjeç dhe Hajdar Çopja, 40 vjeç, u godit në fund të korrikut nga Prokuroria e Posaçme, SPAK, në bashkëpunim me Europol dhe autoritetet ligjzbatuese në Belgjikë, Holandë dhe Francë.

Operacioni ndërkombëtar u kodua me emrin “Gorgon”, figura monstruoze të mitologjisë greke me Meduzën si përfaqësuesen më të njohur të tyre.

Sipas vendimit gjyqësor që BIRN e disponon, organizata Çopja akuzohet se mes viteve 2018-2020 kreu vrasjen e shtatë personave dhe plagosjen e dy të tjerëve, ndërsa përpiqej të eleminonte grupin kundërshtar Alibej përmes kontraktimit të vrasësve me pagesë.

Organizata besohet se e ka origjinën në vitet 2006-2007 në Itali, ku vëllezërit Çopja e nisën aktivitetin e tyre kriminal si shpërndarës të dozave të vogla të kokainës,

“Me kalimin e viteve, vëllezërit Çopja u fuqizuan shumë nga shitja dhe trafikimi i drogës, ku nga Italia e shtrinë aktivitetin e tyre kriminal edhe në vende të tjera të Europës, kryesisht në Holandë, Belgjikë dhe Mbretërinë e Bashkuar,” thuhet në vendim.

Në vitin 2020, organizata shtrihej në disa vende të Bashkimit Europian dhe kultivonte lidhje me grosistët e kokainës në Amerikën Latine. Hetuesit besojnë se grupi Çopja ka trafikuar drogë edhe në vende aziatike si India dhe Singapori apo në Afrikën e Jugut.

Ndërsa luftonin për hakmarrje dhe trafikonin sasi të konsiderueshme kokaine në tregun ndërkombëtar, grupi Çopja ishte gjithashtu në kërkim të mundësive për të pastruar paratë e fituara përmes aktiviteteve të paligjshme në Shqipëri.

Nga 7.5 milionë euro të dokumentuara në vitin 2020, tre milionë prej tyre dyshohet se u injektuan në kompaninë “Elba Beton” në pronësinë e Arjan Ormenajt për të realizuar ndërtimin e një pallati pranë qendrës spitalore universitare “Nënë Tereza” në Tiranë.

“Elba Beton” është një kompani e themeluar në vitin 2001 nga Arben Lamçja, 50 vjeç – i dënuar në Itali për shfrytëzim prostitucioni në fund të viteve ’90 dhe njeri i besuar i Franc Çopjes në administrimin dhe pastrimin e parave. Në vitin 2006, Lamçja ia shiti kompaninë Arjan Ormenajt, por hetuesit besojnë se ai vazhdoi të qëndronte si ortak në hije i saj.

Ormenaj është aksioner edhe në gjashtë kompani të tjera biznesi, mes të cilave edhe “Trans Cement” sh.p.k. “Elba Beton” së bashku me kompaninë simotër “Trans Cement” zhvilluan projekte ndërtimi në plazhin e Golemit dhe në Tiranë mes viteve 2021-2023.

Sipas vendimit të gjykatës, Arben Lamçja dhe Arjan Ormenaj kanë kryer veprime aktive për llogari të krerëve të organizatës Çopja nëpërmjet blerjes së pasurive të paluajtshme, financimit të ndërtimit të godinave të banimit dhe çeljes së operatorëve ekonomikë me qëllim mosekspozimin e tyre si posedues dhe pronarë de facto.

Në një rast, Lamçja i shkruan Çopjes në janar 2020 se Ormenaj po planifikonte të ndërtonte një pallat pranë spitalit nr.5 dhe i kishte kërkuar ta pyeste Francin nëse donte të futej si investitor me një vlerë prej 2 milionë eurosh.

Çopja i përgjigjet se nuk është problem për lekët. “Arjan Ormenaj e ka derën të hapur pa kohë dhe pa shifër,” citohet të shkruajë ai.

Dhjetë muaj më vonë, Lamçja e njofton sërish Çopjen se Ormenaj “ka nevojë për oksigjen”.

Në të njëjtën kohë, sipas vendimit të gjykatës, Lamçja dhe Ormenaj blinin apartamente për llogari të Çopjes dhe i regjistronin ato në emrat e të afërmve apo rrethit të tij shoqëror.

Arrestimi i Ormenajt nuk u bë i mundur gjatë operacionit, duke u shpallur në kërkim për veprën penale të pastrimit të parave, ndërsa Arben Lamçja u arrestua në Kosovë në fillim të gushtit dhe u ekstradua në Shqipëri.

Ormenaj ishte i paarritshëm për koment, ndërsa avokati i Arben Lamçjes, Altin Gjata nuk i komentoi akuzat, pasi tha se duhet të njihet me të gjitha provat e Prokurorisë.

Por ai i tha BIRN se Lamçja i ishte nënshtruar më parë hetimit pasuror nga Krimet e Rënda dhe çështja kundër tij ishte pushuar.

Nga biznesi i gomave në ndërtim

“Mandarine Drive” është një kompeks vilash luksoze në periferi të Tiranës, i ndërtuar në një kodër të butë, dikur të gjelbëruar pas qendrës tregtare TEG. Vilat i përkasin arkitekturës moderne, kanë secila pishina personale dhe listohen nga agjencitë imobilare me çmime shitjeje që variojnë nga 1 milion deri në 1.5 milionë euro secila.

Kompleksi “Mandarine Drive” është një investim i kompanisë Merkaj 3 sh.p.k, e themeluar në vitin 2013 nga Klajdi Merkaj kur ishte vetëm 24-vjeç, me aktivitet tregtinë e gomave për mjetet e rënda të transportit. Në vitin 2017, Merkaj ia shiti aksionet vëllait të tij dhe kompania shënoi një ngjitje të beftë, duke u përfshirë në projektin e ndërtimit të kompleksit të vilave “Mandarine Drive”.

Megjithatë, të dhënat e siguruara nga vendimi i Gjykatës së Posaçme sugjerojnë se Klajdi Merkaj vazhdoi të kryente veprime për llogari të kompanisë.

Komunikimet në aplikacionin Sky ECC me Franc Çopjen e identifikojnë Merkajn si një person të angazhuar në transferta parash nga Mbretëria e Bashkuar drejt Shqipërisë. Në disa raste gjatë vitit 2020, ai i dërgon Çopjes kode postare, që sipas burimeve të hapura rezultojnë të jenë shtëpi në Londër, Luton dhe në periferi të Birmingamit.

Ai kujdeset gjithashtu që të shesë makinat e Çopjes si dhe të fshehë pronësinë e dy vilave të tyre në kompleksin “Mandarine Drive”.

“Shtetasi Klajdi Merkaj evidentohet si një nga personat e besuar që mban dhe menaxhon vlera monetare të konsiderueshme cash për llogari të shtetasit Franc Gergely,” thuhet në vendimin e gjykatës.

“… sipas porosisë dhe orientimit të shtetasit Franc Gergely (Çopja), ka marrë dhe ka transportuar vlera monetare cash, të cilat më pas janë investuar në ndërtim dhe blerjen e pasurive të patundshme për llogari të shtetasit Franc Gergely,” shtohet aty.

Parkimi i parave

Përveç sipërmarrësve të ndërtimit, Franc Çopja përdori edhe persona të tjerë për operacionet e tij të pastrimit të parave në Shqipëri.

Dy prej tyre dyshohet se ishin pronarët e një pike të këmbimit valutor “B.Lika, Çimi & Keni” përballë Bankës së Shqipërisë, Bashkim Lika dhe Maklen Mici, të cilët akuzohen se e përdornin biznesin e tyre si bazë financiare për organizatën kriminale Çopja.

Prokuroria e akuzon Micin se si përdorues i pikës së këmbimit valutor ka mbajtur në një rast në këto ambiente 2.3 milionë euro, të cilat i përkisnin Franc Çopjes dhe një pjesë e të cilave janë tërhequr nga Arben Lamçja.

Në një rast të dytë, Dorjan Dyli me profesion farmacist ka marrë pranë pikës së këmbimit valutor shumën prej 121 mijë eurosh, që i ka përdorur si këst të parë për blerjen e një apartamenti në një godinë përballë Fakultetit Ekonomik, i cili identifikohet si “pallati me fasadë të kuqe” në dosje. Ai i ka tërhequr paratë duke u identifikuar me emrin e koduar “shoku i Valkanit”.

Apartamenti kushtonte në total 236 mijë euro, por pjesën tjetër Dyli e ka mbuluar me një kredi fiktive të marrë në bankë, të cilën e ka shlyer me paratë e dërguara nga Çopja dhe që qëndronin në pikën e këmbimit valutor të Micit.

Në njërën nga bisedat që ndodhet në vendimin e gjykatës, Dyli i shpjegoi Çopjes se “drejtori i bankës e kishte këshilluar që kalimi i pagesave të bëhej çdo 5-6 ditë me shuma monetare 7 mijë deri në 10 mijë euro, pasi kur bëhen derdhjet cash nuk gjurmohen dot, vetëm se kanë komisione të larta”.

Franc Çopja shfaqet veçanërisht i interesuar për të blerë flori të pastër 24 karatësh në janar të vitit 2021 dhe personi që kujdesej për sigurimin e arit ishte kambisti Mici.

Në një rast, Mici akuzohet se i ka siguruar Çopjes 10 kilogramë flori të pastër, por bosi i organizatës i ka kërkuar që t’i sigurojë edhe 30 kilogramë të tjerë, të cilët rezultojnë të jenë sjellë në Shqipëri.

Në komunikimet mes tyre, hetuesit thonë se kanë gjetur edhe foto të lingotave të arit me vlerë 15.4 milionë euro. Sipas vendimit, Mici i kishte siguruar lingotat e arit me vlerë 15.4 milionë euro për llogari të Franc Çopjes.

Lika dhe Mici u arrestuan gjatë operacionit në fund të korrikut me akuzën e pastrimit të produkteve të veprës penale, por avokati i tyre, Adriatik Kuka i tha BIRN se ata nuk i lidh asgjë me veprimtarinë kriminale që iu atribuohet dhe se “janë të tronditur nga akuzat”.

Kuka tha gjithashtu se klientët e tij janë taksapagues të rregullt, tregtarë të njohur në qytetin e Tiranës dhe praktikantë të fesë myslimane.

“Duke qenë se janë praktikantë të fesë myslimane, për shkak të fesë nuk i lidh asnjë gjë me veprimtaritë kriminale. Si rrjedhim, nuk mund të shkelin normat ligjore/njerëzore që vijnë në kundërshtim me të drejtat e njeriut dhe ligjeve në fuqi,” përfundoi Kuka. /BIRN/

The post Investitori nga Dubai: Si u pastruan paratë e narkotrafikut në projekte ndërtimi në Tiranë appeared first on Albeu.com.

Një veprim ky që në komunikimet “Sky”, tregohet me shumë mburrje nga Franc Çopja, tek i afërmi i tij Renato Musaku, i cili mësohet të jetë shpallur në kërkim për akuzën e “Përkrahjes së autorëve të krimit” në formën e “Organizatës kriminale”.

Duhet shumë guxim i madh dhe njëherësh duhet të jesh njeri jo normal për të kryer veprime të tilla, ku pasi ke vrarë shokun e ngushtë dhe bashkëpunëtorin tënd në trafikun e kokainës, një ditë më pas t’i shkosh në varrim atij dhe solidarizohesh me familjarët duke i hedhur 50 euro në formë ngushëllimi.

Në bisedat e “SKY”, Franc Çopja, i përshkruan kushëririt të tij Renato Musaku dhe situatën e rëndë që ishte në familjen e Endrit Alibej, duke i thënë se gruaja rumune e Endritit qante në gjuhën e saj Rumune duke thënë: “…Endrit jubira miaaaa…”.

Sipas të dhënave pjesore të siguruara nga gazetari i “Ora News” Elton Qyno, shtatë muaj pasi skuadra e Talo Çelës kishin kryer vrasjen e trefishtë, financuesi i kësaj vrasjeje Franc Çopja flet me një person tjetër, duke i thënë se një shtetas me nofkën “Bjondi” nuk është ndarë mirë me Hajdar Bakon, por sërisht ata nuk janë vrarë me njëri-tjetrin, siç po bënin me Endrit dhe Erjon Alibej.

Franci i shkruan se: “…në fakt këto janë njohur prej Darit. Se dhe ne me “Bjondin” s’jemi ndarë mirë me i fjalë, jo me të vrame. Se ika unë, i piva kafe, i hodha një 50 euro, kur vdiq ai “Tarzani”. Gjasme ato të vrasin e të vinë të pinë kafen…”.

Personi tjetër ia kthen mesazhin duke qeshur: ”…hahahahaha, e ke bo këtë punë ti? Nejse shofim tani, ça do nxjerin. Atij tatit i ka shku llafi 100 për qind…”.

Por Franc Çopja sërish i shkruan, duke i thënë se nuk ka shkuar vetëm njëherë për ngushëllim, por dy herë, edhe në varrim edhe pas varrimit.

“…si e kam ba???. Kam shku dy herë unë o robo dhe para se me varros dhe masi e varrosën, i hodha një 50 eurosh… Shok për shpirt të Shpëtimit, si kisha shku, por m’kan ardh 3 vjet rrjesht kahu siç i vajtja, me t’puthme me përqafime…”.

Personi tjetër ia kthen duke i shkruar: “…hahaha, po ça bo be plakun mer burr. Ç’ja q*** robt mo shku ku i kan…”.

Më tej, i njëjti person e pyet Franc Çopjan se kush është ky “Tarzani”…?

Dhe Franci ia kthen duke i shkruar si më poshtë vijon: “…Tarzani a ky para veti 3, ke “Reng-Roveri” hahaha këtë që se kapshin plumbat Rob q***…”.

Ndërkohë, një vit e gjysmë nga masakra në Bradashesh të Elbasanit, ku mbeti i vrarë Endrit Alibej, daja i tij Arben Dylgjeri dhe miku turk Erdal Duranay, kapoja i grupit Franc Çopja, nga Dubai, komunikon me kushëririn e tij në Elbasan, Renato Musaku, ky i fundit një tregtar makinash.

Franc Çopja, në bisedë i thotë Renato Musakut, se Talo Çela dhe personat e tjerë të grupit të tij kanë gabuar nga mendjemadhësia, janë hallakatur dhe kanë biseduar me persona të tretë për ngjarjet kriminale, ku kanë marrë pjesë dhe duhet të ishin mbajtur nën kontroll pasi Franci, nuk i ka pas planifikuar kështu rrjedhën e ngjarjeve dhe veprimet e Talos dhe grupit të tij pas ngjarjeve mund të ndikojnë në zbardhjen e tyre.

Gjithashtu, Franci shprehet se anëtarët e familjes (Alibej) kanë qenë në ajër pasi nuk e kanë pasur dijeni se nga i vinte problem, kush ishin personat që kanë financuar dhe porositur vrasjen e familjarëve të tyre.

Franc Çopja, informon Renato Musaku, se, ai (Franci) ka shkuar edhe për vaki dhe ka hedhur 50 Euro dhe ju ka thënë me ironi: “…t’i rrojnë familjarët!…” dhe jep detajet për bashkëshorten e të ndjerit Endrit Alibej, e cila sipas tij qante në gjuhën rumune.

Në “SKY” Franci shprehet se: “…ato janë legena dhe sp***ë e keqe, është turp ti quash armiq”.

Por në fund kushëriri i tij, Renato Musaku, e këshillon Franc Çopjan se duhet ta vendosë në vijë përsëri grupin e tij të vrasësve me pagesë.

Franci i shkruan Renatos duke i thënë se grupi i tij është dëmtuar që kur u arrestua ai kalamani, duke nënkuptuar Klevis Allën, i cili pranoi të bashkëpunojë me drejtësisë, por më pas doli që kishte gënjyer prokurorët duke thënë qëllimisht emrat e Talo Çelës dhe Altin Ndocit, në vrasjen e dy vëllezërve Haxhia në Prill 2020 në Durrës.

“…u zbulun ato të gjithë. Po çar ti baj Talos unë, fluturon me bisht në bythë. Se ato ishin ajrorë, s’dishin gja nga po i vinte. Po Talo b*ja, iku me i ven aty doli pastaj gaboi. Iku nga menja vet Talo, si pall k**i, tha e njof unë këtë shkoj unë i them. Kjo punë s’do trima budallej. Unë ja thash live atyne, majeni men i thash ato thanë vari k**n, këtij kalamanit. Kur re ti burg, u zhduka unë s’dilja ma lirshem s’ikja ma as Shqipri. Bana ca lekë,ene hec babeeee ça ti baja??? Ika i piva një kafe, i hodha i 50 eurosh. Trroni vet, ti rrojnë dashmit i thashë hahahaha…”.

Dhe Musaku ia kthen me të qeshur: “…hahahaha…”.

Dhe sërisht Franc Çopja, vijon t’i shkruajë duke i përshkruar situatën e rëndë në shtëpinë e familjes Alibej duke shtuar:

“…qante ajo nusja atij… Indrit jubira miaaaa…, se e ka rumune…po b… vari k…n, s…me e keqe…Legena, turp me i thanë armik. Për zotin po u hallakatën m’brapa këta të tjerët, s’kishim shku kështu gjanat jo, si pata planifiku kështu…”.

Por Musaku i thotë duke vijuar të shkruajë: “…hahaha tamam, të degjenerum fare…”.

Ndërsa Çopja i thotë: “…po ngrit huna përpjet…”.

Dhe Musaku që ia kthen sërish duke i thënë: “…po duhesh me u majt pak ma në kontroll, po hajt ma duhet me pa si me i van në vijë prapë…”.

Më tej, Franc Çopja në muajin maj 2020 flet në “Sky” me një person tjetër duke i thënë se ka 5 vjet është ngarkuar shumë duke u marrë dhe me vrasjet e kundërshtarëve të tij:

“…shoku jam i vogël me moshë, po kam 10 vjet pa pushim. Sidomos këtë 5 vjeçarin e funit, as familje asgja s’po shijoj. Mall, intriga, lek, vrite-prite, më hikën petlla…”.

Gjithashtu, Franci më tej i shkruan se pendesa e Klevis Allës dhe sherri që ka bërë Nuredin Dumani me Talo Çelën për një makinë të qelbur i ka prishur shumë punë.

”…kanë qënë me mu bashkë të gjithë, për 1 makinë të qelbët ka nis gjithë puna prej atij mostrës së vogël. Na mori në qafë, na prishi shumë punë…”.

Pas pendesës së Klevis Allës, është arrestuar Altin Ndoci, anëtar dhe vrasës me pagesë në grupin e “Çopjave”.

The post Detaje tronditëse/ Vrau Endrit Alibejn dhe i shkoi në varrim, Franc Çopja në “Sky”: I hodha 50€ appeared first on Albeu.com.

Lala u shpreh se aksioni i kishte dhënë një goditje të fortë, një prej organizatave kriminale më me ndikim në Shqipëri.

Ndër të tjera në fjalën e saj, Lala foli edhe për një “figurë qendrore” që u pastronte paratë në Shqipëri dy vëllezërve nga Elbasani, por pa përmend emra:

“Për krimin e organizuar SPAK ka shënuar një sukses të jashtëzakonshëm. Kam bërë dy emisione për vëllezërit Çopja. Franc dhe Hajdar Çopja konsiderohen sot për sot dy nga personat më të rëndësishëm të krimit të organizuar. Grupi Alibej dhe Çopja janë dy grupimet më të ashpra dhe më të rrezikshme që kanë vepruar në Elbasan.

Për çfarë arsye?

Masakra e Bradasheshit ku u vra Endrit Alibej ishte një masakër e ashpër dhe problematike. Kur e kam nxjerrë faktin për herë të parë që ishte rrahur një roje në Britaninë e Madhe, ishte masakruar, ka pasur një sulm frontal ndaj meje nga të dy grupimet. Erion Alibej për vrasjen e të vëllait urdhëroi gjithë spastrimin e grupit kundërshtar dhe bëri të paktën 6-7 vrasje.

Nga ana tjetër, Çopjat mendohet se në Dubai kanë investuar 200 milionë euro. Vetëm në Shqipëri u kapën 1 mln euro cash. Në Shqipëri kanë hyrje në të gjitha fushat e shoqërisë. Belgët kanë qenë të interesuar… kur kërkuan ekstradimin e Franc Çopjas, kanë bërë një marrëveshje sepse e deshën me çdo kusht. Sepse kanë një figurë shumë qendrore që pastron paratë në Shqipëri, faktet do të dalin ditë pas dite”, tha Lala në Syri Tv.

The post Lala: Çopajt investuan 200 mln euro në Dubai, një figurë “qendrore” u pastron paratë në Shqipëri appeared first on Albeu.com.

Që nga mëngjesi i djeshem ai ndodhet në një qeli belge. Gergely njihet si mbreti absolut i mjedisit shqiptar, një lider klani që konsiderohet përgjegjës për të paktën nëntë vrasje.

Kush është ky njeri, i cili drejtoi biznesin e tij të pistë nga një vilë shumë milionëshe në Dubai dhe u ekspozua përfundimisht nga mesazhet e deshifruara të Sky ECC për bashkëpunëtorët e tij?

Kur Frank Gergely hipi në një avion privat të rezervuar posaçërisht nga qeveria belge nga Dubai, i shoqëruar nga hetuesit e policisë gjyqësore federale të Brukselit, ai e dinte se perandoria e tij kishte marrë fund.

Gulfstream G200 zbarkoi në Zaventem, ku më shumë policë po prisnin për ta çuar atë te gjyqtari hetues në Bruksel.

Zyra e prokurorit publik federal dëshiron ta çojë Gergelyn në gjykatën e Assizes në vitin 2024 si drejtuesin për një zgjidhje brutale në mjedisin shqiptar në rrugët e komunës Sint-Jans-Molenbeek të Brukselit.

Gergely përballet me burgim të përjetshëm nëse shpallet fajtor.

Ekzekutimi i drejtpërdrejtë i shqiptarit Ardit Spahiu më 27 nëntor 2020 ishte një dhunë e paprecedentë edhe për botën e krimit të Brukselit.

Spahiu, 38 vjec, po dilte nga një kafene në Condorlaan, pranë Edmond Machtenslaan, në orët e para të mbrëmjes kur një VW Golf GTI 6 e zezë kaloi pranë tij.

Një person ka dalë dhe ka hapur zjarr ndaj Spahiut me automatik. U qëlluan tetëmbëdhjetë të shtëna, Spahiu u godit nga tetë plumba dhe vdiq në vend. Hetimi zbuloi se urdhri fillestar ishte vrasja e të gjithë familjes së tij. Dy ekzekutorët u arrestuan në Spanjë dhe Gjermani, sipas shtypit shqiptar.

Franc Gergely dhe Ardit Spahiu nuk janë të huaj me njëri-tjetrin. Ata i përkasin dy klaneve rivale shqiptare të përfshira në trafikun e gjerë të kokainës.

Gergely është mbreti absolut i mjedisit shqiptar të drogës dhe i përket klanit Çopja, të njohur më mirë si “Sakati”, me bazë Dubain.

Në një distancë të sigurt dhe në strehë, ai mban një kontroll të fortë mbi gjërat. Organizata e tij është e përfshirë në trafikun ndërkombëtar të armëve dhe importon kokainë në një shkallë të gjerë nga Amerika e Jugut.

Droga hyn në Belgjikë përmes porteve të ndryshme, përfshirë Antwerpin, por edhe përmes porteve të tjera evropiane si Roterdami. Në Bruksel, kokaina, e cila shpesh fshihet në substanca të tjera, përpunohet në të ashtuquajturat lavanderitë e koksit, pas së cilës droga u dërgohet blerësve në Evropë. Të ardhurat shkojnë tërësisht në Shqipëri.

Ardit Spahiu, i njohur si “Arjani i vogël” i përket klanit rival Alibej dhe njihet për policinë si financues dhe sponsor i disa vrasjeve në Elbasan, Durrës dhe Kavajë.

Spahiu u arrestua në vitin 2010 si i dyshuar për vrasjen e 52-vjeçarit Gëzim Alikaj në qytetin e tij të lindjes në Elbasan, por më pas u la i lirë.

Së bashku me vëllain e tij të madh Rigers, Ardit Spahiu ka lidhje edhe me Erion Alibej. Ai ndodhet në burg si organizator i vrasjes së dyfishtë të Emiljano Ramazanit dhe mikut të tij Regis Runaj, po në qytetin e Elbasanit.

Endrit Alibej, vëllai i Erionit, u vra disa vite më parë me dajën e tij Arben Dylgjeri dhe turkun Erdal Duranay në Bradashesh. Grindja mes dy grupeve kriminale u përshkallëzua në vitin 2018 pasi një ngarkesë e madhe kokaine humbi në Britani. Të dy klanet fajësuan njëri-tjetrin për transaksionin e drogës që shkoi keq.

Që atëherë, disa ngjarje pasuan. Vetë Gergely është i lidhur me jo më pak se nëntë vrasje me pagese, gjashtë prej të cilave janë kryer në Shqipëri dhe të paktën një në Belgjikë, ajo e Spahiut. Ai vetë nuk i ndot duart, prandaj klani i tij punon me vrasës.

Ekzekutimi i Ardit Spahiut në Molenbeek ishte një vrasje e tepërt për Franc Gergely.

Pas një hetimi të plotë gjyqësor në mjedisin shqiptar dhe me ndihmën e mesazheve të deshifruara nga kiptofonat Sky ECC, FGP-ja e Brukselit arriti të hartojë organizatën.

Një veprim ligjor i paprecedentë pasoi në tetor 2021 me kontrollet e 1100 oficerëve të policisë. Qëllimi: çmontimi i rrjetit shqiptar të kokainës.

Gjithsej 192 kontrolle u kryen në të gjithë vendin, por fokusi ishte në Bruksel. Hetuesit zbuluan njëmbëdhjetë laboratorë kokaine dhe pesë plantacione kanabisi. Ata sekuestruan mbi 32 tonë kokainë, përveç vilave, makinave të shtrenjta dhe apartamenteve luksoze me vlerë mbi 7 milionë euro. Në të njëjtën kohë ka pasur edhe një operacion policor në Shqipëri, ku janë sekuestruar 15 prona, makina të shumta, madje edhe dy skafe.

Anëtarët e bandës, kryesisht shqiptarë dhe gjithashtu kolumbianë, janë aktualisht në gjyq në gjyqin më të madh kriminal të drogës ndonjëherë në vendin tonë. 142 të dyshuar janë në gjyq në ndërtesën Justitia në Evere, gjyqi ndoshta do të zgjasë pesë muaj. Vrasja e Ardit Spahiut po trajtohet veçmas. Hetimi gjyqësor është po aq sa i përfunduar. Prokurori publik federal kërkon të sjellë Franc Gergely në gjykatën e asistentëve si autor të vrasjes. Në kohën e fakteve, Gergely ishte në Dubai. Në fund të fundit, ishin mesazhet e deshifruara të Sky ECC që e fundoswn atë. Hetuesit gjetën foto dhe imazhe të torturave të tmerrshme dhe vendbanimeve mjedisore. Ata treguan një njeri si klient: Franc Gergely.

Më 16 qershor 2023, Prokuroria Federale kërkoi zyrtarisht arrestimin dhe ekstradimin e tij nga Emiratet e Bashkuara Arabe (EBA). Belgjika kishte nënshkruar një traktat ekstradimi me Emiratet e Bashkuara Arabe, i cili përfshin gjithashtu Dubain, në dhjetor 2021 nga ish-Ministri i Drejtësisë Vincent Van Quickenborne. Traktati, i cili u negociua me vështirësi, fillimisht duhej të ratifikohej nga të dyja vendet dhe nuk hyri në fuqi deri më 1 nëntor 2022. Pra, duhej të prisnim që krimineli i parë i drogës të ekstradohej nga vendi arab. Gergely u arrestua në Dubai më 14 shtator 2023 dhe që atëherë ka qenë në burg. Ai tani ka titullin e palakmueshëm si krimineli i parë i drogës i ekstraduar nga Dubai në Belgjikë.

Franc Gergely është zakonisht shumë i matur në lidhje me aktivitetet e tij në Emiratet e Bashkuara Arabe, por një zhvillues projekti nuk mund të rezistonte duke treguar në faqen e tij të internetit vilën e ndërtuar për të në vitin 2021 në Dubai Hills, zemra e gjelbër e Dubait. Për të interesuarit: çmimi fillestar për një vilë me 4 dhoma gjumi në këtë projekt ekskluziv të pasurive të paluajtshme fillon nga 1.5 milionë euro dhe shkon deri në 7.8 milionë për një vilë me 7 dhoma gjumi.

Tashmë zotit shqiptar të drogës do t’i duhet ta shkëmbejë atë banesë luksoze me një qeli në burgun e Harenit. Është një shenjë e kohës për bosët e tjerë të drogës që ndihen të paarritshëm në vendin arab. Përralla e Dubait si një strehë e sigurt për kriminelët me shumë para ka përfunduar, ka deklaruar tashmë ministri i Drejtësisë Paul Van Tigchelt m. Gjykata ka ende një listë të vërtetë dëshirash të të dyshuarve që dëshiron t’i shohë të ekstraduar. Me Franc Gergely, eksodi nga parajsa tashmë ka filluar.

The post Media belge: Kush është Franc Çopja nga Elbasani, lideri i pamëshirshëm i klanit shqiptar që tregton kufoma nga Dubai? appeared first on Albeu.com.