Uniformat blu në Berati, raportojnë se mbi 53-vjeçarin rëndon akuza për kryerjen e veprës penale “Vrasje nga pakujdesia ”.

Dhimitër Kuqi, dyshohet se qëlloi me armë gjahu me qëllim për të vrarë një kafshë të egër, por nga pakujdesia plagosi shtetasin Adriatik Toska, i cili si pasojë e plagës së marrë ndërroi jetë në spital.

Burime bëjnë me dije se si autori edhe viktima, kanë qenë duke ruajtur prej disa netësh parcelat me misër, që i dëmtonin derrat e egër, kur në përpjekje për të gjuajtur derrin, 53-vjeçari Dhimitër Kuqi, ka gjuajtur aksidentalisht bashkëfshatarin e tij Adriatik Toska.

Materialet proceduriale i kanë kaluar Prokurorisë së Beratit për veprime të mëtejshme.

The post Vrau fqinjin pasi e ngatërroi me derrin në arën me misra, arrestohet 53-vjeçari në Berat (EMRAT) appeared first on Albeu.com.

Megjithatë, Mineards tha se ai ka ndjenja paksa të ndryshme për bashkëshortin e Markle, Princin Harry, të cilin ai e përshkruan si “mjaft pozitiv”.

Page Six ka kontaktuar me përfaqësuesit e Sussexes për koment, por nuk mori përgjigje.

Kjo nuk është hera e parë që çifti mbretëror mërzit një nga fqinjët e tyre nga Kalifornia.

Në korrik 2023, Frank McGinity, një veteran 88-vjeçar i marinës amerikane, pretendoi se ai u përbuz kur u përpoq t’i jepte Markle dhe Harry disa filma që ai bëri për historinë e zonës.

“Unë kam një shtëpi të madhe pranë pronës së Harry-t dhe Meghan-it dhe jetoj në shtëpinë e miqve ndërsa marr me qira shtëpinë kryesore në Airbnb,” thuhet se shpjegoi ai në kujtimet e tij, “Get Off Your Street”.

“Harry dhe Meghan jetojnë në pronën e vjetër të McCormick dhe unë shkova te porta e tyre me filmat në një CD, por ata nuk ishin të interesuar.”

Kujtojmë se familja Sussex u zhvendos në Kaliforni në vitin 2020 pasi u larguan nga detyrat e tyre mbretërore.

The post Meghan Markle ‘sulmohet’ nga fqinji: Ajo nuk është… appeared first on Albeu.com.

Ai tregoi se kohë më parë e kishte dhunuar autorin, pasi ky i fundit i kishte vjedhur furgonin.

Fqinji ka thënë më tej se Hutra i ka pasur të gjitha veset e këija, ndërsa mendon se mund të kishte shkuar të vriste edhe atë.

“Ka qenë monstër nga fillimi deri në fund. Njëherë ka qenë i fejuar me 2 goca tjera dhe e panë që është i dhunshëm dhe ikën. Pastaj përdhunoi kunatat e veta. I ka çuar nga liqeni dhe kur kanë ardhur në mëngjes ishin katandisur. Ka pas mbushur ujë te shtëpiat e mia. E kam pas rrahur njëherë. Më duket se ka ardhur të më vrasë mua. E kam rrahur se më bëri shumë dëm. Po bënin një darkë që ishte fejuar motra e vet. Ky monstra tha hajde ta çojmë në spital. E çuam dhe e solla prap këtu.

Më tha sa lekë bën. I thashë për spital është falas. E çova unë atje dhe atë natë më ka vjedhur furgonin. E zura dhe i futa një të rrahur. Nëna e saj ka ikur, më duket se jeton te vajzat. Vëllezërit kanë ikur. Mori një vajzë tjetër, e mbajti 2 muaj dhe ikën me qera te Fusha e Aviacionit dhe i futi thikën në zemër, e vrau.  Që prej asaj kohe ca nuk ka bërë. Ai duhet të rrinte brenda. Dje kisha frikë të dilja. Ka pasur gjithë veset e këqija, përdhunues, mashtrues“, tha fqinji. /albeu.com

The post “Dje kisha frikë të dilja”, flet fqinji i Dan Hutrës: Monstër! E kam rrahur se më vodhi furgonin appeared first on Albeu.com.

Viktima po ecte në një lagje në jug të vendit, e veshur me një fustan dhe vello të bardhë. Përpjekja e saj ishte të ngjante sa më shumë me një personazh makabër të filmit horror latino amerikan: “La Llorona”. Një fantazmë që thuhet se shëtit pa gjetur paqe dhe duke qarë sepse fëmijët e saj kanë vdekur. Sipas folklorit kjo figurë tmerruese është e dënuar që të shëtisë e dëshpëruar nëpër botë, pasi fajësohet se ka mbytur dy fëmijët e saj në një moment zemërimi , pasi bashkëshorti e tradhëton me një grua tjetër.

Me atë veshje, vajza dëshironte të trembte banorët e lagjes dhe për të bërë akoma më reale shakanë e saj ajo bërtiste vazhdimisht duke kërkuar fëmijët e saj. Në fudn ajo u vra nga një banor i frikësuar nga kjo pamje, e që më pas u arratis në panik e sipër.

Forcat e rendit nuk kanë arrestuar ende asnjë person por konfirmojnë se hetimet vazhdojnë në një kohë që filmimi është bërë viral në rrjete sociale. Tragjedia ndodh në një moment në të cilin mijëra meksikanë përgatiten për të festuar ditën tradicionale të të vdekurve dhe Hallouen./abcnews.al

The post Maskohet si fantazmë për shaka, fqinji trembet dhe e vret vajzën meksikane appeared first on Albeu.com.

NJOFTIMI I POLICISË:

Plagosi me mjet prerës fqinjin e tij gjatë një konflikti për motive të dobëta, falë reagimit në kohë të Policisë kapet dhe arrestohet autori i dyshuar i ngjarjes.

Më datë 21.07.2021, rreth orës 03:05, Policia ka marrë njoftim se në fshatin Shalës, Cërrik, gjatë një konflikti për motive të dobëta, shtetasi B. Sh., 31 vjeç, kishte plagosur me mjet prerës (thikë) fqinjin e tij, shtetasin B. Dh., 44 vjeç, i cili ndodhet jashtë rrezikut për jetën.

Shërbimet e Policisë, falë vlerësimit në kohë të informacionit, shkuan menjëherë në vendin e ngjarjes, ku bënë të mundur kapjen dhe shoqërimin në Komisariat të autorit të dyshuar të ngjarjes.

Në përfundim të veprimeve, shtetasi B. Sh. u arrestua në flagrancë për veprën penale “Plagosja e rëndë me dashje”.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

The post I shkoi në banesë fqinjit dhe e qëllon me thikë pas konfliktit, arrestohet autori appeared first on Albeu.com.

Autori dhe viktima ishin fqinj dhe sipas mediave kishin një mosmarrëveshje të vjetër mes tyre që përfundoi në mënyrë tragjike për shqiptarin që u godit me thikë në stomak.

Pasi u godit nga Rivani, që më pas u dorëzua vetë në polici, 59-vjeçari shqiptar u përpoq të largohej, por u rrëzua në një rrugë këmbësorësh. Ai u dërgua në spitalin e Novarës, por nuk mundi që t’u mbijetonte plagëve.

Vrasja e shqiptarit ka trishtuar komunitetin e zonës ku 59-vjeçari jetonte prej vitesh me familjen. Një pensionist italian u shpreh për mediat se Nikaj ishte një person pozitiv dhe se vdekja e tij e kishte hidhëruar.

“Ai më ndihmonte në gjithçka, ai ishte krahu im i djathtë” tha italiani, për shqiptarin.

The post “E kisha krahun e djathtë”, pensionisti në lot pas vrasjes së shqiptarit nga fqinji appeared first on Albeu.com.

Ngjarja e rëndë tronditi fshatin e largët, ndërkohë që Policia lokale prangosi njërin nga autorët e dyshuar dhe është vënë në kërkim të të dyshuarit tjetër. Burime pranë Drejtorisë së Policisë Dibër pohuan se viktimë e konfliktit të kahershëm mes familjes Konesha dhe Mera është 50-vjeçari Xhetan Konesha.

Në pranga përfundoi Muhamet Mera, 30 vjeç dhe është shpallur në kërkim vëllai i tij, 42-vjeçari Altin Mera. Të afërm të familjes Konesha tregojnë se prej kohësh dy familjet ishin në konflikt mes tyre. Sipas tyre, kohë më parë Konesha ka dhunuar Altin Merën në lokalin e fshatit. Sakaq, ngjarja e fundit lidhet me një tubacion ujë. Një vit më parë Konesha investoi për ujin e pijshëm. Ai montoi një tubacion nga burimi deri në shtëpi. Kjo kishte shqetësuar familjen Mera, e cila pretendonte se burimi nuk ishte pronë e Koneshës.

Ngjarja

Xhetan Konesha ishte kthyer disa ditë më parë nga Greqia. Familjarët i kishin thënë se tubacionin e ujit e kishin dëmtuar vëllezërit Mera. Kjo e kishte shqetësuar Xhetanin. Ai kishte dërguar të afërm në familjen Mera dhe u kërkonte ta rikthenin tubin e ujit në gjendjen e mëparshme, ndryshe do të kishin probleme. Dje në mëngjes, në momentin kur Xhetan Konesha po lëvizte nga banesa e tij drejt qendrës së fshatit. Në një ngushticë është përballur me vëllezërit Altin e Muhamet Konesha. Fillimisht kanë debatuar mes tyre, madje janë përleshur fizikisht. Fjalët dhe konflikti kanë agravuar. Njëri nga vëllezërit ka qëlluar disa herë me automatik mbi Xhetanin. Pas krimit, dy vëllezërit janë larguar nga vendi i ngjarjes, ndërkohë banorët e Luznisë pasi kanë dëgjuar krismat kanë mbërritur në vendin e ngjarjes. 50-vjeçarin e kanë gjetur në gjendje kritike. Kanë siguruar një mjet transporti dhe e kanë dërguar me shpejtësi në Spitalin Rajonal të Peshkopisë. Për shkak të plagëve dhe humbjes së gjakut, pak orë pas mbërritjes në spitali, Xhetan Konesha ka ndërruar jetë.

Autorët

Ngjarja është zbardhur shpejt nga Policia. Konflikti mes dy familjeve ishte i njohur nga autoritetet e Policisë. Efektivët janë vënë në ndjekje të dy vëllezërve Mera. Policia arriti të arrestonte Muhamet Merën, ndërsa vëllai i tij, Altin Mera u arratis, duke u larguar në pyll. Policia po vijon me krehjen e zonës, për kapjen e autorit tjetër të dyshuar, ndërsa u gjetën dhe u sekuestruan në cilësinë e provës materiale armën e zjarrit automatik me të cilën dyshohet se dy vëllezërit vranë 50-vjeçarin. Pas arrestimit të njërit prej autorëve Policia mori në mbrojtje dy familjet e përfshira në konflikt të mëhershëm për ujin dhe tokën. Grupi hetimor, nën drejtimin e Prokurorisë së Rrethit Gjyqësor Dibër, po vijon punën për zbardhjen e plotë të rrethanave dhe shkakut të ngjarjes./Panorama/

The post Nisi nga një tub uji, dalin dëshmitë se si dy vëllezërit vranë fqinjin në Dibër appeared first on Albeu.com.