Nga mënyra se si një person e percepton veten, te zakoni, lodhja nga vendimet dhe dëshira për privatësi, arsyet pas një fotografie të pandryshuar profili mund të jenë të shumta.

Disa përdorues e zëvendësojnë menjëherë fotografinë në WhatsApp, Viber apo rrjete sociale sapo realizojnë një imazh të ri që u pëlqen. Të tjerë vazhdojnë të përdorin të njëjtën foto për vite.

Kjo sjellje mund të interpretohet lehtë si mungesë interesi për ndryshimet, pasivitet në rrjetet sociale, mospëlqim për t’u fotografuar ose kënaqësi me një imazh ku personi mendon se duket mirë. Megjithatë, një foto e vjetër nuk mjafton për të përcaktuar personalitetin e dikujt.

Arsyet shpesh janë shumë më praktike dhe të thjeshta.

1. Fotografia vazhdon t’ju përfaqësojë

Një shpjegim lidhet me teorinë e vetëkonsistencës të psikologut William Swann. Sipas kësaj ideje, njerëzit priren të dëshirojnë që mënyra se si i shohin të tjerët të përputhet me imazhin që kanë për veten.

Nëse një fotografi ju duket ende një pasqyrim i përshtatshëm i identitetit tuaj, edhe pas disa vitesh mund të mos ndieni nevojën për ta zëvendësuar. Në këtë rast, rëndësi nuk ka koha kur është bërë fotoja, por fakti nëse ajo vazhdon t’ju përfaqësojë.

2. Profili digjital nuk ka rëndësi të veçantë për ju

Për disa persona, rrjetet sociale janë një mënyrë për të shfaqur identitetin. Ata mund ta ndryshojnë fotografinë pas një udhëtimi, një ndryshimi në pamje, lidhjes me një partner ose ardhjes në jetë të fëmijëve.

Për të tjerë, WhatsApp-i dhe Viberi shërbejnë vetëm për komunikim. Për ta, fotografia e profilit mund të jetë po aq e parëndësishme sa sfondi i telefonit: vendoset një herë dhe më pas nuk i kushtohet më vëmendje.

3. Ndryshimi nuk bëhet më pjesë e mendimit të përditshëm

Kur një element mbetet i njëjtë për një kohë të gjatë, ai kalon në rutinë dhe nuk e mendojmë më në mënyrë aktive.

Personi nuk merr çdo ditë vendimin për të mos e ndërruar fotografinë. Thjesht nuk i është shfaqur një arsye konkrete për ta bërë këtë dhe, me kalimin e kohës, imazhi bëhet pjesë e zakonshme e pranisë së tij digjitale.

E njëjta sjellje mund të vërehet edhe te melodika e telefonit, organizimi i aplikacioneve apo elemente të tjera që mund të mbeten të pandryshuara për vite.

4. Nuk dëshironi të merrni një vendim tjetër

Gjatë ditës përballemi me zgjedhje të panumërta: nga veshja dhe ushqimi, te mesazhet që duhet t’u përgjigjemi dhe detyrat që duhen përfunduar fillimisht.

Psikologjia e përshkruan këtë ngarkesë si lodhje nga vendimmarrja, pasi zgjedhjet e vazhdueshme mund të konsumojnë energji mendore.

Për dikë që nuk i jep rëndësi fotos së profilit, kërkimi i një imazhi të ri thjesht nuk arrin të bëhet prioritet. Pyetja se cilën fotografi duhet të vendosë mund të mos lindë fare.

5. Preferoni të ruani më shumë privatësi

Disa persona ndajnë rregullisht fotografi dhe detaje nga jeta e tyre e përditshme. Të tjerë nuk e shohin të nevojshme ta rifreskojnë vazhdimisht mënyrën se si paraqiten në internet.

Në një situatë të tillë, përdorimi i një fotoje të vjetër mund të nënkuptojë vetëm se personi vendos një ndarje më të qartë mes jetës private dhe informacionit që zgjedh të bëjë publik.

Çfarë nuk mund të kuptoni nga një fotografi e pandryshuar?

Nuk ka bazë që vetëm nga fakti se dikush përdor të njëjtën foto për vite të nxirret përfundimi se është i turpshëm, antisocial, i pasigurt, introvert apo se ka frikë nga plakja.

Një zakon në përdorimin e teknologjisë nuk mund të shërbejë si test personaliteti.

Dy persona mund ta mbajnë të njëjtin imazh për arsye krejtësisht të ndryshme. Njëri mund të jetë i kënaqur me fotografinë, ndërsa tjetri mund të mos ketë pothuajse fare interes për rrjetet sociale.

Prandaj, një foto profili që nuk është ndryshuar prej vitesh nuk duhet parë domosdoshmërisht si shenjë e ndonjë sekreti. Mund të jetë thjesht një imazh që personit i pëlqen dhe për të cilin nuk ka gjetur arsye ta zëvendësojë.

The post Pse disa njerëz nuk e ndryshojnë fotografinë e profilit për vite me radhë? 5 shpjegime të mundshme appeared first on Albeu.com.

Pas arrestimit të Fehim Salit, i dyshuar për spiunazh, në media dhe rrjete sociale po qarkullon një fotografi ku ai shihet me kryeministrin në detyrë, Albin Kurti.

Fotoja ishte realizuar në objektin e Kryeministrisë, gjatë një takimi në të cilin Kurti e kishte pritur Salin së bashku me disa persona të tjerë.

Zëdhënësi i Qeverisë, Arlind Manxhuka, reagoi duke sqaruar se, përgjatë viteve në drejtimin e qeverisë, Kurti ka takuar “dhjetëra organizata të pakicave me delegacione të tyre që janë të regjistruara dhe operojnë në Kosovë”.

“Ne nuk bëjmë detektorin e askujt dhe as s’japim amnesti për askënd. Por, tash si asnjëherë më parë, institucionet e sigurisë, si AKI janë duke zbuluar gjithnjë e më shumë elemente të tilla të dyshimta spiunazhi, për çka i përgëzojmë për punën”, shkroi Manxhuka.

Fehim Sali u ndalua më 13 gusht në pikën kufitare të Merdares, nën dyshimin se kishte kryer spiunazh për BIA-n serbe.

Prokuroria Speciale pretendon se, gjatë një periudhe të papërcaktuar deri më 13 gusht, Sali i kishte dhënë në vazhdimësi informacione dhe ndihmë Shërbimit Inteligjent të Serbisë (BIA), me synim sigurimin e përfitimeve materiale.

Sipas Prokurorisë, ai e kishte furnizuar BIA-n me të dhëna rreth zhvillimeve politike në Kosovë, kishte fotografuar dhe identifikuar zyrtarë të Agjencisë së Kosovës për Inteligjencë (AKI), si dhe kishte përcjellë informacione për persona që, sipas këtij institucioni, janë pjesëtarë të sektit vehabi.

Gjykata Themelore në Prishtinë ka vendosur ndaj Salit masën e paraburgimit në kohëzgjatje prej një muaji.

The post Manxhuka reagon për fotografinë e Kurtit me të dyshuarin për spiunazh: Nuk verifikojmë askënd, përgëzojmë AKI-në për zbulimet appeared first on Albeu.com.

Lajmi është bërë me dije nga vetë çifti, të cilët nëpërmjet një postimi në “Instagram”,  njoftuan për ardhjen në jetë të bebushes së tyre.

 

View this post on Instagram

 

A post shared by ICONSTYLE (@iconstyle_al)

Sakaq, ditën e sotme, Kiara ka postuar një fotografi, ku Luizi shfaqet me të voglën e tij në krahë.

 

View this post on Instagram

 

A post shared by ICONSTYLE (@iconstyle_al)

Moderatorja ende nuk ka treguar më shumë detaje, lidhur me lindjen apo vështirësitë që ka hasur por nga një njoftim i bërë ditën e djeshme prej Luizit, çifti do të zhvillojë pasditen e sotme një videolive, teksa do të rrëfejnë emocionet e tyre që po përjetojnë si prindër.

The post Kiara poston fotografinë e parë të Luizit me bebushen Luna në krahë appeared first on Albeu.com.

“Emri im është Shehab Omar Abu al-Hanud”, fillon ai. “Nëna ime vdiq. Emri i saj është Ghada Youssef Ahmed Abu al-Hanud.”

Ai është shumë i dobët, me qime të rralla në fytyrë, shkruan Al Jazeera. Bëhet fjalë për djaloshin, imazhet e të cilit – pranë trupit të mbuluar me qefin të nënës së tij në një shtrat spitali në Rafah – të hënën e kaluar kishin bërë bujë në rrjetet sociale.

Dhe mijëra njerëz u prekën nga pamja e humbjes dhe dhimbjes së tij, duke e titulluar atë “Lamtumira e fundit”.

Që ai është shumë i lidhur me të është po aq e dukshme, edhe para se t’i thotë Al Jazeera-s se çfarë do të thotë ajo për të dhe për të gjithë familjen.

“Ajo ishte gjithçka për mua”, tha ai. “Ajo ishte nëna ime, motra ime dhe shoqja ime. Jeta pa të nuk ka kuptim”.

View this post on Instagram

A post shared by مرام علي – maram ali (@mramalie)

The post Fotografia që preku shumë njerëz: Një nënë e vrarë nga Izraeli dhe “lamtumira e fundit” me djalin e saj appeared first on Albeu.com.