“Nuk ka ujë dhe ushqim për të ngrënë”, tha ajo.

“Situata jonë është shumë e vështirë. Nuk ka ujë për të pirë. Nuk ka ujë të pastër, etjen mezi e shuajmë”.

Khitam tha se katër fëmijët e saj të tjerë “kanë dashur të hanë që nga mëngjesi, por nuk ka bukë”.

Ajo lindi gjatë luftës dhe përshkroi se ishte larguar nga shtëpia e saj, për shkak të bombardimeve izraelite vetëm dy ditë pas lindjes.

ActionAid, thotë se dhjetëra mijëra gra shtatzëna janë të uritura, ndërsa nënat janë aq të keq-ushqyera sa nuk janë në gjendje të ushqejnë me gji foshnjat e tyre të porsalindura.

The post Nënat në Gaza nuk janë në gjendje të ushqejnë foshnjat e tyre appeared first on Albeu.com.

Duket si një skenë filmi ngjarja e kësaj vajze 33-vjeçare nga Canosa e Pulias, e cila do të marrë dëmshpërblim bashkë me familjen e saj të vërtetë, të cilët prej 33 vitesh janë penguar nga marrëdhëniet familjare natyrore.

Vendimi vjen dhjetë vjet pas zbulimit të shkëmbimit të djepit të dy vajzave të lindura më 22 qershor 1989 në spitalin Canosa.Njëra prej tyre, Katerina (e cila besonte se kishte sjellë në jetë foshnjën e quajtur Lorena në fakt ishte nëna e Antonelës) do të duhet të dëmshpërblehet për 215 mijë euro, po ashtu edhe bashkëshorti i saj.

Shuma 81 mijë euro do të shkojnë për fëmijën tjetër Antonelën me motivin “për pamundësinë për të jetuar plotësisht marrëdhëniet prindërore”.

Në total Bashkia e Puljas do t’i paguajë rreth gjysmë milioni.

Zbulimi daton në vitin 2012, ku familjarët duke parë fotot në Facebook kanë vënë në dukje ngjashmëritë mes grave që nuk duhej të kishin asnjë lidhje mes tyre.

Dyshimet vërtetohen vitin e ardhshëm me testin e ADN-së që zbulon se Antonella është vajza e Katerinës dhe Lorena fëmija e Loretës.

The post Foshnjat ngatërrohen në maternitet, pas 33 vitesh zbulohet e vërteta appeared first on Albeu.com.

Një rast i çuditshëm, i cili mund të lidhet me tregtinë e foshnjave, ka vënë në lëvizje policinë greke.

Gjithçka nisi në Aegaleo, kur oficerët e policisë dalluan dy burra që mbanin në krahë një foshnjë 8 muajshe, duke ecur pranë stacionit të metrosë “Agia Marina”.

Fakti që me ta nuk kishte asnjë grua ka ngjallur dyshimin e policëve bashkiakë të cilët i janë afruar dhe kanë nisur t’i bëjnë pyetje, ndërsa i janë drejtuar edhe punonjësve të Sigurimit të Atikës Perëndimore.

Fillimisht, dy burrat u përgjigjën se nëna ua kishte dhënë foshnjën që ta çonin në shëtitje. Por më pas ata u kanë thënë policëve që kanë shkuar në vendngjarje se nëna ua ka dorëzuar foshnjën për ta shitur për 50 mijë euro.

Të dy personat janë arrestuar dhe ndaj tyre është ngritur procedim për vjedhje. Rastin e ka marrë Departamenti i Sigurisë së të Miturve. Por, sipas informacioneve përkatëse, dy të pandehurit kanë ndryshuar pretendimet e tyre dhe kanë pohuar sërish se nëna ua ka dhënë foshnjën për të shëtitur.

The post Tregëti me foshnjat, zbulohet skandali, 50 mijë euro për një fëmijë, arrestohen dy persona në Greqi appeared first on Albeu.com.