30-vjeçarja tha se e kishte lindur në bodrum dhe e kishte braktisur për shkak të opinionit publik, pasi i dashuri i saj, të cilin e kishte njohur në rrjetet sociale dhe e kishte takuar vetëm  një herë nuk kishte mbajtur përgjegjësi për fëmijën.

Mirëpo, i ati i foshnjës, ka thyer heshtjen.

Në emisionin “Me zemër të hapur” ka thënë se nuk ishte në dijeni të shtatzënisë së saj.

I riu tha se nëna e vajzës ishte në dijeni për lidhjen e tyre.

“Atë marrëdhënie e ndërpreu vetë vajza sepse nuk donte. Nëse e zbuloj se ADN e fëmijës del që është i imi, nuk ia fal kurrë. Nuk kam për t’ja falur atë qe beri. Unë kam mesazhet e shkëmbyera me atë dhe nënën e saj. Keni mesazhet do t’i nxjerr një ditë”, tha ai./Albeu.com

The post Flet babai i foshnjës së braktisur në bodrum, përgënjeshtron 30-vjeçaren: Nuk isha në dijeni të shtatzënisë, nëse ishte i imi s’ja fal kurrë appeared first on Albeu.com.

Më 8 nëntor, një banor dëgjoi të qarat e foshnjës në bodrum dhe lajmëroi menjëherë policinë e ambulancën.

Nëna 30-vjeçare, tashmë e arrestuar, pasi e kishte lindur foshnjën në bodrum, e kishte braktisur.

Materniteti në reagimin e tij, thotë se foshnja mbërriti pa shenja jete dhe pas shumë përpjekjesh u kthyer në jetë. Por pavarësisht luftës së stafit, fëmija nuk mundi të mbijetonte.

Njoftimi nga materniteti “Koço Gliozheni”:

Ashtu siç jeni njoftuar gjatë gjithë ditës së djeshme, pranë SUOGJ “Koço Gliozheni”, është sjellë në gjendje të rëndë traumatike, një foshnjë e lindur dhe e braktisur në ambientet e një garazhi !

Me të mbërritur në spital foshnjës i është dhënë ndihma e parë në reanimacionin neonatal dhe pas shumë përpjekjesh është arritur të kthehet në jetë edhe pse në gjendje të rëndë!

Për 24 orë është luftuar fort nga ana e stafit mjekësor për ta fituar betejën për jetën e kësaj foshnjeje. Pavarësisht punës, përpjekjeve dhe dëshirës së madhe për fat të keq kjo gjë nuk u arrit!

Me hidhërim të thellë njoftojmë humbjen e jetës së foshnjës!

Foshnja ndërroi jetë në orën. 10:45, datë 09.11.2023

Diagnozat klinike:

Lindje në term/ Lindje per vias vaginalis/ Hipotermi e thellë/Politraumë/ Hemorragji pulmonare/Insufiçience multiorganore/Arrest kardiorespirator

Falenderojmë Ministrinë e Shëndetësisë dhe Punës Sociale, Policinë e Shtetit si dhe të gjithë qytetarët që na kanë mbështetur fuqimisht në betejën tonë për jetën, që fatkeqësisht këtë herë e humbëm!

The post Foshnja e braktisur ndërroi jetë, reagon materniteti “Koço Gliozheni”, publikon shkakun e vdekjes appeared first on Albeu.com.