Sipas informacioneve paraprake, foshnja është paraqitur në pediatrinë e spitalit në gjendje shumë të rëndë shëndetësore.

Burime nga policia dhe spitali bëjnë me dije se i mituri po mbahet nën kujdes intensiv nga mjekët, ndërsa parametrat jetësorë raportohet se janë në kufij minimalë.

Nga të njëjtat burime mësohet se foshnja ka lindur dy muaj më parë prematurë, në muajin e shtatë të shtatzënisë.

Fillimisht ai është trajtuar në spitalin e Korçës dhe më pas në Tiranë, nga ku kishte dalë në gjendje të mirë shëndetësore. Megjithatë, pas kthimit në banesë, gjendja e tij dyshohet se është përkeqësuar ndjeshëm.

Dyshimet e para të hetuesve lidhen me kequshqyerjen. Burimet bëjnë me dije se dyshohet që nëna të mos jetë kujdesur për ushqyerjen e foshnjës me gji, çka mund të ketë ndikuar në përkeqësimin e gjendjes shëndetësore të saj.

Po ashtu, sipas të njëjtave burime, ekzistojnë dyshime se nëna mund të ketë probleme të shëndetit mendor.

Burime spitalore bëjnë të ditur se në momentin kur foshnja ka mbërritur në spital, ai ka qenë në gjendje shumë të rëndë, me probleme të theksuara respiratore dhe me peshë rreth 1 kilogram.

Sipas mjekëve, kjo peshë rezulton të jetë e njëjtë me atë që kishte në momentin e lindjes, çka tregon se gjatë dy muajve të jetës nuk ka pasur zhvillim të mëtejshëm.

Kequshqyerja mbetet dyshimi kryesor për përkeqësimin e gjendjes së foshnjës, megjithatë nuk përjashtohen edhe faktorë të tjerë që lidhen me lindjen e parakohshme.

Ndërkohë, mjekët po shqyrtojnë mundësinë e transportimit urgjent të foshnjës drejt Tiranës për trajtim më të specializuar.

The post Peshon vetëm 1 kg/ Foshnja 2-muajshe në gjendje kritike për jetën në spitalin e Korçës, dyshohet se nëna nuk e ushqente me gji, zbardhen detaje nga ngjarja appeared first on Albeu.com.

Ngjarja e rëndë ka ndodhur në Santee, San Diego të Kalifornisë.

Sipas ‘The San Diego Tribune’, një person telefonoi 911 rreth orës 12:20 të mëngjesit të 13 qershorit, pasi zbuloi foshnjën brenda automjetit.

Punonjësit e urgjencës e çuan foshnjën me urgjencë në spitalin Sharp Grossmont, në La Mesa, ku më vonë u shpall e vdekur.

Policia u kujton prindërve e kujdestarëve, se lënia e një fëmije vetëm në makinë është e paligjshme, pavarësisht nëse motori është i ndezur apo jo, dhe të mendohen dy herë përpara se të largohen nga makinat e tyre, pasi temperaturat e verës vazhdojnë të rriten.

Prindërit e fëmijës, nuk janë akuzuar për ndonjë vepër penale deri në këtë moment.

The post Tragjike/ Prindërit e lanë për disa orë të mbyllur në makinë në pikun e vapës, humb jetën foshnja 2-muajshe appeared first on Albeu.com.

Një video e shpërndarë së fundmi në Twitter, ka prekur të gjithë, pasi një foshnjë 2 muajshe është nxjerrë gjallë nga rrënojat, 29 orë pas tërmetit.

Mucize…#deprem#sondakikadeprem#Yardımedin#Enkaz pic.twitter.com/twIEQuYhV6

— Duygu özen (@Duygu82056405) February 7, 2023

Pranë tij është gjendur gjyshi, i cili siç shihet dhe në video, dëgjohet duke qarë nga gëzimi se nipi i tij është gjallë./albeu.com

The post Mrekulli! 29 orë nën rrënojat e tërmetit, nxirret gjallë foshnja 2 muajshe (VIDEO) appeared first on Albeu.com.

Një ngjarje e rëndë është regjistruar në Korçë ku një foshnje ka mbetur e lenduar.

Njoftohet se  foshnja është dërguar nga prindërit në spital ndërsa dyshohet  të jetë lënduar aksidentalisht në banesën e saj, si pasojë e rrëzimit të një dritareje.

Nuk dihet se si është gjendja shëndetësore ndërsa ndodhet nën kujdesin e mjekëve. Policia ka nisur punën për zbardhjen e rrethanave të ngjarjes.

Njoftimi i policisë:

Korçë/Informacion paraprak

Më datë 20.07.2022, rreth orës 21:35, në Spitalin e Korçës, është çuar nga prindërit e saj për mjekim, një foshnjë rreth 2-muajshe që dyshohet të jetë lënduar aksidentalisht në banesën e saj, si pasojë e rrëzimit të një dritareje, e cila ndodhet nën kujdesin e mjekëve.

Grupi hetimor po punon për sqarimin e rrethanave të ngjarjes./albeu.com

The post E rëndë në Korçë, foshnjes 2 muajshe i bie dritarja sipër appeared first on Albeu.com.