Në një lidhje skype në News24, Mediu u shpreh se në Forum janë adresuar problematika të ndryshme sa i përket vendit tonë, ku vlerësoi se një pikë kyçe është vlerësimi i
pasojave që ato sjellin në rajon.

Sipas kreut të PR, Investimi për mbrojtjen është domosdoshmëri në situatën gjeopolitike dhe kërcënimet me të cilat përballet sot bota dhe Aleanca.

“Investimi për mbrojtjes nuk është vetëm çështje prokurimi. Pika e parë është domosdoshmëria e funksionimit të NATO-s në partneritet. Investimi për mbrojtjen është domosdoshmëri në situatën gjeopolitike dhe kërcënimet e sotme”, tha ai.

Mediu shtoi gjithashtu se janë bërë disa takime të rëndësishme në nivele të larta gjatë Forumit.

“Kisha një takim të mbyllur me folësit kryesor dhe kongresmenët. Kongresi Amerikan në mënyrë të qartë është në mbështetje të aleancës ë NATO-s me një angazhim me SHBA dhe këtë e shohin si gjënë më të rëndësishme për sigurinë e BE apo SHBA por edhe sigurisë globale.
Kemi zhvilluar dy takime shumë të rëndësishme si opozitë, me presidentin e Institutit Republikan Amerikan dhe presidentin e Institutit Demokratik Amerikan.
Kemi kërkuar angazhim për çështje të rëndësishme si Reforma Zgjedhore apo ajo Territoriale.
Janë vlerësime inkurajuese për opozitën shqiptare, kemi adresuar problemin e korrupsionit, trafiqeve, zgjedhjet dhe demokracinë në Shqipëri. Qendrimi i DASH ishte i pa ndryshuar në lidhje me korrupsionin dhe krimin e organizuar duke u ndalur në raste konkrete. Kapitalizimi i kësaj marrëdhënie nga ana e opozitës është diçka shumë e rëndësishme sipas mendimit tim, duke mos u ndalur në efektin që ka brenda Shqipërisë, por edhe pasojat që ajo ka në rajon, në Ballkan.
Është pozitive, një lëvizje e fortë opozitare, opozita i ka dyert e hapura tashmë”, tha ai.

The post Forumi i Sigurisë në SHBA, Mediu: Qendrimi i DASH për korrupsionin dhe krimin e organizuar, i pandryshuar! Çfarë u fol në takimin me kongresmenët appeared first on Albeu.com.

Në këtë forum, do të marrë pjesë edhe kryeministri Edi Rama.

“Komisioni Evropian do të organizojë sot Forumin e Zgjerimit të BE, ngjarjen e parë të këtij lloji, kushtuar prioritetit të tij 2024–2029. Kryeministri Edi Rama i cili ndodhet në Bruksel në vijim të agjendës për çeljen e grupkapitullit të fundit të negociatave, – do të jetë pasditen e sotme pjesë e panelit. “Forumi i Zgjerimit të BE-së është nisma kryesore e Komisionit Evropian që synon ta ngrejë më lart diskutimin mbi zgjerimin e BE-së si një projekt të përbashkët politik, shoqëror, brezash” – thuhet në prezantimin e ngjarjes, – që do të bëjë bashkë një gamë të gjerë dhe të larmishme pjesëmarrësish nën moton “Plotësimi i Unionit, Sigurimi i së Ardhmes Sonë””, njofton Kryeministria.

Ky forum, u jep mundësinë drejtuesve politikë të vendeve kandidate, të mblidhen së bashku me drejtues të vendeve anëtare të BE-së, përfaqësues të institucioneve europiane, ekspertë të integrimit, etj.

Forumi është një mekanizëm i rëndësishëm me fokus te reformat për sundimin e ligjit, mundësi më të shumta për arsimin e të rinjve, si edhe në stabilitetin dhe mirëqenien e gjithë shoqërisë shqiptare.

Forumi i Zgjerimit do të jetë pika e takimit për të gjithë profesionistët që punojnë mbi një nga prioritetet kryesore të mandatit 2024–2029 të Komisionit Europian, të cilët janë të angazhuar në mënyrë aktive në agjendën më ambicioze të zgjerimit të më shumë se një dekade.

The post Rama sot në Bruksel, merr pjesë në panelin e nivelit të lartë në Forumin e Zgjerimit të BE-së: appeared first on Albeu.com.

“Gjatë 11 muajve të fundit, ne kemi çelur pesë nga gjashtë grupkapitujt dhe presim me padurim të çelim grupkapitullin e fundit deri nga fundi i vitit, me shpresë që praktikisht do të shënojë një rekord për sa i takon shpejtësisë në proces. Kjo na inkurajon shumë. Në këtë moment në kohë, Europa është plotësisht e zgjuar, çka nuk ka qenë kështu deri pak vite më parë. Për fat të keq, për të pasur një zgjim të tillë duhej agresioni i tmerrshëm dhe brutal kundër Ukrainës, por tashmë mund të shohim një dallim të madh. Më parë BE-ja thoshte se Ballkani Perëndimor është shumë i rëndësishëm gjeopolitikisht, por vetëm me fjalë. Tashmë edhe veprat po tregojnë se ka një angazhim të mirëfilltë për të na sjellë më pranë.”

Rama shprehet se synimi është që brenda dy viteve të përmbyllen negociatat dhe grupkapitujt.

“Kemi rënë dakord për një kalendar. Kalendari i punës nënkupton që të gjitha detyrat e shtëpisë, që duhet të bëjmë për të arritur anëtarësimin me të drejta të plota në aspektin teknik, do të vazhdojmë t’i realizojmë deri në vitin 2027 dhe t’i mbyllim kapitujt atë vit.”

Pas kësaj, vëmendja do të jetë te marrja e dakordësisë nga të 27 vendet anëtare, me qëllim anëtarësimin.

“Do t’u kërkojmë shteteve anëtare të ratifikojnë. Për procesin e ratifikimit kemi parashikuar edhe dy vjet të tjera, që do të thotë 2027-2029. Ja pse kam thënë 2030, bazuar në këtë marrëveshje. Nuk është një gjë që thjesht e dëshirojmë.”

Kreu i qeverisë theksoi se për këtë proces është në bashkëpunim të ngushtë me krerët e Bashkimit Evropian.

The post Forumi ndërkombëtar “Berlin Global Dialogue”! Rama: Kemi çelur 5 nga 6 grupkapituj gjatë 11 muajve të fundit, kemi pasur një vit të mbarë appeared first on Albeu.com.

Ai shkruan në Facebook, krahas fotove, se është i ftuar si njëri ndër dy folësit e sesionit përmbyllës q♪7 do të mbahet nesër.
“Berlin – Në Berlin Global Dialogue (BGD) – forumi ndërkombëtar i nivelit të lartë që zhvillohet çdo vit në kryeqytetin e Gjermanisë, me fokus sfidat globale të ekonomisë, klimës, teknologjisë dhe qeverisjes – ku jam i ftuar si njëri ndër dy folësit e sesionit përmbyllës nesër, së bashku me Presidentin Ursula von der Leyen”, shkruan Rama krahas fotove.

The post Forumi ndërkombëtar “Berlin Global Dialogue”, Rama: Jam i ftuar si njëri ndër folësit e sesionit përmbyllës appeared first on Albeu.com.

“Serbia është në prag të luftës civile,” tha ai gjatë një paneli me tre kryeministra nga Sllovenia, Shqipëria dhe Mali i Zi në Forumin Strategjik të Bledit.

Tema e panelit ishte zgjerimi i mëtejshëm i Bashkimit Evropian, dhe Plenkoviq theksoi se duhet parë edhe “realiteti i ashpër politik”.

“Keni Maqedoninë e Veriut, e cila është e bllokuar. Keni Serbinë me më shumë se dy vite trazirash dhe demonstratash të mëdha, të forta dhe shumë serioze të brendshme — në prag të luftës civile.

Keni Bosnje dhe Hercegovinën, me Dodikun që prej vitesh e zvarrit çështjen e ndarjes ose jo, dhe ja ku është — ende aty. Keni ngjarjen në Banjskë, që kaloi në vitin 2023 pa ndonjë vërejtje apo reagim serioz nga askush në BE, sikur bëjmë sikur s’ka ndodhur fare. Ky është realiteti,”tha ai, sipas gazetës Večernji list nga Zagrebi.

Duhet të jemi “me të vërtetë të matur për zgjerimin dhe kontekstin global që po ndryshon”,shtoi ai.

“Jam pro zgjerimit, mendoj se të gjithë po përpiqen të anëtarësohen, por duhet të stabilizohen politikisht,” tha Andrej Plenković.

The post Kryeministri kroat nga forumi në Slloveni: Serbia është në prag të luftës civile appeared first on Albeu.com.

Tema e “Global Baku Forum XI” për këtë vit ishte “Fixing the Fractured World” , në të cilin Presidenti Begaj mbajti një fjalë të posaçme, ku theksoi domosdoshmërinë e thellimit të bashkëpunimit mes shteteve dhe qeverive për të përballuar me sukses sfidat aktuale.

“Në një botë ku ndasitë duket se sa vijnë e thellohen nga dita në ditë, tema e forumit tonë nuk mund të ishte më urgjente”. – theksoi Begaj.

“Jetojmë në një epokë me sfida të pashembullta. Ndryshimet klimatike, paqendrueshmëria politike, pabarazitë ekonomike, padrejtësitë sociale, dhe jo vetëm, janë çështje globale që nuk mund të trajtohen vetëm në nivel rajonal. Zgjidhja e tyre kërkon bashkëpunim”, – deklaroi Presidenti i Republikës.

Në lidhje me rolin e Shqipërisë në rajon, Kreu i Shtetit rikonformoi orientimin euroatlantik dhe qëndrimin e Shqipërisë dhe shqiptarëve si faktor kyç për paqen dhe stabilitetin e rajonit.

“Në këndvështrimin e Shqipërisë, si një aleate e palëkundur në NATO dhe vend kandidat për anëtarësim në BE, pasojat e këtij konflikti dhe roli ynë në arkitekturën mbarë evropiane të sigurisë, janë thelbësore”.“Shqipëria, e gjendur në udhëkryqin e interesave të mëdha gjeopolitike, është mëse e vetëdijshme për rëndësinë e stabilitetit dhe bashkëpunimit. Rrugëtimi ynë drejt anëtarësimit në BE nuk është vetëm një dëshmi e përkushtimit tonë ndaj vlerave demokratike, reformave ekonomike dhe shtetit të së drejtës, por, gjithashtu, një tregues i qartë i përkushtimit tonë për të kontribuar në mënyrë sa më të efektshme për sigurinë dhe prosperitetin e kontinentit evropian”.

Në mbyllje të fjalës së tij, Presidenti Begaj theksoi: “Stabilizimi i një bote të trazuar nga ndasitë nuk lidhet vetëm me adresimin e sfidave globale, por me humanizmin tonë të përbashkët, vlerat tona të përbashkëta dhe të ardhmen tonë të përbashkët. Së bashku, ne duhet të ndërtojmë ura bashkëpunimi, të nxisim zhvillimin e qëndrueshëm, si dhe të promovojmë paqen dhe sigurinë. Udhëtimi ynë i përbashkët drejt shërimit fillon me hapat që ne ndërmarrim pikërisht sot”.

Gjatë qëndrimit në Baku, Presidenti i Republikës, Bajram Begaj, zhvilloi disa takime bilaterale , ku veçojmë ato me Presidentin e Azerbaxhanit, Ilham Aliyev dhe me kryeministrin Ali Asadov.Presidenti Begaj zhvilloi një takim kokë më kokë me homologun Ilham Aliyev, me të cilin diskutoi mbi marrëdhëniet shumë të mira politike midis dy vendeve, perspektivat, si dhe përforcimin e bashkëpunimit ekonomik me fokus tek energjia dhe turizmi.

Gjatë takimit me Presidentin e Azerbaxhanit, Aliyev, u vlerësuan zhvillimet pozitive mes dy vendeve (heqja e vizave për shtetasit e dy vendeve dhe krijimi i Komitetit të Përbashkët Shqipëri- Azerbaxhan në ekonomi, teknologji dhe industri).

Gjithashtu në takim u theksua potenciali i Shqipërisë si nyje rajonale e shpërndarjes së gazit. Presidenti Begaj ftoi sipërmarrjen shtetërore dhe atë private të investojnë në Shqipëri.

The post Begaj merr pjesë në “Global Baku Forum” në Azerbajxhan, takohet me homologun Aliyev appeared first on Albeu.com.

Me anë të një postimi në rrjete sociale Rama thekso se do të kërkojë t’i jepet fund luftës në Gaza.

Ai thekson se do t’u bashkohet udhëheqësve të tjerë botërorë për të diskutuar mënyrat sesi mund t’i jepet fund konfliktit në Gaza, ndërsa rithekson se Shqipëria qëndron e palëkundur me Izraelin kundër Hamasit.

Reagimi i Ramës:

Në vigjilje të Forumit të Paqes në Paris 2023 dhe në vijim të tëeet-it të datës 6 nëntor në lidhje me zhvillimet në Gaza, Kryeministri Edi Rama deklaron si më poshtë: Nesër më datë 10 nëntor, do t’i bashkohem udhëheqësve të tjerë botërorë në Paris për të diskutuar mënyrat se si mund të ndihmohet popullsia civile dhe me shpresë se mund t’i jepet fund konfliktit në Gaza. Si një anëtare e Këshillit të Sigurimit të OKB-së, por më e rëndësishme akoma si një vend multi-fetar paqësor dhe paqedashës, Shqipëria është tejet e shqetësuar për konfliktin në vazhdim dhe vuajtjet e tejzgjatura të Gazës.

Ritheksoj, Shqipëria qëndron e palëkundur me Izraelin kundër Hamasit. Megjithatë, ne jemi gjithashtu shumë të shqetësuar nga shkatërrimet, viktimat civile dhe vuajtjet në Gaza. Në Paris do të theksoj se është thelbësore t’i jepet fund këtij konflikti përpara se të dalë jashtë kontrollit. Gjithashtu, do të theksoj se ndërkohë që Izraeli ka të drejtën e padiskutueshme të vetëmbrojtjes, ai duhet ta bëjë këtë në përputhje me ligjin ndërkombëtar humanitar. Tejzgjatja e këtij konflikti vetëm ushqen ambiciet e Hamasit për kaos dhe një konflikt më të gjerë.

Një ndërprerje e negocuar e armiqësisë aktive është e domosdoshme. Në Paris, do t’i kërkoj mikpritësit tonë, Presidentit Macron të Francës, mbështetjen e tij për t’u angazhuar me udhëheqës të tjerë për sa më poshtë: Në këmbim të një armëpushimi të menjëhershëm nga Izraeli, Lidhja Arabe dhe Turqia duhet të sigurojnë lirimin e pakushtëzuar dhe të sigurt të të gjithë pengjeve të rrëmbyer nga Hamasi.

Ripushtimi i Gazës është i papranueshëm. Me lirimin e pengjeve, Izraeli duhet të tërheqë të gjithë forcat nga Gaza. Pas krimeve të tmerrshme të kryera më 7 tetor, nuk mund të ketë asnjë të ardhme politike për Hamasin. Nën mandatin e OKB-së, një forcë ndërkombëtare e udhëhequr nga Lidhja Arabe mund të marrë përkohësisht kontrollin e Gazës, duke lehtësuar rindërtimin e nevojshëm dhe kalimin e përgjegjësive qeverisëse nga Hamasi tek Autoriteti Palestinez. Shqipëria është e gatshme të bashkë-sponsorizojë rezolutën e nevojshme të Këshillit të Sigurisë të OKB-së për sa më lart. Me ndërprerjen e të gjithave luftimeve, komuniteti ndërkombëtar duhet të angazhohet për organizimin e një konference ndërkombëtare donatorësh për të financuar rindërtimin e Gazës.

The post “Forumi i Paqes” në Paris, Rama: Do të kërkoj që t’i jepet fund konfliktit në Gaza appeared first on Albeu.com.

Në një postim në Facebook, Rama ka ndarë edhe disa foto nga takimi, ndërsa është pritur nga kryeministri i vendit Robert Golob, ku është takuar edhe me presidentin e Këshillit Europian, Charles Michel dhe kolegë të tjerë të rajonit, mes të cilëve edhe kryeministri Albin Kurti.

Reagimi i Ramës: Lubjanë, Slloveni – Në darkën e mikëpritjes së Kryeministrit të Sllovenisë, Robert Golob, me Presidentin e Këshillit Europian, Charles Michel, e me kolegët e rajonit në vigjilje të Forumit Strategjik të Bledit nesër.

The post Forumi Strategjik i Bled-it, Rama poston foto nga takimi appeared first on Albeu.com.